أمطار الاربعآء 22/2/1432 //~

[حلا الحلوه]

بدون مقدمات

http://www.okaz.com.sa/new/Issues/20...0127397270.htm

انا عن نفسي

لا تعليق

[JuStice]

.

عذر أقبح من ذنب ,

في دول العالم الأمطار تهطل دائمًا ولم تحدث لهم كوارث كما حدث هنا .

.

[لحن المفارق]

السلام عليكم ورحمة الله وبركاته

مسائكم خير جميعــآآ

والحمدالله على سلامت الجميع

والحمدالله على سلامتي وصلت للبيت الساعه 10:30 ليلآ


..انا كنت من ضمن الطالبات المحتجزاااات ..

لم اتوقع ان تكون جامعتنا بهذا السوء من ناحيه التصريف .. وحتى المباااني المياة تنزل من السقف


كان اختباري في مبنى 420
الاختبار بداء 11 تقريبا وسلمت الورقه بسرعه لم يمر نصف الوقت
بجد ماتوقعت ان الامطاااااااااااار تنزل بكثره

سبحان الله فثواني كل شي امتلى كنت نازله من درج المبنى وكان السقف ينزل موويه

غالب الطالبات ماخرجو من المبنى الا لما سمعو انه في التماس فالمبنى

توجهت للبوابه الشرقيه ... ومن بعدها حاولت ان اصل لشماليه ووجدت ان رجال امن ومن الدفاع المدني دخلو .. لبست انا واحد الصديقات العبايات وتوجهنا لمبنى الجوهره (مبنى كلية الآداب )

وكانت الباصات موجوده تمر على المباني وتآخذ الطالبات وتحاول توصلهم للبوابات

انا من حظي .. طلعت مع باص من الباصات الطويله ورحنا لما البوابه الغربيه الكبيره القريبه من مبنى الخنساء ..ومنسوب المياه فهذي المنطقه مرتفع لان كان خروج المياه وتجمعها عند الغربيه

المويه دخلت فالباص في بنات نزلو طالعين من نفس البوابه كل ماقربو من البوابه للخروج زاد ارتفاع المويه تقريبا يوصل لما حد البطن .. بجد شي يخوف

حاول الباص يرجع بس كان في احد السيارات خاصه بااحد الاشخاص تمنعنا اننا نخرج
حاولنا ..وصدمنا بعامود اناره من الخلف لكن الحمدالله عدينا بسلام وقف الباص وماقدر يكمل عند المبنى الثامن ..

نزلت من الباص واستمريت فالمشي من الثامن الى الشماليه الي عند التاسع وصلت قالو لي البنات ان سقف الشماليه طاح جزء منه والمياه تصب من فوق .. دخلنا المبنى التاسع ..صار فيه التماس ..خرجنا ورحنا لمكان التجمع المكتبه المركزيه ..

( صرت كلي مويه انقط ... )

جاء امر اخلاء من اغلب المباني والتجمع كان في المكتبه المركزيه فالجامعه
صار التماس فمبني 420 _ ومبنى كلية الاداب ..والمبنى التاسع .. ومبنى الشؤون الـ 13 وقالو انه حرق منه جزء بسيط


بقينا فالمكتبه المركزيه لما العصر ..

وجاءت الباصات واخذنتا على سكن الطالبات اعتقد اسمه (السكن الطبي ).. وبعض اهالي الطالبات دخلو بسيارتهم الخاصه للمكتبه المركزيه واخذو بناتهم ..

كثير من البنات كانو خايفين منهم من كان يبكي والبعض في صمت والبعض خرجو من البوابات الله يهديهم وهو خطر عليهم

واحذية البنات اكرمكم الله فاايديهم وبعضها مرمي فالارض


موظفات الأمن حاولو يساعدون الطالبات بجد ماقصرو تعبو معانا الله يجزاهم خير

وسو الي عليهم وحتى رجال الامن وكمان شفت رجل شرطة والدفاع المدني

الحمدالله على كل حـــآل .. والله يكتب لنا الآجر

الله يرجع كل مفقود لآهله ويطمن قلوب آهل جده كلهم

الله يهدي الجميع وكل مقصر راح يقلى عقابه من الله عز وجل

وارجع اقول الحمدالله على سلامت الجميع


:)



