قبول الطلاب والطالبات الغير سعوديين

[صدى الاحساس2010]

المشاركة الأصلية كتبت بواسطة طلبة العلا اختي صدى الاحساس طيب ممكن اسالك كم كانت نسبتك الموزونة ؟؟؟؟؟؟؟؟؟؟ وشكرا على جهودك و الله يوفقنا جميعا قولو اممممممممممممممممممممممممممممممممممممممين

هلا حبيبتي انا نسبتي 90.71 % (علمي)

هم باقي ماقبلووني بس هيك قالوا للشخص ووعدوه خير

انو يكون اسمي بالفصل الثاني الله اعلم >> ادعووولي

العفووو حبيبتي ويارب يوفقك ويقبلوووكي ان شالله ويوفقنا جميع



( احد سئل او راح للجامعة خبروونا باللي يصير معكم

وانا ان شالله رح اخبركم بكل شيء يصير معي )

[صدى الاحساس2010]

المشاركة الأصلية كتبت بواسطة بحر الحرية السلام عليكم.. نصيحة للجميع: لا تعتمدوا على كلامنا (طلاب وطالبات) في الإنتر نت، لازم تتأكدوا بنفسكم من كل شيء عشان لا تندموا، ولا تخرجوا لين تتأكدوا من الموظفين من الكلام اللي يقولوا لكم عليه. الله يوفقكم يارب ويفرح قلوبكم بقبولكم قريب إنشاا الله؛؛

اكيد صح كلامك وانا مو متأكدة مية بالمية من كلامي

بس هيك قالوا لي وحبيت اخبركم

وربي يسمع منك والله يجزاك كل خير

[العازفـــــة]

.
.

بابا رآح اليوم
قالوا له لسى ما طلينا أساسًا في حق المقيمين

واللي نقبلهم بهذه الطريقة قليل
فـ حنتصل عليهم

.
.

[بحر الحرية]

المشاركة الأصلية كتبت بواسطة طالبـ علم ـة من جد آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآمين بس عندي ملاحظه عالي بالاحمر ياليت تكتبها إن شاء الله حتى تبعد عن الشبهات لان انشاء تعني ايجاد والله هو الموجد لا شريك له عارفه مو قصدك لكن حماية للتوحيد <<< لقافه بس لازم اقووول

أهلين أختي..
أول شي الله يسعدك يارب ويجزاكي كل خيرعلى كلامك..
بس أحب أعلق على شيء.. لا تتبعي كلام النت كتير إنوو دي شبهات ف التوحيد ومني عارف إيش، لأنوو داا خطأ إملائي، وأنا متعود أكتبها بالاتنين الخطأ والصح، لكن ف ردودي اللي كداا بكتبهاا بسرعة عشان أرد بسرعة، لكن لو كنت ف نقاش وكان الأفضل إني أتكلم بالعربي الفصيح ف أعملها بالشكل الإملائي الصحيح..

لكن بس أحب أنبهك على شيء:
الاعتبار في الكلمات بالنطق مو بالكتابة الإملائية، يعني بالأصح:
مشيئة الله سبحانه لازم عشان نحقق المعنى الصحيح نفتح الهمزة في آخر الكلمة، فنقول: إن شاءَ
والنطق راح يكون واحد سواء انكتبت إنشاء أو إن شاء، لأن العبرة بفتح الهمزة أو ضم الهمزة المتطرفة.

لكن الكلمة اللي تقصديها انتي وهيا الإيجاد: تكون الهمزة مضمومة ونقول: إنشاءُ، فالنطق هواا اللي يحدد هل المعنى هواا المشيئة ولا المعنى هواا الإيجاد، لكن الكتابة الإملائية ف دي الكلمة ما تحدد المعنى اللي قلتيه..

أعتذر منك أختي..

الله يوفقك ويسعدك ويحقق مرادك يااارب؛؛

[بحر الحرية]

أهلين فيكم كلكم

بعرف إنكم على أعصابكم ومستنين أي أحد حتى لو يبكش عليكم بس أهم شي يقلكم إنوو انقبلتواا

بس مع كداا لازم تصبروا وتخلوهاا على ربنا لأنكم قدمتوا الأسباب وعملتوا اللي عليكم، وادعواا ربناا وسبحانه ما راح يردكم خايبين إنشاا الله..

ع العموم:

اليوم تأكدتلكم لحد الآن مافي أي رد من الرياض على معاملاتكم، ولا انقبل أي أحد من الطلبة الغير سعوديين اللي قدموا داا الترم..

ف لا تستعجلوا ولا تتضايقوا، واستفيدوا من وقتكم الللي بتقضوه دحين ف أي شي يفيدكم، سواء لغة أو ثقافة عامة أو أي شيء، لأنها فرصة دحين إنوو ما عندكم شي لحد الآن فلا تضيعوا وقتكم بدون أي فايدة ترجع عليكم، والقبول أول ما يجي أنا متأكد إنوو لو فيه طلاب وطالبات هناا انقبلوا راح يقولولكم إنوو احناا انقبلنا وروحوا تأكدوا من معاملاتكم..

