|| med13 .. حياكم الله هنا للإجابة عن كلما يراودكم ..~

[T U R k i]

انا حديكم الزبد ..تبغى يكون لك مستقبل باهر في الطب و تشتغل في الخاص ويكون لك سمعة ودخل مادي ممتاز شد حيلك ولاترضى بغير المعيدية .. لحد يقول كلنا حنتخرج دكاترة ..في ناس تتخرج ومايلاقو برامج تقبلهم عشان يكملو تخصص ..ويضيع من عمره كم سنه وهوا لسه طبيب عام ولما يتخصص ويوصل لإستشاري حيكون زيو زي اي استشاري مالهم سمعه او صيت ولا يقدر يشتغل خاص وعايش على راتب الحكومة فقط ومايقدر يتجه للخاص ..بينما زميله الي شد حيله تخرج وانقبل معيد وكمل في برنامج ووصل استشاري في وقت قياسي ويقدر يشتغل خاص لأنه تبع التعليم العالي وبذلك كسسب المكانة الإجتماعية المرموقة والوضع المادي الممتاز....وبالتوفيق لكم

[اماني فراس]

اول شي شكرا على الموضوع والمبادرة الحلوة دي ;p
عندي سؤال على الجداول غالبا متى تنزل ؟
والافضل اشتري الكتب من دحين وﻻ يمكن مانحتاجها بعدين ؟
واللاب كوت والزي ضرورين من اول اسبوع ؟

وشكرا مرة ثانية ..
يديكم العافية ♥

[سبيستون]

السلام عليكم
الدورة الي حيسووها med12 حتكون يوم اي بالتحديد ، و في اول اسبوع من الدراسة ولا قبل ؟؟

[mo7md99]

المشاركة الأصلية كتبت بواسطة د.هوازن وعليكم السلام ورحمه الله وبركاته http://www.skaau.com/vb/showthread.php?t=455210 جواب مفصل

تسلمي د.هوازن .

الحين حيكون لينا دفعة 13 زيارات للمستشفى الجامعي في ثانية طب و بلاخس الترم الاول ولا لا ؟

[وعودة]

المشاركة الأصلية كتبت بواسطة اماني فراس اول شي شكرا على الموضوع والمبادرة الحلوة دي ;p عندي سؤال على الجداول غالبا متى تنزل ؟ والافضل اشتري الكتب من دحين وﻻ يمكن مانحتاجها بعدين ؟ واللاب كوت والزي ضرورين من اول اسبوع ؟ وشكرا مرة ثانية .. يديكم العافية ♥

الجداول حتنزل اول يومين من الدوام وحتكون موحدة بين الاولاد والبنات
الكتب انا احس عن نفسي لا تستعجلي عليها من دحين ووقت الدراسة شوفي ايش اللي انتي تحتاجيه واشتريه :)
الزي السكرب مو لازم مايدققو لو انتي لابسته او لا بس اللابكوت مهم لانه في بعض المعامل لازم تلبسيه لو ماكنتي لابسة سكرب
والعفو وفي الخدمة احنا ❤ :)

[وعودة]

المشاركة الأصلية كتبت بواسطة سبيستون السلام عليكم الدورة الي حيسووها med12 حتكون يوم اي بالتحديد ، و في اول اسبوع من الدراسة ولا قبل ؟؟

حتكون قبل الدراسة وذي اليومين راح ينزلكم الموضوع الشامل حقها ان شالله ❤❤

[وعودة]

المشاركة الأصلية كتبت بواسطة mo7md99 تسلمي د.هوازن . الحين حيكون لينا دفعة 13 زيارات للمستشفى الجامعي في ثانية طب و بلاخس الترم الاول ولا لا ؟

حيكون في زيارات بس مو كثير واغلبها في الترم الثاني :)

[Dede12]

جزاكم الله خير =)

اخلاقكم الجميلة خلتني اتفائل =d

شكرا ..،

[بشائر الفرح =)]

ماشاءء الله مبروك القبول للدفعه الجديده 13
إجتهدتوا ونلتوا .. الله يوفقكم ف رحلتكم يا دكاتره

ميد 12 مافي زيهم ما ح يقصروا معاكم بإذن الله
حيفيدوكم ويعلموكم كل اللي تحتاجوه فحاولوا تحضروا الدوره اللي جهزوها لكم
وأهم شيء الآن هو الإستمتاع بالإجازه :)



ف خدمتكم دائماً
أختكم الكبيره شويه :)

[Feras L. Kindi]

جميع اسئلتكم سيتم الإجابة عليها في محاضرة Teach Me Medicine by Med12