مقهى طلاب و طالبات علم النفس ( لـ ملامسة النجوم بـ الفكر النقيّ ) ..

[Fatema Alshareef]

ياحراااااااااااااام يامارس ,,, والله حزنت عليك ,,, بس انتا برضو ,, خليك ملتزم بقوانين المنتدى ,,,

[غيوده]

طيب يا مديرنا
احنا بجد محتاجين موضوع نتناقش فيه بأشياء كثيره واتوقع اننا كبار وماراح نقول شي نضر به انفسنا قبل غيرنا

يعني مو حلوه كل شوي يقولونا الرجاء الالتزام بالموضوع
يعني احنا نتكلم بخصوص مجالنا بس بطابع مضحك او بطابع مزح واتوقع لامانع من ذلك عالاقل عشان نخفف عن نفسنا

واتوقع هذا الي كان يسويه اخوي مارس .. بجد اتحدى اذا احد جا وقال ان اخ مارس قلل من احترام اي احد ولا تعدا الخطوط الحمرا ..

وبجد هو مو مقصر بمعلوماته وعطاءه مع الاخرين

هذا مجرد رأي في زمن الديموقراطيه


ويعطيكم العافيه

اتمنالكم يوم سعيد

[دكتوره سيكولوجي]

ليش طيب احنا مافهمنا ليش وقفتوا عضويته لان من حقنا نعرف ليش لانه زميل واخ لنا
وانا ماتوقع ان مارس سوا شي
لانه معروف عند المنتدى كله باخلاقه طيبه وروحه المرحه وومايقصر مع اي احد بلمنتدى وبعدين ليش القوانين الصارمه ذي ... احنا مو بمدرسه
اظن احنا بزمن التعبير عن حريه الرأي . مو كل شويه تقولولنا التزموا يالقوانين ليش احنا لاسمح الله قلينا ادبنا
احنا كل الي سوينا نتكلم عن اي موضوع بدراسه بشويه ضحك
احنا ممكن نروح منتدى ثاني ونتكلم براحتنا ولا احد يكلمنا
....... بس
احنا ولائنا لذا المنتدى الي ساعدنا بدراستنا وعرفنا على اشخاص طيبين ونادرين بذا الزمن مثل الاخ مارس وغيره
اتمنى تتقبلوا ارأنا بسعه صدر
لاننا من جد احنا نحب ذا المنتدى واذا زعلنا منكم مو معناها اننا نكرهكم
بل نسعى معاكم للافضل

والمعذره منكم
ام ليونه

[مزون عابرة]

في شي حطوه ببالكم الإداره مارح تظلم عضو أو عضوة
وقبل لا توقفه تعطيه فرص كثيرة
وفي أشياء ما تعرفونها عن الأخ (مارس)

بس مو معقولة كل ما اتوقف عضو ,, الإدارة تنشر قصته على الملأ

ولأنها ما توضح الاسباب للأعضاء تبان إدارة متشددة

( هذا الموضوع غير مخصص للنقاش بخصوص الأعضآء الموقوفين ,,
وأي نقآش آخر يكون في قسم الشكآوي ,, أرجو الإلتزآم )


مزون عابرة

[ارق احساس]

بخصوص خبر ايقاف عضوية مارس

لم اجد سببا لإيقافها ..فهو متعاون وخلوق

ولتعاونه وقع في المنتدى ولحضوره صدى
ربما تكون هناك اسباب نجهلها
لكن
من غير المنصف ان غيره يجد حقوقه كامله وهو لا يستحق

لماذا هناك اعضاء يتم ايقافهم وتتم اعادتهم اكثر من مره؟؟
ارجو اعادة النظر في الموضوع
لانه يستحق العوده..اعتذر اخت مزون لمداخلتي
لكن كان لابد من ابداء رأيي

[بنت قحطان]

