الموقع يبي له تحديث ترى

[رسمي]

الحمد لله يارب .. ارسلو لي بطاقتي .. ياااااه حلو ان الواحد يحس انه مثل اللي بالمنتدى معه بطاقة جامعية .. مليـــــــت وأنا أنتظرها .. المشكلة الجديدة النظام مايفتح معي .. شكل الدعوى من البداية مقفلة لكن ماراح استسلم .. ابقاوم .. اليوم الصبح مارحت الدوام لأني صحيت متأخر فقلت في نفسي فرصة أتصل على الجامعة وأشوف سبب اللي خلى الــ odes زعلان علي .. وقعدت أدق وأدق على التحويلات ومن تحويلة لتحويلة ويوم مليت منهم حوالي 6 موظفين يقولون لي لحظة شوي ... شقلت موضوعك ... اهااا .. انت مستجد ... امم .. موظف الأخ ... وين ؟ اممم طيب شوف بحولك على موظف بيفيدك .. طيب ليه تحقق معي وبالآخر تحولني على واحد زيك .. المهم طفشت منهم .. فتحت موقع الجامعة ورحت لقسم القبول .. لهم صفحة خاصة طبعاً ، المهم اخترت ايقونة اتصل بنا من تحت وطلع لي جدول فيه عدة مناصب وقدامها أرقامهم المباشرة فرحت الصراحة وتعشمت فيهم خير .. ولكن من أختار ؟؟ بديت فيهم من فوق .. تعبت من الإتصال ومحد يرد .. بعدين بديت من آخر واحد .. وصلت تقريباً للوسط .. قلت خلني أختار عشوائي .. أخترت مدير العلاقات .. قلت في نفسي هذا على الأقل بيصير ذرب ومتفاهم خلنا نقول مجامل على الأقل ويحولني لشخص يفيدني واتصل بسم الله (026967136) ترررررن تررررن وأقول في قلبي مدير ماراح يرد ... ترررررن ترررن .. ورد اشوا وكان صوته خشن يعطيك انه مدير علاقات في جامعة ههه المهم سلمت عليه وصبحت عليه بالخير وسردت له كم جملة من جمل الإحترام والتقدير قالي آمر طال عمرك ؟؟ ههه استغربت في داخلي يقول من قدك يا رسمي الجامعة يقولون لك آمر طال عمرك .. ايوه قلت له الله يطول بعمرك أشكر تواضعك لأخوك الصغير .. طال عمرك أنا عندي موضوع بسيط وإن شاء الله تساعدني فيه قال تفضل .. قلت انا فضلتكم على غيركم وماراح احصل أحسن منكم قال ايوه وبعدين كملت كل الإجراءات حسب تعليماتكم قال:ايوه وبعدين شصار ؟ قلت له وتأخرتو علي بالبطاقة وما قلت شي قال أي بطاقة قلت بطاقة الطالب قال اهاا بسرعة لو سمحت ( استغربت ليه تغيرت لهجته) المهم قلت له:ايه عاد الحين ابي تكملون معي خدمتكم الحلوة وتتفضل علي طال عمرك بأنك تساعدني في فتح رقمي الجامعي وأتمكن من الدخول لنظام خدمات الطلاب .. وسلامتك طال عمرك .. قال ما عندك طلبات ثانية قلت إلا قال هات قلت ان الله يرزقك ويوفقك وأشوفك عميد الجامعة في القريب العاجل .. قال خلاص قلت ايه .. قال انت تدري على مين متصل ؟؟ قلت له اااااا ايه قال مين ؟؟ قلت على مدير العلاقات !! قال ومن عطاك الرقم ؟؟ قلت من صفحة القبول في موقع الجامعة قال أي جامعة قلت جامعة الملك عبدالعزيز قال يالحبيب أنت متصل على أحد إداراة الدفاع الجوي أو القاعدة الجوية (ما أذكر أي وحدة فيهم لكن شي عسكري جوي) اعتذرت بالنيابة عن الجامعة اللي فشلتني مع الرجال وقلت له أكيد أنا أخذت الرقم خطأ (وأنا متأكد من اني ناقله صح) .. ادري طولت عليكم لكن حبيت افضفض شوي .
على المحبة نلتقي ..