قبول الطلاب والطالبات الغير سعوديين

[نبضات قلب]

ربي يوفقك دنيا واخرة ويسعدك انا نسبتي الثانوي 98.93 والقدرات 78 والتحصيلي 68 ... وربي مررة متوترة لانو نفسي ادرس وطلعو ما سجلوني بس ربي يعين ومشكورة واسفه على الاطاله..

[بحر الحرية]

المشاركة الأصلية كتبت بواسطة نبضات قلب ربي يوفقك دنيا واخرة ويسعدك انا نسبتي الثانوي 98.93 والقدرات 78 والتحصيلي 68 ... وربي مررة متوترة لانو نفسي ادرس وطلعو ما سجلوني بس ربي يعين ومشكورة واسفه على الاطاله..

يعني دحين إلا تبغي تخليني بنت بالقوة هههههههههههههههه

آخر مرة

ع العموم خيتوو:

مركبك ف الجامعة للقسم العلمي:

86.46%

وللقسم الإداري والإنساني:

90.55%

تبارك الله نسبتك مرررة المركبة كويسة، بس اللي عليكي دحين:
تأكدي من الجامعة لو التقديم مفتوح يسير تقدمي، ولو مو مفتوح طبعا اقري الموضوع كويس مرة تانية، أنا كاتب أكتر من طريقة للشي داا، ولو عندك أي استفسار تفضلي، والله يكتبلك القبول ويفرح قلبك فيه يااارب..

ولا تشيلي همهااا، بس كان المفروض انتي تتأكدي قبل ما تخرجي من الجامعة، لأنوو مافي أي تقديم ف الدنيا بدون كتابة اسم وبدون أي شي، لكن يلا يمكن خيرة ربنا اختارهاا لكي..

الله يوفقك ويسعدك خيتوو؛؛

[حيــــــاة]

مرحبا خيو بحر الحرية
الحين الجامعة كم المركبه الي حددوها هذه السنه؟؟
انا مركبتي 86.13 ومرة خايفة
فياريت تفيدني

[بحر الحرية]

المشاركة الأصلية كتبت بواسطة حيــــــاة مرحبا خيو بحر الحرية الحين الجامعة كم المركبه الي حددوها هذه السنه؟؟ انا مركبتي 86.13 ومرة خايفة فياريت تفيدني

أهلين خيتوو..

والله النسبة المركبة اللي حتختارهاا الجامعة للطلاب الغير سعوديين لين دحين ما أعلنوا عنها وما أعرف لو كانو يعلنوا عنها ولا لا، ولا بس يقولولكم إداا لكم قبول وإداا مافي..
لأنوو انتوو قبولكم عن طريق وزارة التعليم العالي في الرياض، صحيح ممكن الجامعة تحدد نسبة معينة وعدد معين،
لكن لين دحين بحسب اللي عرفت إنوو مافي أي رد جاا من الرياض لا بالرفض ولا بالموافقة..

بس مشاا الله المركبة عندكم حلوة، ويبقى إنكم تخلوو أملكم ف الله كبير، وربناا سبحانه ما حيخيبكم إنشاا الله..

الله يوفق الجميع ياارب؛؛

[طالبـ علم ـة]

أهلين أختي.. أول شي الله يسعدك يارب ويجزاكي كل خيرعلى كلامك.. بس أحب أعلق على شيء.. لا تتبعي كلام النت كتير إنوو دي شبهات ف التوحيد ومني عارف إيش، لأنوو داا خطأ إملائي، وأنا متعود أكتبها بالاتنين الخطأ والصح، لكن ف ردودي اللي كداا بكتبهاا بسرعة عشان أرد بسرعة، لكن لو كنت ف نقاش وكان الأفضل إني أتكلم بالعربي الفصيح ف أعملها بالشكل الإملائي الصحيح.. لكن بس أحب أنبهك على شيء: الاعتبار في الكلمات بالنطق مو بالكتابة الإملائية، يعني بالأصح: مشيئة الله سبحانه لازم عشان نحقق المعنى الصحيح نفتح الهمزة في آخر الكلمة، فنقول: إن شاءَ والنطق راح يكون واحد سواء انكتبت إنشاء أو إن شاء، لأن العبرة بفتح الهمزة أو ضم الهمزة المتطرفة. لكن الكلمة اللي تقصديها انتي وهيا الإيجاد: تكون الهمزة مضمومة ونقول: إنشاءُ، فالنطق هواا اللي يحدد هل المعنى هواا المشيئة ولا المعنى هواا الإيجاد، لكن الكتابة الإملائية ف دي الكلمة ما تحدد المعنى اللي قلتيه.. أعتذر منك أختي.. الله يوفقك ويسعدك ويحقق مرادك يااارب؛؛