لحن

[TURKI ALharbi]

لا تعليق وبقوه
فيه تقصير بس ماحد يبي يقول وينه مصدره
احس المسؤلين صارو يتكلمون بطريقه السياسيه المحيره
صدقونى لازم تصير تغيرات جذريه بجده وفوريه والعمل يصير ليل نهار لانشاء صرف صحى لكل جده ولو يزيلون الجنوب بكامله ويسكنونهم بشمال او اى مكان
اما اكبر من طاقتنا فهو اكيد اكبر لانه ماعندهم طاقه تنشف بحيره المسك
تبيهم يجارون سيول بهالكثره

[سحر البيان]

المشاركة الأصلية كتبت بواسطة خالد9921 هي جات على هاذي بس ؟! خذ كلامي من شخص اكلها امس !! بسم الله الرحمن الرحيم عندما يصبح الانسان بلا قيمة ,, عندما تُهان قوافل البشر وتُدعس فأعلم أنك حتما في جده ,, هذا انا طال عمركم كنت طالع من الجامعه الساعه 11 وصباح اضطريت اوقف عند محل امام سوق الجامعه وماهي الا دقايق حتى نزل المطر بغزارة شديدة غرقت معاها الشوارع وبالتالي ما قدرت اطلع من المحل اللي انا فيه ولا الناس قدرت تطلع من المحلات واللي غرق غرق واللي راحت سيارته راحت وانا منهم شفت سيارتي تغرق قدامي عيني وانا ماني قادر اسوي لها شي لانو بإختصار نزولي للشارع يعني غرقي ومغامرتي التي قد تكون فاااااشله للغايه !! المهم استمر نزول المطر بشدة واستمرت معها اتصالات عالدفاع المدني واللي كان دايما يعطيني الشبكة مشغوله ويا عيني عالتطور !! وفي مره من المرات شبك الخط ولكن للاسف ما يردوا ,, نعم ما يردوا !!! مرت ساعتين وانا بنفس المكان ولا شفنا بالشارع اي سيارة تابعه للحكومه ابدا ابدا وفي لحظة امل مر بالشارع جيب حق قوات الطوارئ انا هنا ابتشرت خير قلت اكيد خلاص هذا يبغى ينقذ الناس اللي بيقدر ينقذهم ف نزلت الشارع اصارع الموويه واشرت للجيب يوقف لي ,, تتوقعو ايش صار؟ بكل برود العسكري اللي بالجيب يطالع فيه ويضحك وشاب السيقاره مع زميله وطناااااااش تركني ولا وقف لأي شخص رغم انو كانت في حرمه تصارع الموت قدامنا وكأن شي لم يكن !!! مرت ساعتين لين الساعه 3 الظهر خف المطر شويه قلت خلاص يا ولد مالك الا تسبح لين قدام كلية الهندسه يمكن هناك خفيف وتلقى اي سياره تاكسي او شي توقفه واركب معاه لبيتي اللي بشمال جده لانو جلست بمكاني راح اتحاصر مالي الا اسبح !! فعلا سبحت الين هناك ووقف شاب ابن حلال قالي يلا اوصلك طلعنا متجهين عالخط السريع ولكن طبعا الخط فوضى عااارمه بشكل مرعب وكوبري الجامعه مقفل يعني الخط السريع مقفل يعني انسى مالك الا ترجع فعلا رجعنا على اساس ننزل للشمال من جهة شطر الطالبات و المطار القديم والاندلس مول وهنا كنت الفاجعه اكبر واكبر جلسنا نغامر بالسياره والناس كلها تغامر لما توكيلات بالبيد في السليمانيه نزلنا عالشارع اللي هناك ولكن خلاص هنا كان لازم تنتهي المغامره مننا ومن جميع المتواجدين لان المويه دخلت السيارات لين غطتنا واحنا جالسين بالسياره والسياره صارت تمشي لحالها المويه يجيبها يمين ويسار يعني المووت الموووت !!! هنا قالي صاحب السياره مالنا الا نسبح توكل على الله والسياره خلاص الى مقبرة الجحيم طلعنا من الشبابيك وسباااحه نهرب من الشارع زي كل الناس اللي هاربه ومنها حريم واطفال !! لما ارض بررحه كبيره مليانه تراب كانت الملاذ الآمن لحوالي 3000 نسمه !!! وصلنا للارض وجلسنا فيها مع الناس وقدامنا بالشارع المقابل برضو ناس هربانين لمداخل العماير والبيوت وطبعا الشارع مرره غرقان انسى فكرة انك تمشي فيه راح تغرق لانو مرره مرتفع ويمشي بسرعه يسحب الرجول كأنو شلال :/ هنا طبعا صارت مواقف لا يمكن انساها عرفتني ايش البلد اللي انا انتمي له !! جلس الجميع متأمل قشة امل في الانقاذ لساعات وساعات كل هالالوف من البشر جالسين يصرخوا ويبكو المنظر كان مفجع وكأنو يوم الحشر اللهم يا كافي !! وفوقها تشوف قدامك ضحايا ما يعرفو مصير الطريق هذا ويغرقو قدامك ويموتو ولا تقدر تنقذهم ولا في اي فرق انقاذ وتحياتي لامن بلدي تحياااااتي الشديده له طبعا اول المنظر هذا كان فيه فقط 3 عساكر لا اكثر بدون اي آليات 2 اختفوا خلال خمس دقايق من وصولي ,, وين راحو؟؟ الله اعلم !!! لكنهم هربو مع راعي وايت !! وواحد تتوقعوا ايش سوا ؟!! ابدااا جاء واحد راعي تريله مع اطفاله ويقول للناس اللي معاه عائله صغيره يركبهم معايه طبعا الكل بدأ يصيح علشان ياخذ حريمه وينقذهم لكن اللي صار انو نزلو من سياره مع سواق اندونيسي 2 بنات فل اوبشن اغراء لأي خروف في هاذي اللحظة استبسل العسكري اللي كان موجود لحاله بسالة وشجاعة خراااافية وراح يشيل البنتين من سيارة السواق ويسحبهم معاه لما الشاحنة وركبهم فيها انا قلت هنا خلاص الحين البنات ركبو خلاص بيرحو والعسكري يجلس معانا لانو مرابط هنا لكن للاسف بكل وقاحة ركب مع البنات بالشاحنة جنبهم ويضحك للناس في حين انهم جالسين يبكون ويصيحون له انو ما يروح ويساعدهم !!!! وراحت الشاحنه بضيوفها الجدد ومن بعدها ما عاد شفنا وجه المليح هذا وجلس الشعب السعودي بأكمله المنكوب بدون اي امن يذكر !! بقا الناس محاصرين بالساعات في هذا المكان واحنا نشوف بالسماء 3 هيلكوبتر فقط 3 هيلكوبتر تجوب جده وبالتحديد الشرق وكل ما جات فوقنا نأشر لها نصيح لها نقولها ناس بتموت تحت ابدا وكأنهم ما يشوفونا طناااااااش بعد كذا جات الساعه 8 العشاء تقريبا ومن لطف الله منسوب المياه بدأ يخف هذا ما يعني انو خلاص المشكله راحت بس يعني فيه امل بسيط انك تسبح !! طلع الناس في مسيرات للسباحه زي ما تشوفو بالصور ماسكين ايادي بعض لانو لو تسبح لحالك راح يجرفك المويه لانو خلاص جلستنا زي كذا مالها فايده اما اننا نغرق او اننا نغامر ونطلع ونعيش لانو مافي لا امني ولا امنك ولا دفاعي ولا دفاعك كلووو بكش يا رجل كلوو بكش دوله ضعيييفه !! نسيت اقولكم راعي السياره اللي وصلت معه لهالمكان اختفى فجأه ,, دعواتكم ربي يلطف به المهم سبحنا وسبحنا لما نزلنا ع امتداد شارع الستين بدينا نشوف سيارات تمشي وقفت اقرب سياره وركبت معاها ولكن للاسف الطريق السريع مقفل والستين مقفل وكلووو جده مقفله حصااااار حصااااار وبالاخير صدمنا بشاحنه مجبر اخاك لا بطل وتعطلنا !!! وصلت الساعه 10 الليل وانا ما زلت اسبح وامشي وادوري اي طوق للنجاه اخر شي قلت مالها يا ولد الا تسبح لين شمال جده وتبعد عن الاحياء المنكوبه وفعلا جلست اسبح لما وصلت الدانوب شارع الاربعين هناك المويه قليل شايفين المسافه قد ايش بس ؟!! وطبعا رجولي تجرحت انواع الجروح والشوز حقي اتقطع وانتم بكرامه وصرت حفيان :/ وصلت للمكان هذا الساعه تقريبا 2 ونص الليل وانتظر نص ساعه لما جاء تاكسي ولا شعوريا فتحت الباب بقوه رميت نفسي ورميت له خمسين ريال وديني بيتي بسرعه وديني !! ورجعت البيت ومازال ابويه واخواني محاصرين بخط مكه وجنوب جده ولكن الحمدلله وصلوا البيت قبل ساعه من الآن !!! قبل ما اختم كل المعاناه هاذي كانت بدون اكل وشرب بدون اي محل مفتوح وبدون حتى اجهزة صراف تشتغل وبدون اي جهاز حكومي امني يساعد الناس فقط الله ورحمته ولطفه .. ثم المغامره اموت او اعيش !! وعلى غرار اللي تعلمته بوطني اوجه ردي هذا ع طريقة نسخة لــ خطابات وعيد وتهديد للمقصرين .. واهيه وضعيفه ولا لها اي نتيجة نسخة للاجهزة الحكومية الامنية الضعيفة والتعبانه واللي مالها وجود وقت الشدايد !! نسخه للدفاع المدني الظريف اللي يرسل مسجات عن المطر الساعه 6 المغرب !!!!!!!!! نسخه لـ فئه ولا معطيه اي اهتمام للشعب وارواح الناس غير بالكلام والضحك عالدقون ( لا يُلدغ المؤمن من جحر مرتين ) !! نسخه تحيه وتقدير وإحترام للشعب الجداوي مواطنين ومقيمين قامو بمساعدة بعضهم البعض ايضا نسخه اخيره للشعب الجداوي اقول فيها كم أنتا صبور كم أنتا صبور كم أنتا صبور اصبحت في كل عام تغرق بكل برووووود ف متى سـ ستثور ؟! متى سـ تثووووووور ؟!!!! كان الله في العون واعذروني غيض من فيض ولكن اكييييد ماهوب العن من فيض امس !

