تجمع للمتقدمات على وظيفة معيدة برابغ مين اتصلوا عليها

[snowystorm]

المشاركة الأصلية كتبت بواسطة حياتي أمل انا خريجة هذي السنة احياء حيوان من كلية الفيصلية وحلمي اكون معيدة بس راح عليا التقديم اللي في جامعة رابغ وزعلت مررررة لانه وقتها مااستلمت الوثيقة لسى متى التقديم الجاي؟؟؟؟

حتى أنا كنت وقتها ماأستلمت وثيقتي ليتك قدمّتي ..بالنسبة للتقديم الجاي مافيكي تعرفي إلا لو كلمتيهم بعد ماتستقر امورهم ، أنا أتوقع فرع عسفان وخليص السنة الجاي يفتحوا قسم للبنات ووقتها الوظايف حتهّل أهم شئ انتي الآن تأخذي شهادة توفل أو ستيب او مايعادلها وتزبطي السي في حقك وكمان لاتجلسي أشتغلي بنظام الساعات عشان وقت المقابلة الشخصية حترتفع نقاطك لما يكون عندك خبرة وبالتوفيق حبيبتي وربنا يفرحك ويرزقك ويفرحنا ويرزقنا وجميع المسلمين

[حياتي أمل]

الله يسعدك من جد الله يسعدك
بس برضوا مافهمت عليك كيف ساعات ياريت تشرحي لي
انا الان عندي دورة eماشية في المستوى الخامس
وان شاء الله اكمل الى التوفل
ومع ذلك لسى مو مطمنه ابغى اعرف متى التقديم على الماجستير في كلية الفيصلية
خايفه يروح عليا

[امونه -(لولو سابقا)]

الماجستير يا عسل في 15/11 في جامعة الملك عبدالعزيز ...والموعد قرأته بأحد التجمعات لهذا المنتدى يعني كل كم يوم قبل الموعد المحدد افتحي موقع الجامعة كي لا يفوتك التقديم يا حلوة .
سبحان الله وبحمده سبحان الله العظيم

[احصائيه]

صباحكم خيير ..
الله يوفقكم جميعاااا وتبشرونا بالقبوول

بنات انا حابه اسال عن نظام العمل بالساعه في القسم كيف يكون وايش شروطه؟؟وكيف اعرف اذا محتاجين والا لا ؟

علما بان تخصصي احصاء وانا شايفه بنات الاحصاء هنا كثير ياليت اللي عندو معلومه يردلي ..الله يحقق امانينا جميعااا

[دلوعه غير]

المشاركة الأصلية كتبت بواسطة احصائيه صباحكم خيير .. الله يوفقكم جميعاااا وتبشرونا بالقبوول بنات انا حابه اسال عن نظام العمل بالساعه في القسم كيف يكون وايش شروطه؟؟وكيف اعرف اذا محتاجين والا لا ؟ علما بان تخصصي احصاء وانا شايفه بنات الاحصاء هنا كثير ياليت اللي عندو معلومه يردلي ..الله يحقق امانينا جميعااا

جهزي السي في حقك
ووديه لرئيسة القسم أو حتى السكرتاريه

واذا عندهم احتياج حياخدوكي

[ملعقة ناصر]

صباح الخير يا حلوين

انا امس اتصلت على استاذ عبد العالي الصحفي

و قال النتائج حيعلنون عنها يوم السبت الجاي باذن الله

الله يكتب لنا الرزق الحلال

[كلي أمل]

الله ييسر لنا جميعااااا ..

وعساهم يكونو على كلمتهم بس

[كلي أمل]

الله ييسر لنا جميعااااا ..

وعساهم يكونو على كلمتهم بس

[snowystorm]

هههههههه بنات دخلت على موقع كلية العلوم والآداب برابغ ولقيتهم لسى جالسين يهنئون بحلول شهر رمضان هههه الحمدلله على العفو والعافية ..شكلنا بننتظر طويل إذا هم مجتهدين وسريعين كذا

[قلب شجاع]

كويس يعني الجامعة لها موقع
ياليت يااختي تكتبين الرابط حق الكلية
والله ييسر أمورنا