عفوًا أخي وعذرًا جزاك الله خير ع الملاحظة بس انا ما جبت الكلام من النت اساسا انا مو من الي يستندون عليه ويستدلون فيه بس هذي الملاحظة قالتلنا عليها ابلتنا لما كنت في المدرسه <<< المسكينه تحن للدراسه


فحبيت اقول اللي اعرفه ... ونا عارفه انها تنكتب للعجله مترابطه دون القصد ولكن مثل ما اشرت عشان نبعد عن الشبهة وما تفرق عربي فصيح او عامي دام النطق والقصد واحد ... ولكن في فرق بين الخطأ الاملائي والضبط ... يعني في بعض الاحيان نكتبها عاميا إن شالله ... وبكذا مايكون في مجال للضبط ...


آآسفه عالفلسفه والله اعذرني غيرت مجرى الموضوع لكن حبيت ابرئ الذمة ودامك متأكد من كلامك اتمنى ما اكون غلطت والله يسامح الجميع ... ويعطيك الف عافية على وقفتك مع الطلاب

============

يا طلااااب اليوم الوالد سأل عند العمادة قالوله لسه ما جاء الرد ... وانو الاجانب دايما يقبلوهم من الترم الثاني بس نفسي اعرف ليه ؟؟؟

وانا عندي سؤال هما اصلا لما يقبلو الطلاب يمشوا على طول ع الدرجه المركبه ولا يطالعوا في نسبة الثانويه العامه بالاول ؟؟ لانو في ناس نسبتهم في الثانوية عاليه بس ينزلها القدرات والتحصيلي وفي ناس العكس نسبهم مو ذاك الشي بس يرفعهم القدرات والتحصيلي ونا اعرف ناس كثير زي هذي الحاله ... فتصير حسرة والله ...

وشي تاني الطلاب اللي راحوا يقدموا اختبارهم القدرات في جامعة الملك عبد العزيز قالولي انو عطوهم دليل للقبول على ما اظن وكتبوا فيه انه النسبة المركبة تكون باخذ 50% لنسبة الثانوية العامة و 20% للقدرات و 30% للتحصيلي اما في موقع الجامعه نفسه كان العكس 20% للتحصيلي و 30% للقدرات وش الاصح ؟؟؟

لانه بصراحه انا نسبة التحصيلي عندي عاليه والثانوية العامه فوق 99 اما القدراات مرررررة نزل النسبة وحبيت اتأكد لانه بجد الفرق كبير ويفرق معي ...


الله يجزاكم خير جاوبوني ...

[بحر الحرية]

المشاركة الأصلية كتبت بواسطة طالبـ علم ـة عفوًا أخي وعذرًا جزاك الله خير ع الملاحظة بس انا ما جبت الكلام من النت اساسا انا مو من الي يستندون عليه ويستدلون فيه بس هذي الملاحظة قالتلنا عليها ابلتنا لما كنت في المدرسه <<< المسكينه تحن للدراسه فحبيت اقول اللي اعرفه ... ونا عارفه انها تنكتب للعجله مترابطه دون القصد ولكن مثل ما اشرت عشان نبعد عن الشبهة وما تفرق عربي فصيح او عامي دام النطق والقصد واحد ... ولكن في فرق بين الخطأ الاملائي والضبط ... يعني في بعض الاحيان نكتبها عاميا إن شالله ... وبكذا مايكون في مجال للضبط ... آآسفه عالفلسفه والله اعذرني غيرت مجرى الموضوع لكن حبيت ابرئ الذمة ودامك متأكد من كلامك اتمنى ما اكون غلطت والله يسامح الجميع ... ويعطيك الف عافية على وقفتك مع الطلاب ============ يا طلااااب اليوم الوالد سأل عند العمادة قالوله لسه ما جاء الرد ... وانو الاجانب دايما يقبلوهم من الترم الثاني بس نفسي اعرف ليه ؟؟؟ وانا عندي سؤال هما اصلا لما يقبلو الطلاب يمشوا على طول ع الدرجه المركبه ولا يطالعوا في نسبة الثانويه العامه بالاول ؟؟ لانو في ناس نسبتهم في الثانوية عاليه بس ينزلها القدرات والتحصيلي وفي ناس العكس نسبهم مو ذاك الشي بس يرفعهم القدرات والتحصيلي ونا اعرف ناس كثير زي هذي الحاله ... فتصير حسرة والله ... وشي تاني الطلاب اللي راحوا يقدموا اختبارهم القدرات في جامعة الملك عبد العزيز قالولي انو عطوهم دليل للقبول على ما اظن وكتبوا فيه انه النسبة المركبة تكون باخذ 50% لنسبة الثانوية العامة و 20% للقدرات و 30% للتحصيلي اما في موقع الجامعه نفسه كان العكس 20% للتحصيلي و 30% للقدرات وش الاصح ؟؟؟ لانه بصراحه انا نسبة التحصيلي عندي عاليه والثانوية العامه فوق 99 اما القدراات مرررررة نزل النسبة وحبيت اتأكد لانه بجد الفرق كبير ويفرق معي ... الله يجزاكم خير جاوبوني ...