خالد ليه تقوم عليا المواجع

و الله قلت خلاص بأنسي الموضوع لاني أنسانه مؤمنه بالقدر خيره و شره

و لأن أكيد سكان جده كل واحد عنده قصة اقوى من ذي ...

عشان ما نلخبط المواضيع اسمعوا قصتي ....

أمس رحت الجامعه .... أحضر حفل تخرج طالبات قسم الكيمياء

و منهم واحده من طالباتي (( عزمتني شخصيا )) ...

نزلت الامطار .... و قالوا في مبنى أنحرق ...

المهم خرجت عشت أسوأ مغامره في حياتي من الساعه 11 و نصف ... و رجعت بيتي الساعه 3 فجرا

طبعا زي ما قلت لكم خرجت من الجامعه قلت خلاص طالما السواق موجود برا نرجع البيت قبل الزحمة

الدنيا غارقنه مع انه المشوار مو بعيد ... و تبللت ملابس دخلت السياره (( البوابة الشريقة))

لقيت الدنيا غرقانه ...

زوجي قال لي لا تروح من طريق النفق قلت خلاص من الخط السريع بعد ما أتطمانت ان اولادي بخير و أنه مافي مطر في الشمال...

موية بشكل مرعب ... و ما لقينا لامرور .... لا دفاع مدني .... لا سيارات تسحب المويه .... و هذا كان أحسن جزء في المغامره

المهم طلعنا كوبري الجامعه و الصراحه الطريق اللي رايح شمال مليان و العكس مو مره .. يعني الوضع كان ممكن السيطره عليه لو كان في خطه مسبقة ....

عدينا من قويزه نفس المنظر السابق (( للكارثة السابقة)) ... الحمد لله عدينا من هذه المنطقة بس فرحة ما تمت

بدأت السيارات تتجمع و كلنا واقفين يمكن ساعه ونصف .... هنا بدأ منسوب المياه .... و ما في أي أحد جا من الدفاع المدني وغيره

هنا قررت أني أتصل.... أتصلت يا جماعه الحقونا نبغى نغرق ..... أمحق اتصال ما أحد جا

هنا ارتفع منسوب المياه و بدأت السيارات تهتز .....

