وظائف نسائية في الخطوط السعودية (بكالريوس - ماجستير) جدة

[أم محمد حمودي]

اصلا ماعندهم نظام محدد يمشوا عليه
اتحدى اللي جايبات 3 و4 من البنات ان عندهم ورق الاختبار حلو وحفظوا قبل لايدخلوا ليش؟
1- لان الاسئله نصها غبيه ماتنفهم اول مره اشوف اختبار زي كدا
2- في بنات جايبات ايلتس زيي وزي ساره من جده طيب انا جبت عندهم 2
3- مستحيل هدي الاسئله تحلها وحده الا لغتها الانجليزيه الام
قولت للمسؤل اموت واعرف مين حط هدي الاسئله الغبيه والله العظيم انهفي فقره كانت الجمله ناقصه
بس إن شاء الله على الاقل يقبلوا لو وحده مننا على الاقل

[لايوجد اسم]

ام محمد حمودي من وين لك هالرقم هذا
لأني تعبت وانا اتصل ولاحياة لمن تنادي
الله يسعدك اذا في رقم ثاني اعطينياه
وانا باذن الله راح ابشركم بنتيجتي

[إحساس أنثى]

ضيعوا وقتنا على الفاضي
اتحدى اذا بيعيدون الاختبار
والله الطيور طارت بارزاقها من زماااااان و عارفين و محددين لمين هذه الوظااايف

حسبي الله و نعم الوكيل فيهم

والى الان ساخبين على التلفون و ما يردون
على الاقل اعرف مستواي

[user1]

شيء غريب انهم يبغوا يعيدوا الإختبار
بإمكانهم ياخذوا أعلى الدرجات بالعدد المطلوب، بغض النظر عن المستوى
ليه مايسووا كيذا ويخلصوا بسرعة؟!
اش الفايدة لو عادوا الاختبار ومستوى البنات هو نفسه تقريبا!
الله يعين

[dallo]

السلام عليكم
دي اول مشاركة ليا في المنتدى بس كنت متابعتكم من خلف الكواليس
بصراحة حركاتهم مااااااااااالها داعي ابدا ...على قول user1 نحن نفس البنات ليش يبغوا يختبرونا تاني !! يعني في شهر حنتحول لانجليز وفجأة حتتغير لغتنا .. خلاص ياخدوا الاحسن ولا يطفشونا

وبعدين اعلى مستوى في الخطوط كم ؟؟؟4 او 6 او كم ؟ والله لخبطوني لأني شفت ناس كاتبين انهم جابو في اختبارات تانية في الخطوط 4/4
بس موظف الخطوط قال لصاحبتي الا جاب 3 يعني مقبول
اجل الا جاب اقل من 3 يعني تحت الصفر والا ايش

وكمان قاللها حيعيدوا الاختبار بس للناس الا جابوا 3
احسهم يغيروا كلامهم مع كل وحدة يكلموها شوية حيعيدوا الاختبار للبنات الا جايبين 1 و2 وشوية يقولوا بس الا جابوا 3 يعيدوا!!
والاختبار حيكون توفل على حسب كلامو .. يعني الجرامر الا المفروض يكون اسهل شئ جبنا العيد فيه اجل التوفل كيف حيكون! يا خوفي يكون اصعب من التوفل الحقيقي ويصير المهمة المستحيلة

عالعموم الله يرزقنا بوظايف افضل من الخطوط بكتير ويكون فيها خير لنا وما يمرمطونا زي الخطوط

سوري طولت عليكم بس والله طفشششششششششششششت

[ساره من جده]

لا تعليق
بس للمعلوميه الايلتس والتوفل اسلوب الاسئله فيه تختلف عن كدا وممكن تجيبو فيه درجات اعلى لانو منطقي على الاقل وحاطتو جهات تعتمد الاسلوب التربوي في الاسئله مو الخطوط

[lady lala]

المشاركة الأصلية كتبت بواسطة ساره من جده لا تعليق بس للمعلوميه الايلتس والتوفل اسلوب الاسئله فيه تختلف عن كدا وممكن تجيبو فيه درجات اعلى لانو منطقي على الاقل وحاطتو جهات تعتمد الاسلوب التربوي في الاسئله مو الخطوط

اتفق معك ولا بعد اسئلتهم نصها احس الجمل تكوينها ناقص

[ريم مبارك]

سلام عليكم

طبعا يا بنات اول شي لااا تعليــــــــــــق عالمهزلة الي احنا فيها

ثاني شي انا جاني مسج مضمونه انه يبغو يعطو فرصة ثانيه بس يكون اختبار توفل

والموعد يحدد قريبا

؟؟!! ايش ذا منجدهم على قولتكم ياخدذو الي جابو اعلى وانتهينا

ليش شغل حرق الاعصاب هذا

حسبي الله ونعم الوكيــــــــــل

وبالفعل الاختبااااار كان غبي وخطأ واسئله خطأ كمان وقمة الهبل

ومع نفسهم لانهم مره عصبوني

ايش نسوي؟؟ نعيد ولا نسحب عليهم؟؟

لانو منجد يمكن يكون التوفل منطقي مين يدري مو زي الاختبار الاهبل الي اختبرناه وبنفس الوقت بدات اشك بنواياهم !!

[dallo]

انا انصحك ذاكري للتوفل وسوي الا عليك وعيدي الاختبار مو عشانهم هما وحركاتهم الغريبة لااااا بس عشان تعملي براكتيس للانجلش عشان لو تبغي تقدمي في اماكن تانية تكوني مستعدة

[^سنيوريتـــــا^]

هذا الي توقعته يصير يعني الي اكلو الناس لحم حمير مو غريبة عليهم يعابطو في شي زي كذا