تجمع med14 تمريض + ممرضات الدفع السابقه ((=

[ĴusŦĪce ♣]

الله يسعدك عذاري مشكورة :)
و راح اطلع على الكتب انا ان شالله

[Mashael.14]

السلام عليكم،
انا كمان انقبلت تمريض واول ماشفت ما استوعبت لانو كنت ابا علاج طبيعي،
مررا زعلت طبععاا، بس الحمدلله بس ساعه وفجأه صرت مررا مبسوطه ومرتاحه، كمان كلمت كم بنت يدرسو تمريض وحمسوني للتخصص،
طبعا ماححول ولابفكر حتى من كتر البنات اللي شفتهم يبو يحولوxp، مو معناتو استسلمت ولاشي زي كدا، بس انو كل ماقرأت عن التخصص حبيتو اكتر وحاستها شغله مرا حلوه 💕
مررا متحمسه اشوف البنات اللي حيكونو معايا واتعرف ع اللي كانو قبلنا عشان نستفيد من خبراتهم😍😝
وان شاءالله تكون سنين حلوه علينا كلنا..💕💕

[عذاري السمروات]

المشاركة الأصلية كتبت بواسطة mashael.14 السلام عليكم، انا كمان انقبلت تمريض واول ماشفت ما استوعبت لانو كنت ابا علاج طبيعي، مررا زعلت طبععاا، بس الحمدلله بس ساعه وفجأه صرت مررا مبسوطه ومرتاحه، كمان كلمت كم بنت يدرسو تمريض وحمسوني للتخصص، طبعا ماححول ولابفكر حتى من كتر البنات اللي شفتهم يبو يحولوxp، مو معناتو استسلمت ولاشي زي كدا، بس انو كل ماقرأت عن التخصص حبيتو اكتر وحاستها شغله مرا حلوه 💕 مررا متحمسه اشوف البنات اللي حيكونو معايا واتعرف ع اللي كانو قبلنا عشان نستفيد من خبراتهم😍😝 وان شاءالله تكون سنين حلوه علينا كلنا..💕💕

حبيبي الله يوفقك و يسهلك
و يجعلك تتركي بصمة لنفسك و للناس في تخصصك

[Nr.Wafaa]

حطيت دا الموضوع عشان عندي كم سؤال ومالقيت ولا رد لما دحين ، فقلت احطو هنا لعل وعسى القي أجوبة


س1: سمعت انو لما أجي أحول نهاية السنه يفتح لي فالاودس تلات كليات للتحويل (طب بشري،طب أسنان،صيدله)******
سؤالي >>> لما اختار الكلية اللي بحول لها أرتبهاا ع حسب الرغبه يعني متلا بشري>اسنان>صيدله ولو معدلي ماقبلني فالبشري والاسنان وجاب الصيدله فانقبل فيها ... ؟؟ ولا بس اختار رغبه وحده !!******

س2: فالتحويل يفتح صحة الفم والاسنان ولا بس جراحة اسنان ؟؟ ونسبهم نفسها ولا تختلف ؟؟

س3: معدلي فالتحضيري كان 4.70 اقدر ارفعو واحول ؟ يعني نسبة التحويل مضمونه بعض الشي ولا صعبه شويا !!

س4: كيف ينحسب المعدل حق التخصص للترمين مع معدل التحضيري ؟ وكم لازم اجيب عشان يصير معدلي التراكمي 4.90 أو 4.80 ؟؟******

س5: اللي حولو صيدله كم كان معدلهم عالي زي الطب ولا أقل ؟؟******

س6: لما احول المفاضله تكون مع مين ؟ الطالبات المحولين ولا طالبات دفعه15 "الدفعه الجديده" ؟؟

س7: سمعت بعد بكالوريوس التمريض اقدر اكمل 4سنين برا أو فالملك سعود واصير طبيبه عامه ، فيه أحد قد شاف أحد سوا كدا ؟ وكيف كانت درجاتو ؟

س8: اخر سؤال كيف اجيب معدل عالي فأول سنه ؟ ادا عندكم نصايح معينه وكدا *******

وبس .... طولت أسئله بس حابه استفسر ع كل شي قبل مادخل التخصص واشوف مستقبلي******
وششكرا******

[عذاري السمروات]