هنا جا شباب سعودين يمكن من 16-20 سنه جزاهم الله خير ...

مساكين حتى بملابس خفيفية (( كعادتنا اهل جده )) بدون جكتات في ذاك المطر اللي تحس انه احد يرش مويه فوقك ...

و قالوا مافيه امكانية تكملوا أمشوا يمين و في طريق راح يوديكم لطريق ثاني .....

طبعا انا و بعض السيارات مشينا ... كل ما نمشي مكان نلاقي الطريق مسدود امامنا ... في صوره فيها صوره لسياره يدوب سقفها باين ... و الله أننا عدنا من هذا المكان .....

سواقي سرلانكي .... يقول مدام احنا 6 شهر مطر ... مافي مويه كذه

ماشاء الله هادئ و أعصابه مرتاحة .... و أظنه يحسب الموضوع عادي

أنا عادة هادئة و انفعالتي بارده .....

و امس زاد عليها خلاص اني أمنت برب العالمين و ان الموت علينا حق و راح يجي يوم أموت فيه و أكيد راح يكون فيه سبب ....

ما حبيت أخوف امي و ابويا موناقصين .... لكن زوجي وصيته على أولادي ...

نرجع لموضعنا متخيلين السياره غرقانه قدامنا ... قال السواق راح انزل لو المويه منسوبها طيب راح نمشي قلت له طيب ....

و فعلا كان طيب و مشينا ....

و فضلنا نضيع و نمشي و نغير اتجاهنا حتى وصلنا لمكان راح يودينا لكوبري فلسطين ...

هنا شفنا سياره صغيره غرقانه .... و السواق يبغى يدرخم و يمشي قلت له أنتظر ...

كانت في شاحنه قدامنا قلت له لو عدت الشاحنه راح نمشي وراها .... الا تخرز الشاحنه و ما تطلع

رجعنا ورا ... اخر شيء و صلنا لمكان مقابل السيليمانيه ....

طلعوا لنا شباب سعودين و قال لاتروحوا شارع فلسطين ... سيول .... حطوا مية خط تحت شباب سعودي ( مو دفاع مدني )

المهم رجعنا ( لا تتخيلوا أنا الا مئات السيارات )) و صلنا كوبرى السيلمانية .... و أحسب المعاناة راح تنتهى

مشينا لما وصلنا لاشارة الجامعه لقينا السيل دخل على السيلمانيه ..... هنا السواق قال مدام يمدينا نمشي ... قلت له أمشي

اتخيلت ممكن 10 أمتار و تنتهى الماساة .... لكن المويه كانت على مد البصر

فكرت لو في فندق أو شي أنزل فيه و أخذ غرفتين ليا و للسواق لين ما الواحد يعرف راسه من رجله ....

على مد البصر .... زي ما قال خالد لا جهاز صراف ... لا محطة بنزين ....لا كشك... نبغى موية نبل ريقنا ... دمنا نشف

المهم احنا و غيرنا ضايعين مو عارفين ايش نعمل ... ما تتصوروا سيارات وقفت ... و سيارات صارت المحركات تطلع دخان

و السيارات الكبيره تطلع دخان أبيض ... ريحة سيئية

وصلنا لكوبري الشرفية .... أخيرا شفنا دويفع مدني (( تصغير دفاع مدني ))

هنا قالوا لنا لا تمشوا و الطرق مقفلة ... صفنا و احنا و ناس زينا في مكان ..

و قدامي كانت في سيارة و البنت الي فيها تبكى .... و تعرفوا دكتورتكم ملقوفه ... رحت لها واسيتها و ط عزمت عليها تجي سيارتي

ملابسي لسه ما نشفت و ما حبيت أعدم سيارتهم ... سيارتها كانت صغيره ...

بعد نصف ساعه جا جيب من شركة اعمار يأخذ البنت و خالها (( للمعلومية البنت تشتغل في شركة اعمار)) و عزمتني اجي معاها ...

ما أعرف أول مره في حياتي أعملها ركبت معاهم و سبت السواق و السياره ... كنت احسب ساعه او 2 و ينتهى الموضوع

هنا كان الوقت تقريبا على 5 ....

