فائض من النسوة علينا رميه للموت!

[~..candy..~]

المشاركة الأصلية كتبت بواسطة سكووت ^^ باقي مافهمتي .. عالعموم سوما اذا كان الاطباء يتأخرون عشان انقاذ بنت بتموت على بال ماينقلوها المشرفات برا وشوفي الدقايق اللي ضاعت وبالاخير خسرنا نفس ..فمانستغرب اي شي تاني .. وانا قلت اصبرو وان شالله مثواكم الجنة يابنــات لانكم صبرتم على اشياء وضعوها ناس واخافونا بكلمة حرام وحرام رغم انها موجوده من ايام المصطفى ..والنتيجة واضحة للأسف الان

الا فهمت قصده ورديت تعقيبا على كلامه وابغى اوضح فكرة انو التزامهم على الخطأ لايعني انو خطأهم صح بل نتمنى نتبع الحق اللي عندنا بنفس طريقة التزامهم


وبعدين اذا في انسانة بتموت عادي ينقذوها رجال بمساعدة اهلها واذا في نساء مسعفات يكون افضل مدري ليش تسووا منها قضيه
مو اي قضيه زينت وزخرفت على انها قضيه للمرأه وانو المجتمع هضم حقوقها ومعرف اييش الكل يتفاعل ولو فكرنا فيها مزبوط نلقى لاقضيه ولاهم يحزنون بس اثارة قضايا من قبل صحفيين والسلام

[مِنْ أينَ لَكَ هَذآ]

الوضع الحالي سيفتح المجال لهذا النوع من الاختلاط بدون ضوابط ولكن خطوة بخطوة.

عبارة رائعة

[سكووت]

يعني وفاه بنت لسبب سخيف زي كدا بنظرك ماهي قضية ومجرد زخرفة اعلامية ..ماحنحس الا اذا عرفنا قيمة الدقايق اللي اهدرت وماتت البنت بسبب التأخير وعدم السماح للمسعفين باللحاق بها ..يمكن لو كنتي مكانها كان استوعبتي ..

[~..candy..~]

المشاركة الأصلية كتبت بواسطة سكووت يعني وفاه بنت لسبب سخيف زي كدا بنظرك ماهي قضية ومجرد زخرفة اعلامية ..ماحنحس الا اذا عرفنا قيمة الدقايق اللي اهدرت وماتت البنت بسبب التأخير وعدم السماح للمسعفين باللحاق بها ..يمكن لو كنتي مكانها كان استوعبتي ..

انا ماتكلمت عن موضوع البنت اللي ماتت تكلمت بشكل عام في اشياء ماتسوا يقولو حقوق المرأه ويسون فيها قضيه من لاشئ >مو يعني اذا احنا بنات ولأ حريم نقول والله هذول معانا ونصدق ع طول
والسبب السخيف اللي ماتت بسبته البنت هذا خطأ من الدكتور نفسه ومحد يبرر خطأه
زيه بالضبط موضوع الاخطاء الطبيه كم اللي يموتو بالاخطاء الطبيه في احصائيات عن ذا الموضوع اكييييد ومافي ضجه اعلاميه زي حقوق المرأه لانو غرضهم مو حقوق المرأه عندهم اغراض ثانيه والله اعلم

وبعيد الشر عني وعنك

[wallo]

والله بعض الاحيان اقرأ ردوود ناااس استغرب انهم في الجااامعهـ زيي زيهم ؟؟ معقوولة الفرق في التفكير حيكوون كبير كذاا؟؟؟؟؟؟؟؟؟؟

الله يعيين بس ,,,,

بعدين بليز اذا قرأتو حاجهـ ومخكم ماستووعبها مو معناهـ انو كذب لا معناهـ انكم ........ >> بتنضررب ,,,

بس ماحووب اللي مايفهم ويرووح يقول عني بكاشه !

وياسوومآآ بالله لا تفتحي زي دي المواضيع حتجييهم اعصااب منها هههههههه ,,,

يلا سلاااام :)

[د/ روميو]

بغض النظر عن قضية الاختلاط :
لانه لو جلسنا تكلمنا فيها الى 200 سنة ،
كل واحد عنده نظرته في هذه القضية ..اكتسبها من مصادر مختلفة ...
.....
دعونا نتكلم عن عدم الالتزام في القانون في السعودية ،،
امر يحزن صراحة ،
يعني في عملية الانقاذ الطارئة -الثانية من الوقت- فيها حياة او موت ..
لكن ناس ماتعودوا على احترام الوقت ..
وماعندهم وعي عن الوظيفة اللي يقوموا فيها ..
ومثل ماذكر الاخ جيتس ،،
هالسنة كان فيه بعثات لكن-للأسف-مافية اي كادر نسائي ..
اعتقد يمكن كلهم 5 بنات بس ..

