وظائف معيد و محاضر للطلاب و الطالبات فرع رابغ

[ms.bndy]

السلام عليكم ..

مبروك لكل المرشحين .. والله يوفقنا ويفقكم لما يحبه ويرضاه

انا وصلتني رساله يوم الثلوث الساعه 9 مساء ( تم قبول طلبكم ونرجو زياره موقع الكليه لموعد الاختبار التحريري والمقابله الشخصية csar.rb.kau.edu.sa والله الموفق )
^ هذا نص الرساله

المهم لما دخلت الموضوع اليوم اتفاجئت بالعدد الكبير ماشاءالله والبعض جاتهم رسائل على الايميل انا من اللي ماجاتهم رساله على الايميل ولا النموذج ماجاني بس لمافتحت الربط لقيته ..

في شيئ ثاني ماعندي اختبار استيب او ايلس او توفل

ومع ذلك وصلتني الرساله ،، في احد زيي كذا ؟؟

مقدمه لوظيفة معيده تخصص رياضيات ..

ارجع اسألهم ولا اروح ادخل الاختبار ولا كيف ؟؟

والله انشغلت مره اتمنى احد يجاوبيني ويفيدني

[اشوش]

المشاركة الأصلية كتبت بواسطة طموح أنثى أشوش قلبي فعلي خاصية الرسائل الاكاديمية أبغاك في استفسار ....

فعلتها استناك بس ماراح ادخل الا بكره ارسلي واول ماادخل ارد لك

[علي عكور]

المشاركة الأصلية كتبت بواسطة ms.bndy السلام عليكم .. مبروك لكل المرشحين .. والله يوفقنا ويفقكم لما يحبه ويرضاه انا وصلتني رساله يوم الثلوث الساعه 9 مساء ( تم قبول طلبكم ونرجو زياره موقع الكليه لموعد الاختبار التحريري والمقابله الشخصية csar.rb.kau.edu.sa والله الموفق ) ^ هذا نص الرساله المهم لما دخلت الموضوع اليوم اتفاجئت بالعدد الكبير ماشاءالله والبعض جاتهم رسائل على الايميل انا من اللي ماجاتهم رساله على الايميل ولا النموذج ماجاني بس لمافتحت الربط لقيته .. في شيئ ثاني ماعندي اختبار استيب او ايلس او توفل ومع ذلك وصلتني الرساله ،، في احد زيي كذا ؟؟ مقدمه لوظيفة معيده تخصص رياضيات .. ارجع اسألهم ولا اروح ادخل الاختبار ولا كيف ؟؟ والله انشغلت مره اتمنى احد يجاوبيني ويفيدني

نفس الحالة أختي

ما عندي اختبار إنقلش لكن أرسلوا لي : تم قبول طلبكم ..
و محتار جدا هل أسافر و أقطع 800 كيلو و يكنسلوني عشان الإنقلش ؟؟

[رايقة الاحساس]

وانا كمان ما عندى اي اختبار في الإنقلش

[همة همة همة]

المشاركة الأصلية كتبت بواسطة علي عكور نفس الحالة أختي ما عندي اختبار إنقلش لكن أرسلوا لي : تم قبول طلبكم .. و محتار جدا هل أسافر و أقطع 800 كيلو و يكنسلوني عشان الإنقلش ؟؟

ms.bndyعلي عكور ورايقة الاحساس

ارسلوا لهم عبر الايميل استفساركم وراح يردون عليكم

احسن ماتضربوا مشوار على غير علم ...

وان كنت اعلم االانجليزي شرط ..لكن اسالوا عبر الايميلات الثلاثةوراح يردوا قولوا لهم مشكلتكم ..


والله يكتب لكم وللجميع الخير يارب

[ms.bndy]

اللي يرسل ويجيه رد بالله يقولنا نروح ولا لأ :(

[fresh water]

الله يسهل

[Aroma Flowr]

ميين كيمياء حيوووي

وايش ذاكرتوآ

[Rana 79]

السلام عليكم

هلا اختي انا ماجستير كيمياء حيوي
اختبرت السنة الماضية ومن اللي اترشحوا بس طبعا للحين مانزل لي قرار تعيين مخلصة كل اوراقي والفحص الطبي وننتظر هذا الاتصال اللي حيغير لي حياتي بس خله يجي هههههه

اللي جانا في الاختبار تقدي تلاقيه في ملزمة خاصة باGRE for biochemistry
اختبار خريجي الكيمياء الحيوية او القدرات العامة لخريجي الكيمياء الحيوية اختبار امريكي عالمي
Graduate Recored Examination

انا طابعة الملزمة من زمان ايام اختبرت هذا الاختبار عشان كنت ناوية ادرس في امريكا ورجعت للملزمة كدا مراجعة وانصدمت يوم الامتحان لمن لقيت الاسئلة ثلاث ارباعها منها
والاسئلة كلها تعتبر عادية لو كنتي من الخريجات الجدد او الشطار وفاكرة المواد والشغلات اللي درسناها
والله سهل الاختبار بس في اساسيات مهمه للبيوكيمستري وفي كم فقرة صعبة بس مهو مستحيل
ذاكري الملزمة دي انا معظم الاسئلة جات نسخ ولصق بس طبعا الملزمة مهي قصيرة تحتاجي اسبوع لاسبوعين عشان تدرسيها

الله اعلم من فين الاختبار السنة دي فبالتالي نوعي مصادر الاستذكار انا مجرد اعطيتك فكرة عن السنة الماضية

اتمنى تدعيلي من قلبك
ويارب يوفقكم انا عشت هذه الظروف السنة الماضية وللحين احس الاثار النفسية السيئة ماتعافيت منها لاني ماجهزت نفسي للضغط النفسي
بالتالي وكلي امرك لله وحطي في بالك ان الرازق الله وحده وحتروحي وتلقي بنات من قسمك ويمكن من اعز زميلاتك ينافسوك علي نفس الفرصة وهيا وظيفة وحدة بس

الارزاق بيد الله وماشاء الله كان

تمنياتي لكي بالتوفيق

[ليندااا]

من دخلت الاختبار و كان تخصصها دراسات اسلامية
و ايش ذاكرتوا
انا للان ما فتحت شي متنحة و خايفة لاني مسافرة
بنات الدراسات خلينا نتعاون و نشوف ايش نذاكر
و لو حصل انه انقبلت وحدة منا بلكن تدعي للمجموعه انه تعاونا
ايش رايكم (( و تعاونوا على البر و التقوي ))