مكان اختبارات المناطق-الرياض-قاعة رشوش-الثمامة-دوار العويضة-الكروكي بالداخل

[هــلالـي]

قربوها من المطاار وكله لعيون
الدكاتره اللي جايين من جده

[الدخيل سلطان]

انا دافع 1000 عشان اختبر في الرياض مو خارج الرياض

نخيم في رشوش احسن من رايح جاي

[fh.d]

تصدقون واحد من الاصدقاء قرر ياخذ شقة قريبة من الموقع
يعني لو مختبرين في جده ابرك من هالمرمطة
وبعدين ليه حطوا اختبار في القاعه هذي والقصيم كان دمجوا المنطقتين في منطقه بدل التكاليف الزايدة

[فآآرس]

يعني همهم الاول يستأجرون بأرخص سعر حتى لو الموقع مخيس ولا اهتموا بالطلاب ونفسيتهم
مع اننا دخلهم يكفى يستأجرون الشيراتون كامل !!!!
الحين الواحد يشيل هم الاختبار ولا هم المشوار , حسبنا الله وكفى ...

[بسام عسيري]

الموقع بعيد و هدف الشركة الربح بدون اي تقدير لظروف الطلاب ولكن مفروض الجامعه يكون لها دور في الموضوع مو معقول ما في منسق من الجامعه يعني معقول الجامعه اعطوهم الخيط والمخيط بدون الرجوع لاي موظف من الجامعه
عموما بجيب معي قدر الضغط طلعت بر مو اختبارات وباقي العزبه عليكم

[أسير الماضي]

مع أنّي راح أختبر في جدة !

لاكن من المفترض لـ المتعهد بـ إقامة الاختبارات في منطقة الرياض
أن يختار المكان المناسب بحيث يراعي كبر حجم الرياض والأحياء الـ مترامية الأطراف
أقل شي يكون مكان الاختبارات في (سنتر الرياض) بحيث تكون المسافات متقاربة
الله يعين اللي يداوم من جنوب الرياض خصوصاً ,,,,

[اقلاع اتحادي]

شباب وش رايكم نطلع لمعهد العالمية قروب ونكلمهم ,, اللي يئدني ,,, يعززلي بالله ويكون معي
انا ساكن شمال شرق الرياض يعني المكان قريب جدآ من عندي ,, لكن خابز هالمكان اغلبه طريق مقاهي واستراحات وزحححححححححححححححححمه وقله حياء قسم بالله

[بدر11]

المشاركة الأصلية كتبت بواسطة اقلاع اتحادي شباب وش رايكم نطلع لمعهد العالمية قروب ونكلمهم ,, اللي يئدني ,,, يعززلي بالله ويكون معي انا ساكن شمال شرق الرياض يعني المكان قريب جدآ من عندي ,, لكن خابز هالمكان اغلبه طريق مقاهي واستراحات وزحححححححححححححححححمه وقله حياء قسم بالله

انا معك ، وننتظر البقية

[Matro]

يا شباب لا تسكتون حنا دافعين الف ريال و من حقنا نغير المكان يا حطون نفس مكان الترم الاول والا يرجعون الفلوس !

همتكم لحد يسكت لا زم نراسل الجامعه والمعهد

[خالد ابومحمد]

ما تدري ايش الحكمة لكن المكان غير لائق جدا وبعيد مكان غريب يخليك تسال من هو المستفيد الاول لاحول ولا قوة إلا بالله