Please Girłs ،، Wē Nēēḓ Hεłṕ [[ استفساراتكم هنا + سوالف الموضه والمناسبات ]]

[× m e m e ×]

السلام عليكم

كيفكم بنات ان شاء الله انكم في افضل حال

بس حبيت اسألكم اذا تعرفوا نوادي نسائيه بجده فيها سباحه وكرة سله

وانا مرا نفسي اعرف اي مكان بجده فيه تدريب كرة سله للبنات

ادا تعرفوا لا تبخلوا عليا

[miss jodi]

+

مشغـل لمسات

جدا جدا جدا رااااائع للعراايس

[Lo_OLy]

العنايه الملكيه عند عفت

شغلهم رووعه بس يبغالها تحجز من بدري

لانوو زحمه مررره

[вσσήч]

السلام عليكم

مبروك علينا رجعة المك بالسلآمة "الله يحفظه" ،، ومبروك علينا اجازة السبت فللوهـآ يابنـآت

أبدأ في سرد مشكلتي الصغيرة الثانية :

بنات أنا شعري أجعد من الجذور بس من تحت ناعم
يعني حوالي 2 سنتي متر من بداية الشعر مجعد بس بعد كذآ ناعم مو ذيك النعومة السايحة بس ناعم الحمدلله يعني مو نافش
النفشة في الـ2 سم
المهم مع الإستشوآر تهجد وكل شي بس أول ماييجي عرق بسيط أو ألعب كتير في شعري << طبعا من الفرحة انه مستشور وحركات ههههههههههههههه

ماألاقي إلا الـ 2 سم هذي نفشت والباقي مستشور ويجنن << وربي متعقدة منها

اش السبب الله أعلم

جربت الزيوت ولكن لم يحدث شيئ نفس المشكلة

المهم أنا فكرت في إنه أفرد شعري وشفت ماشاء الله كثير بنات أعرفهم بس مو مرررة يعني مجرد سلام كان شعرهم جدا مجعد ونافش أكثر مني صار شعرهم جدآ ناعم ويلمع وكأنوا مستشور ماشاء الله
طبعا أنا أول فكرتوآ استشوآر بس بعدين اكتشفت انه فرد

^
^
^
قصة حياتي عارفة طولت عليكم

بس أنا مررة جديدة في عالم الفرد دا وماأعرف عنه شي
فأبغى اللي فردت شعرها وطلع حلو وماصرلو أي آثار جانبية سيئة انها تفيدني
وبأمانه الله يسعدكم
* في أي مشغل سوته ؟
* واش اسم الفرد كيراتين ولا علاج الكيراتين ولا فرد ثاني واش أفضل واحد ؟
وأصلا اش الفرق بينهم
* وبكم سوته ؟
* ولو أبغى أصبغه وأسوي هاي لايت يكون قبل الفرد ولا بعدهـ
*وكله ع بعضه مع الفرد كم يكلف ؟

علما أنه أنا شعري لغاية نص ظهري فوقه بشوية << قلك وصف دقيق يعني

وشكرا يابنات عسى ربي يوفقكم ان شاء الله

[..Huda Hamad]

أهلين يا قلبي..

بصراحه أنا ما أدري عن الفرد..

بس إستخدمي سشوار السيراميك..

تقريبا يطلع شعرك زي الفرد وأحلى كمان..

وكمان مع الرطوبة ما ينفش زي السشوار العادي..

يعني مره مره مره حلو السيراميك..

إذا بتآخذية خذي من ماركة براون مره حلو..

ويمكن يكون أحسن ‏..‏ يعني ما تدرين يوم كذا يجي براسك تبغين تجعدين شعرك ع الطبيعه بس غسلية ويرجع طبيعي مو زي الفرد..

بس براحتك طبعا ‏..‏ أنا الفرد ما أعرف عنه..

وحبيت أفيدك عن السيراميك..





..‏^‏.‏~‏..

