مشكلة في حياتي ، واحتاج مساعدتكم

[RHF]

رهوفة إنتي ليه بينك بيري عندك أحلى الصديقات ؟؟؟؟؟؟؟؟؟؟؟؟ أنا أقولك لما يكون طبعي الهدوء وعدم الجرأة مثلا وأتعرف على أصدقاء مزعجين وباردين هناك ماراح تستمر الصداقة حتى لو مشيت سنين لأنو السلوك بختلف من شخص إلى شخص إنتي عندك صفات وأشياء تحوبي تكون موجودة عند صحباتك علشان تدوم الصحبة دون أي توتر كمان ممكن يكونو أهلك سلوكهم مايعجبك من قصدي عنف لا مو كدا أنا أقصد إنو أهلك ( أمك أو والدك أخوانك أو أخواتك ) يحوبو يطلعو برا البيت كتير وإنتي إنسانة تكرهي الخروج من البيت فطبيعي تحسي بهم ومضايقة فلا تكبريها خدي الأمور بشكل طبيعي إنتي مشكلتك في عقلك مش مشكلة نفسية جلسة بينك وبين نفسك ليش أنا كدا وليش ما أحب أكون صداقات وإيش الحل اللي يخليني سعيدة لو جلستي جلسة مصارحة وجاوبتي من على ضميرك بكل أمانة راح تشوفي موضوعك دا تافه إبحثي عن صديقات فيهم نفس صفات بينك بيري أكتفي بدا الحد أحس أني زودتها وطولت عليكي هههه بالتوفيق والسعادة لك دنيا وآخرة تقبلي مروري إحساس ناجح

اهلين احساس ،

ممممممم قولت اني مو مسألة صاحبات

انا بس مضايقة من اسلوبي في اني اترك الناس فجأة ، ومني قادرة اتصرف و اوقف الشغلة دي

وترا ماما و اخواني مية مية و طول الوقت واحنا خروج في خروج في خروج ههههه

وبالنسبة لبينك بيري دي مافي زيها ولا شبهها احد :$ هههههههههههههه

مشكور احسسااااسووو :)

[دافئ الإحساس]

اول شي احب اقلك هوا ولازم تعرفيه كويس

انو اي انسان في الدنيا لمن يحس بضيقه

معناتو هادا بعيد نوعا ما من الله سبحانو

((ع حسب كلام الشيخ ناسي اسمو واسم برنامجو))

يعني كلي ما تشوفي نفسك مضايقة اقري صفحة او صفحتين من القرآن

او قومي صليلك ركعتين

.........

زي ما قالو الاغلبية انو هادا شي طبيعي جدا

حقلك بشئ فيا

ايام الثنوي كنت وحداني بمعنى الكلمة وماحب اتكلم مع كتيرين

ممكن تسمى بإنطوائية او اي شي من هادا القبيل

حالي في حال نفسي

واقاربي وقريباتي كانو ينقهرو مني من دا الشي

طبعا انا باسوي كده لنفس سببك

وكانو يفهموني ويعلموني انو اختلط بالناس واللي بأسويه غلط

وانا كنت مستمر بالشي دا

لكن النتيجة انو لقيت نفسي لوحدي مررره

ومحد يعبرني ومحد يسأل عني

فقلت بيني وبين نفسي الحياة مره وحده نعيشها لي ما انبسط فيها واسال عن الكل

واكون اجتماعي مع الجميع

وفعلا

اول شي قويت علاقتي مع ربي

وتاني شي اول ما دخلت الجامعه كلللل شي اتغير

وسرت جدا غير عن اول

واتفاجو اصلن مني اخرج واضحك واتكلم وافرفش مع الجميع

هادا مع الاقارب بس

اما الاصحاب ماعندي الا اتنين بس

ماحب اتعرف كتير وحتى لو اتعرفت كتير حتكون المعاملة سطحية وبس

اما الاتنين دولا معاملتهم غير طبعا

.......

ببساطة

قصدي من دا الكلام كلو

قوي علاقتك مع الله سبحانو

وابدأ شوفي اش الاشياء اللي لازم تتغير فيكي حبه حبه

ولا تتغيري مره وحده عشين لا ترجعي بسرعه مره وحده

غيري فيكي حاجه حاجه

وحاولي حتى لو كلموكي عن همومهم انك تسمعي من هنا وتطيري من الادن التانية

واهم حاجه

لا تفكري في كلي شي بقلبك

فكري بعقلك وبس

طول ما انتي حساسة زيادة عن اللزوم وتفكري بعقلك بس

أعدائك ممكن يغدورو بيكي هادا لنك بتفكري بقلبك بس

وممكن تلاقيهم يقهروكي باي شي

العقل فوق كلي شي فكري بعقلك حتشوفي انك مبسوطة في حياتك إن شاء الله

وفي حاجه بازكرك هيا

البعيد عن العين بعيد عن القلب

انتي نرضي تكوني بعيدة عن قلب اللي يحبوكي كلهم ؟؟!!

