الدوام بالانتســــاب

[بوليمر®]

المشاركة الأصلية كتبت بواسطة نونا1411 بوليمر حراام عليك ليه تضحك علينا ...>>>يعني زمان ماكونتو زينا ديه اول سنه لنا واكيد حايسين ومحنا فاهمين شي ..... واذا علينا مانبغى الانتساب لو ادري انو كدا ماكان سجلت ... يلا انشاءالله احول انتظام السنة الجاية.... ادعولي....

والله ما اضحك عليكم

على وقتنا ما كان فيه لا منتدى ولا غيره ،، كنت اطلع مسافة 700 كيلو يوميا عشان نحضر الدورة
ويوم نوصل هناك الدكتور ماهو فيه

مقدرين ظروفكم بس هدوا شوي من اعصابكم وان شاء الله تلاقوا كل استفساراتكم

[شاطرهـ ونهايتي انتسابـ]

مشي حآلك ان شاء الله ما تجي السنه الجيه إلا ونحنا انتظآم

بس بلييز جاوبوني التسجيل للدورآت التهاهيليه بدا ولا كيفف وهل لها رسووم ؟؟

[بوليمر®]

التسجيل للدورات ماهو داك الشي الضروري ... يعني تقدروا تحضروا بدون تسجيل

الدورات ما عليها رسوم فهي مجاناً

[gardenia]

يابنات لما ينزل التقويم الجامعي راحتعرفوا كل شي وتعرفوا متى الدوره التاهيليه..

بالنسبه للدوره التأهيليه مالها رسوم طبعا مو كفايه رسوم الترم!!

تحياتي ..

[نتاليا]

ينزل تقويم وبعدها تاخذي جدولك وتروحي الجامعة تحضري الدورة والطالبات ما عندهم تسجيل للدورة
ونصيحة لو نزل الجدول ابدا ابحثي عن موادك وخذي فكرة عنها

[وديـان]

يابنااااااااااااااااااااات
لااحد يروح الجامعه ولاااحد يحضر نهائياً
واللي تبغى تحضر الدورة التأهيلة تحضر واللي ماتبغى على كيفها
أهم شئ تحضري الاختبارت في نهاية الترم وبس
صدقوني انا اقول الكلام هذا وانا متأكده منه ميه بالميه

[مستجدة حايسة]

والله مايصير كدا مو اعرفين راسنا من رجلنا وربي ايش دا اللخبطة

احس نفسي ضااايعة مررررررررررررررررة

بالله بناات الله يخليكم لو وحدة فيكم بتروح الجامعة بالله تقولي بروح معاها نروح نسال ونستفسر

مين بيجي معايا نروووح

لازم نروح لهم مجموعة شرايكم

[دلــع نــآدر]

يآ بنآت
اللي تبغى تحظر مع الإنتظآم ممكن تحضر ..
تآخذ جدول أي طآلبة من الإنتظآم علشآن تعرف أوقآت المحآضرآت ,,
بس تستأذن من آستآذة المآدة .. وترى آغلب الآستآذآت مآ يرفضوآ

/

جدولكم رآح ينزل قبل الدورة التأهيلية
ومآ رآح تستفيدوآ شي من الجدول قبلهآ
لأنو في الدورة بيتحدد لكم كل شي .. الكتب والمحذوفآت وكل شي
فـ لآ تستعجلوآ ...

طبعآ الدورآت التأهيلية مآ يآخذو فيهآ حضور وغيآب ,,
يعني اللي تبغى تحضر تحضر واللي مآ تبغى بكيفهآ ..

بس لو تحضروآ يكون آفضل

/

مرره لآ تشيلوآ هم وتقلقوآ
عآرفة آنكم حآسين نفسكم ضآيعين ومنتو عآرفين ولآ شي < كنت زيكم
بس مع بدآية الدوآم بتفهموآ كل شي ..

وترى الإنتسآب سهل .. بس شدوآ حيلكم شويآت .. و إن شآء الله رآح تجيبوآ معدل عآلي وتحولوآ لـ إنتظآم



و بـآلتوفيق لكمـ =)

[princess shosho]

انا رحت اليوم وما استفدت ولا شي
بس اتفرجنا على الجامعه انا وصحباتي
ولما سألت متى حنداوم قالو لما تنزل الجداول نعرف

[sam0ora]

يب وانا رحت اليوم ومااستفدت حااااااااااااااااااجه
كانو مشغولن مره والي عرفتو انو في اختبار لطالبات النظام وتأهيلي وانتقالي بكره
فاحسلنا نروح بعد ماتنزل الجداول يعني على الاسبوع الجي
ويابنوتات دا الايميل فيلو مجموعه من بنات الانتساب نتكلم فيلو ونتفاهم احسن من المنتدى داخلين كانو دردشه
فسويت دا الايميل والي تبغا تتفاهم تضيفو

يمنع منعا باتاً وضع أرقام الجوالات والهواتف و وسائل الاتصال المختلفة ( كالبريد الإلكتروني أو المراسلة الفورية أو المواقع الشخصية الخ ) في المنتديات و يستثنى من ذلك الأرقام العامة التي تخدم الطالب كرقم مكتبة أو فندق الخ .

يلا يابنات الي عندها معلومه جديد تقلي عليها على الايميل او عادي تنزلو في المنتدى ..