لما دخلت جاتني واحده من الموظفات و قالت لي تعالي ترا كل اللي في الجامعه هنا حسيت كأني طفله مضيعه أهلها ... العدد ما كان كبير تقريبا 4 دكتورات واجده الله يوفقها جابت معاها بنتين ... الحمد لله الشركه ما قصرت معنا .... و جابت لنا شاي و قهوة ... و أكل على حسابهم ..... و كلنا منهاريين

على الساعه 10 أتصل السواق قالي ... انه ما أكل و لا شرب ... و لا راح حمام ... هنا حزينت عليه قلت له تعال اعمار

المهم جا قلته له أستنى هنا وهم راح يجيبوا لك كل شيئ .... ما رضي قال خلاص لما نرجع البيت

قدام أصراره قلت خلينا نروح يمكن في أمل ...

صح المويه خفت لكن الطرق مسدودة .... و سيارات رابحه جايه

هنا قاموا مواطنين سعودين ( كالعاده)) بكسر الحاجز بين الشارعين عشان نقدر نمشي

رجعنا شركة اعمار .... ما قصروا معانا و عرضوا علينا البيات أصلا موظفينهم محجوزيين معانا

على الساعه 2 خلاص تعينا و ما كان في أي أمل ننام ... من التوتر

هنا قررنا اننا نمشي على هيئة مجموعه .... عشان لو لا سمح الله صار شيئنكون مع بعض

مشينا جهة السليمانية الطريق كان زحمة بسسب السيارات اللي تركها اصحابها ...

و نزلنا على الخط السريع ... و هنا .... جات الشعره اللي قصمت ظهر البعير ...


طول هذه المعاناه و أنا صامده و الحمد لله مبتسمة ..... لكن هنا ما قدرت جلست ابكى بصوتي ....

السيارات فوق بعضها كانها لعبة .....

لما وصلنا الجهة اللي كان فيها السيل .... منسوب الماء كان عالي .... بس خلاص بعناها ...

الحمدلله باقي الطريق كان سهاله و انتهت المغامره السعة 3 فجرا ....

بس أنا مو قادره أنام ..... كل ما أغمض عيني أشوف المويه

و أسمع صوت المطر ....

[خالد9921]

طبعا البعض صار عنده يقين أن الخيبه لا يمكن مدارتها هالمره
رغم ما خلقته القناه السعوديه الاولى من نفاق وخداع اليييييم
ماشاءالله عليهم جايبين هيلكوبتر بس شغال ينقذ الناس وهم يضحكو ومره باااردين
عند مكان فيه زرع منظر مضحك وكأنو متفقين عالتصوير خخخخ !!!!!!!
و ما كأن ألوف البشر جالسين يأشرو لها امس وفيه وفيات وطناااش
ولا كأنو كلها 3 هيلكوبتر تلف جده الين المغرب قال 15 قال !!!!
بعد الغرق والنكبه ما نبغى اي مساعدات ايش يفيد مالطا بعد خرابها ؟!
وبالنسبه للاعتراف من الامير مشعل فهذا واقع وصحيح
وللاسف الاعتراف ما يفيد لانو الكل عرف الحقيقه هاذي لا جديد بالأمر يا سمو الامير !!
لانو بالامس كل الجهات الامنيه عجزت هذا اصلا اذا شفتها لانو شوفتها امس عيد !!
ما ادري فين خطط الطوارئ اللي يتكلمو عنها طول الشهور اللي راحت


كان الله بالعون
وربي يسلمك ويخليك يا حلا

[الكسول]

والمالية والمالية الشوارع كلها خربانة في الدول الفقيرة التصريف عبارة عن ثلاثين سانتي وعلى البحر سيدة

[نجمة ليل]

الحمد الله على سلامة الجميع

[وحشتني ايامك]

الحمدلله على سلامتك يارب عساها نهايه الاحزان والدماريارب يرجعواالبنات لبيوتهن بسلامه اناخايفه عليهن وقلقانه قلبي معاهم وادعي لهن

[~ إيقـــ المطـر ـــــاع ~]

الحمدلله على سلآمة الجميــع
والف حمدلله على سلآمتك خآلد
يَ آلله !! كل هـ الوقت تسبح !!
قشعر بدني وانا أقرأ كلآمك
لكن الله يجآزي اللي خآنو الآمآنه