بارك الله فيك سوما على الموضوع ..

تحياتي ،،

[Oxsgen]

انا غسلت يدي من ذا المجتمع المتخلف سبع مرات احداها بالتراب ..

مستحيل يفهم ..

المشاركة الأصلية كتبت بواسطة soma al7elwa إن وفاة فتاة طالبة كلية المعلمات في بريدة بسبب منع الإسعاف الرجالي من الدخول ، وغيرها من حوادث حتى قبل حريق مدرسة مكة الشهير، لابد من العمل سريعا على تجهيز فرق إسعافية نسائية ..ذات قدرات خاصة ، ويفضل أن تكون الفرق جاهزة في نفس مقرات التجمعات الكبيرة كالجامعات والمدارس وقرب الأسواق . حتى لا يكون الأمر وكأن لدينا فائضاً من النسوة علينا رميه للموت ..

الله يرحمهم الى الجنة ان شا الله ..

هم الساابقون ونحن الاحقون اذا استمر الحاال على ما هو عليه ..لو حصل هالشيء لا سمح الله في مدرسة اولاد ..كان كل شي تماام ..وعاادي

لكن ما يعرفوا انه الموت ما يفرق بين بنت و ولد ,,

لا توجد كلمات اصف فيها التخلف والجهل اللي عندهم..
هذولا حراام يطلق عليهم انسان لانهم ما يعرفون من الانسانية شي ..

(ومن احياها فكأنما احيا الناس جميعا)

شكرا اسماء.. كويس فيه نااس تفكيرهم زيك لسة الدنيا بخير

الحمد لله

[soma al7elwa]

عاشق الفهد:

أول حاجة الدكتور مالو ذنب انو مجتمعك الرائع بيفكر بدي الطريقة ..

الدكتور بيوضح لطلابه انو وقت ماتصير حالة تحتاج انعاش قلبي بمكان عام وحاولوا يعملوا انعاش كيف المجتمع حيشكرهم الشكر الجزيل على محاولة انقاذ حياة النفس البشرية دي ..

راح ينعطوا ميداليتين :
الاولى ميدالية كشف عورة والتانية ميدالية كشف العورة في مكان عام

ومو غلط من الدكتور انو وضحلهم ايش تفكير المجتمع المثالي اللي احنا فيه وايش الجوائز والمكافآت اللي راح تتقدملهم لو حالوا يعملوا بسمو مهتنهم .. عشان لا يروحوا هما في ستين داهية ... اوبس

قصدي يعني انو فستين داهية من الفرح والسرور بالهدايا والميداليات المقدمة لهم

تاني شي :

اعتذر وبشدة عن إني شوهت صورة مجتمعنا اللي مافي أحلى وأكمل منو فالدنيا دي كلها من تعاملاته وقضائه وتفكيره وحساباته ومساواته وكل شي فيه ..

أتمنى اني قدرت اصلح الخطاب في ردي الحالي ونال اعجاب حضرتكم ..

تقبل ردي ياسيدي

_________________________

كاندي :

حبيبي ارجعي اقري كلامي كزا مرة وقلبيه فراسك مزبوط

حتلاقي اننا بنقول انو مجتمع يسير على قوانين وضعية مهما كانت قاصرة نظرتها ويحترمها ويعمل بها احسن من مجتمع عنده قانون رباني كامل ومابيعمل فيه

ايش استفيد من انو عندي قانون رباني لو التزمت فيه -وحطي تحت كلمة لو مية خط - راح اكون احسن منهم بمليون مرة مع اننا فالواقع مابنلتزم ولا بنعمل بيه ؟؟؟؟

ايش استفيد انو لو كان عندي كتاب بيعملني اصول الاتيكيت وانا حاطته عالرف اني اقراه مطالعة كدا وتلاقيني اكل وادخل يدي كلها ففمي ولا تكلم وفمي كلو اكل والعب بالاكل اللي عالصحن واتكلم بصوت عاااالي وغرفتي كلها فوضى

واجلس اقول انو عندي كتاب فيه كل اصول الاتيكيت ولو اتبعته راح اكون احسن من كل الناس واتمنى اننا نتبعه؟؟

ومانيل المطالب بالتمني .. ولكن تؤخذ الدنيا غلابا

ياريت يكون وصلك المعنى اللي اقصده ..

