وظائف نسائية في الخطوط السعودية (بكالريوس - ماجستير) جدة

[wan555]

العفو ريم مبارك
الله يوفقنا والله حتا انا كمان جاتني بعثة ومني عارفه لحددحين واصلا مني واثقة كمان اطلع ولالا عشان كدا بااادور وظيفة :(
ياريت كمان يرسلو رسايل للغير مقبولين عشان الواحد يعرف بس اللله يسسسسسهل يارب

[wan555]

jana يقولو اليوم طلعو النتايج وبكر يرسلو ان شاء الله بس صادقين والله اعلم

[wan555]

كمان اكيد الي تنقبل حيسوا اختبار وشوفي متى تطلع الاختبار وابو الحوسه يكون وقتها يمكن لقيت احد يطلع معايا البعثة هههههههه ولا حتا لقيت شغل تاني

[sara*]

بس معليش ع التطفل يااخت jana1980 انتي تخصصك انقلش؟

[ريم مبارك]

انا الي اعرفهم من الي دخلو الاختبار ماجاهم رد من الخطوط

لازم نتــعاون لان كلنا حاسين ببعض


الله يكتبلنا الي فيه الخيـــــــــــــر

الحمـــــــــــد لله

[tammo]

صبــــاح الفل

انا كمان اختبرت انجليزي وما جاتني رسالة مع انهم قالو 10 ايام بالكثير

لكن ان شاء الله خيرة

ولو راحت الله يعوضنا باللي احسن منها

[jana1980]

هاي سارا انا بكالوريوس انجليزي وعندي ماستر تسويق

الله يوفق الجميع يارب ويكتب اللي في الخير

[إحساس أنثى]

السلام عليكم

كيفكم بناات

باعرض لكم بعض الردود الي جربو و تكلمو عن المقابلة الشخصية
فالي تجتاز اللغه الي مدري متى نعرف
يكون اخذت فكره عامه عن المقابله
فاتمنى تدعولي بأن يكون لي من الطيب نصيب

بالبدأ اعرض الردود الي جمعتها ::

بالنسبه للمقابله الشخصيه .. طبعا بتكون "غالبا" شخصيه وتحمل اسئله عن حياتك العلميه والعمليه و مواضيع اخرى ممكن تاتي بدون تجهيز لها خلال الحوار في المقابله .. بمعنى آخر take it easy خلي ثقتك بنفسك كبيرهـ .. وادخلي المقابله على انك تعدينها وراح تعدينها بسهوله في حالة انكـ اثبتي للـ لجنه انكـ قادره على الاجابه و الحوار وثقتكـ دائما كبيره بنفسك وباجاباتكـ .. وبدون تردد <<< تفلسفت كثير وبالنسبه للعمل .. أكيد بيكون في قسم خاص للنساء وبدون اختلاط مثل ماهو موجود الىن في قسم الحجز والمبيعات للسيدات في فرع سوق حراء الدولي .. تحيـــــاتي

بأتكلم عن تجربتي مع التوظيف في الخطوط السعودية .. مقابلاتنا الشخصية كانت على أيدي بريطانيات من فرع الخطوط السعودية بلندن .. كانت الاسئلة عبارة عن أسئلة شخصية .. الطموح .. وأسئلة متفرقة من الحياة العامة أو من الخبرات السابقة .. تشمل مواقف معينة وكيفية تصرفك أو ردة فعلك حيال هذه المواقف .. طبعا المقابلة كانت باللغة الانجليزية .. ولمدة لا تقل عن 45 دقيقة .. هذا بالنسبة لنا .. وبالتوفيق ..

