الأسئلة والاستفسارات عن كلية طب الأسنان ..

[مَـزٍآج ..}..]

المشاركة الأصلية كتبت بواسطة pink.d السسسلام عليكم يعطيك الف عافيه اخ مزااج والله ماقصرت معانا جعلها يارب في موازين حسسناتك الموهم .. انا كان حلمي طب اسسسنان بسس بعد ماقريت الموضوع مرا مرا مرا خفت وحسسيت اني ماني قده خاصـــــــــــــــــــــــه التششريح وما اعرف اش اسسوي وانا ششاده حيلي ونسبتي الموزونه 91.33 وانششاء الله اقدر ارفعه اكثثر بسس خايفه من القسسم حاسسته صعب .. محتاجه نصيحه ومشششكور ااسسسفه على الاطاله

وعليكم السسسلامـ . .

اهليـن . . والله يوفقكـ ويوفقنا يآرب . .

بالعكس التخصص ممتع .. صحيح فيه صعوبـه . . لكن في النهايه بندرس طب . .

وفيه مسؤوليه ومريـض .. فلازم تكون فيه شوووية صعوبـه . .

الحلو في الأسنان انو مرحلتين .. اول ثلاث سنوات نظريه والثلاث البآقيه عملية . .

لانه النظري معروف انه ملل ومتعب جداً . . عمومآ اذا انتي دخلتي التخصص وانتي

مقتنعه فيه راح ترتآحي وتنبسطي فيه رغم صعوبـه . .

والتشريح مو بمعنى التشريح على فكرهـ . . في سنه ثانيه ندرس موإأد بشري الا ماده اسنان ..

ومن ضمنها التشريح .. ناخد محآضره نظري وننزل المشرحه نطبق عملي . .

يعني مثلا درسنا عن القلب .. ننزل نشوف القلب . . الدماغ ننزل نشوف الدماغ

يعني مافي تقطيع ومن البلاوي دي .. !!

بالتوفيق .. !!

[pink.d]

مشششكور

يعني في التشششريح مانمسسسك الجثه وناسسسسسسسسسسسسسه

الحمد لله تطمنت ^^ ان ششاء الله ادخلوو

الله يوفقك يارب ويسسسهل عليك وتسسسير دكتور قد الدنياآ

[الاكاديمي الاول]

اولا حاب اشكر كل واحد اطلع على موضوعي وتفاعل معه ..
تانيا عندي كم استفسار بخصوص كليه الطب وحاب لو تكرمتوا تجاوبولي عليها..

اولا شي / النسبه الخاصه للمواد التخصصيه (كيمياء-احياء- فيزياء- انقلش)لازم كل مادة تكون فوق85 ولا المعدل تبعها ... كيف انحسبت لكم انتو زمان؟
تانيا/ كيفيه الدراسه هل تعتمد على الحفظ ام الفهم اكثر وهل لازم تكون لغتك الاتقليزيه مرة عاليه ام لايوجد هناك تركيز كبير على اللغه بالبدايه مع ملاحظه انو لغتي متوسطه ؟تنصحوني لازم اسافر الصيف ولا اكمل واكتسب هذي المهارة مع الوقت.
ثالثا/ في ناس تقول ان طب الاسنان اسهل من الطب العام من ناحيه الدراسه كيف تشوفو الوضع بعد مادخلتوا معمعة طب الاسنان؟ وكيف تحسوا الوضع معقد ولا عادي وتتاقلم مع الدراسه مع مرور الوقت.
اخرشي/ هل لازم اكون فوق معدل معين ولا استبعد من الكليه يعني متلا لو نزلت عن 2.5 يدوني طي قيد مثلا؟ام لا اهم شي انك ما تشيل مواد.

وشكرا لكم على تعاونكم والله يعطيكم العافيه..
ومضه صغيرة ....انا الحمد لله نسبتي كويسه وحطيت بالرغبات اولا طب لكن احس اني قلقان ماادري ليش في شباب قالولي شعور طبيعي مع الوقت يروح صح الكلام ولا لا....
وشكرا لكم.....

[مَـزٍآج ..}..]

اهليـن ..

1

مجموع جميـع الموإد على بعضها لازم تتجآوز النسبه الخاصه الي ذكرتها .. يعني مو كل ماده على حدهـ ..

2

الأنقلش شئ ضروري جداً .. مو بس في الطب .. في كل التخصصآت الي تطلب انقلش . .
لكن في الطب شئ بسيط الي يختلف انـه فيه مصطلحآت طبيه تكون بالأتيني .. وهذي تكتسبها
مع الوقت ومع الدرإأسه .. مسأله السفر حلوهـ .. ل كن حتى لو ما رحت .. مع الوقت راح تكون
كويس .. راح تتعب اول شهر وبعد كذآ تتعود على الوضع .. !!

3

عشان تحكم على شيئين لازم تجربها الأثنين ..
لكن الأسنان فيه مكـس بين موإأد الاسنان والبششري .. بمعنى انه سنه ثانيه كلها موإأد بشري الا ماده اسنان ..
الدرإأسه ما راح اقولكـ صعبه ولا سهله .. لكن بالأجهتاد كل شئ يصير سهل .. !!

4

ما اظن انت كطالب طب ممكن تنزل للمعدل دآ ..
عمومآ .. الكليه سنويـه .. واظن لك عدد معيـن من الرسوب بعدهآ راح تودع من الكليه :)
لكن ما اذكر النظام ايش هوا بالضبط .. والله يبعدنآ عنـه .. !!


