استفسار عن شروط قبول ماستر حاسب؟ واختبار القسم؟

[w-gh]

SMile Flower

طالب المزيد

الله يجزاكم خير على مجهوداتكمـ .. وربي يوفق الكل ان شاء اللهـ

[ثناء الغامدي]

لو بغيت اقدم ماستر وش شروطهم على العلم باني حملت ماده في المستوى الاول بس دخلت دور ثاني ونجحت فيها

وش السوات ؟؟؟

[طالب المزيد]

المشاركة الأصلية كتبت بواسطة اللمار طالب المزيد حياك وبياك من طول الغيبات جاب الغنائم فين اختفيت؟ صرنا ندورك في مواضيع التوفل؟ ألف مبروك القبول ولاتروح بعيد خليك معانا. بغض النظر عن الواجبات والبرامج والمشاريع. مادام بدأنا مع بعض إن شاء الله ننتهي مع بعض. الماستر يحتاج تشجيع ومواساة بنفس الوقت. الله يسهله علينا جميعا.

أولا شكرا علي السؤال يا اللمار والله يبارك فيكي .. غيابي كنت جالس أحضر للخطة الثانية بما إن الخطة الأولى
وهيا قبولي للماجستير تمت بحمد لله

لازم يكون للشخص دائما خطة بديلة ههههههههههه (حسيت إني إسمي أوباما المزيد)

لا تخافي والله لا أطفشكم في المذاكرة .. تراني جدي في الأشياء هذه ما عندي لعب

وفي وحده هنا مشتري لها (خيزرانه) وهيا عارفة نفسها .. خلي أشوفها بس ما تذاكر

وربي بعدين (!!@#$) أنا أحذركم

وعلي سيرة الغنائم جيب لكم قروب بس سمايل خربت
عليه المفاجأة كلها

[طالب المزيد]

المشاركة الأصلية كتبت بواسطة smile flower وعموما مافي مشكلة هنا او هناك اهم شئ نتجمع ونفيد بعض

فعلا ما في فرق ما عندي مانع أصلا

بس ملاحظة قروب قوقل سلس في التعامل هذا رأي

والله يوفق الجميع

وأقلك من الآن .. واجبات من عندي .. إنسي

[اللمار]

المشاركة الأصلية كتبت بواسطة smile flower بانتظارك يالمار تجي وتقرري

شكرا لك smile flower

وشكرا لك طالب المزيد

بدايات محمسة جدا

كلكم عينين في رأس

أنا جربت الياهو قبل فترة وكان معقدني في بعض الأمور
وأنا دائما ميالة لحبيب القلب Google

والرأي للجميع

أعملوا تصويت ايش رايكم؟
مين يؤيد جروب yahoo ومين يؤيد Google
طبعا من خلال تجربتكم السابقة ماهو الأصلح؟
خصوصا وأننا ناوين بإذن الله يكون شئ دائم ومستمر على طول!

[اللمار]

المشاركة الأصلية كتبت بواسطة tan طبعا أنا في البداية أشكر الأخ amazon اللي استفدت من مشاركاته كثيير فهالموضوع و مواضيع اخرى .. أنا حاولت أبدأ بالرسالة أو الأطروحة و لقيت موااقع كثيير حلوة تعلمك كيف تكتب اطروحتك بطريقة صحيحة و جيدة. ياارب تستفيدون منها و تفتح لكم آفااق جديدة :)

جزاك الله خير
المواقع تم حفظها في المفضلة

بس ياريت تكملي معروفك وتعطينا فكرة عن المواد اللي درستيها؟

ايش اخترتي من المواد الاختيارية؟
ايش الصعوبات اللي واجهتك؟

أنا سألت الأخ Amazon عن مفاتيح النجاح في الماستر وقالنا أهم شئ ادارة الوقت. طيب أنت ايش ممكن تنصحينا نصائح أخرى؟

وعندي سؤال أكيد كلنا بعد مانبدأ مرحلة دراسة أو أي عمل جديد ونمر ببعض الصعاب نرجع ونقول ياليت قبل ماأبدأ كنت استعديت لهذه المرحلة.
بالنسبة لك هل مرت عليك مادة أو واجب أو مشروع وقلت ياليت كان عندي فكرة عن هذا من قبل أو ياليت عندي وقت كان استعديت قبل ماأبدأ هذا المشروع أو كنت أسست نفسي من هذه الناحية؟

اتمنى الاقي ردودك على هذه الأسئلة ومشكورة مقدما.

