يا معشر الرجال اعذروني :) فأنتم الافضل ؟؟؟!

[shaden]

المشاركة الأصلية كتبت بواسطة توونآ ههههه لسا قبل كم يوم امي كانت تبغى تنقل اختي لمدرسه جنب بيتنا وراحت لعند المديره وع قول امي مسوين بشكه وطاقينها حنك وفصفص المهم المديره قالت لامي روحي مركز الشمال يوم راحت مركز الشمال قالو لها مين قالك من عندنا النقل معروف من المدارس !!! طلع كلو تصريفه * نذاله * قله امانه * كذب طبعا ابوي كان بيسوي لهم مشاكل ع دي الحركه بس هون ونقلها عن طريق واسطه من اصحابو يعني الحرريم اغسلي يدك منهم الله يعيننا بس دايم متحسره اني بنت

اهلا اهلا نوووورتي

ودا الي ذكرتي نموذج هي من متى مركز الشمال له دخل في النقل

مشكورة على المرور

[مَـزٍآج ..}..]

لا للتعميم ي استاذة . .

ف على العكس تماماً يوجد لدينا كادر نسائي في الكليه رائع جداً . .

اعتقد موضوعكـ فضفضة لما في نفسكـ اكثـر من فكرهـ للمنافشة ..

[shaden]

المشاركة الأصلية كتبت بواسطة مَـزٍآج ..}.. لا للتعميم ي استاذة . . ف على العكس تماماً يوجد لدينا كادر نسائي في الكليه رائع جداً . . اعتقد موضوعكـ فضفضة لما في نفسكـ اكثـر من فكرهـ للمنافشة ..

اسعدنا المرور يادكتور


يمكن بس في كليتك أجل ليش كل الكليات عندنا يشتكوا وليش كل الرجال لما نوصلهم مشكلة صارت معانا مع دكتوراتنا الافاضل يقولوا معليش انتوا الحريم عندكم تعقيدات ما أنزل الله بها من سلطان



مثال :


الترم الي فات الدكتور الي يدرسنا هو عميد الاداب قرر يكون اختبارنا اختبار الدراسات العليا اليوم الفلاني وقال كلمو رئيسة القسم عشان نحدد المكان والوقت


جات فلانة من الناس راسها والف سيف لا يعني لا نظرا للائحة ووووووووووو العميد قال خلاص ما ابغى ادخل في جدال معاها





انا لا أعمم انا ذكرت الأغلب والأغلب اعتقد انه نسبة ليست سهلة


على فكرة انا علم اجتماع (خدمة اجتماعية ) كنا ناخد عينات ووووو يعني أفقه الناس بمثل هذه الامور



أسعدني مرورك يادكتور

[خالد9921]

وكنت أعتقد في مخيلتي بأننا ملائكة لاحول لنا ولا قوة ضعفاء ومخلصات في أعمالنا مجتهدات في مساعدة بعضنا البعض بل وسريعات في تنفيذ معاملات الغير وإفادة من حولنا ..

والله معروف إن المرأه جزأ لا يتجزأ من أي مُجتمع بشري
وطالما إنها جزأ منه ف هي تتأثر بالمناخ المحيط ما بالك إنها الحلقة الأضعف بين ذكر وأنثى ؟
الله يقول بكتابه الرجال قوامون على نساء
ومافي أدق من كذا بالتأثر وإن المربط قيادة الرجال فعلا للنساء كعهد الصحابة الله يرضى عنهم !

تحت مجتمع ذكوري لا يرحم ولا يرى انجازاتنا وتفوقنا وسيرنا للبيروقراطية بنظام وكمال ....

ماحد قال لا يرحم لكنّه مجتمع ما يصل للكمال وغبي ببعض الأمور
تبي تفهميني إن غلطة الشاب عندنا بالمغازل مثل البنت ؟!
حدّث العاقل بما يعقل وطالما إنتي ناقده على وسطك ما يعني بالضرورة إن الوسط الآخر ملائكي
فيه هضم لحقوق غيرك هههههههههههههههههههه !

فكل مافات من كلام فهو خيال ... عزيزي الرجل انتم أفضل من النساء في تسهيل الامور وتبسيط المعاملات وتسوية المقامات فلا تعترفوا بالغيرة

عزيزك والله انه يبزوط كثير بالسعوديه

وتعطيل الامور بدأت اكره ذاتي حين أراجع جهة نسائية سواء كانت تعليمية أو حتى دائرة حكومية

عارفين إن الوضع عندكم مرمطه اكثر واكثر ومباني المدارس تشهد بدون حتى اداراتكم
لكن راح اوضح لك إن التأصيل للموضوع جداً خاطئ
واللي شفتيه مجرد صورة ماهي بالضرورة تعني جنسكم الا قطعاً كمان لا تعنيه ..

من جهل السيدة المقيمة على مكتب كمكتب الوزير وتعامل كالأمير ولا تخدم حتى الغفير اقسم بانها لاتعلم شي ولاتفقه في شي ...

