وظائف نسائية في الخطوط السعودية (بكالريوس - ماجستير) جدة

[أم محمد حمودي]

الاحظ اللي ارسلوا لهم رسايل بس من تقنية المعلومات سواء قبلوا او بيعيدوا لهم الاختبار بس هل في احد جاته رساله من المحاسبة؟؟؟؟؟؟؟

[ساره من جده]

انا ماجاني شي ايش يعني ؟؟؟
معني اخده ايلتس لو بدل مايعيدوه يكتبو شرط الحصول على الايلتس ولا التوفل ونجبلهم الشهاده بالدرجه اللي يبغوها بدل خرابيط الخطوط

[أم محمد حمودي]

والله المفروض يساره يسوا اللي قلتي عليه بس انا كلمتهم قبل وقالوا لي لا لازم تختبري اختبارهم
وانا ماجاني ولامسج حالتهم حاله ماستر من برا وبالانقليش ولا عاجبهم يحمدوا ربهم حتى انهم يرسلوا رسايل بالعربي وفي اخطاء املائية من جد مغبرررررررررررين

[lady lala]

اللي بتنعاد لهم الاختبار اللي جابوا المستوى الثالث ،، يعني اللي يعوضنا بخير منها انتهى الموضوع

[jana1980]

انا جاتني مسج اعاده اختبار وسالت على درجتي لقيت جايبه ٣ .. انا دارسه ٣ سنين في بريطانيا وسنه في فرنسا وعندي ماستر من بريطانيا وعندي ايلس ..
احلى شي اني قلت للرجال اللي سالتو عل الدرجه وقلي انهم هيعيدو الاختبار .. قلتلو عل كل سيرتي الخنفشاريه .. ورد علي رد كانو احد بيعطيني كف عل وجهي .. يقولي انو اغلب البنات اللي بيقدمو شهادتهم مضروبه .. رديت عليه انو شهادتي الحمد لله موثقه من الملحقيه في بريطانيا ومعادله من الوزاره .. يقولي حتى ولو .. ايش تقصد؟؟؟؟

مو جاني احباط ساعتها حسيت انو السنين اللي اتغربت وتعبت فيها و فقدت بسببها اغلى ناس في الدنيا عندي .. بيحرقوها قدام عيني وانا مني قادره اعمل شي .. حسبي الله ونعم الوكيل .. يا رب سالتك واستخلفتك يارزاق يا كريم ..

[أم محمد حمودي]

بس مافي احد قال جاته رساله من المحاسبة سواء بالقبول او الاعاده؟؟؟
ايش بيجيبوا امريكيات يوظفوهم عشان قدهم برفوشنال مره وحده !!!!

[أم محمد حمودي]

شهادات مضروبه في عينهم
والله لو كان درس اللي درسناه كان شد شعره قال شهادات مضروبه قال

[Miss Fulah]

الله يبارك فيكي يااأم حموودي وعقبالك..صراحة ماجاء المسج الا بعد ماحبطونا ..فرحتي ناقصه لان البنات هنا زعلانين ):

جنا وربي قهر انا تغربت وجربت مو من حقه يقول مضروبه يروح يتاكد بنفسه

عالعموم لسا باقي هم اختبار المعرفه والمقابلة الله يستر .. انا كمان تعبت غربة

[jana1980]

الشي المضحك انو شهاده الايلس اللي بيقول عليها يمكن مضروبه انا اختبرتها في بريطانيا وجايبه فيها ٦.٥ وانقبلت بيها عل الدكتوراه من جامعه بريطانيا .. بليز لا تقولي انو الجامعه البريطانيه اقل من مستوى الخطوط السعوديه علشان تقبل شهادتي لا ومو لشي عادي للدكتوراه ..

سبحان الله ..

[أم محمد حمودي]

مانقول غير انه في فوقهم واحد احد سبحانه يعرف قد ايش تعبنا عشان نجيب هدي الشهادات مو لازم الخطوط يتاكدوا من مستوانا
الله يرزق اللي ماانقبل بوظايف إن شاء الله احسن منها مااحد يعرف الخيره فين