[bint_jeddah]

السلام عليكم .. لكم وحشه من جد .. انا غبت كنت برفه عن نفسي خخخخخ باخذ دورة تصوير فوتوغرافي قبل الكرف .. سؤال انا بصراحه الله يعيني ويعين الجميع عندي مسؤليات بالبيت الله يقدرني عليها .. بس فيه شيء اقدر ابدا فيه اقراه او شيء ..
ثانيا :: ايش ممكن اشتري جهاز وايش مواصفاته عشان الماستر لانه جهاز عطل والان ابغى اشتري فابغى اخذ رايكم
ثالثا: كيف نحصل على توصيف المواد ؟؟ عشان نعرف اذا تتناسب معنا ولا لا ؟؟

[smile flower]

المشاركة الأصلية كتبت بواسطة طالب المزيد وفي وحده هنا مشتري لها (خيزرانه) وهيا عارفة نفسها .. خلي أشوفها بس ما تذاكر وربي بعدين (!!@#$) أنا أحذركم وعلي سيرة الغنائم جيب لكم قروب بس سمايل خربت عليه المفاجأة كلها

كاني عرفتها اللي اشتريت لها الخيزرانة <<< طبعا مو انا
معاك حق فعلا لازم نذاكر ووقت الجد جد ووقت الواجب نعمل كوبي من طالب المزيد <<< مصرة تاخد علقة
المهم يا اعزائي بجد انا ماراح ازعل لو كان اختياركم جروب القوقل اهم شئ نحدد ونتفق عشان الليلة نجتمع في احد الجروبين ونبدأ نتفق على النقاط اللي راح نستعد لها خلال الصيفية ان شاء الله والاهم نبرهن على ان العرب يقدروا يتخذوا قرارت حاسمة وسريعة <<< ايش دخل السياسة

هلا ببنت جدة العزيزة
كان اخديتني معاك نفسي صراحة اتقن التصوير الفوتوغرافي
ماعلينا ننقل لنقطة شراء الابتوب

عزيزتي انا اشتريت لاب توب من حوالي شهرين ونصف يعني قبل حتى ما ادخل الاختبار بس تعرفي الابتوبات مع كرفنا ما تتحمل فاول شئ لازم تحددي النقاط التالية لما تجي تشتري:

• الميزانية يعني كم المبلغ اللي ناوية تصرفيه في شراء الابتوب
• الشركة المفضلة عندك واللي تعتقدي اجهزتها جيدة وممكن تخدم
• الوكالة او المكان اللي راح تشتري منه طبعا يدخل ضمن اعتباراتك خدمات ما بعد البيع لانه وقت البيع الكل راح يبتسم ويأهل لكن المهم بعد ما تشتري هل بيوفر خدمات جيدة او لا
• سرعة CPU واللي وصلت الى 4,2 وكمان حجم الرام وحجم الهارديسيك اللي وصل الى180 فتختاري المناسب لاحتياجك

من واقع تجربتي شركة HP الاغلى في السعر لابتوبات رائعة التصميم جودة عالية وتقنيات ممتازة بعدها شركة TOSHIBA معروفة بجودة كمبيوتراتها وقوتها وتحملها للضغط والبرامج الثقيلة اسعارها عالية بس اقل من HP تليها شركة DeLL برضو كمبيوتراتها كويسة تتحمل كرف واسعارهم في متناول اليد بالنسبة لـ Sony حاليا كمبيوتراتها صارت اقوى واكثر جودة لكن عن نفسي انصح بالنوعين الاوليين لانهم اقوى واكثر تحمل..
وان شاء الله تكوني استفدتي <<< داخت من كتر الكتابة

