قبول الطلاب والطالبات الغير سعوديين

[بحر الحرية]

المشاركة الأصلية كتبت بواسطة مرعوبه الدلوعه [align=center]طيب اخر سؤال بما انو التقديم عن طريق النت انتهى واصلا مو مسموح لغير السعوديين متى اقدم بالضبط على طول بعد ماتطلع نتيجة القدرات يعني له وقت ينتهي ولا كيف؟ وكمان عادي لو اقدم اوراقي بالعماده فقسم النساء [ لانه ماحد عندي يقدم اوراقي فقسم الرجال وشكرا :)/align]

عادي أختي اسألي على راحتك..
ع العموم..
أنا مرة كأني قريت ف رد أحد الأخوات إنها تقول أنا قدمت عن طريق قسم البنات وقسم البنات بعدين يحولها للقسم عندنا عن طريقهم.
يعني إنشاا الله يقبلوا طلبك، ومو خسرانة شي جربي ولو قالوا لك بعدين لازم عند الرجال، إنشاا الله وقتها تلاقي الف حل وحل.

وقدمي أول ما تكتمل أوراقك وتحصلي على كل شي، أو عشان تتأكدي روحي لنفس العمادة ف القسم عندكم واسأليهم وانشاا الله يفيدوكي،
أو اتصلي على العمادة ف قسم الأولاد على داا الرقم واستفسري منهم عن اللي تبغي 6952222

بالتوفيق ياارب؛؛

[ضياع الروح]

السلام عليكم

لو سمحتوو افيدووني اليوم طلعت درجات التحصيلي


غير السعوديين متى يروحو للجامعه يقدموو ؟؟

[Dedy~]

^
^
^
وعليكم السلآم ...،
خلاص من بكره ان شاء الله خلي ولي أمرك يروح
أهم شي تطبعي درجة القدرات والتحصيلي

[نور بوزيدان]

السلام عليكم ورحمتة الله وبركاتة
كيفكم وكيف الحر معاكم؟

بغيت أسال ؟

أنا نسبتي الموزونة 89.30 وانا أدبي والحمد لله قدمت أوراقي

بس في شي محيرني أنا بعد ماقدم لي أبوي أرواقي
قالوا:
تعال علي بكرة وراح نعديك رقم المراجعة

فأخذ ابوي الرقم وقام قال لي هم راح يدوقوا علي ممكن إطا سمحتو تفسرو لي الهرجة اللى حاصلة

[بحر الحرية]

المشاركة الأصلية كتبت بواسطة نور بوزيدان السلام عليكم ورحمتة الله وبركاتة كيفكم وكيف الحر معاكم؟ بغيت أسال ؟ أنا نسبتي الموزونة 89.30 وانا أدبي والحمد لله قدمت أوراقي بس في شي محيرني أنا بعد ماقدم لي أبوي أرواقي قالوا: تعال علي بكرة وراح نعديك رقم المراجعة فأخذ ابوي الرقم وقام قال لي هم راح يدوقوا علي ممكن إطا سمحتو تفسرو لي الهرجة اللى حاصلة

وعليكم السلام ورحمة الله وبركاته..

أهم شي أبوكي كمل الأوراق المطلوبة وأخد منهم رقم للمعاملة..

بعد كداا تستني اتصال منهم.. طبعا لازم انتي تتابعي وتتصلي عليهم بين كل فترة وفترة..

وتشوفي ايش صار على المعاملة.. وتتصلي على رقم عمادة القبول والتسجيل 6952222

وراح يبين معاكي كل شي انشاا الله.. بس أهم شي كمان انتي تتابعيها معاهم..

لأنهم ساعات يتصلوا ويكون التلفون تغير أو أي شي يصير لا سمح الله ويروح عليكي القبول لو قبلوكي..

فعشان كداا كمان انتي تابعيها معام بنفس الرقم اللي أخده أبوكي..

بالتوفيق ياارب.. والله يحققلك اللي تبغيه؛؛

[blsam]

السلام عليكم ورحمة الله وبركاته
الأخ : ((بحر الحرية))
الله يجزاك خير على الاهتمام والمساعدة ..
وعندي سؤال اذا تكرمت
بما انه المنحة من السفارة ممكن تتأخر سنة هل اقدر اني ادخل السنة الاولى بدفع رسوم واذا جاتني المنحة السنة اللي بعدها (يعني وقت ما اتخصص خلاص) ..اقدر احول انتظام وبدون رسوم ولا لا ؟!
لاني ما ابغى تضيع عليا سنة كاملة بدون دراسة فهل هذي الطريقة تنفع ولا لا؟؟
وجزاك الله كل خير عاللي تقدمه للاعضاء ..

[بحر الحرية]

المشاركة الأصلية كتبت بواسطة blsam السلام عليكم ورحمة الله وبركاته الأخ : ((بحر الحرية)) الله يجزاك خير على الاهتمام والمساعدة .. وعندي سؤال اذا تكرمت بما انه المنحة من السفارة ممكن تتأخر سنة هل اقدر اني ادخل السنة الاولى بدفع رسوم واذا جاتني المنحة السنة اللي بعدها (يعني وقت ما اتخصص خلاص) ..اقدر احول انتظام وبدون رسوم ولا لا ؟! لاني ما ابغى تضيع عليا سنة كاملة بدون دراسة فهل هذي الطريقة تنفع ولا لا؟؟ وجزاك الله كل خير عاللي تقدمه للاعضاء ..

أهلين أختي بلسم..