الله يوفقكـ .. !!

[الاكاديمي الاول]

الف مليووون ترليون شكرا يالغالي واعذرنا ان ثقلنا عليك ....
بس استفسار بسيط هل انتو في الطب تسووا عمليات جراحيه لمرضى ام للجثث فقط ولا ماتسووا عمليات

[Bianca]

مسا الخير..
مشكورين اولا ع دا الموضوع المفيد جزاكم الله كل الخير يارب ..
حابه اسال ازا في امل اني ادخل طب اسنان .. علما اني الان سنة تحضيريه ادرس حاليا مواد خطة ب ..
والدرجة الموزونه 87 وشي فوق النص .. هل في امل اني ارفع معدلي دا الترم وانقبل في الكليه ولا :(
وكم وقفت السنة اللي راحت اقل نسبة موزونه ؟ الى الان محتاره في ترتيب الرغبات .. :(
وبالنسبة للمواد اللي تعتمد عليها الكلية الكيميا والاحيا لسى الان ادرسو والانقلش الحمدلله خلصتو ودرجاتي حلوه فيه الحمدلله لكن الفيزيا درجتي واطيه فيه .. وبس
بليز اتمنى افادتي وشكرا :)

[Dr~NanoOok]

المشاركة الأصلية كتبت بواسطة bianca مسا الخير.. مشكورين اولا ع دا الموضوع المفيد جزاكم الله كل الخير يارب .. حابه اسال ازا في امل اني ادخل طب اسنان .. علما اني الان سنة تحضيريه ادرس حاليا مواد خطة ب .. والدرجة الموزونه 87 وشي فوق النص .. هل في امل اني ارفع معدلي دا الترم وانقبل في الكليه ولا :( وكم وقفت السنة اللي راحت اقل نسبة موزونه ؟ الى الان محتاره في ترتيب الرغبات .. :( وبالنسبة للمواد اللي تعتمد عليها الكلية الكيميا والاحيا لسى الان ادرسو والانقلش الحمدلله خلصتو ودرجاتي حلوه فيه الحمدلله لكن الفيزيا درجتي واطيه فيه .. وبس بليز اتمنى افادتي وشكرا :)

مساء الأنوار
اهلين بيكِ عندنا وعقبال لما نشوفك معانا باذن الله

السنة اللي فاتت وقف الموزون على 93 للبنات
لكنها بتختلف من سنة للتانية.. وامكن تنقص أو تزيد على حسب مستوى الدفعة

والمواد اللي تدخل في النسبة الخاصة للكليات الصحية هي الأحياء و الكيمياء والفيزياء والانجبش 1+2
ومجموع المواد لازم تحقق النسبة الخاصة الموزونة للكلية

وانتِ شدي حيلك وأعملي اللي تقدري عليه وتوكلي على الله.. وباذن الله تنقبلي
لا تحطي ببالك الدرجات وانها كل شي.. سبحان الله ممكن ربي يسهل ويقلل النسبة أو يصير أي شي ثاني
عشان كده لا تخلي أي شي يحبطك .. واعملي اللي عليكِ واتركي الباقي على ربنا
=)

بالتوفيق

[Dr~NanoOok]

وعليكم السلام والرحمة

للاسف ما أعتقد حتلاقي طلبة امتياز مشاركين هنا بالمنتدى "^^
لكن إن شاء الله أي أحد يقدر يوصلهم الاستبيان ويقدر يفيدك

[Dr~NanoOok]

اهلا بك

ماشالله د.مزاج يعطيه العافية ما قصّر وجاوب على أسئلتك ..

وباذن الله موفق بدراستك.. ونشوفك طبيب أسنان معنا =)

فطب الأسنان من أروع وأمتع المجالات.. ومحد حيعرف قيمتها إلا لما يجربها
صحيح فيها تعب ومزاكرة كتير .. لكن اللي يحب العملي والتطبيق مره حينبسط
ولما تعالج المرضى وتخفف عنهم ألم أسنانهم , أو منظر أسنانهم اللي مزعجتهم وانت صلحتلهم هو
فعلا من أجمل الشعور على الاطلاق ^^

ومجال الابداع و البحوث والدراسات في التخصص موجودة وبتوسع

~

بالنسبة لسؤالك عن المعدل الأدنى
فما اعرف بالضبط اذا حددوا .. لكن كنظام في الجامعة كلها.. لو نقصت عن معدل معين حتنقطع المكافأة

بالنسبة للرسوب ..
للطالب الحق في دخول الدور التاني .. واذا لا سمح الله ما نجح فيها
يعيد السنة كاملة .. يحضر المحاضرات والمعامل الخاصة بالمواد اللي راسب فيها فقط

واذا رسب فيها مره ثانية.. لا يُحق له الاكمال بالتخصص

~

وما بنعمل عمليات خلال فترة دراستنا
لا على المرضى ولا على الجثث.. بمعنى عمليات كبيرة وبتخدير كامل

ممكن نحضر عمليات لجراحة الوجه والفكين مع دكاترتنا في السنوات الاكلنيكية أو الامتياز

وبنعمل جراحة مبسطة أثناء خلع الأسنان ..

[الاكاديمي الاول]

اشكرك على المرور صراحه مرة استفدت .....
بس اسمحيلي وش كنتي تقصدي ب( واذا رسب فيها مره ثانية.. لا يُحق له الاكمال بالتخصص)
والف شكر لك والله يوفقك يارب