المشاركة الأصلية كتبت بواسطة nr.wafaa حطيت دا الموضوع عشان عندي كم سؤال ومالقيت ولا رد لما دحين ، فقلت احطو هنا لعل وعسى القي أجوبة س1: سمعت انو لما أجي أحول نهاية السنه يفتح لي فالاودس تلات كليات للتحويل (طب بشري،طب أسنان،صيدله)****** سؤالي >>> لما اختار الكلية اللي بحول لها أرتبهاا ع حسب الرغبه يعني متلا بشري>اسنان>صيدله ولو معدلي ماقبلني فالبشري والاسنان وجاب الصيدله فانقبل فيها ... ؟؟ ولا بس اختار رغبه وحده !!****** #انتي وقتها يحقلك تختاري 3 رغبات مختلفه من الكليات الصحيه و فيه بنات على كيفهم يختاروا رغبه وحده و يكرروها تلاته مرات..حاطين في بالهم على اساس لو كررنا حننقبل. .! س2: فالتحويل يفتح صحة الفم والاسنان ولا بس جراحة اسنان ؟؟ ونسبهم نفسها ولا تختلف ؟؟ #التحويل لمن ينكتب ( انو كلية الاسنان) ما اعتقد يكتبوا ب التخصصات تبعت الكليه! بالنسبه للنسب تختلف. س3: معدلي فالتحضيري كان 4.70 اقدر ارفعو واحول ؟ يعني نسبة التحويل مضمونه بعض الشي ولا صعبه شويا !! #ما شاء الله تقدري ترفعيه بس اهم شي ما تجيبي دي بعيد عنك، لأنو الدي ينزل المعدل مزبوط. . و حاولي قد ما تقدري تجيبي اي او بي بلاس في المواد اللي تكون ساعاتها كتير 6 ساعات مثلا. س4: كيف ينحسب المعدل حق التخصص للترمين مع معدل التحضيري ؟ وكم لازم اجيب عشان يصير معدلي التراكمي 4.90 أو 4.80 ؟؟****** #مممممممم ما اعرف كيف ينحسب من ناحية كيف تخليه بوينت 80، جيبي اي في كم ماده. ولا تجيبي سي ولا دي س5: اللي حولو صيدله كم كان معدلهم عالي زي الطب ولا أقل ؟؟****** #الصيدله اقل من الطب. س6: لما احول المفاضله تكون مع مين ؟ الطالبات المحولين ولا طالبات دفعه15 "الدفعه الجديده" ؟؟ # محد عارف اجابه شافيه. . كل وحده تقولك شي. س7: سمعت بعد بكالوريوس التمريض اقدر اكمل 4سنين برا أو فالملك سعود واصير طبيبه عامه ، فيه أحد قد شاف أحد سوا كدا ؟ وكيف كانت درجاتو ؟ #صراحه ما قيد شوفت احد عمل الحركه دي، يعني الاغلب بيروحوا يدرسوا على حسابهم الخاص و يدرسوا من اول و جديد س8: اخر سؤال كيف اجيب معدل عالي فأول سنه ؟ ادا عندكم نصايح معينه وكدا ******* وبس .... طولت أسئله بس حابه استفسر ع كل شي قبل مادخل التخصص واشوف مستقبلي****** وششكرا******

ان شاء الله اكون افدتك

[Nr.Wafaa]

المشاركة الأصلية كتبت بواسطة عذاري السمروات ان شاء الله اكون افدتك

يعطيك العافيه حبيبي

[ĴusŦĪce ♣]

في التحويل يفتح معنا بس الكليات الصحية ؟!
ولا فيه بنات يحولوا لغيرها عايدي

[عذاري السمروات]

المشاركة الأصلية كتبت بواسطة ĴusŦĪce ♣ في التحويل يفتح معنا بس الكليات الصحية ؟! ولا فيه بنات يحولوا لغيرها عايدي

هو من ناحية التحويل لكليه تانيه فعادي تقدري ان شاء الله
انا عندي صحبتي حولت من طب بشري لكلية الحاسبات.

[Mashael.14]

ايوا صح، كنت بسأل لو في نادي صحي وملعب في كلية التمريض؟
زي الخيمه الرياضيه في السيليماانيه 😍😍؟؟؟!!

[عذاري السمروات]

المشاركة الأصلية كتبت بواسطة mashael.14 ايوا صح، كنت بسأل لو في نادي صحي وملعب في كلية التمريض؟ زي الخيمه الرياضيه في السيليماانيه 😍😍؟؟؟!!

ايوه فيه نادي .. افضل بكتير من حق الشطر
و بدون تسجيل و تعقيدات .
ممممم
فيه بلياردو و كرة سلة و فرفيره و سكيتينج و تنس طاوله و تنس الريشه و صالة اجهزة رياضيه
حتستمتعي جداااااا