في بنات بالمنتدى انتساب من الرياض؟؟؟

[بنت الرحال]

مرحبا بنات
كيفكم
انا اصلا من الشرقيه
بعد اسبوع زواجي ان شاء الله
بسكن بالرياض
انا مستوى ثاني يعني توني مخلصه من المستوى الاول تني اتخصص
تخصصي هو تنظيم وتطوير اداري
اتمنى القى احد معاي بنفس القسم ومن الرياض
لاني ماعرف ولا احدبالرياض
تحياتي للجميع

[شووق]

مرحبا..
بنت الرحال
انا من الرياض تخصصي ادره اعمال مستوى اول
ان شاءالله نقدرنفيد ونستفيد من البنوتات الى هنا
تحيتي..

[نووونه]

مرااااااااااااااااااااااااحب انا من الرياض مستوى ثاني

اداره واقتصاد

واتمنى من الله ان الاختبارات تستمر

بالريااض

يارب ياكريم

[شووق]

مساء الخير
نونه..
انتي اختبرتي بالرياض
ياليت اقدر اتواصل معاكي ..
مالقيت احد من الرياض؟
تحيتي

[بنت الرياض]

هلا وغلا ببنات الرياض كلهم :)

أنا من الرياض .. سنة تحضيرية خطة ب


أتمنى من اللي سبقونا بالجامعة يقولون لنا عنها ... وكيف مشوا بالجامعة ..

كيف الدكاترة ؟؟ وكيف المناهج والاختبارات ؟؟


كيف ناخذ المناهج ...؟؟ ووش الطريقة المضمونة ؟؟؟



:)

[مسحب الجراكل]

طيب ما ينفع مسحب الجراكل من الرياض ينظم الى مجموعتكم الغراء ... بس عندي ملاحظه ما صارت الدعوى تبادل معلومات الدعوى صارت كل وحده تقص قصة حياتها هذي جايه من جده للرياض وهذي رايحه من الرياض لجده احس الدعوى جلسة عجايز

[لانـــا]

المشاركة الأصلية كتبت بواسطة بنت الرحال مرحبا بنات كيفكم انا اصلا من الشرقيه بعد اسبوع زواجي ان شاء الله بسكن بالرياض انا مستوى ثاني يعني توني مخلصه من المستوى الاول تني اتخصص تخصصي هو تنظيم وتطوير اداري اتمنى القى احد معاي بنفس القسم ومن الرياض لاني ماعرف ولا احدبالرياض تحياتي للجميع

اهلا فيك اختي بنت الرحال

كلنا مانعرف احد بالرياض ولامعانا احد نفس التخصص

بس ان شالله ربك بهونها

زواج سعيد ان شالله وربي يتمملك على خير

وان شالله تلاقي احد نفس التخصص يارب

شكرا لتواصلك

[لانـــا]

المشاركة الأصلية كتبت بواسطة نووونه مرااااااااااااااااااااااااحب انا من الرياض مستوى ثاني اداره واقتصاد واتمنى من الله ان الاختبارات تستمر بالريااض يارب ياكريم

اهلين نونه
اسمك بشل عندي لانو دلعي

حياك الله اختي وان شالله تستفيدي معانا

[لانـــا]

المشاركة الأصلية كتبت بواسطة بنت الرياض هلا وغلا ببنات الرياض كلهم :) أنا من الرياض .. سنة تحضيرية خطة ب أتمنى من اللي سبقونا بالجامعة يقولون لنا عنها ... وكيف مشوا بالجامعة .. كيف الدكاترة ؟؟ وكيف المناهج والاختبارات ؟؟ كيف ناخذ المناهج ...؟؟ ووش الطريقة المضمونة ؟؟؟ :)

اهلا ببنت الرياض حياك الله

الجامعه ان شالله انها حلوه وماهي صعبه

الدكاتره انت وحظك ماتقدري تعممي

المناهج ناخذها في الدوره التأهيليه كل دكتوره تحدد كتاب لمادتها

وممكن تلاقيها بموقع الجامعه في قسم المفردات الدراسيه بس يقولوا انها مو ثابته

الدوره مفيده وتعطيك الزبده اللي بتجي بالامتحان وترتبلك افكارك

واي اسئله احنا جاهزين

وحياك الله معانا مره اخرى وربي يسهلك ويسهل للجميع

[لانـــا]

المشاركة الأصلية كتبت بواسطة مسحب الجراكل طيب ما ينفع مسحب الجراكل من الرياض ينظم الى مجموعتكم الغراء ... بس عندي ملاحظه ما صارت الدعوى تبادل معلومات الدعوى صارت كل وحده تقص قصة حياتها هذي جايه من جده للرياض وهذي رايحه من الرياض لجده احس الدعوى جلسة عجايز

اهلا اخوي اللي اسمه يخوف

حياك الله المنتدى منتداك بس مااظن بتستفيد معانا بسبب اختلاف الجنس

وملاحظتك مو في محلها لاننا الحين نتعرف على بعض علشان بعدين نستفيد من بعض

واذا احنا على قولتك عجايز

ليش بتنضم معانا