طبعا لا ومستحيل

فالحل انك تكوني ع صلة بيناتهم كلهم

ومافي احلى من صلة الرحم

شوفي الدليل دا

{ وَاعْبُدُواْ اللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى } البقرة 36

والحديث دا

عن أبي هريرة رضي الله عنه قال: سمعت النبي صلى الله عليه وسلم يقول: « إن أعمال بني آدم تعرض على الله تبارك وتعالى عشية كل خميس ليلة الجمعة فلا يقبل عمل قاطع رحم» رواه أحمد ورجاله ثقات وحسنه الألباني في صحيح الترغيب والترهيب.

............

اسف ع الاطالة

إن شاء الله اكون افدتك في من جميع الجوانب

موفقة يارب

[•♥fŗŌồtą]

،،

شوفي رهوفه اذا تتركي الناس فجئه هذي تسمى انانيه

خاصة اذا كانت وحده متعرفه عليها من النت ^^

فرضا حسبتك متي بعيد الشر عنك طبعا

،،

وانتي عندك خوف من الارتباط وما تبغي تشيلي هم مشاكل غيرك

تبغي الحياه بسطه من غير زعل

فاول ما تحسي انو فيه شي كبير بسير على طول تهربي

بكره اذا تزوجتي وش بتسوي حيكون عندك كذا نفر حتكوني انتي المسؤوله عنهم

ما ينفع تروحي وتتركيهم ^^

وشوفي مصايب غيرك تهون مشكلتك

والله يوفقك بحياتك

،،

[إحساس ناجح]

وضعك طبيعي جدا لاتقلقي
زي ماقلت لك جلسة مصارحة مع نفسك هي الحل
إقرأي كتاب فن التعامل مع الناس لديل كارنيجي جدا راح تستفيدي منو دا المؤلف



للمعلومية أنا مثلا عندي 350 شخص على المسن وما أحب أتكلم معاهم بس كدا
لكن أقول ليش أتركهم وأعيش في قلق
فأنا اللي جبت الهم لنفسي

كلمة أخيرة ترى والله مشكلتك طبيعية بس إنتي مكبرتها وجايبة الهم والنكد لنفسك

بالتوفيق
إحساس ناجح

[دافئ الإحساس]

المشاركة الأصلية كتبت بواسطة إحساس ناجح كلمة أخيرة ترى والله مشكلتك طبيعية بس إنتي مكبرتها وجايبة الهم والنكد لنفسك بالتوفيق إحساس ناجح

وهادي قد تكون سببها الوسوسة من الشيطان والعياذ بالله

اسال الله ان يحفضنا يارب

[RHF]

شوفي رهوفه اذا تتركي الناس فجئه هذي تسمى انانيه خاصة اذا كانت وحده متعرفه عليها من النت ^^ فرضا حسبتك متي بعيد الشر عنك طبعا ،، وانتي عندك خوف من الارتباط وما تبغي تشيلي هم مشاكل غيرك تبغي الحياه بسطه من غير زعل فاول ما تحسي انو فيه شي كبير بسير على طول تهربي بكره اذا تزوجتي وش بتسوي حيكون عندك كذا نفر حتكوني انتي المسؤوله عنهم ما ينفع تروحي وتتركيهم ^^ وشوفي مصايب غيرك تهون مشكلتك والله يوفقك بحياتك ،،

يا رب جميعن

من جد دي اصلن انانية :(

مممممم و صادقة من جد انا ابا بسطة طول الوقت ما ابا شي يضايق

مششكورة ميس فروتا :$

[RHF]

