عزيزتي الخريجه .. نحتاج لتعاونك هنا ~ ( بحث وتدريب )

[خلود 26]

ممم بتروحي متى تعرفي ساعاتها المكتبية وبعدين المفروض نطبع الاوراق ونوديها للاستاذة يعني
بنات بسالكم دحين اذا اخترت الموضوع حق البحث ووافقت الاستاذة عليه من وين اجيب المعلومات الي نكتبها اروح اشتري كتب تخص الموضوع ولا كيف >>>> فهمي ضعيف معليش اتحملوني

[m....m]

الاوراق اطبعها لمن توافق على المكان الي بدرب فيه عشان اعبيها بالكمبيوتر وتوقع عليها صح كدا ولا
انا رحت وساعتها المكتبيه كلها تبدآ من 11 بس داك اليوم من 9 ل 12.30 استنيتها وماجات واتصل عاجوالها تديني مشغول
تجيب كتب من المكتبه وتكتبي تقرير عن المكان وفين موقعو تلاقي الخطه بموقعها

[بنتvip]

بائعه تحصلي ايميل رجاء ورقمها بموقع الجامعه روحي للكليه اعضاء هيئة التدريس
بس انا ارسلت لها من قبل ماردت ولما اتصلت عصبت علي << للحين مصدومه :"(

خلود تدوري بالنت وبالكتب لانو بالاخير بتكتبي بنهاية البحث المراجع الي استخدمتيها

بنات الي مع الاستاذه خديجه لو سمحتوا ممكن تسالوها البنات الي من خارج جده ممكن يتواصلوا معها ع الايميل ولا لازم حضور للجامعه ؟ وردوا لنا خبر الله يعافيكم .. لانو للحين حايسه ومااضفت الماده والوقت يمشي وبدأت اقلق بس صعبه والله نجي للجامعه

[خلود 26]

قصدي الموضوع الاساسي من وين الفقرات الي تكون فالفهرس اختار علي كيفي يعني >>>شايلة هم البحث جداً

الله يخرجنا من الجامعة دي على خير يارب

[ريماز12]

بنات محد رد علي بليز لاتطنشووو

اللي راحو الجامعه واضافو البحث من فين بالظبط يعني وين اروووح بالجامعه

[بنتvip]

خلود ايه على كيفك .. اساسا لو رحتي المكتبه بتحصلي مواضيع فرعيه كثير بالكتب الي تتكلم عن نفس موضوعك

ريماز .. اتوقع تروحي كلية الاقتصاد غرفة شؤون الانتساب والله اعلم لانو انا مارحت

[خلود 26]

روحي الغرفة الخاصة بالانتساب الي في مبني الافتصاد والادارة التاني وعلي حسب تخصصك ولا ارسلي ايميل للمسؤلة اذا تعرفيها في الصفحات الي فاتت في ايميل عبير وهبا خاصة لاتنظيم والتطوير وايميل سميرة وهيا خاصة بالمستشفيات وبس

[بنت كووول4]

بنسبة لخديجة ماترد كمان
أول ما اروح للجامعة بسألها ان شاء الله وارد عليكم

[بنتvip]

حتى انا والله شايله هم البحث بس للحين ماافكر فيه لانو من الاساس باقي مااضفت الماده شايله هم الاستاذه الي بكون عندها اكثر

[بنتvip]

بنت كول الله يسعدك