ابشركم سحبت على الجامعة

[ابو عبدالهادي]

بالتوفيق اخوي والله انا فكرت مثلك اني احول لجامعة فيصل بس لو اضمن انهم بيعادلون 70% من ساعاتي كان حولت بدون مااشاور احد ومعدلي فوق الاربعه , والله ياناس الاسباب الي ذكرها اخونا وخلته يترك الجامعه تراها ماهي اسباب عاديه والله اسباب مهمه ممكن سبب واحد خلت كثير يطلعون ومايهم صعوبة المواد او سهولتها الي بيذاكر بينجح وانا الحين قاعد احاول اشوف جامعة الامام او فيصل بس الله ييسرها وبالتوفيق مره ثانيه

[لـولـو]

اسال الله ان يجعل التوفيق حليفك
احزنني تصرفك ، ولكن يبقى القرار اولا واخيرا لك

اتمنى ان تحقق ماتطمح اليه .. اصدق الدعوات لك بالتوفيق

[أبوهــلا]

عسي الله يوفقك إن شاء الله ...............

اخوك : أبو هلا الشمري

[amo666]

مبروك التسجيل

[Legend0]

ياخي ماتوقعت هذا الكلام يطلع من واحد زيك فاهم الدنيا ومجتهد ........... رفع ظغطي كلامك

ياخي لازم تكون قوي وتتحمل غصب عليك وغصب علينا .... كلنا في الهوا سوا
وبعدين انت حاس انك بعيد عن اهلك .... ترى كلها اسبوعين واذا كثيره عليك ناد اي واحد من اهلك
مثل اخوك يوسع صدرك او من اقاربك

اهم شي لاتفكر تطلع من الجامعه الله يرحم والديك (اتذكر مواضيعك في المنتدى وردودك ماشاء الله
كنت متحمس وعندك رغبه في الدراسه )

[RAUL 7]

والله مدري وش اقولكم من جد بديت افكر مرة ثانية عموما انا اختبرت ماده وحده وخمس مواد تركتها حتى لو افكر ارجع راح يطيح المعدل مرررررررة ولو اختبرتها الترم الجاي وجبت علامات حلوة ما اتوقع انه راح يتعدل المعدل لان الرسوب بالمادة اتوقع انه يلعب بالمعدل لعب حتى لو انك رجعت اختبرت وجبت علامه حلوة ...


شكرا للجميع ...

دمتمـ بود

[ألف باء تاء]

المشاركة الأصلية كتبت بواسطة raul 7 والله مدري وش اقولكم من جد بديت افكر مرة ثانية عموما انا اختبرت ماده وحده وخمس مواد تركتها حتى لو افكر ارجع راح يطيح المعدل مرررررررة ولو اختبرتها الترم الجاي وجبت علامات حلوة ما اتوقع انه راح يتعدل المعدل لان الرسوب بالمادة اتوقع انه يلعب بالمعدل لعب حتى لو انك رجعت اختبرت وجبت علامه حلوة ... شكرا للجميع ... دمتمـ بود

إذا لك نيه ترجع,, ارجع اليوم,, قبل بكره

وإختبر باقي المواد

وجيب لك عذر من أي مستشفى حكومي بالأيام إللي تغيبت فيها عن الإختبارات

وكمل مشوارك


بالتوفيق,,

[بنت الخليج..]

الله يهديكـ بسـ..
كانـ اختبرتـ اختباراتكـ، وبعدها إجازة صيفـ >>فترة نقاههـ..
وبعدينـ فكّر تسحبـ ولاّلا، مع إني متأكّدهـ فكرة إنكـ تسحبـ راح تتغيّر بعد الإجازة 180 درجة..
والله يكتبـ لكـ مافيهـ الخير..

[m u l a n]

المشاركة الأصلية كتبت بواسطة raul 7 والله مدري وش اقولكم من جد بديت افكر مرة ثانية عموما انا اختبرت ماده وحده وخمس مواد تركتها حتى لو افكر ارجع راح يطيح المعدل مرررررررة ولو اختبرتها الترم الجاي وجبت علامات حلوة ما اتوقع انه راح يتعدل المعدل لان الرسوب بالمادة اتوقع انه يلعب بالمعدل لعب حتى لو انك رجعت اختبرت وجبت علامه حلوة ... شكرا للجميع ... دمتمـ بود

أخوي لو أستخرت ولقيت نفسك مرتااااح للأنسحاب


أن شاء الله بيكون أنسحابك خير لك


أعتقد مافي وقت للتراجع عن قرارك بما أنك ماحضرت الا أختبار واحد ..!!


عالعموم .. الله يوفقك ويوفقنااا

[B N D R]

انا حبيت اعلق على سالفة جامعة فيصل..

انا مثلك من الشرقية وفكرت في فيصل اول مافتتح التعليم عن بعد في الترم الماضي وسجلت فيها ووقتها كنت موجود في جدة اختبر ، وقبلوني لكن بعد تفكير بسيط لقيت انه من الافضل المواصله هنا في عبدالعزيز لاسباب كثيره منها:

1- احتمالية معادلتهم للمواد غير مؤكده وضعيفه نوعا ما (لانها جديده وموادنا المجتازه لن تكون مدرسة مسبقا بالتاكيد)
2- نظام التعليم عن بعد يعتبر نظام معقد وفيه نوعا من الالتزام كالواجبات وحضور محاضرات من نوع سنترا واختبارات شهريه الخ الخ الخ)
3- لو بحثت في كل الجامعات لن تجد جامعة مثل عبدالعزيز ذات خبرة في نظام الانتساب تمتد الى اكثر من 20 سنه وتوليه اهتمام كبير وهذا هو المهم - وان كان الدافع منذ ذلك الربح المادي فهو لا يعنينا
4- سهولة الاختبارات وطريقة الاسئلة (الامريكية) لن تجدها في كل جامعه ومن يعترض معي على معدى السهولة فاعتقد ان حصول الكثير من طلاب الانتساب على معدلات عالية اثباتا لذلك..
5- وهم المهم بنظري - فوجود منتدى يعني بشئون المنتسبين كهذا المنتدى والتفاعل الكبير فيه وسهولة الحصول على كامل المعلومات التي تريدها والملخصات المطلوبة والمساعدات التي نحتاجها، اعتقد انها غير متوفره جميعها في منتدى واحد غيره (skaau - كل ماتحتاجه تحت سقف واحد) :)

كل تلك الاسباب كفيلة باعادة النظر ..