أهلين أختي طالبة..
بالعكس أختي لا فلسفة ولا شي، داا رأيك وعلى عيني وراسي من فوق الله يسعدك وأبقى أحترمك عليه، وبالعكس المفروض الإنسان يكتب بالشكل الصحيح مو بالغلط خصوصا لو كان عارف الصح من الغلط، بس قلتلك السبب إني برد بسرعة ولازم أكتب بسرعة لأنوو ردود كتير ومشاركات كتير وساعات بيكون مافي وقت، وضروري لو الإنسان عندوو معلومة أو شي يساعد غيروو لأنوو ممكن غيروو يحتاجهاا ف وقت مررة ضروري وزي كداا يعني..

وتراا كلامك والله ف مكاانوو إننا نبعد عن الغلط، بس مو لأنوو شبهة ف التوحيد والكلام داا، لكن احتراماا للغة العربية اللي تمثلناا واحناا نمثلهاا فقط لا أكتر..

بس تراا بعرف إني غلطااان لمن أكتب بالأخطااء الإملائية
بس دحين عنااداا فيكي ما عاااد راح أكتب إلا غلط ههههههههههههههههههه

ع العموم بالنسبة لسؤالك:

الجامعة بتعتمد مباشرة على النسبة المركبة اللي تتكون من القدرات والتحصيلي والثانوية العامة، وتقديرها بالنسب:
50% ثانوية عامة + 30% قدرات + 20% تحصيلي = مركبة الجامعة

انتي لا تخافي، يعني إنشاا الله ما يكون راح عليكي كتييير من القدرات، وادعي ربناا انوو يحقق قبولك ويسهل عليكي كل أمرك.. ولو ما جااكي قبول ف اعرفي إنوو داا خيرك يا أختي..

لكن داا الاعتماد ف جامعة الملك عبد العزيز وتقريبا معظم الجامعات السعودية، لكن ومني متأكد من دي المعلومة المنح الدولية اللي عن طريق السفارات لهاا اعتماداات غير، وفي الأغلب يكون الاعتمااد على الثانوية العامة وبس، لكن بعدين نفس الدولة اللي انتي منهاا تطلب منك القدرات والتحصيلي عشان تتماشى مع نظام الجامعات السعودية..>> مدري ليش أحس إني صعبت الشرح إزاا ما فهمتيهاا ردي علياا عشان أشرحهاا تاني

وزي ما قلتلك إنشا الله مايكون فرق ككبير خصوصا إنها 10% بين القدرات والتحصيلي إنشاا الله ما يكون تأثيرهاا كبير..

الله يوفقك يااارب؛؛

[حيــــــاة]

تسلم تسلم وشكككككرا اخوي بحر الحرية

[*saya*]

السلام عليكم
اخوي بحر الحرية الموضوع اللي كتبته عن قبول غير السعوديين بالجامعات
هل كل الجامعات بتحدد نسب لغيرالسعوديين واخص جامعة الملك فيصل بالدمام <<لو سمعت عنها
ولو ارسلت خطاب لوزارة التربية والتعليم اني ابغى ادرس في الجامعة على الترم الثاني هل ممكن انهم يقبلوني؟؟
او لازم انتظر للسنة الجاية واعيد الاختبار التحصيلي وبعدين اقدم؟؟

