نحن هنا لأي استفسار عن الأشعة التشخيصية

[K.RAD]

اول بجاوب عن الاسآلة ... ماحتلاقي بآي منتدى من حظك الجميل اسآلة اختبارات وكذا لسا قسم في بدايته نحن

بس بداية السنة اتعرفي على الاكبر منك ورجيهم

المشاركة الأصلية كتبت بواسطة ekhlas.m السلام عليكم .. أنا حبيت اسأل بالنسبة لدور اخصائي الاشعة ايش يسوي بالضبط يعني انا سمعت انو التقارير يكتبها دكتور ف إحنا ايش راح يكون وضعنا بالضبط؟؟ وشكراااا:)

وعليكم السلام ،دحمة الله وبركاته
صحيح التقارير يكتبها دكتور الاشعة الي هو خلص طب وكمل اشعة

نحن دورنا الوظيفي نعمل هالاشعة .. بس ميزة انك حتعملي الاشعة وطبعا الاشعة انواع مو بس سوي كذا وكذا وخلاص لو انتي منتي فاهمة ايش مكتوب ولا عارفة ايش تدوري او تشخصي .. عمرك ماحطلعي اشعة باالشكل المطلوب الا بالنادر مع الزمن ..وحيكون عندك القدرة علي فهمها واستيعابها وتشخيصها بالاغلب .. لكن الوصف الوظيفي يمنعنا من كتابة التقارير

وان شاء الله تستمتعي بالقسم .. ^ـ^

[رونق احساس]

انا اتوقع انو في دا القسم فرصة الوظيفة للاولاد اكتر من البنات صح ولا لا
ولو كان توقعي غلط كيف حتكون طبيعة عمل البنت ؟اختلاطها مع الرجال حيكون كثير؟

[Radiology]

انا عملت لفه عالمنتدى بس ما لقيت ناس منزلين اختبارات السنوات الي قبلهم فإذا عندك اختبارات ياليت تنزلها هنا لأني ابغى اجمع من الحين وما اضيع وقتي بعدين

والله ما أذكر أننا أخذنا الإختبارات أو أحتفظنا فيها .. ما نصدق على الله تخلص لكن مثل ما قالت لك K.RAD بداية السنة أنشبي لبنات الدفعة اللي قبلكم ما راح يقصرون على الأقل يعطونكم مواضع الأسئلة والأشياء المهمة .

السلام عليكم .. أنا حبيت اسأل بالنسبة لدور اخصائي الاشعة ايش يسوي بالضبط يعني انا سمعت انو التقارير يكتبها دكتور ف إحنا ايش راح يكون وضعنا بالضبط؟؟ وشكراااا:)

وعليكم السلام ورحمة الله وبركاته حياكِ الله Ekhlas.M ... جاوبت عليك الأخت K.RAD يعطيها العافية .. ولو ترجعي تقري نفس هالموضوع .. تلقينا جاوبنا على نفس التساؤل

انا اتوقع انو في دا القسم فرصة الوظيفة للاولاد اكتر من البنات صح ولا لا ولو كان توقعي غلط كيف حتكون طبيعة عمل البنت ؟اختلاطها مع الرجال حيكون كثير؟

ليش هالتوقع .. يعني الأولاد يمرضون أكثر من البنات .. لا الفرص متساوية للجميع إن شاء الله .. وبالنسبة للإختلاط ما هو متعارف عليه إن المرضى الإناث يفحصهم بنت .. والمرضى الذكور يفحصهم ولد .. لكن هذا ما يمنع أن الولد يفحص بنت والعكس لأي ظرف كان ..


وأنا أخوك ترى الإختلاط في الصحة شيء لا بد منه إذا ما كان بالدراسة بيكون في العمل .. صعب يكون فيه مفر إلا نادراً .. لكن المرأة اللي تفرض إحترامها على اللي حولها ما عندها مشكلة ..

[قصة غروب]

المشاركة الأصلية كتبت بواسطة Radiology الأخت k.rad .. مشاركاتك أثرت الموضوع .. يعطيك العافية .. جميل هالحماس الله يديمه إن شاء الله وأكيد أي تخصص بإمكان الشخص يواصل تعليمه فيه إلى أعلى الدرجات لكن الفرق في أن بعض التخصصات متوفر لها برامج للدراسات العليا في المملكة والبعض الآخر لأ .. فالأشعة من التخصصات الجديدة ومش متوفر لها برامج دراسات عليا في المملكة .. لكن يقدر الواحد يكمل دراسته عن طريق برامج الإبتعاث للخارج . وكلام الوالد صحيح .. طبيب الأشعة (خريج كلية الطب) فقط من يكتب التقرير ولكنه قد يستعين بالأخصائي أو الفني خصوصاً إذا كان من ذوي الخبرة فيناقشه ويطلب منه إبداء رأيه لكن القرار الأول والأخير للطبيب ورأيه هو اللي يعتمد. وبإمكانك تصيري دكتورة إذا واصلتي تعليمك وبحسب تصنيف وزارة الصحة السعودية بيكون مسماك (أخصائي إستشاري أشعة) لكن أبداً لن تكوني طبيبة أشعة. صحيح الطب له رونقه وجماله وبريقه الخاص فيه بالإضافة لوجاهته في المجتمع وطبعاً فلوس أكثر .. لكن تخصص الأشعة رائع وممتع .. وأهم ما في الموضوع أن الواحد يحب تخصصه ولا يتسلل الإحباط لنفسك أبداً أبداً .. حبيبتي عفواً عفواً حبيبي قصة غروب أول شيء لازم تغير إسمك .. وثاني شيء كلامك يدل على عقليتك المتزنة والواعية فأهنيك يالغالي وأتفق معك في كل كلمة قلتها ..