حنا للمقابله وكانوا 3 بريطانيات جايين من لندن حبوووووبين مره مره مره ..يمتصون توترك بالضحك ويريحونك وبعدين يسألونك بطريقه نقاش مافيها اي توتر او رسميه واذا مافهمتي السؤال عادي ترجع تعيده بطريقه سهله ..وتقول نحن نعرف الوضع بالسعوديه مافيه ممارسه للغه كثير فأكيد تواجهون صعوبه مثل مانحن نواجه صعوبه بالعربي معكم .واذا تكلمتي ونسيتي كلمه تقول لك ايوه فهمت عليكي تقصدي كذا وكذا .اهم شي عندهم اجاباتك هل مقنعه او لا ....مايكزون كثير بسرعه الكلام او انك تكوني مره بروفيشونال باللغه بس برضو لازم تتكلمي انجلش معهم . الأسئله: اسمك؟ عمرك؟ وين ساكنه شمال جنوب وسط غرب جده؟ كيف جيتي الى المقابله مع سواق او الوالد ؟ هل متوفر عندك سواق؟ هل لكي احد بالخطوط؟ وتدخلي بنقاش معهم سؤال يجر سؤال مافيه شي محدد يعني كأنهم يتعرفون عليكي وبعدين تنتقلين للأسئله العامه: اذا مرت عليكي ضغوط بالعمل (يذكرون لك موقف ) كيف تتصرفي؟ اذا واجهك زبون او شخص عصبي ايش تقولين له او كيف تحلين الموقف؟ ايش الكتب الي تقرأئيها ؟ قلت لهم اجاثا كريستي هههههه (لأنها بريطانيه) بس فعلا اقرأ لها وكتب بالإداره وعندي مكتبتي الخاصه .. هل عندك خبره وظيفيه ؟ نعم وتذكري لهم ايش كنتي تشتغلي هل سبق وعملتي مع قروب ؟ قلت لهم ايوه بالجامعه سوينا بحوث جماعيه وبرزنتيشن وانبسطوا لو طلتبي من شخص يعمل لك شغله وتفاجأتي انه ماسواها او مانفذها ايش تقولين له ؟ شافوا ترتيبي للسيره الذاتيه ومررررررره عجبتهم يقولوا ريحتهم بالقرائه وهذي اهم نقطه انك تقنعيهم وقيسي على هالأسئله طبعا خرجت من عندهم متأخر خلصنا المقابله وجلسنا نسولف ونضحك ويعرفوني على نفسهم ..قد مااقول لك انهم حبوبين ماتتوقعين . خرجت من عندهم وانا مبتسمه والله يستر من هالإبتسامه هههههههههه اتمنى اكون وضحت الي كان مخوف الجميع . بالتوفيق

السلام عليكم،،، أنا عملت المقابلة أخيرا و كانت مرة سهلة كانت فيه واحدة بريطانية زي العسل و لبنانيتين من شركة hp. كانت اسألتهم كالتالي: عرفي عن نفسك؟ ايش شهادتك؟ هل اشتغلتي في مجموعة؟ ايش كان مشروع تخرجك؟ ايش نقاط قوتك و ضعفك؟ كيف تتعاملي مع مختلف الاشخاص؟ هل انتي مستعدةة للالتزام لأنه فيه شرط جزائي للانسحاب ؟ هل عندك اسئلة؟؟؟؟ بس كانو بصراحة كويسين و المقابلة مريحة مرة... و على فكرة بالانجليزي بس اذا انزنقتي ممكن تتكلمي بالعربي...

تمنياتي لكم بالتوفيق و الحظ الوافر

[إحساس أنثى]

هذا رد لاحد الاعضاء في منتدى ثاني
و الكلام حديث من يومين
<<<< حسيت اني صحفيه خخخخ ا بس تستاهلون كل الخير