والله يوفق الجميييييع ويوفقني معاكم

[بحر الحرية]

المشاركة الأصلية كتبت بواسطة *saya* السلام عليكم اخوي بحر الحرية الموضوع اللي كتبته عن قبول غير السعوديين بالجامعات هل كل الجامعات بتحدد نسب لغيرالسعوديين واخص جامعة الملك فيصل بالدمام <<لو سمعت عنها ولو ارسلت خطاب لوزارة التربية والتعليم اني ابغى ادرس في الجامعة على الترم الثاني هل ممكن انهم يقبلوني؟؟ او لازم انتظر للسنة الجاية واعيد الاختبار التحصيلي وبعدين اقدم؟؟ والله يوفق الجميييييع ويوفقني معاكم

أهلين أختي سايا..

كل الجامعات السعودية الحكومية داخلة تحت نظام ونطاق وزارة التعليم العالي، ونظام المنج الداخلية من الوزارة مو من الجامعات، لكن اللي بيختلف الشروط اللي تحددها كل جامعة بحسب الطاقة الاستيعابية والأشياء دي..

ف انتي لو جاتك المنحة الداخلية من الوزارة ووافقوا على طلبك ف جامعة الملك فيصل راح تنضمي مع طالبات المنح الداخلية..

ف انتي قدمي وارفعي خطاب، وقبلهاا شوفي الجامعة ايش تقلك، يعني ممكن يكون في تقديم عن طريق الجامعة نفسها مفتوح، لكن لو تقفل ف ارفعي انتي خطاب طلب زي ما بينت ف الموضوع واطلبي منهم إنك تكملي الباكالوريوس في جامعة الملك فيصل ف الدمام، وبيني نسبة الثانوية والقدرات والتحصيلي وأتمنى تكون نسبتك عالية يااارب، والوزارة راح تحول معاملتك للجامعة إما بطلب القبول أو ترجعهاا بالمعاملة حسب النظام ...إلخ، بعدين الجامعة لو حققتي النسبة المطلوبة ليكي كطالبة غير سعودية بإذن الله راح تنقبلي وتكملي دراسة كطالبة ممتنحة داخليا..
وعندك كمان حل تالت الا هواا حق سفارة بلادك لو كانت تعطي منح..

لكن بإذن الله مو مشكلة لو قدمتي السنة دي عاادي جداا، ولو لا سمح الله ما جاكي قبول وتبي تقدمي السنة الجاية بعد ما تعيدي القدرات والتحصيلي لو افترضنا إنوو نسبتك ضعيفة كمان ليكي الحرية، لأنوو كأي جامعة نظام الدراسة فيها بالأترام، مو بالسنة، يعني زي عندنا ف الملك عبد العزيز في طلاب ينقبلوا الترم الأول وفي طلاب الترم التاني وزي كداا، بس طبعاا ما حقدر أفيدك كتيير لأني بصراحة ما بعرف نظام جامعة الملك فيصل كيف بالزبط، لكن يبقى إنك تخلي أحد من أهلك يروح للجامعة ويستفسر منهم أكتر وأكتر، طبعاا أظن نفس الشي قسم الأولاد أفضل والله أعلم ..

ولو لا سمح الله كنتي متوقعة إنوو نسبتك ضعيفة شوية أو أي شي لا سمح الله، فأقترح عليكي تشوفي حل تاني يعني، يا إما إنك تدخلي انتساب وتجيبي معدل عالي بعدين تحولي انتظام لو كان داا النظام موجود ف جامعة الملك فيصل، أو أي خيااار تشوفي إنوو مناسب ليكي لو لا قدر الله ما جاكي قبول أو كنتي تتوقعي إنوو نسبتك ما رحا يقبلوكي فيها، وزي ما علقت ف رد قبل كداا: الخيرة ف الشي اللي ربنا يسهلوو عليكي، المهم إنك تقدمي الأسباب، والجامعة مو كل شي، يعني اعملي اللي عليكي واجتهدي وادعي ربنا يسهل عليكي، واعرفي إنوو لو ليكي نصيب ف شي، رااح تاخديه =)
ولو ما جات الجامعة لازم تدوري على نصيبك ف حاجة تانية وتجتهدي كمان وتقدمي الأسباب وتدعي ربناا.. والخيرة ف الشي اللي ربناا يختااروو ليكي..