وبإذن الله راح أحاول أتابع معاكم وأول ما بعرف أي شيء عن قبولكم راح أدخل وأقلكم عليه، بس خلاص تابعوا ف الموضوع داا دايماا..
أهم شيء لا تفكروا كتير ولا تتضايقوا من أي شيء، وزي ما قلت قبل كداا:

حطوا ف بالكم إنوو اللي ينقبل ف داا خيروو، واللي ربنا ما يكتبله نصيب ف القبول، يعرف إنوو مالو أي نصيب ف الجامعة، ولازم تقنعوا أنفسكم بالشيء داا، وتدوروا على فرصة تانية وطريق تاني، والدنيا ما تقفل عشان الجامعة، في عندكم طرق كتييييييير، أهم شيء لا تيأسوا ودوروا واجتهدوا وربنا سبحانه حيكون معاكم ويساعدكم، أهم شي خلوا عندكم تفاؤل كبيييير، وبعرف إنوو في ناس منكم لو ما انقبلت راااح تتحطم نفسيا، بس المفروض إنوو داا الشي ما يحصل وتعودواا نفسكم من دحين عليه..

في عندكم انتسااب، في كليات أهلية، في دورات ف السكرتارية واللغات ، في دبلومات في وفي وفي في أشياااء كتييييييير..
كل اللي يبغالكم بس تدعوا ربناا يختارلكم اللي فيه الخييير ويسهل عليكم أموركم..

الله يوفقكم ويساعدكم ويكون بعونكم يااااااارب؛؛

[بــنــــ كيـوـوت ــوتة]

مافي احد جاوبني على سؤالي تكفوووون .. ابس رد بلييييز ...

[انين الشوق]

ســـــــــــــــؤووال


كيف تعرفوا رقم المراجعة تبعكم بعد ماقدمتوا اوراقكم؟؟

[بحر الحرية]

المشاركة الأصلية كتبت بواسطة بــنــــ كيـوـوت ــوتة السلام عليكم..حبايبي.. صراحة ابغى اسألكم وإن شاء الله انو احد يفيدني..؟ انا طالبة اجنبية اتخرجت هذا العام ونسبتي في الثانوية بعد المعدل التراكمي 87.16% والقدرات 75 ادبي واريد انا اسجل بجامعة الملك عبدالعزيز فهل ممكن انهم يقبلوني او مستحيل لاني سمعت انو مايقبلو الا من 90 وفوق ؟ واذا راح يقبلوني متى اروح اسجل وكيف علما بان التسجيل عن طريق الموقع قد انتهى هل ممكن اني اروح اسجل بالترم التاني او استنى للسنة الجااية ووين اروح عشان اقدم اوراقي للتسجيل هل لعمادة الرجال ام النساء..؟؟؟ اارجو منكم الرد على سؤالي لاني من جد محتارة ومتضايقة وخايفة اني مااسجل في اي جامعه .. وضحولي من خبراتكم ونصايحكم لاني بحاجة ماسة الى جوووواب على سؤالي.. وسوري طولت بكلامي بس مالي غيركم بعد الله سبحانة وتعالى,,

أهلين أختي..
بالنسبة للقبول كان مفتوح وقت الصيفية والبنات قدموا ف هداك الوقت، لكن ما حقلك إنوو انتهى، لازم تروحي للجامعة وتتأكدي، والأفضل من قسم الرجال، أرسلي أحد من أهلك لعمادة القبول والتسجيل عند الرجال وخليه يتاكد ولو التقديم مفتوح خليه يقدم،
ولو تقفل التقديم، ارجعي اقري الموضوع كويس اللي أنا كاتبوو وجربي الطرق التانية اللي فيه، وإزاا فيه شي مو فاهمتوو قولي عليه يسير أحاول أوضح ليكي..

واقري الموضوع كويس والردود اللي فيه وراح تلاقي جواب على كل استفسار تتوقعيه، ولو عندك استفسار تفضلي..

بس لا تتضايقي ولا تخاافي.. اللي فيه الخير إنشاا الله ربناا حيكتبوو ليكي..

بس مني عارف إيش قصدك بالمعدل التراكمي اللي 87% هل هواا الثانوية؟!!

إزاا كان الثانوية، ف ياريييييت ترجعي تقري الموضوع الأساسي كوييييييس..

الله يوفقك ويسعدك ياااارب؛؛

[بحر الحرية]

المشاركة الأصلية كتبت بواسطة انين الشوق ســـــــــــــــؤووال كيف تعرفوا رقم المراجعة تبعكم بعد ماقدمتوا اوراقكم؟؟

وقت التقديم خيتوو الجامعة تديكي رقم، هواا داا رقم المراجعة..
لكن في بعض الطلاب والطالبات ما أخدوا رقم، لكن الجامعة رفعت أوراقهم، ف تستفسروا عن طريق أسماءكم أو أرقام الهوية، بحسب ما تطلب الجامعة منكم..

موفقة يااارب؛؛

[فهدالقحطاني]

من الاولى الشاب السعودي الله ايام زمان الجامعه

ماتقبل الا الشاب السعودي فقط

كانت الوظايف مثل حبات الرز الان ياحسافه كل الشباب السعودي والشابات انتساب

والاجانب انتظام والوظايف محتكره للقريب ولا للصديق ولا للغير السعودي

كل السعوديين المتوظفين من خمس سنوات وجاي الاغلبيه العضما منهم وضائفهم عسكر

اللي ماعنده واسطه دخل عسكري

فعلآ العسكريه وظيفه لمن لأ ليس وظيفه له