قبول الطلاب والطالبات الغير سعوديين

[مراسيم الخجل]

ســلام ياحلووويين انا ابغاكم تساعدوني والله تعبت ابغى اسالكم ادا فيه تسجيل للترم الثاني او لا ادا فيه ابغاكم تقولولي متى لانه صديقتي تبغى تسجل ؟وبعدين انا انتسـاب لو جبت مجموع اقدر احوول انتظام لاني انا ماني سعوديه ابغى اعرف احول ولا لا لانه العماده حقه الحريــم قالو مافيه وحده قالت ابغى احوول قالو لها ادا انتي اجنبيه مافيه وياليت لو فيه تقولولي وين اروح عماده الرجال او الحريم وابغى اعرف كم المعدل اللي اقدر احول فيه؟والله انا تحطمت لمن قالت مافي ماعاد شفت اللي قدامي..مشكورين لو افدتوني...

[بحر الحرية]

المشاركة الأصلية كتبت بواسطة مراسيم الخجل ســلام ياحلووويين انا ابغاكم تساعدوني والله تعبت ابغى اسالكم ادا فيه تسجيل للترم الثاني او لا ادا فيه ابغاكم تقولولي متى لانه صديقتي تبغى تسجل ؟وبعدين انا انتسـاب لو جبت مجموع اقدر احوول انتظام لاني انا ماني سعوديه ابغى اعرف احول ولا لا لانه العماده حقه الحريــم قالو مافيه وحده قالت ابغى احوول قالو لها ادا انتي اجنبيه مافيه وياليت لو فيه تقولولي وين اروح عماده الرجال او الحريم وابغى اعرف كم المعدل اللي اقدر احول فيه؟والله انا تحطمت لمن قالت مافي ماعاد شفت اللي قدامي..مشكورين لو افدتوني...

أهلين أختي..
بالنسبة للتقديم خليهاا ترسل أحد للعمادة عند الرجال يتأكد، ولو تقفل التقديم وما رضيو ياخدوو الأوراق، خليها تجرب الطرق التانية اللي كاتبها أناا ف الموضوع، بس أنا مستغرب!!

انتوو تردواا بدون ما تقرؤوو ولا ايش..

ع العموم بالنسبة ليكي انتي:
أنا مرة ف الموضوع قريت لبنت إنها تبغى تقدم تحويل من الانتساب للانتظام وهياا مو سعودية، لكن معدلها كان 4.72، وكان المطلوب للتقديم 4.75 فحااولي تجيبي نسبة عالية عشان يحولوكي، ولا تنقصي عن النسبة اللي كتبتها، والتحضيري مرررة سهلة، أهم شي شدي حيلك فيهاا شويه، وإنشاا الله ياارب يحولوكي انتظااام..

شوفي دي الردود:

http://www.skaau.com/vb/showpost.php...&postcount=240

http://www.skaau.com/vb/showpost.php...&postcount=241

يلا الله يحقق لك التحويل للانتظام ويحقق القبول لصاحبتك يااارب؛؛

[مرعوبه الدلوعه]

المشاركة الأصلية كتبت بواسطة طالبـ علم ـة بالله اختي ما فهمت انتي اش الي مخوفك يعني قصدك ان نسبتك بدون التحصيلي 93.88 ومع التحصيلي 90.90 ؟؟؟ طيب مهو انتي كتبتي انه هم ما ياخذو التحصيلي لبنات الادبي يعني انتي بكذا اخذتي النسبه الاعلى بكلامك هذا وشي احسن لكي المفروض ما يخوفك وبعدين حتى لو كانو يحسبوها احمدي ربك انتي في البر سواء انحسبت ولا لا ... موفقه اختي

انا قصدي انو انا حسبتها مع التحصيلي بس لو كتبت النسبه الي بدون التحصيلي الي هيا 93 ممكن تكون فرصتي اكبر انو انقبل لو كان ياخدو عدد معين اكيد بيبدو باعلى النسب ومثلا يكتفو بعدد
تكون نسبهم اكتر من التسعين كد ه معناتو انا اووووت يعني افضل لو كتبت النسبه الاعلى

مدري احسك مابتفهي الشرح خرابيط هههههههههههههههههه

[مرعوبه الدلوعه]

المشاركة الأصلية كتبت بواسطة بحر الحرية وقت التقديم خيتوو الجامعة تديكي رقم، هواا داا رقم المراجعة.. لكن في بعض الطلاب والطالبات ما أخدوا رقم، لكن الجامعة رفعت أوراقهم، ف تستفسروا عن طريق أسماءكم أو أرقام الهوية، بحسب ما تطلب الجامعة منكم.. موفقة يااارب؛؛

انا اولا الجامعه ما ادوني رقم لانه الموظفه ماكانت موجوده فاخدتها مني زميلتها بس تاني يوم اتاكدت انو دخلت المعلومات عالكمبيوتر

تانيا امس اتصلت عالعماده عشان اعرف الرقم من اسمي الرباعي

قلي مافي معامله باسمي كيف كده

بس فيه معامله زي اسمس بس اسم الاب والجد معكوس هل ممكن تكون في لخبطه فلاسم؟؟

والله خوفني مدري اش اسوي؟؟

[بحر الحرية]

^^

يب يب ممكن تكون في لخبطة ف الأسماء مدام اللقب والاسم الأول زي بعض..