[عآشقة الجنآن]

يا حبيبتي أنا بنصحك نصيحة لوجه الله .. لا تفردين شعرك .. زي ما قالت نمولة جربي استشوار السيراميك أو غيره لكن أحسن لك من الفرد..

و الله أعرف وحدة لمن فردت شعرها مسكينة طااااح عليها و ما بدأ يرجع لها إلا بالعلاجات و الادوية ..

فنصيحة من أخت لك إنك تبعدين عن الفرد بكل أنواعه ,,

مودتي

عآشقة الجنآن ^^

[شمعة الجامعة]

عزيزتي

في وحدة استخدمت فرد الحنة وفي البداية فرحت فيه

وبعد فترة تساقط مرة وبعدين شكله مو حلو لونه أسود كاحل ومثل الشوك

ولما ينمو الشعر بيكون في فرق ..

بعدين قصته واستخدمت الزيوت وطبعاً ما أثر على الشعر اللي بينمو لأنها ما حطت الحنة في فروة الرأس

وإذا حطتها في الفروة ما ينمو أبداً..

وسبحان الله الشعر على طبيعته اللي ربي خلقك فيه حلو

وكل شي مخلوق لحكمة ,ما تدري يمكن انت مو عاجبك لكن الناس شايفة انه حلو ومعطيك جمال..

استخدمي الزيوت والمواد الطبيعية وشامبو الأطفال ولا تستخدمي شامبوا مع بلسم

حطي زبادي وليمون وزيت زيتون وحنة وكركم

وابتعدي عن الصبغات لأنها تجفف الشعر

مجرد رأي ونصيحة ,,وانت استخيري..

وربي يرزقك الشعر الناعم .قولي آمين..

[@سويت روز@]

قريت مره بالمنتدى وحده عملت معالج كراتين في مشغل وطلع مرره جنان واغلب بنات الجامعه يعملوه واتذكر كلامها تقول انو الكوفيره فهمتها انو معالج هذا مو فرد ياااليت اللي جربت جد تفيييدنااا والموضوع جا بووقتو :) اما السراميك فهي تخرررب الشعر وتسبب تسااقط

[Creative909]

بالنسبة للفرد على المدى البعيد يعدموا ويخلي الشعره خفيفة ويقلل من كثافة الشعر حتى لو كنتي تستخدميه مرة في السنة
لكن لو مصرَه على الفرد عندك سوفت بيوتوفل (الخلطة العادية) بس يطلع مزبوط للناس اللي شعرهم حبتو ثقيلة ...... بس للأمانة كان نوع الفرد سوفت آند بيتوفل أول أحسن من دحين بكثيرررررررررر

ووحده من صحباتي جربت معالج الكيراتين ع ماأظن في جمالك أو مشغل a&a بس مااستفادت ولاشيء ولاتغيرت طبيعة شعرها أبداً وياحرااااام خسرت أكثر من 2000 ريال بدون نتيجة.
طبعاً مع المجموعة شامبو وبلسم وووووو............
عشان كذا ماأنصحك فيه


سمعت أنو فرد الكيراتين عند المقينة شيء خرافي بس والله ماجربته
وأعرف وحده سوت فرد في جمالك أسمو فرد مدى الحياة والله كان حلو ع اللي سوتوا يعطيكِ شكل الشعر طبيعي لكن ناعم (يعني مش زي شعر الفلبينين).

إن شاء الله تلاقي الشيء اللي يناسبك
ولا تنسي تقولي لنا أيش استخدمتي
يعطيك العافية ع الموضوع الحلو

[احلى ما بالكون]

اللي تشتكي من شعرها انا كنت زيك بس استخدمت الحنه الهندي هي فرد بس مافيها مواد كيميائيه على قولة اخت صحبتي لانها هي اللي مندوبه بس من جد شعري صاير ناعم واسود طبيعي زي الهنديات وكل من يشوف شعري يستغرب وعلى فكره لي تقريبا 8شهور من استخدامه واختي وصحباتي وماصار شي لانه حنه حتى مامتي لما عملته على شعري تقول هو مو فرد ريحته ريحة حنه حتى شكله مره روعه