بس جداا مهم إنك تعرفي نظام جامعة الملك فيصل أول شي ف قبول الطلاب الغير سعوديين، وكم مدة قبول الشهادة، ووو ...إلخ من الأشياء المهمة اللي زي كداا يعني مسلا عندنا ف الجامعة في نظام إنوو لو عدى على شهادة الثانوية أكثر من 3 سنوات ف ما عاد تقبل انتظام، واللي يبى يقدم يروح انتساب وزي كداا ، لكن ما بعرف لو كان على كل الجامعات ولا لا.. وغيرها من الأنظمة اللي تحطهاا الجامعات وتختص فيها..

ولو في منتدى لجامعة الملك فيصل ف حاولي تستفسري من الطلاب والطالبات الغير سعودياات، بس زي ما نصحت غيرك حنصحك: لا تعتمدي كتيير ع الكلام اللي ينقال ف الردود، يعني مثلا كنت بشوف ردود هناا لطلاب يسألو هل ممكن إننا ننقبل كغير سعوديين لو نسبنا عالية، ويجي طالب من الطلاب الله يهديهم ويقول لا لا يمكن، ويمكن اللي سأل يصدق ويعتمد على كلاموو وهواا غلط..

عشان كداا بقلك انتبهي من الشي داا.. حتى كلامي انا

ولو عندك استفسار تاني تفضلي..

يلا الله يوفقك ياارب ويسهل عليكي القبول ويفرح قلبك فيه ويبلغك مرادك إنشاا الله؛؛

[طالبـ علم ـة]

أهلين أختي طالبة.. بالعكس أختي لا فلسفة ولا شي، داا رأيك وعلى عيني وراسي من فوق الله يسعدك وأبقى أحترمك عليه، وبالعكس المفروض الإنسان يكتب بالشكل الصحيح مو بالغلط خصوصا لو كان عارف الصح من الغلط، بس قلتلك السبب إني برد بسرعة ولازم أكتب بسرعة لأنوو ردود كتير ومشاركات كتير وساعات بيكون مافي وقت، وضروري لو الإنسان عندوو معلومة أو شي يساعد غيروو لأنوو ممكن غيروو يحتاجهاا ف وقت مررة ضروري وزي كداا يعني.. وتراا كلامك والله ف مكاانوو إننا نبعد عن الغلط، بس مو لأنوو شبهة ف التوحيد والكلام داا، لكن احتراماا للغة العربية اللي تمثلناا واحناا نمثلهاا فقط لا أكتر.. بس تراا بعرف إني غلطااان لمن أكتب بالأخطااء الإملائية بس دحين عنااداا فيكي ما عاااد راح أكتب إلا غلط ههههههههههههههههههه ع العموم بالنسبة لسؤالك: الجامعة بتعتمد مباشرة على النسبة المركبة اللي تتكون من القدرات والتحصيلي والثانوية العامة، وتقديرها بالنسب: 50% ثانوية عامة + 30% قدرات + 20% تحصيلي = مركبة الجامعة انتي لا تخافي، يعني إنشاا الله ما يكون راح عليكي كتييير من القدرات، وادعي ربناا انوو يحقق قبولك ويسهل عليكي كل أمرك.. ولو ما جااكي قبول ف اعرفي إنوو داا خيرك يا أختي.. لكن داا الاعتماد ف جامعة الملك عبد العزيز وتقريبا معظم الجامعات السعودية، لكن ومني متأكد من دي المعلومة المنح الدولية اللي عن طريق السفارات لهاا اعتماداات غير، وفي الأغلب يكون الاعتمااد على الثانوية العامة وبس، لكن بعدين نفس الدولة اللي انتي منهاا تطلب منك القدرات والتحصيلي عشان تتماشى مع نظام الجامعات السعودية..>> مدري ليش أحس إني صعبت الشرح إزاا ما فهمتيهاا ردي علياا عشان أشرحهاا تاني وزي ما قلتلك إنشا الله مايكون فرق ككبير خصوصا إنها 10% بين القدرات والتحصيلي إنشاا الله ما يكون تأثيرهاا كبير.. الله يوفقك يااارب؛؛

فهمت عليك بس والله الفرق مررة كبير والــ 10% تنزل بشكل مررررة محرج ...

اما على كلامك بصراحه شي يوتر بس الله كريم وإن شاء الله ما يضيع تعبي وعلى قولك كله خير ...

يعطيك العافيه ...