أما بالنسبة لبقية كلامك عن تزيين وزخرفة قضايا المرأة فما اعرف ايش اقول صراحة ..

زي ايش قضايا لو فكرنا فيها حنلاقيها مالها معنى بس بلبلة صحفيين والسلام؟؟

قضية انو في بنات بيموتوا بسبب منع المسعفين الرجال انهم يدخلوا هادي بلبلة؟؟

قضية انو يفرق بين زوجين راضيين بعيشتهم بسبب اخوان الزوجة لابوها دي بلبلة؟؟

قضية تزويج الاطفال دي بلبلة؟؟

قضية ازمة المواصلات دي كمان بلبلة؟؟

ايش هي المواضيع اللي كل الهدف منها اثارة البلبلة؟؟؟

اللي صار في حريق مكة قبل 7 او 8 سنوات وقضية بريدة دي مو غلط المسعفين

هما كانوا متواجدين لكن اتمنعوا من انهم يدخلوا ويباشروا عملهم ..

فهل غلطي اني اكون موجودة واتمنع اني ادخل واباشر عملي بالقوة؟؟؟

وصدقيني الاخطاء الطبية في ضجة كبيرة جدا عليها

لكن حقوق المرأة قضية ازلية .. واقولك على شي ؟؟

انا امرأة ابحث عن حقوق المرأة في بلدي وأثور لها ..

وتعرفي ايش الغرض التاني اللي فنفسي؟

انو بنتي ماتجي تعيش في مجتمع زي كدا ..

وبعيد الشر عن قلبك

[عاشق الفهد]

المشاركة الأصلية كتبت بواسطة soma al7elwa عاشق الفهد: أول حاجة الدكتور مالو ذنب انو مجتمعك الرائع بيفكر بدي الطريقة .. الدكتور بيوضح لطلابه انو وقت ماتصير حالة تحتاج انعاش قلبي بمكان عام وحاولوا يعملوا انعاش كيف المجتمع حيشكرهم الشكر الجزيل على محاولة انقاذ حياة النفس البشرية دي .. راح ينعطوا ميداليتين : الاولى ميدالية كشف عورة والتانية ميدالية كشف العورة في مكان عام ومو غلط من الدكتور انو وضحلهم ايش تفكير المجتمع المثالي اللي احنا فيه وايش الجوائز والمكافآت اللي راح تتقدملهم لو حالوا يعملوا بسمو مهتنهم .. عشان لا يروحوا هما في ستين داهية ... اوبس قصدي يعني انو فستين داهية من الفرح والسرور بالهدايا والميداليات المقدمة لهم وبعيد الشر عن قلبك

أولا الواضح من ردك انك تكتبين بعاطفة والانتصار لرائك وهذه من اكبر عيوب النقاش
أنت هنا تحاولين حل لمشكلة كيف تبرر كلام الدكتور انه ماله ذنب أين أمانة المهنة أين قسم المهنة وهذا أول خطاء يحسب عليك أو على دكتورك كلكم واحد

ثانيا تتكلمين عن جوائز ومكافآت مهنة الطب المهنة الوحيدة التي لاينتظر صاحبها أي مكافأة واكبر مكافأة عنده هي إنقاذ حياة شخص بعيد عن تفكير الغير وهذا ثاني خطأ

ملاحظة أخيرة إذا كان هذا تفكير الأطباء على حسب قولك ونحن لانعلم عنهم شي سوى من خلال كلامك أنهم يفكرون بعقول الغير وان حياة الشخص مرتبطة بتفكير الغير فأرجو منك أختي أسماء إصلاح عقول أطباءك الذين صدر منهم هذا الكلام قبل إصلاح المجتمع لان يبدو أنهم يعانون من خلل كبير وهم بهذه الشهادات العليا

[~..candy..~]

المشاركة الأصلية كتبت بواسطة wallo والله بعض الاحيان اقرأ ردوود ناااس استغرب انهم في الجااامعهـ زيي زيهم ؟؟ معقوولة الفرق في التفكير حيكوون كبير كذاا؟؟؟؟؟؟؟؟؟؟ الله يعيين بس ,,,, بعدين بليز اذا قرأتو حاجهـ ومخكم ماستووعبها مو معناهـ انو كذب لا معناهـ انكم ........ >> بتنضررب ,,, بس ماحووب اللي مايفهم ويرووح يقول عني بكاشه ! وياسوومآآ بالله لا تفتحي زي دي المواضيع حتجييهم اعصااب منها هههههههه ,,, يلا سلاااام :)