بس لا يكون لقبك من اللي ف الدنياا منهم كتييييير ههههههههههههه

ع العموم مافيهاا شي ارجعي وتأكدي منهم أكتر، وعشان تتأكدي أكتر لو أحد يروح للعمادة قسم الرجال يكون أفضل من الفون..

لا تشيلي هم خيتوو..

الله يوفقك ياارب؛؛

[مرعوبه الدلوعه]

لالا مافهمتني

انا فلاستمارة كاتبه الاسم الرباعي

والي لقاه الاسم ثلاثي نفس اسم بس اسم الجد مقلوب

مثلا انا محمد احمد والقب

والي لقاه احمد محمد بدون لقب

والاسم الاول نفسو

بس ان شاء الله السبت اتصل واتاكد اكتر
فهمت

[نبضات قلب]

السلام عليكم ورحمه الله اتمنى من اختي الي منزله الموضوع ترد عليا انا بمدينه ثانيه وابغى اتاكد قبل اطلع جدة انا سجلت عن طريق قسم الحريم بس ما افادوني بشي غير انهم اخذو رقم جوالي وقالو بيتصلو عليا لو انقبلت وابغى اقدم ثاني على القنصليه اليمنيه تاريخ كم اروح للقنصليه والله ييسرلك امرك زي ما تيسريلنا امورنا يا رب ومشكورة على الافادة واتمنى تردي عليا باقرب وقت..

[بحر الحرية]

المشاركة الأصلية كتبت بواسطة نبضات قلب السلام عليكم ورحمه الله اتمنى من اختي الي منزله الموضوع ترد عليا انا بمدينه ثانيه وابغى اتاكد قبل اطلع جدة انا سجلت عن طريق قسم الحريم بس ما افادوني بشي غير انهم اخذو رقم جوالي وقالو بيتصلو عليا لو انقبلت وابغى اقدم ثاني على القنصليه اليمنيه تاريخ كم اروح للقنصليه والله ييسرلك امرك زي ما تيسريلنا امورنا يا رب ومشكورة على الافادة واتمنى تردي عليا باقرب وقت..

أهلين أختي..

أول شي أنا ولد مني بنت

ع العموم بخصوص القبول:
هواا أهم شيء أخدواا منك الأوراق وعبيتي الاستمارة وسلمتيهم كل شي، يبقى إنك تنتظري اتصالهم، وتابعي هناا ف الموضوع لو احد انقبل من الطالبات يسير تستفسري بعدهاا عن قبولك، بس لحد الآن مافي أي أحد انقبل.

الشي التاني:
التقديم ع السفارة لازم تتصلي ع سفارة بلادك وتعرفي متى موعد التقديم على المنح، بس ف العادة تكون ف بداية عام 2011 ميلادي ف شهر فبراير، بس يبقى إنك تتأكدي بنفسك وتتصلي عليهم،
شوفي داا الرد لطالبة حاطة فيه رقم القنصلية ف جدة أعتقد:
http://www.skaau.com/vb/showpost.php...&postcount=357

يلا الله يوفقك ويكتبلك الخير ياارب؛؛

[نبضات قلب]

اسفه يا اخي بس انا ما اخذو اوراقي ولا اي شي غير رقم جوالي وسالوا عن النسبه بس .. واسفه غلطت والله يعطيك العافيه..

[بحر الحرية]

المشاركة الأصلية كتبت بواسطة نبضات قلب اسفه يا اخي بس انا ما اخذو اوراقي ولا اي شي غير رقم جوالي وسالوا عن النسبه بس .. واسفه غلطت والله يعطيك العافيه..

لا عاادي خيتوو =)

ع العموم:
اللي انتي عملتيه مو تسجيل داا، التسجيل لازم ياخدوو منك أوراق وتعبي استمارة ويرسلوهاا للرياض بعدين يخبروكي لو في قبول ولا لا.. لكن إنشاا الله خير..

طيب ياريت تكتبي نسبك ف الثانوي والقدرات والتحصيلي خيتوو..

بانتظارك..

موفقة يااارب؛؛