نتائج التحويل الداخلي

[Danger]

أنا دوبي جيت من الجامعه
ترى القبول مايسوي شيء الكليه نفسها هي يلي تحدد مين يدخل فيها
فيلي يبغو يحولو كليه أداره واقتصاد مالنا حل الا نراسل عميد الكليه لانو روحن عند وكيله الكليه اليوم وتقولي انو هو رافع المعدل لخمسه يعني المشكله منه هو يلي معقد الموضوع
أنا عن نفسي حرسله اميل لاني منجد ابغى احول

[ǁ غــلأآإ ، رٍوٍحــي ǁ]

^^
اليوم في عمآده القبول سمعت الموظفة تقول ./

اللي مآقدم عن طريق النت ، مآيقدر يحول الآإن مقفل مـآإفيـه ..:)

[Danger]

الدكتور ابتسام قالت لي انو بكرا تطلع النتائج

لكن كليه الأداره والاقتصاد يقولو للان مارفعنا اسماء الطالبات رفعنا بس يلي معدلاتهم خمسه

يعني ماراح تنزل بكرا راح تنزل ممكن الاثنين

[قطرة ندا]

يابنات في شرط التحويل مرة واحدة ...
وانا الترم اللي فات محولة انتظام وهالترم مقدمة عالتحويل ..يعني يحولوني.. مرة خايفة

[N O R E T A]

ياارب رحمتك :(

لييه يلعبو بعقلنا حلاوه ؟ قال مافي تحويل قال

طيب نروح الجامعه بكرا ولا نجلس فاتحين الاوديس الين تطلع النتائج :"( ؟؟

[N O R E T A]

بنات الله يخليكم اللي نقلوها تكتبلنا هنا

عشان يصير لو ما جانا شي يا نروحلهم يا نحضر محاضراتنا في تخصصنا اللي مو عاجبنا :(

[moooony]

نجلس فاتحين الاوديس وندعي لبوكره
انا اليوم رحت ونا استفدت شي
بوكره مو رايحه لانو اصلا جولي مو نازل غير عربي وثقاااااافه


دعووووووووووواتكم

[raneem f a m]

حسبي الله ونعم الوكيل فيهم
أنا اليوم رحت سألت وقالوا في وحدة معدلها ٤.٩٧ وماحولناها < هذي وحدة قالتلي في كلية الادارة
ورحت سألت العمادة قالو تطلع اليوم وولان ماطلع شي !!!!!!!
ورحت د.لابتسام قالت ماعندي فكرة عن المعدلات

أنا من كلية العلوم (( بايوكمستري)) ،أبغا أحول اقتصاد وادارة ومعدلي فوق الاربعه :""""""(

الله يسهل اللي فيه الخير

[moooony]

me to
ومررررررررره مو طايقة العلوم

ترى اللي معدله اربعه بوينت 97 صحبتي هيا لسا دوبها خلصت سنه تحضيري وما اتسكنت اداره واقتصاد ادااااب قالولها بس اللي معدلهم خمسه ولا الطب مو طالب خمسه

وكل اللي معدلاتهم خمسه ادبي المفروض في عدل احنا العلمي كرفنا في التحضيري

طيب انا حاطة رغبة تانية اقتصاد منزلي في امل يحولوني 0(اي شي الا العلوم)

[Al-7NoOn]

أنا الحمدلله تم تحويلي من كلية الأداب إلى كلية الادارة والاقتصاد ..

* نزل التحويل الداخلي ترى في الأوديس