طيب وما سألتي نفسك سعادة الوزير كيف سمح لنفسه يعيّن نموذج سيئ زي كذا ؟
ما سألتي هذا الوزير شخباره وهو ما يدري مين يشتغل بمكاتبه ؟؟
الصورة هنا واضحة ولا يبغالها تعقيد حول إن اللي تشوفيه مجرد صور رخيصة مأمورة من الآخريين
ما تاصل إنك تنقدين على جنس كامل وتصورين لنا جنسنا انه عبقري على حسابنا !!
من حقنا ننقد ومواضيع زي كذا بصراحه جدا سيئه واخشى انها ترسم الكمال للبعض بذكورنا !
لان نفس هالوزير يعني فرع الرجال نفس الشي حسبالك يقهوينا كل يوم طال عمرك ؟!

^

طلعت ريحته

ففي قضية البنوك عند حدوث أي مشكلة على الفور تحول لقسم الرجال

مالهم مرجعية بفروعكم وش تبيهم يسوون ؟!
ارجعي لنظام البنك اول شي وشوفي كيف اصلا هو يتعامل مع جنسكم والاوامر على موظفاتكم !

أما في الجامعات فلا تكفي هذه الصفحة في الحديث عن اجرامهن نعم ولذلك أتوجه بالاعتذار الشديد للرجال فأنتم أفضل منا في هذه الأمور ......

وش المانع إنها تكون عميدة بدال وكيلة ؟
مو كل الشغلات تمشي من عندكم اساسا انتم ما عندكم مرجعية نهائية للقبول مثل مسمى العميدة !

شاكر لك

[shaden]

المشاركة الأصلية كتبت بواسطة خالد9921 والله معروف إن المرأه جزأ لا يتجزأ من أي مُجتمع بشري وطالما إنها جزأ منه ف هي تتأثر بالمناخ المحيط ما بالك إنها الحلقة الأضعف بين ذكر وأنثى ؟ الله يقول بكتابه الرجال قوامون على نساء ومافي أدق من كذا بالتأثر وإن المربط قيادة الرجال فعلا للنساء كعهد الصحابة الله يرضى عنهم ! ماحد قال لا يرحم لكنّه مجتمع ما يصل للكمال وغبي ببعض الأمور تبي تفهميني إن غلطة الشاب عندنا بالمغازل مثل البنت ؟! حدّث العاقل بما يعقل وطالما إنتي ناقده على وسطك ما يعني بالضرورة إن الوسط الآخر ملائكي فيه هضم لحقوق غيرك هههههههههههههههههههه ! أعلم ذلك ياسيدي اشتغلت في عمل مختلط واكثر الزملاء كانوا من الشباب عزيزك والله انه يبزوط كثير بالسعوديه عارفين إن الوضع عندكم مرمطه اكثر واكثر ومباني المدارس تشهد بدون حتى اداراتكم لكن راح اوضح لك إن التأصيل للموضوع جداً خاطئ واللي شفتيه مجرد صورة ماهي بالضرورة تعني جنسكم الا قطعاً كمان لا تعنيه .. كلمة مرمطة دي تكفيني طيب وما سألتي نفسك سعادة الوزير كيف سمح لنفسه يعيّن نموذج سيئ زي كذا ؟ ما سألتي هذا الوزير شخباره وهو ما يدري مين يشتغل بمكاتبه ؟؟ الصورة هنا واضحة ولا يبغالها تعقيد حول إن اللي تشوفيه مجرد صور رخيصة مأمورة من الآخريين ما تاصل إنك تنقدين على جنس كامل وتصورين لنا جنسنا انه عبقري على حسابنا !! من حقنا ننقد ومواضيع زي كذا بصراحه جدا سيئه واخشى انها ترسم الكمال للبعض بذكورنا ! لان نفس هالوزير يعني فرع الرجال نفس الشي حسبالك يقهوينا كل يوم طال عمرك ؟! ^ طلعت ريحته أعلم جيدا مالهم مرجعية بفروعكم وش تبيهم يسوون ؟! ارجعي لنظام البنك اول شي وشوفي كيف اصلا هو يتعامل مع جنسكم والاوامر على موظفاتكم ! وش المانع إنها تكون عميدة بدال وكيلة ؟ مو كل الشغلات تمشي من عندكم اساسا انتم ما عندكم مرجعية نهائية للقبول مثل مسمى العميدة ! شاكر لك

اشكرك

[Patricia]

صادقة شدونة .. الحريم اخلاقهم تجارية في الدوامات ..
ع بالها مشغلينها عشان تطق حنك وتسولف مو تخدم العالم ..
وللأسف الغالبية العظمى اكل ومرعى وقلة صنعة ..

تدرون اش مشكلتهم .. حريمنا .. لو تصير مستخدمة ترفع خشمها ع امة محمد تقول وكيل وزارة ..

الله المستعان .. هذا الواقع ..

[كرزه...]