تقدري تدخلي الجامعة عن طريق المنحة الداخلية، والمنحة الداخلية من وزارة التعليم العالي تكون بدون مكافئة وبدون سكن وبدون أي شيء، دراسة بس، ولو قبلوكي دحين مع الطالبات عادي ادخلي وبعدين وقت التقديم على المنح الدولية ف سفارة دولتك تقدمي عليها عادي، ولو قبلوكي بعدين تحولي من طالبة ممتنحة داخليا، لطالبة على منحة من دولتك، وتاخدي المميزات اللي يحصلو عليها طالبات المنح الدولية.

أنا بعرف طالبة كانت على منحة ملكية ( دراسة فقط) ودخلت درست، وبعدين قدمت ف سفارتها على منحة ومشاا الله أعتقد كانت نسبتها عالية، وكمان دولتها أعطتها منحة فتحولت من منحة داخلية ( دراسة فقط) لمنحة دولية ( دراسة مع المميزات اللي يحصلوا عليها طالبات المنح).

وعلى فكرة: لو ضاعت عليكي سنة ترى ما عندك مشكلة، استفيدي منها إنك تقوي نفسك ف الانقلش، لأنوو دحين صارت معظم التخصصات
انقلش، ومافي تخصصات بالعربي إلا ناااااااااااااااادر اتنين أو تلاتة بس، فلو ضاعت عليكي سنة ف شي يفيدك، ترى مو ضيااااع،
بعدين قدمي دحين انتي مع الطالبات، وإنشاا الله يجيكي قبول معاهم، والطريقة انا كتبتها ف الموضوع، ارجعي واقريه تاني..
أتمنى أكون وضحتلك الصورة، وربي إنشاا الله يوفقك ويسهل عليكي وتكوني الترم الجاي من طالبات جامعة الملك عبد العزيز؛؛

[مناهل العلم]

السلام عليكم أخوي بحرالحرية
أنا محتاجه مشورتك وأدري إنك ماراح تقصر والله بيعطيك كل اللي في بالك إن شاء الله
أناغيرسعودية وحتى ماماتي غيرسعودية
حابه أكمل دراستي الجامعية
أناسجلت بياناتي في موقع جامعه الملك عبد العزيزبنظام إنتساب لأن النظام الوحيداللي يخليني أقدرأكمل إستمارة التسجيل في الموقع والحمدلله طبعت الأوراق وكل شئ جاهز
بس المشكله أهلي مايقدروا على دفع 3000ريال كل ترم وميزانيتها مشنوقه مرررررره والحمدلله
ترددت كتيرأرسل أوراقي للدي اتش ال
بس أاول ماقريت موضوعك فرحت كتيراللله يجعل كل أيامك فرح وسعاده زي ماأسعدتنا جميعاعلى هالخبرية
على فكرة أنانسبتي94.32%ومتخرجه سنه1426ه وعلمي الحمدلله يعني عدت خمس سنين بالتمام
1-هل ممكن يقبلوني إنتظام إذاقدمت على منحه داخلية؟
2-هل تأيدإني أرسل أوراقي للجامعه وأدرس إنتساب الين مايقبلوني الجامعه بمنحه داخلية؟
3-وفي تقديم لغيرالسعوديات في جامعه أم القرى بعدالعيد هل تأيد إني أطلب المنحه اللي قدمتها بأنهم يقبلوني أدرس إنتظام في أم القرى في القسم اللي أبغاه؟
ياليت ترد علي أخوي لاني ناويه أقدم على المنحه الأسبوع الجاي بإذن الله
وأسفه على كثرة الأسئلة وشكرا مرة تانية

[blsam]

طيب يا أخ بحر الحرية الوالد راح مرتين للعمادة ومعاه الاوراق وكل شي لكنهم ما اخذوها منه وقالوله لسه ما في تسجيل للاجانب !!!!!!!!!!!!!
مو المفروض اخذ رقم للمراجعة؟؟
وبالنسبة لرأيك اني اقوي اللغة الانجليزية .. انا عشان كذا فكرت اني لو دخلت انتساب برسوم ما رح اكون مرتبطة بالجامعة كثيير ورح اقدر ادخل دورات تقوية في الانجليزي يعني استغل السنة هذي في حاجتين الاولى اني ادرس السنة التحضيرية والثانية اني اتعلم الانجليزي ..
فأنا اقصد ان جات المنحة السنة اللي بعدها رح اقدر احول انتظام وكل شي وانا اساسا داخة انتساب برسوم بدون يعني منحة من داخلية ..
لاني قلتلك لمن الوالد راح العمادة ما قبلوا الاوراق مع العلم انه نسبة الثنوي فوق التسعين والموزونة 84

وجزاك الله خير على تجاوبك معايا .. ما تقصر ..

[ضياع الروح]

المشاركة الأصلية كتبت بواسطة نور بوزيدان السلام عليكم ورحمتة الله وبركاتة كيفكم وكيف الحر معاكم؟ بغيت أسال ؟ أنا نسبتي الموزونة 89.30 وانا أدبي والحمد لله قدمت أوراقي بس في شي محيرني أنا بعد ماقدم لي أبوي أرواقي قالوا: تعال علي بكرة وراح نعديك رقم المراجعة فأخذ ابوي الرقم وقام قال لي هم راح يدوقوا علي ممكن إطا سمحتو تفسرو لي الهرجة اللى حاصلة

كيف قدمتي

التقديم يوم السبت ...؟؟


وبعدين يقولووو طالبين نسبه 90 و فوووق ...!!
وابغى اسسأل ضروري نقدم من قسم الاولاد .. ولا نقدر نسجل من قسم النسساء




طمنيني خايفه اتأمل ع الفاااضي