vh]radiology اطلع بره حتى انت
ياخي انا ايش اسوي النك هذا له قصة معايا.
شكلي باغيره واريح نفسي المشكله ان البروفايل حقي واضح زي عين الشمس لكن ايش اسوي
الله يسعدك حبيبي شهادتك اعتز بها.
تحياتي

[Ekhlas.M]

أول حاجة أشكركم على ردودكم افدتووني ولله الحمد.. طيب حبيت اسأل انا سمعت بعض الأخوه يقولو انو القسم مافيه أجهزة كفاية ومن دا الكلام وسمعت البعض يقولو ممتع فأنا أبى اعرف طالما مافي اجهزه وكدا فين المتعة بالضبط هل عشان يعني بس المواد حلوه وخفيفه ولا ايش بالضبط؟؟؟
وشكــــــــرااا

[AM00NA]

طيب آنا عندي سؤال محيرني ولازم القى له جوآآب عشان ارتاح

السؤال: وش الفرق بين وظيفة " آخصائي الاشعة" ووظيفة " آخصائي استشاري الاشعة" ..؟
يعني اللي ياخذ دكتوراه في الاشعه كيف راح تكون وظيفته ؟

وشكراً مقدمـاً ^_^

[K.RAD]

المشاركة الأصلية كتبت بواسطة ekhlas.m أول حاجة أشكركم على ردودكم افدتووني ولله الحمد.. طيب حبيت اسأل انا سمعت بعض الأخوه يقولو انو القسم مافيه أجهزة كفاية ومن دا الكلام وسمعت البعض يقولو ممتع فأنا أبى اعرف طالما مافي اجهزه وكدا فين المتعة بالضبط هل عشان يعني بس المواد حلوه وخفيفه ولا ايش بالضبط؟؟؟ وشكــــــــرااا

عفوا جدا....

القسم على انه فيه اجهزة ككلية لسا مافي كل الاجهزة بس الاغلب موجود لكن لما تنزلي تطبيق عملي وتدريب بالمستشفى كل شيء موجود ومتوفر ولله الحمد

ولا حد يقول المواد خفيفة .. المجتهد هو الي يشوف موادنا خفيفة .. المواد بيسك فيزياء ولله الحمد
والقسم ممتع وجديد ومازال الناس مايفرقوا ولله الحمد

بس كل شيء ممتع ولله الحمد

طالما حبيت تخصصك حتستمع باذن الله

[K.RAD]

المشاركة الأصلية كتبت بواسطة am00na طيب آنا عندي سؤال محيرني ولازم القى له جوآآب عشان ارتاح السؤال: وش الفرق بين وظيفة " آخصائي الاشعة" ووظيفة " آخصائي استشاري الاشعة" ..؟ يعني اللي ياخذ دكتوراه في الاشعه كيف راح تكون وظيفته ؟ وشكراً مقدمـاً ^_^

بكالوريوس = اخصائي اشعة

ماجستير = اخصائي اول اشعة

دكتوراة = استشاري اشعة

انا اقلك الفرق انتي في البكالوريوس اخصائية ككل في اي موداليتي تشتغلي

ماجستير .. تكوني اكثر تخصص ودقة وتبداي تلمي بس في وحدة من الموداليتي وليس الكل

دكتوراة .. تكوني اعمق قي هالموداليتي وتتخصصي في شيء منها وبس

الفرق تغير في الاسم الوظيفي والمرتبة

بكالوريوس لو اشتغلتي بجامعة اسمك معيد ... ماجستير اسمك محاضر .. دكتوراة اسمك دكتور

والحمد لله

اي استفسار اخر بالخدمة ان شاء الله

[Ekhlas.M]

المشاركة الأصلية كتبت بواسطة k.rad عفوا جدا.... القسم على انه فيه اجهزة ككلية لسا مافي كل الاجهزة بس الاغلب موجود لكن لما تنزلي تطبيق عملي وتدريب بالمستشفى كل شيء موجود ومتوفر ولله الحمد ولا حد يقول المواد خفيفة .. المجتهد هو الي يشوف موادنا خفيفة .. المواد بيسك فيزياء ولله الحمد والقسم ممتع وجديد ومازال الناس مايفرقوا ولله الحمد بس كل شيء ممتع ولله الحمد طالما حبيت تخصصك حتستمع باذن الله

شكرااا جزيلاا الآن فهمت واقتنعت بالقسم الله يوفق الكل والجميع

[CR.7]

السلام عليكم
شكرا لفاتح الموضوع ,,
انا الصراحه عندي اسئله كثيره عن الاشعه
اول شيء مواد الترم الاول (ثقافه واسلام واناتومي وفسيولوجي و فزياء الاشعه و كمبيوتر و اداب المهنه والحمايه من الاشعه) كدا 8 مواد مافي مادة(المصطلاحات الطبيه)؟؟ ولا الترم الثاني؟
...

متى ينزل الجدول ؟؟ وكل سنه نفس الجدول ثابت ولا يتغير ؟؟ وكل الدفعه مع بعض ولا في قروب؟؟ يعني كلنا مع نفس الدكتوره؟

.....

ياريت احد يعطيني فكره كدا بسيطه عن المواد عشان لاننصدم اول ما ندخل يعني اهم شيء كيف نذاكر ومن فين ؟؟ اش المواد الي يحتاج لها تركيز ؟؟

.....
يدرسوا البنات دكاتره؟؟ يعني احنا والاولاد نفس الدكاتره ؟
خلاص اخر شيء عارفه مراا زودتها ..
حننزل المستشفى اول ترم؟؟
احتاااج احد يجاوبني عشان ادخل وانا مستوعبه الموضوع ومايسير معايا زي الي سار في التحضيري
وشكرا جزيلا!!