مراحب بيكم معانا في قسم الاي تي ان شاء الله طبعا قسمنا منزل 40 وظيفة 20 للبنات و20 للشباب العمل غالبا للبنات راح يكون في قسم الساب وبالنسبة للشباب راح يكونو في اقسام الاي تي كلها من سيرفرات او داتا سكيورتي او البرامج الجاهزة إلخ ........ غالبا التوظيف يكون مع بداية السنة بالهجري وتاخذ عملية التوظيف بأقل تقدير 4 شهور التقديم يكون عن طريق الاتي 1- الانترنت 2- عمارة 5 لتقديم المستندات ومطابقتها 3- تحديد موعد لاختبار اللغة الانجليزية غالبا اللي يجيبو فوق 3 من 4 يتم ارسال رسالة لجواله عشان تحديد موعد ومكان المقابلة الشخصية اللي حاب يتأكد من درجة ونتيجة اختباره يراجع عماره 5 عند الاستاذ بندر الاحمدي 4- المقابلة الشخصية تتكون من جزأين : أ- التحكم بالاعصاب ولابد تكون اعصابك باردة جدا وردك منطقي على سبيل المثال هل تعتبر شهادتك هذا قوية تؤهلك انك تشتغل رغم اني شايفها شهادة عادية جدا ويحاول ينررفزك في تحصيلك العلمي + شكلك بعض الاحيان + اصلك .........إلخ امسكو نفسكم ولا تتنرفزوا ب- معرفتك الوظيفية في القسم المقدم عليه اسأله عن البرمجة عن تحليل النظام الداتا بيز السكيورتي إلخ ....... 5- طبعا في بعض الاحيان يكون فيه مقابلة شخصية ثانية وانا تم عمل لي مقابلتين شخصية 6- الرفع للجنة للتوقيع على القبول 7- تنتنظر رسالة على جوالك انه تم قبولك 8- الكشف الطبي + الادلة الجنائية 9- توقيع العقد 10 - مباشرة الوظيفة طبعا غالبا للدرجات الوظيفة المطروحة راح تكون من درجة 8 للبكالريوس وردجة 9c للماجستير وبالتوفيق للجميع البحبحاني

[إحساس أنثى]

آحنا لسسى ورانا معرفة وظيفيه .. وشايلين همه ..هذا غير الانتظآر لاجتياز اللغة .. عششان كذا لازم نذاكر ..}~ اما المقابلة الشخصيه ..قريت عنهآ كثير.. واللي استنتجته ..انو لازم تكونين وآثقه من نفسسك وف قدرااتك .. مهما كانت سهولة الاسئلة .. _يعني مثلا يقولو لك ..أذكري لنا موقف مضحك .. مو القصد هنا قد ايش تكونين مضحكه ..أو نخفف دم مثلا .. لكن حتى المواقف المضحكة أو المزعجة توضح لهم شخصيتنآ..! _إذا كنتي تشتغلين في مكان سابق ..لازم ماتوضحين سلبياته ولامشاكله وحافظي على خصوصيات العمل السابق عشان يجيهم انطباع انه مو ممكن ف يوم من الايام تذكرين سلبيات أو مشاكل تتعلق بعملك معاهم .. _ لازم تكون نظراتك ف عيونهم مباشرة ..بابتسامه خفيفة .. _ لاتكونين خجولة .. _ اختصري كل اجاباتك ..بحيث تعطيهم المختصر المفيد بدون كثرة كلآم ..هما مايشوفونه مهم .. _ ممكن يسألونك أسئلة ..لازم توضحين من خلال اجاباتك انك قادرة على العمل مع القروبات ..لانك تحبين مشاركة الافكار مع غيرك ..وف نفس الوقت عندك القدرة على العمل الفردي والابداع فيه .. _ لو سألوك عن مهام صعبه أنجزتيها ..أذكري لهم موقف حلو وصعب برزت امكاناتك فيه .. _ لازم يكون مظهرك رسمي ولائق وأنيق ..لبسك رسمي ..ومافي ميك أب كثير..}.. واجلسي جلسه صحيه ..وارفعي راسك ف جلستك كأن ظهرك كله ع الكرسي ..لان الانحناء ف الجلوس مو حلو ف المقابلات الشخصيه .. _ وأهم شي إلمامك عن الخطوط الجوية ..نشأتها ومهمتها وصاحبها ..وليش جذبك العمل عندهم؟؟! ..