أنا تواصلت مع الإداره ويارب كل شي يرجع مثل ماكان
ورجاء خفوووووووا علينا موكل شي ممنوع
خلوووا عندكم رحابه صدر واحنا اكيد عندنا رحابه صدر..
ولا وش له جالسين بالمنتدى
هذا صرح كبير نتعلم منه ونضحك ونستفيد
((والله اجلس بها المنتدى اكثر من جلستي مع اهلي))
خلونا متحابين في الله ومتسامحين وروحنا طيبه
ويارب يرجع مارس

[امونة المزيونة]

المشاركة الأصلية كتبت بواسطة غيوده طيب يا مديرنا احنا بجد محتاجين موضوع نتناقش فيه بأشياء كثيره واتوقع اننا كبار وماراح نقول شي نضر به انفسنا قبل غيرنا يعني مو حلوه كل شوي يقولونا الرجاء الالتزام بالموضوع يعني احنا نتكلم بخصوص مجالنا بس بطابع مضحك او بطابع مزح واتوقع لامانع من ذلك عالاقل عشان نخفف عن نفسنا واتوقع هذا الي كان يسويه اخوي مارس .. بجد اتحدى اذا احد جا وقال ان اخ مارس قلل من احترام اي احد ولا تعدا الخطوط الحمرا .. وبجد هو مو مقصر بمعلوماته وعطاءه مع الاخرين هذا مجرد رأي في زمن الديموقراطيه ويعطيكم العافيه اتمنالكم يوم سعيد

المشاركة الأصلية كتبت بواسطة ام ليونه ليش طيب احنا مافهمنا ليش وقفتوا عضويته لان من حقنا نعرف ليش لانه زميل واخ لنا وانا ماتوقع ان مارس سوا شي لانه معروف عند المنتدى كله باخلاقه طيبه وروحه المرحه وومايقصر مع اي احد بلمنتدى وبعدين ليش القوانين الصارمه ذي ... احنا مو بمدرسه اظن احنا بزمن التعبير عن حريه الرأي . مو كل شويه تقولولنا التزموا يالقوانين ليش احنا لاسمح الله قلينا ادبنا احنا كل الي سوينا نتكلم عن اي موضوع بدراسه بشويه ضحك احنا ممكن نروح منتدى ثاني ونتكلم براحتنا ولا احد يكلمنا ....... بس احنا ولائنا لذا المنتدى الي ساعدنا بدراستنا وعرفنا على اشخاص طيبين ونادرين بذا الزمن مثل الاخ مارس وغيره اتمنى تتقبلوا ارأنا بسعه صدر لاننا من جد احنا نحب ذا المنتدى واذا زعلنا منكم مو معناها اننا نكرهكم بل نسعى معاكم للافضل والمعذره منكم ام ليونه

صح والله كلامكم وانا معااكم بكل حرف احنا نتكلم ونتناقش في مواضيع بتخصصنا واذا خرجنا عن الموضوع نخرج بطابع فكاهي ومانضر احد فيه لاسبينا بهيئة تدريس ولا بالجامعة ومحترمين انفسنا وغيرناا ..

مالو داعي هالتشديد دام مافي منو اضرااااااااااااااااااااااااااااااااار ..

والكـــل يطاالب بإعادة عضوية ماارس ليش الواحد لما يغلط تنمحي كل حسنااتة ويبقي الغلط هو اللي ببالناا ..
ومهما سوى مارس واش مايكون غلطة ماتوصل لإلغااء العضوية تقدرو تخلوها فترة ويرجع بس مو بشكل نهاائي ..