حرام اش التحطيم دا ..
:
:
اعترافك صارم شديد قاسي ..لايتقبله كلا الجنسين
انت بكدا كأنك ترجعينا لعصر الجاهلية بقولك " اقسم بانها لاتعلم شي ولاتفقه في شي "
و " فذلك الملاك الذي تراه في الصباح لاتعترف بالكفاءة والأفضلية تعترف فقط في التنكيد عليك فلها أساليب عدة في التعطيل ألم اقل لكم بأنني كرهت معشر النساء "

يا اختي الأمور الي تتكلمي عنها توجد لكلا الجنسين .. ومن الممكن ان تكون أكثر عند النساء لكن انتي الآن حكمتي على كـــــــــــــــــــــــــــــــــــــــــــــــــ ـــــــل نساء العالم بمجرد مراجعتك للجهة معينه ..
كثير من نساء العالم لهم بصمه في المجتمع والتاريخ ..وسيدتنا عائشة رضي الله عنها ..كانت أفقه الناس وأعلم الناس وأحسن الناس رأيًا في العامة كان الصحابة رضي الله عنهم يأخذون عنها الأحاديث ويسألونها بأمور الدين..وغيرها الكثير ..
انتي ظالمه بحكمك وبإعترافك اختي راجعي نفسي ..والي قيم الموضع ب 5نجوم ابصم بالعشره انه رجل ..وانا كانت امرأه فهي ظالمه ايضا بحكمها مثلك ..
اعتذر اختي اني انفعلت ..لكن كلمات قاسيه جدا على نفسك اولا ..
تحياتي لك

[زمردة 2009]

يمين الله إنك صادقه إنهن مجرمات مهوب كلهن طبعاً

تجي وحده تقولك -الأنزمه تقلي كدا أنا إيش أعمل- ودك تصكينها بسطااااااار يعني الشغله أبو 10 دقايق لازم على دفعات تسوينها عندهن على يومين أسبوع أنتِ وحظك ..!

شوفي عند التخصصات بسسس شي يررررفع الظغط ويجيب السكر الإنتساب يعني مثلاً أنا شايفه اليوم وحده معدلها

3.49وعلشان تحول إنتظام لازم 3.50 تدرين وش يقولن لها هاتي الفاكس حق مدري مين الوكيله علشان فيتامين و

ويحولنها ولما ماقدرت تجيبه قالن لها خلاص مع البنات معدلك مايسمح مافي فررق ياهوو والله حرام ..!

والعكس صحيح عند الرجاجيل شوفي بس والله الي يبي يحول بسرعه يحولونه لو معدله خايس الي عنده معامله بس يبون

يفتكون منه يخلصونه حنا ترووح وتجي وتسوي نفسها إنها يعنني الي مهمه ومشغوله صدقت روحها بس ماحقها إلا سطار يثبرها يالبيت هالأشكال حرام تلعب فينا ..!

والله مووضوعك بمكانه ووقته ياعسسسل

يعطيكِ العافيه

[بيو كيميائية ^_^]

والله صادقة الرجال أطيب ويسهلون الأمور بسرعة أما الحريم أومـ التعقيد

وأكثرهمـ كذا يكلمونكـ من طرف خشمها وماتعمل لكـ شيء

لكـن روحي للرجال خلصوكـِ

والرجال يحن على الحرمة أما الحرمة ماتحن

[Aishah AL-farhah]

شادن

أوافقك ، ولكن بتحفظ فالتعميم ظلم

ولكن هل تعلمين ماهو السبب في استفحال هذا الوضع عندنا نحن معشر النساء

لأننا كما يقول المثل الشعبي "فم باصم ما يخاصم" بمعنى أننا صامتات عن حقوقنا ، ربما حياء ربما ضعف ربما تحرج أيا كان نحن صامتات

ولكن معشر الرجال لايصمتون ، بل يتعاملون بمنطق القوة ، فإن لم تكن ذئبا أكلتك الذئاب

انظري معي ، أخي يشتري قهوة تركية من كافتيريا الجامعة كل يوم

ولكنه يشتريها نصف كأس وسعر الكأس ريالين

وبما أنه سيشتري نصف الكمية فله أن يدفع ريال

المصري البائع ، لم يقبل في البداية لكن أخي أصر وأصر وأصر ومازال يصر

وراح يتجادل معه أمام الطلبة ، مما دفع المصري للرضوخ

لم يصمت إذن أخذ حقه

ذات يوم طرحت على صديقاتي فكرة أن لا ندفع للكافتيريا "الماسحة للجيوب" إلا المبلغ الذي يقنعنا

وسوف يكون الأمر في البداية صعب وسوف يكون بالخصام والجدال

ولكننا سنصل للمبتغى وسوف يقلدننا الطالبات الأخريات وهكذا إلى أن يصبح الأمر متعارفا عليه

ومتفقا عليه ومصطلحا عليه من قبل الجميع

لكن للأسف لم يوافقني احد من صديقاتي بسبب الخجل ، فوجدت الأمر شديد الصعوبة عليّ بمفردي

وتخرجت ولم أحقق هذا الحلم

بوركت شادن