مشكورة أختdream11 معلومات قيمة أنا أخذت دورة في المقابلات الشخصية و استفدت منها فتحتلي مجالات ما كنت أتوقعها في المقابلة الشخصية كثير يشبه كلامك بس آزيد عليه ممكن يسألونك عن تخصصك و اش استفدت منو وليش اخترتيه قبل كل شيء وكمان اش ممكن تقدمي لهم شي مميز لو عملت عندهم و شو نقاط قوة شخصية و نقاط ضعفك هنا بالذات تجاوبي بطريقة دبلوماسية فما تقولي لو إنت تتصفي بالتأخير في إنجاز تكاليفك وتروحي تفضحي نفسك لا تتحايلي في الإجابة و تقولي احب الدقة و المثالية في ما أقوم به لدرجة أستغل آخر دقيقة متاحة لي و هكذااا كمان لو يقولون لك تكلمي عن نفسك تذكري الأشياء إلي تفيد في مجال العمل عنك و مايفضل تتطرقي لحياتك الإجتماعية لأنو ماتهمهم وتسبب الملل هذا إلي افتكره لو حصلت شيء مفيد أكيد حأكتبه المرة الجاية و مالنا ياأخوات من هنا حتى يردوا إلا إننا نقوي نفسنا في الإنقلش و خصوصاً التحادث لأني زي ما وصلني من وحدة موظفة في الخطوط انو هيه سمعت معلومة أنهم جابوا موظفات من فرع لندن بريطانيات عشان المقابلة. وبهذي الخطوة سواء ردوا علينا بالقبول أو الرفض استفدنا لنفسنا قبل كل شيء. *

طبعا المقابلة بالانجليزي لحد من 50 - 65 % الاسئلة بالنسبة كانت لي كاالاتي وطبعا تختلف من شحص لشخص كم عمرك ؟؟ ايش مؤهلاتك ؟؟؟ فين ساكن ؟؟؟ ايش افضل المواد لك ؟؟ الوالد والوالدة فين يشتغلو ؟؟؟ اذكر موقف انساني لك ؟؟؟ ايش تعرف عن الخطوط السعودية ؟؟؟ اتكلم عن مشروع تخرجك ؟؟؟؟ ليش تبغى تشتغل في الخطوط ؟؟؟ لازم يكون سبب مقنع بعيد جدا عن الرودود الانشائية عشان طموحي وهدفي وإلخ ... واتكلمو بصراحة كم مرة دخلت الاختبار ؟؟؟؟ اعطيني سبب اقبلك فيه بالوظيفة ؟؟؟ هل تعتقد انك مؤهل تشتغل في الخطوط رغم شهادتك مش ولا بد ؟؟؟؟ اشبك خايف كذا ؟؟؟ تسمعها مرة كثير طبعا لو كان جوابك طبيعي اخاف على طول راح يرفضك هنا يحاول ينرفزك ويشوف مدى قدرتك على التحمل اشبك منتا جالس مزبووط ؟؟؟ اشبو ظهرك منحنى ؟؟؟ اشبك حاطط يدك على الطاولة ؟؟؟ نصيحة لحد يجلس رجل على رجل عشان واحد عندنا سواها وكان النقاش لو كنت جالس بين شخص محترم هل تعتقد انك راح تجلس بالجلسة هذا فخوينا الله يستر عليه رد عليهم الناس مقامات وعلى طول اترفض ........ لا تحاول تطالع في الارض كثير .... لو عديت الاختبار هذا هنا يبدأ يسألك عن القسم اللي راح تشتغله اهدافك في العمل ؟؟؟ كيف تطور نفسك ؟؟؟ عندك مشكلة في العمل كيف تحلها ؟؟؟ شخصين اتضاربو كيف حتتصرف ؟؟؟ موظف دايما يتأخر ايش راح تسوي ؟؟؟ ايش تعرف عن القسم اللي تبغى تشتغل فيه ؟؟؟ هل عندك اعتراض انه يكون خارج جدة ؟؟؟ هل عندك اي مشاكل صحية ممكن تؤثر في عملك ؟؟ والله هذا اللي جاي في بالي من اسئلة طبعا كان فيه غيرها كثير عموما مدة المقابلة الشخصية من 30 إلى 45 دقيقة عادة

ياااااارب على الاقل وحده منكم تنقبل و تستفيد من الردود و تفرحنا :)