الجداول الدراسية لكلية العلوم الطبية التطبيقية عام 1432-1433

[قصة غروب]

^^^^
هذا من ذوقك
ربي يسعدك ويوفقك يالغالي

[DarkRoXaS 13]

الله يسلمك بس كيف حنشوفك اول يوم

[قصة غروب]

الله يسعدك اكيد بنتقابل ان شاء الله.
اهم شي انت احضر اللقاء التعريفي وخلص امورك وان شاء الله اكيد بنتقابل باذن الله

[DarkRoXaS 13]

نزل الارشاد الأكاديمي للطلاب المستجدين


http://fams.kau.edu.sa/Pages-%D8%B7%...%8A%D9%86.aspx

[weddah]

قلبي معاكم يا تانية علاج طبيعي
لا تطالعوا في جداول غيركم لا يجيكم احباط

وجدولنا احنا الحمدلله تعويض للتعب حق سنة تانية وفاضي عشان نتفرغ لبحث التخرج

بالتوفيق كلكم

[أنين الذكرى]

جزاكم الله خير على المعلومات الي تقدموها لنا وانا مره مبسوطه من الجدول بتاع الأشعة التشخيصيه حلو وخفيف وكل شيء فيه واضح

[صدى الأحلام]

والله من جد جاني احباط من الجدول بتاع العلاج الطبيعي بس شوي طمنتوني الله يجزاكم خير

عندي كم سؤال << برا انتي طفشتينا
1) ايش حاستفيد من اليوم الارشادي وهل لازم احضرو كلو ؟
2) قرات هنا ف المنتدى انو تجمعما بيكون ف مبنى 8 مبنى التمريض ممكن اعرف كيف عرفتو؟
3) لمن نملي استمارة التخصصات ع طول تاني يوم ينزلولنا التخصص ف الاودس و الجدول كمان وتامي يوم ع طول نبدا دراسة ؟ طيب اذا مانزل الجدول فين نداوم تاني يوم و ع اي اساس واحنا منا عارفين شعبنا والغرف ودا الكلام كلو؟

شكرا مقدما :)

[JoudY]

المشاركة الأصلية كتبت بواسطة صدى الأحلام والله من جد جاني احباط من الجدول بتاع العلاج الطبيعي بس شوي طمنتوني الله يجزاكم خير عندي كم سؤال << برا انتي طفشتينا 1) ايش حاستفيد من اليوم الارشادي وهل لازم احضرو كلو ؟ 2) قرات هنا ف المنتدى انو تجمعما بيكون ف مبنى 8 مبنى التمريض ممكن اعرف كيف عرفتو؟ 3) لمن نملي استمارة التخصصات ع طول تاني يوم ينزلولنا التخصص ف الاودس و الجدول كمان وتامي يوم ع طول نبدا دراسة ؟ طيب اذا مانزل الجدول فين نداوم تاني يوم و ع اي اساس واحنا منا عارفين شعبنا والغرف ودا الكلام كلو؟ شكرا مقدما :)

في اليوم الارشادي راح يعرفوكي بكل قسم ويوروكي اللابت تبع كل قسم

ويعرفوكي بالانظمة والقوانين وياخدوكم رحلة في ربوع المجمع الطبي

ويجابو ع اسئلتكم



وبالنسبة للتجمع .. العام الماضي واللي قبلو كنا احنا في مبنى 12 والتمريض في مبناهم اللي هوا 8

لكن ما ادري عن دي السنة .. ما حطو خبر في موقع الكلية



وبالنسبة لموعد نزول التخصصات ... اظن كان تاني او تالت يوم تنزل ع الاودس

وراح تمشو ع الجدول اللي موجود في موقع الكلية ... لانو في العاده الجدول ما بينزل بدري ع الاويس .. احيان بينزل في نص الترم
والدراسة ما ادري متى يبدؤوا الدكاترة ... في ناس بتبدأ بدري وناس لا .. بس في العادة اول اسبوع الدكاترة يجو يعطو كدا مقدمة تعرفيه

وفي كليتنا مافي شي اسمو شعب ولاكل محاضرة في كلاس ومبنى تاني

كل قسم من كل دفعه لها كلاس يعني زي المدرسة لكم كلاس تاخدو فيه كل محاضراتكم

وفي سنة 3 تروحو كلاس تاني وسنة 4 كمان

ماعدا في الثقافة والعربي في كلاس تتجمع فيه كل الاقسام علاج طبيعي ومختبرات واشعه وتغذية





واحنا كليتنا لها مبنيين << احم احم

اللي هما 12 و13

وهما بعدين حيعلقو ورقة بكتبو فيها التخصص الفلاني اللي في السنة الفلانية كلاسهم في المبنى الفلانة الغرفة الفلانية

وبس

ولو في اي استفسار احنا حاضرين

[saleh alharbi]

اخوي محمد الخط حقك يطلع عندي ياباني تكفاااا بليييييز اقلب عربي يرحم امك و سامحني

يعني غير الخط اذا بتقدر بليز

[قصة غروب]

المشاركة الأصلية كتبت بواسطة saleh alharbi اخوي محمد الخط حقك يطلع عندي ياباني تكفاااا بليييييز اقلب عربي يرحم امك و سامحني يعني غير الخط اذا بتقدر بليز

ههههههههههه ربي يسعدك اخووي صالح يعني بس انا اللي يظهر لك خطي طلاسم؟
هذي مشكله عندك لان الكتابه عندي بالعربي هذي مشكله ف الترميز عندك صارت لي قبل فتره واتوقع اني غيرت المتصفح وصار الوضع تمام.
ربي يوفقك ويسعدك