لاتخلوني اتهور واسوي حملة بإعادة عضوية ماارس >>تسويها ماعندها

[Othman]

الإخوه والأخوات .. الأعضاء

الموضوع ليس مكان للنقاش حول مسببات إيقاف العضوية من جدواها
وتوجد وسائل متعددة للتواصل مع الإدارة
(قسم الشكاوى والاستفسارات - خاصية الرسائل - بريد المنتدى)
بالإمكان التواصل فيها مع إدارة المنتدى


بعض المشاركات صورت الإيقاف بأنه منحصر على مشاركات الموضوع الحالي
وبعضها صوره أنه بسبب المزح العابر .. والبعض يصور الإدارة وكأنها تركز على السلبيات
إلى بعض المشاركات وللأسف ذهبت للتشكيك في إنصاف الإدارة

وحتى لا يزداد الكلام عن الموضوع .. يجب التوضيح بخصوص
* أن سياسة الإدارة في الإيقاف مذكورة ضمن قوانين المنتدى:

إدارة المنتدى لا تعتمد طريقة الإعلان عند إيقاف أحد الأعضاء ولن يتوجب عليها تبرير سبب الإيقاف لعامة الأعضاء , ويستثنى من ذلك بعض الحالات

* أن إدارة المنتدى ليست من السذاجة بمكان بحيث يتم إيقاف عضو بسبب مشاركات مثل هذا الموضوع.
* تم التواصل مع الأخ مارس سابقاً .. حتى يكون هناك أكثر من فرصة .. ولم يكن التنبيه للمرة الأولى ولا الثانية ولا الثالثة.
* العضو مقتنع بسبب إيقاف العضوية واستحقاقه لها.
* لا يشترط في إيقاف العضو أن يكون سبب الإيقاف ظاهراً لجميع الأعضاء.
* إدارة المنتدى لا تمانع في نقاش الأخ مارس عبر وسائل الاتصال السابقة أو أمام الجميع باشتراط موافقته.
* قوانين المنتدى واضحة وملزمة للجميع .. وحتى يستمر العضو في المنتدى .. عليه الالتزام بما فيها
والتي تضمن له حقوقه قبل أن تلزمه بالواجبات المترتبة عليه .. وفي حال عدم وضوح أي قانون
بالإمكان التواصل مع الإدارة لإيضاحه.
* المنتدى يضم مساحة كافية من الحرية للحوار وتبادل وجهات النظر المختلفة .. ولكن لا يعني ذلك الخروج عن إطار قوانين المنتدى .. حفظاً لحقوق الجميع
ـــــــــــــــــــــــــــــــــــــــــــــــ

أتمنى أن يكون الإيضاح قد أزال اللبس الحاصل فيما حصل
ولمشرفة القسم حرية ضبط الموضوع بما تراه مناسباً ،،











سكاو

[بنت قحطان]

والله يامديرنا انا جدآ احترمك واحترم قراراتك انت والمشرفين
وماعندي اي تعليق صراحه على اي كلام بس هو مو اعتراض
مجرد سؤال لانه مارس ماشاءالله شخص له مجهوده بالمنتدى
وهذا هو السبب الرئيسي لسؤالي ..
اتمنى محد يأخذ كلامي بزعل ومشرفتنا مزون لاتزعل علينا
وعلى كلامنا في هالموضوع وخروجنا عن نطاق الموضوع
يعني مزون انتي فاكره الموقف اللي صار بيني وبينك
ومن جد انسانه جدآ راقيه بكلامك معي يعني مجرد اعتذارك لي
والله العظيم كبرك بعيني ..
ماتقصر مديرنا وماتقصر مشرفه تخصصنا مزون وجميع المشرفين يعطيكم الف عافيه ..

[مزون عابرة]

الله يسعدك بنت قحطآن

الله يعافيك يااارب ,,

بكذآ أعتقد إنتهى النقاش بأمر الأخ (مـآرس ) ,,
وأي رد آخر بخصوص الموضوع سيحذف
وبإمكآنكم الإستمرار بنقاشاتكم من الآن ,,
مو معقولة يتوقف موضوع كل ما توقف عضو مننآ



ما تبغو ( الكرسي النفسي )؟

ولا نسيتوه؟

اذا فعلآ متحمسين للفكرة رآح أنشأ موضوع ,, وإلآ بـلاش :)

بإنتظآركم