يعني اذا احد خالف رأيك تستغربي انو في الجامعه ؟؟؟
وتكتبي كلام بفراغات وماتكميلها !! اتمنى يكون الحوار راقي برقي تعاملكم :)

المشاركة الأصلية كتبت بواسطة soma al7elwa كاندي : حبيبي ارجعي اقري كلامي كزا مرة وقلبيه فراسك مزبوط حتلاقي اننا بنقول انو مجتمع يسير على قوانين وضعية مهما كانت قاصرة نظرتها ويحترمها ويعمل بها احسن من مجتمع عنده قانون رباني كامل ومابيعمل فيه ايش استفيد من انو عندي قانون رباني لو التزمت فيه -وحطي تحت كلمة لو مية خط - راح اكون احسن منهم بمليون مرة مع اننا فالواقع مابنلتزم ولا بنعمل بيه ؟؟؟؟ ايش استفيد انو لو كان عندي كتاب بيعملني اصول الاتيكيت وانا حاطته عالرف اني اقراه مطالعة كدا وتلاقيني اكل وادخل يدي كلها ففمي ولا تكلم وفمي كلو اكل والعب بالاكل اللي عالصحن واتكلم بصوت عاااالي وغرفتي كلها فوضى واجلس اقول انو عندي كتاب فيه كل اصول الاتيكيت ولو اتبعته راح اكون احسن من كل الناس واتمنى اننا نتبعه؟؟ ومانيل المطالب بالتمني .. ولكن تؤخذ الدنيا غلابا ياريت يكون وصلك المعنى اللي اقصده .. أما بالنسبة لبقية كلامك عن تزيين وزخرفة قضايا المرأة فما اعرف ايش اقول صراحة .. زي ايش قضايا لو فكرنا فيها حنلاقيها مالها معنى بس بلبلة صحفيين والسلام؟؟ قضية انو في بنات بيموتوا بسبب منع المسعفين الرجال انهم يدخلوا هادي بلبلة؟؟ قضية انو يفرق بين زوجين راضيين بعيشتهم بسبب اخوان الزوجة لابوها دي بلبلة؟؟ قضية تزويج الاطفال دي بلبلة؟؟ قضية ازمة المواصلات دي كمان بلبلة؟؟ ايش هي المواضيع اللي كل الهدف منها اثارة البلبلة؟؟؟ اللي صار في حريق مكة قبل 7 او 8 سنوات وقضية بريدة دي مو غلط المسعفين هما كانوا متواجدين لكن اتمنعوا من انهم يدخلوا ويباشروا عملهم .. فهل غلطي اني اكون موجودة واتمنع اني ادخل واباشر عملي بالقوة؟؟؟ وصدقيني الاخطاء الطبية في ضجة كبيرة جدا عليها لكن حقوق المرأة قضية ازلية .. واقولك على شي ؟؟ انا امرأة ابحث عن حقوق المرأة في بلدي وأثور لها .. وتعرفي ايش الغرض التاني اللي فنفسي؟ انو بنتي ماتجي تعيش في مجتمع زي كدا .. وبعيد الشر عن قلبك

زي ماقلت في البدايه التزام الغرب بخطأهم هو خطأ بحد ذاته ومايعني انو هما صح
واحنا مانجلس نطالع للغرب وهما سوا ومعرف ايش لا احنا وصلنا لمستوى التزامهم بانظمتهم ولا احنا صلحنا مجتمعنا كذا ضعنا في النص المفروض نلتزم باللي عندنا


ثانيا بخصوص موضوع البلبه الاعلاميه انتي قلتيلي قضية البنت اللي ماتت بسبب منع المسعفين وقضية تفريق الزوجين بسبب اخوة الزوجه ووو غيرها من القضايا بعض هذه القضايا لاتعتبر قضايا بل حوادث يعني ناااادر ماتحصل زيها بس الاعلام اخذها على انها قضايا ووو سوا منها مصيبه صح انو حصلت اخطاء والمفرووض انو يحاكمو المتسببين وتنشر في الجرايد على انها حوادث عشان يتعض غيرهم

بس ووين الاعلام عن قضايا الايتام والمعاقين والبطاله ووو وغيرها من القضايا ولأ الاعلام مو فاااضي مررره مشغووول بقضايا المرأه وملاحقة الهيئه عنده اهم من هذولا الايتام والمعاقين وهما شريحه في المجمتع مو واحد ولأ اثنين اتمنى انو فكرتي وصلت >وعلى فكره انا بنت زيي زيكم مو يعني اذا سمعنا قضايا المرأه نتحمس

أشكرك أختي سوما على حوارك الراقي