[tan]

المشاركة الأصلية كتبت بواسطة اللمار جزاك الله خير المواقع تم حفظها في المفضلة بس ياريت تكملي معروفك وتعطينا فكرة عن المواد اللي درستيها؟ ايش اخترتي من المواد الاختيارية؟ ايش الصعوبات اللي واجهتك؟ أنا سألت الأخ Amazon عن مفاتيح النجاح في الماستر وقالنا أهم شئ ادارة الوقت. طيب أنت ايش ممكن تنصحينا نصائح أخرى؟ وعندي سؤال أكيد كلنا بعد مانبدأ مرحلة دراسة أو أي عمل جديد ونمر ببعض الصعاب نرجع ونقول ياليت قبل ماأبدأ كنت استعديت لهذه المرحلة. بالنسبة لك هل مرت عليك مادة أو واجب أو مشروع وقلت ياليت كان عندي فكرة عن هذا من قبل أو ياليت عندي وقت كان استعديت قبل ماأبدأ هذا المشروع أو كنت أسست نفسي من هذه الناحية؟ اتمنى الاقي ردودك على هذه الأسئلة ومشكورة مقدما.

يا حليلك يا اللماار

أنا زميلتك في القسم هذه السنة

يعني بعد ما بدأت عشان أخلص

و جالسة أستعد لهالمرحلة

بس أنا جاتني فكررة عشان ناخذ لمحة عامة عن المواد اللي راح ندرسها

أخذ اسم المادة بالأنجلش و أبحث فيطلع لي صفحات لهالمواد لجامعات براا

و موجودة المحاضرات و كل المواضيع اللي بيدرسوها و كمان الكتب

المطلوبة للمادة

و لمن بحثت عن برامج الماستر للحاسب بررا

لقيت خطة جامعة ستانفورد مرررة رائعة و منظمة

و ممكن احنا نطبقها

قبل ما يبدأ الطالب يدرس الدراسة الفعلية بيعملوا له مراجعة في المجالات الأساسية

أنا بحاول انظم اللي عندي عشان تستفيدون أكثر

معليش اللمار أكلتي مقلب فيني

مع أني سجلت في قروب سمايل

بس و الله أعزز Google

اش رايكم نبدأ في غوغل و نجررب عجبنا كملنا أو نرجع لقروب الياهو

عشان لا نتشتت و نرركز صح

الله يعطيكم العافية جميعاا ..

[w-gh]

السلام عليكم ..

عندي كم سؤآل اذا ممكن قبل لاتروحون لاي قروب !

اولاً . الله يستر انا الى الآن ماخلصت اوراقي الى الآن .وخايفه والله. لان والدي بالعناية المركزه دعواتكم لهـ
بس الحمدلله من ترك شئ لله عوضه الله بخير منهـ

وسؤالي هو .. ممكن اخلص الماستر بسنتين ولا لا ؟؟ اتمنى احد يفيدني لان صحبتي تدرس ماستر بس هي الآن قبلنا بسنه بتصير ..

وتقول لي اقل شي ٣ سنوات ..

وهي مره مسكينه تعبت في الترمين اللي فاتوا .. مع انها ٣ مواد بس طول اليوم كرف
مافي اي شي برمجه كله research و presentations
طوال الترم يمكن ..

حتى اوقات الاختبار عندها اختبار اليوم يصير بكرا عندها presentaion
الله يعينا يارب ..

والله مره خايفه من ازمه الوقت ..

وعلى طاري الكمبيوترات .. انا اشتغل على نظام الماك واجهزه الابل تتوقعوا انه لازم احمل ويندوز ولا لا ؟؟
لانه مررره يختلف في البرامج ولغات البرمجهـ وكل ذي الاشياء

والله يوفقـ الجميع