اول شي احب اقلك هوا ولازم تعرفيه كويس انو اي انسان في الدنيا لمن يحس بضيقه معناتو هادا بعيد نوعا ما من الله سبحانو ((ع حسب كلام الشيخ ناسي اسمو واسم برنامجو)) يعني كلي ما تشوفي نفسك مضايقة اقري صفحة او صفحتين من القرآن او قومي صليلك ركعتين ......... زي ما قالو الاغلبية انو هادا شي طبيعي جدا حقلك بشئ فيا ايام الثنوي كنت وحداني بمعنى الكلمة وماحب اتكلم مع كتيرين ممكن تسمى بإنطوائية او اي شي من هادا القبيل حالي في حال نفسي واقاربي وقريباتي كانو ينقهرو مني من دا الشي طبعا انا باسوي كده لنفس سببك وكانو يفهموني ويعلموني انو اختلط بالناس واللي بأسويه غلط وانا كنت مستمر بالشي دا لكن النتيجة انو لقيت نفسي لوحدي مررره ومحد يعبرني ومحد يسأل عني فقلت بيني وبين نفسي الحياة مره وحده نعيشها لي ما انبسط فيها واسال عن الكل واكون اجتماعي مع الجميع وفعلا اول شي قويت علاقتي مع ربي وتاني شي اول ما دخلت الجامعه كلللل شي اتغير وسرت جدا غير عن اول واتفاجو اصلن مني اخرج واضحك واتكلم وافرفش مع الجميع هادا مع الاقارب بس اما الاصحاب ماعندي الا اتنين بس ماحب اتعرف كتير وحتى لو اتعرفت كتير حتكون المعاملة سطحية وبس اما الاتنين دولا معاملتهم غير طبعا ....... ببساطة قصدي من دا الكلام كلو قوي علاقتك مع الله سبحانو وابدأ شوفي اش الاشياء اللي لازم تتغير فيكي حبه حبه ولا تتغيري مره وحده عشين لا ترجعي بسرعه مره وحده غيري فيكي حاجه حاجه وحاولي حتى لو كلموكي عن همومهم انك تسمعي من هنا وتطيري من الادن التانية واهم حاجه لا تفكري في كلي شي بقلبك فكري بعقلك وبس طول ما انتي حساسة زيادة عن اللزوم وتفكري بعقلك بس أعدائك ممكن يغدورو بيكي هادا لنك بتفكري بقلبك بس وممكن تلاقيهم يقهروكي باي شي العقل فوق كلي شي فكري بعقلك حتشوفي انك مبسوطة في حياتك إن شاء الله وفي حاجه بازكرك هيا البعيد عن العين بعيد عن القلب انتي نرضي تكوني بعيدة عن قلب اللي يحبوكي كلهم ؟؟!! طبعا لا ومستحيل فالحل انك تكوني ع صلة بيناتهم كلهم ومافي احلى من صلة الرحم شوفي الدليل دا { وَاعْبُدُواْ اللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً وَبِذِي الْقُرْبَى } البقرة 36 والحديث دا عن أبي هريرة رضي الله عنه قال: سمعت النبي صلى الله عليه وسلم يقول: « إن أعمال بني آدم تعرض على الله تبارك وتعالى عشية كل خميس ليلة الجمعة فلا يقبل عمل قاطع رحم» رواه أحمد ورجاله ثقات وحسنه الألباني في صحيح الترغيب والترهيب. ............ اسف ع الاطالة إن شاء الله اكون افدتك في من جميع الجوانب موفقة يارب

الله يوفقك

يسلمو

[دافئ الإحساس]

المشاركة الأصلية كتبت بواسطة rhf الله يوفقك يسلمو

ترا حسيت كلامي كتير نوعا ما

بس قوليلي ازا في اي شي ما فهمتيه مني او ما وصلك هدف كلامي او اي شي

مستعد اوضح اكتر واكتر

اهم شي تكوني انتقلتي لمرحلة افضل وافضل إن شاء الله

انا باقول كده

لنو اول مره ردك يكون مختصر في كلامي فشكيت انك

ما فهمتي بعض الاشياء

[RHF]

وضعك طبيعي جدا لاتقلقي زي ماقلت لك جلسة مصارحة مع نفسك هي الحل إقرأي كتاب فن التعامل مع الناس لديل كارنيجي جدا راح تستفيدي منو دا المؤلف للمعلومية أنا مثلا عندي 350 شخص على المسن وما أحب أتكلم معاهم بس كدا لكن أقول ليش أتركهم وأعيش في قلق فأنا اللي جبت الهم لنفسي كلمة أخيرة ترى والله مشكلتك طبيعية بس إنتي مكبرتها وجايبة الهم والنكد لنفسك بالتوفيق إحساس ناجح

يوووه احساس الله يسامحك لا تقول انا جاية الهم و النكد لنفسي ههههههههههههه

حتى انتا تقول كدا :( اهئ :(

//

ممممممممم فن التعامل مع الناس عندي الكتاب دا

يبغالي بعدين برواقة اقعد اقراه

جزززاك الله خير مسيو احساس :)

[إحساس ناجح]

معليش رهف تذكرت إني مرة أصبت بمرض نفسي ضعف اللي بتقوليه بعشرين مرة بعد عملية أعصاب
فكان الدكتور يقول لي إنت مالك علاج علاجك في عقلك أي شيء سلبي تفكر فيه راح تجيب النكد والهم والقلق لنفسك
وأي شيء إيجابي تفكر فيه راح تعيش طول عمرك بسعادة صرت بعدها أقرأ في كتب علم النفس وتطوير الذات
وقدرت أعدي مشكلتي في أسبوع وكسبت معلومات ومهارات كثيرة فادتني في حياتي وصرت أعرف اتخلص من أي
مشكلة اطيح فيها بسرعة أنا قصدي من كلامي اللي قلتو فوق إنو إنتي ما تتأثري من الكلام السلبي اللي ينكتب أو يقال لك
قوي نفسك وشدي حيلك وجيبي ورقة وقلم وأكتب كل الإيجابيات اللي عندك وقولي لي إيش شعورك بعدها بالتوفيق لك