تجمع الحاسوبين والحاسوبيات المستجدين =)

[X901]

انا كان قصدي اذا مهي مجهزة بعامل اجبلي لابتوب ،،،
على اي حال ،، نظام التشغيل الي حنتعامل معاه
توزيعه من توزيعات اللينكس ولا الويندوز :/
<< ما يطيق الويندوز خخخخ

[S.Bn]

المشاركة الأصلية كتبت بواسطة anoos04 معليش انا اختلف معاك روح شوف ارامكو وسابك والخطوط يطلبوا طلاب بالهبل "طبعا حسب المعدل " برواتب ماتقل عن 9000 الاف ريال

للمعلومية

ترا الخطوط ما عاد صارت توظف نظم معلومات

ابويا اليوم قال لي دا الكلام و نصحني بالتقنية

[anoos04]

المشاركة الأصلية كتبت بواسطة s.bn للمعلومية ترا الخطوط ما عاد صارت توظف نظم معلومات ابويا اليوم قال لي دا الكلام و نصحني بالتقنية

بيني وبينك >> نظم المعلومات يقولون مالها مستقبل اصلاَ و اسألي المتخرجين

[ن ـــــوفا]

دحين لما تجو تتسكنو في الاقسام الثلاثة is و cs و it التسكين يكون حسب المعدل والا حسب الرغبة فقط
وشككرا مقدما

[Abooody.NETwork]

المشاركة الأصلية كتبت بواسطة ن ـــــوفا دحين لما تجو تتسكنو في الاقسام الثلاثة is و cs و it التسكين يكون حسب المعدل والا حسب الرغبة فقط وشككرا مقدما

على حسب المعدل والمقاعد المتوفره

العفو

[advisor]

السلام عليكم

انقبلت في الحاسب مع اني كنت ابغى طب اسنان بس الحمدلله على كل شئ مع اني عندي شويه خوف من الحاسب

كنت ابغى اسال اللي اتقبل في الحاسب فرع شمال جده .
1- كيف الدراسه هناك هل فيها اختلاف عن الفرع الرئيسي من حيث صعوبه الاختبارات او شرح الدكاترة ؟
2- بدايه الدراسه اداوم على طول في الشمال ولا اول شئ اروح الفرع الرئيسي ؟ وهل احتاج اني اراجع في يوم الفرع الرئيسي او كل حاجاتي اخلصها في الشمال وما لي علاقه فيه ؟ كيف طريقه دوامكم

ياليت تفيدوني في الشئ ذا . وشاكر لكم

[S.Bn]

المشاركة الأصلية كتبت بواسطة anoos04 بيني وبينك >> نظم المعلومات يقولون مالها مستقبل اصلاَ و اسألي المتخرجين

حتى انا سمعت دا الكلام

بس لاتنسى انو الرزق بيد الله سبحانه و تعالى

[Abooody.NETwork]

المشاركة الأصلية كتبت بواسطة advisor السلام عليكم انقبلت في الحاسب مع اني كنت ابغى طب اسنان بس الحمدلله على كل شئ مع اني عندي شويه خوف من الحاسب كنت ابغى اسال اللي اتقبل في الحاسب فرع شمال جده . 1- كيف الدراسه هناك هل فيها اختلاف عن الفرع الرئيسي من حيث صعوبه الاختبارات او شرح الدكاترة ؟ 2- بدايه الدراسه اداوم على طول في الشمال ولا اول شئ اروح الفرع الرئيسي ؟ وهل احتاج اني اراجع في يوم الفرع الرئيسي او كل حاجاتي اخلصها في الشمال وما لي علاقه فيه ؟ كيف طريقه دوامكم ياليت تفيدوني في الشئ ذا . وشاكر لكم

وعليكم السلام ورحمة الله وبركاته
هلا هلا
انامن فرع الشمال واي سؤال او استفسار راااح اساعدك باذن الله

بالنسبة للسؤال الاول
مافي اي اختلاف بين الشمال والجنوب كلهم على نفس الخطه والمواد وطريقة الاختبارات
والدكااااااتره جداا جداا جداا متعاااونين وشرحهم ممتاااز يعني لا تخاف من الدكاتره ابدا

السؤال التاني
بمجرد قبولك في الشمال خلاص كل شي يصير من الشمال في مبنى صغنون لكلية الحاسبات وفي شؤون طلبه وتقدر من عندهم تسوي اللي تبى
يعني الجنوووب ما رااااح تجيلو ابدا

وترى تخصص الحاااسب جدا ممتع وحلو فقط لو كوونت حاااب التخصص ورغباااان فيلو
وان شاااء الله مع بداية الدراسه يتكسر حاااجز الخوووف اللي عندك
بالتوفيق
واي سؤال احنا في الخدمه

[Rayan Alsolami]

ممكن برنامج (بيئة) الجافا الي نبرمج فيها في تخصص تقنية المعلومات حاب اتعلم عليه من الان :)

[Rayan Alsolami]

هل هو NetBeans IDE او غيرة
ابي الي ندرس عليه