طفشت من المذاكرة .. أبغى حل ؟؟؟

[أم مجاهد]

" صباح الخير .. والورد ... والسعادة "

على جميع طلاب وطالبات المنتدى ..
كيفكم مع المذاكرة ... إن شاء الله بخير .. ياناس أنا جاتني حالة نفسية أحس أني مسجونة .. خلاص ختمت كل المواد ( قولوا ماشاء الله ) بس باقي الانقلش .. أنا بدأت فيه من أمس وقلت حخليه آخر مادة علشان أركز فيه .... ماقدرت أحس مخي
سار (Full ) .. وماأبغى أكمل ـــ والمشكلة الانقلش يبغى له تركيزــ وجاتني حالة بكاء واكتئاب شديد .. وتندمت أني بدأت أكمل دراستي .. مع العلم أني متفوقة .. يعني لو كنت من جنبها كان كلامي معقول وأقول مافيها شئ .. أنا محتارة وتعبانة ومكتئبة .. أعطوني حلول ياأصحاب الخبرة في المستويات المتقدمة ، وعن طريقة المذاكرة .. أنا بصراحة من أول ماأصحى أستفتح على الكتب .. وآخر شئ أشوفه الكتاب .. والمشكلة أحلامي كلها اختبارات في اختبارات ، وياليت على تعبي أحل حتى في الحلم أما ينتهي عليا الوقت ، أو المرسم الاتحادي اللي طالبينه يضيع عليا .. وأنا أجلس أدور .. والله شئ يضحك بس أنا عايشة في حالة رعب مستمرة وماني عارفة كيف أستمر .. أبغى حلول من اللي جاته نفس حالتي .. وإش اسوى علشان أخرج من هذي الحالة ؟؟؟.." رجاء تأخذون موضوعي على محمل الجد "
والله لايضيع لي ولكم تعب .. ويوفقنا أجمعين .. ودمتم بود