تجمع طالبات اللغه الانجليزيه جميع المستويات

[wanted angel]

المشاركة الأصلية كتبت بواسطة سسسعاده.. مين يعرف سارة الزهراني؟!

ميس سارة كويسة وحبوبة لكن تحب انو البنات يعملو واجباتهم ويشاركو وكدا
وادا احتجتي انها تشرحلك او شي حتساعدك مرا طيوبة

[سسسعاده..]

^^

ششششكرا لك..،
ان شاء الله اسسسلوبها و اسئلتها سسسهله

رح تدرسني ادب حديث انا اسستغربت مررة كان مكتوب نوف الخطاابي بس تغيرت

[مروره]

المشاركة الأصلية كتبت بواسطة زهرة غلا السلام عليكم ورحمة الله وبركاتة عندي استفسار بسيط لو سمحتوا انا ادرس انتساب وتوني بالسنة التحضيرية وابغى اتخصص انجلش على اي اساس يدخلوني التخصص بسهولة لازم اختباار والا اجيب معدل معين في الامتحان والا كيف؟ وأن شاءللة راح أكمل الدراسة انتساب حتى بعد التخصص

لازم تكون درجات الإلكا 1و2 95 ومافوق

ومعدلك لايقل عن 4,50

بالتوفيق للجميع

[لمسة ذوق]

المشاركة الأصلية كتبت بواسطة نسيم الحجاز سلام لكل بنات الانجلش ابى أسألكم بنات عن استاذة رزان سراج بدوي في الرايتنج 2 اشرايكم اتفاجأت انه تغير في الشعب وصارت هي الي تعطي ردو الله يوفقكم عسولات

تجنن مررره طيوبه وتساعد توها معيده

[Rose11]

المشاركة الأصلية كتبت بواسطة loneliness ياعسل انا درست دراما مع فوزية اصيل مره كويسه الادمية دي تحسيها ام حنون مدري انا عجبني شرحها بس اهم شي تكتبي معاها.. تخلي البنات يعملو عروض كل وحده لحالها عليه 20 اسئلة الاختبار مقالي وموضوعي انا نجحت عندها 72 وان شاء الله حاخد الترم داه معاها شكسبير.. والله يوفق الجميع...!!

تسلمين ياعسل

الله يطمنك ويريحك

طيب بالنسبه للدرجات الاربعين الباقيه كلها اختبارات ؟

وكيف اسئلتها صعبه ولا سهله ؟

[نسيم الحجاز]

لمسة ذوق
الله يسعدك ويحقق لك الأمنيات وأكثرررر
طمنتيني صراحة .
إن شاء الله يكون تصحيحها حلو
يارب توفقنا جميعا .

[Blue Rain]

السلام عليكم بنات ^^

أنا مستجده بالانجليزي

و حابه اسألكم عن الاستادات ^^

اجلال اسحاق يوسف الشناوي - استماع وتحدث (1)

اعتدال خليل حسين الحافي - قراءه (1)

وحابه اعرف مكان الغرف

مبنى 01b - غرفه 102l
مبنى 01b - غرفه 103l

سألت كم بنت في الفيصليه بس ماعرفوو ><"

[لمسة ذوق]

انا انتظام وابغى احول انتساب انجليزي
بحكم اني متزوجه وعندي اطفال
ابغاكم تنصحوني سهل الانجليزي انتساب
وكيف طريقه الكليه من ناحيه الاختبار وكم عليه درجات
ومافي مساعده
بليز ابغاكم تردون عليه بسرررعه
انا محتاره وخايفه اندم

[soo what]

سلام .. واهليين فيكي blue rain في الانجلش .. انا صراحه ماعرف عن استاذاتك شي بس المباني اقدر انفعك فيها .. الفيصليه مقسمه قسمين علمي وادبي طبعا انتي حتروحي الادبي ... يوم ما تدخلي حتلاقي مباني علا يمينك .. مو اول مبنى تاني مبنى هوا b لمن تدخلي من البوابة حتلاقي مكتوب b .. بعدين حتلاقي درج لاتطلعي منو روحي علا طول ( مكان زي السيب ) حتلاقي الغرف اللي تدوري عليها وبس

[Blue Rain]

يعطيك العاااافيه

b هوا نفسوو ب صح ؟ لانو المباني بالقسم الادبي بالحروف العربيه

تسلمي ^^