وظائف معيد و محاضر للطلاب و الطالبات فرع رابغ

[رشا الصيدلاني]

المشاركة الأصلية كتبت بواسطة rana 79 السلام عليكم هلا اختي انا ماجستير كيمياء حيوي اختبرت السنة الماضية ومن اللي اترشحوا بس طبعا للحين مانزل لي قرار تعيين مخلصة كل اوراقي والفحص الطبي وننتظر هذا الاتصال اللي حيغير لي حياتي بس خله يجي هههههه اللي جانا في الاختبار تقدي تلاقيه في ملزمة خاصة باgre for biochemistry اختبار خريجي الكيمياء الحيوية او القدرات العامة لخريجي الكيمياء الحيوية اختبار امريكي عالمي graduate recored examination انا طابعة الملزمة من زمان ايام اختبرت هذا الاختبار عشان كنت ناوية ادرس في امريكا ورجعت للملزمة كدا مراجعة وانصدمت يوم الامتحان لمن لقيت الاسئلة ثلاث ارباعها منها والاسئلة كلها تعتبر عادية لو كنتي من الخريجات الجدد او الشطار وفاكرة المواد والشغلات اللي درسناها والله سهل الاختبار بس في اساسيات مهمه للبيوكيمستري وفي كم فقرة صعبة بس مهو مستحيل ذاكري الملزمة دي انا معظم الاسئلة جات نسخ ولصق بس طبعا الملزمة مهي قصيرة تحتاجي اسبوع لاسبوعين عشان تدرسيها الله اعلم من فين الاختبار السنة دي فبالتالي نوعي مصادر الاستذكار انا مجرد اعطيتك فكرة عن السنة الماضية اتمنى تدعيلي من قلبك ويارب يوفقكم انا عشت هذه الظروف السنة الماضية وللحين احس الاثار النفسية السيئة ماتعافيت منها لاني ماجهزت نفسي للضغط النفسي بالتالي وكلي امرك لله وحطي في بالك ان الرازق الله وحده وحتروحي وتلقي بنات من قسمك ويمكن من اعز زميلاتك ينافسوك علي نفس الفرصة وهيا وظيفة وحدة بس الارزاق بيد الله وماشاء الله كان تمنياتي لكي بالتوفيق

الله يسعدك يارب ..

كان اختبارك محاضرة او معيدة ؟؟
افيدني ؟

[ليندااا]

من دخلت الاختبار و كان تخصصها دراسات اسلامية
و ايش ذاكرتوا
انا للان ما فتحت شي متنحة و خايفة لاني مسافرة
بنات الدراسات خلينا نتعاون و نشوف ايش نذاكر
و لو حصل انه انقبلت وحدة منا بلكن تدعي للمجموعه انه تعاونا
ايش رايكم (( و تعاونوا على البر و التقوي ))

[~خلود~]

انا ان شاء الله معاكم دراسات اسلاميه
وهذا اول اختبار ادخله باذن الله
لكن اختبرت فجامعه ام القرى
وكان للماستر
الاسئله متنوعه فيها اختيار من متعدد
ومقاليه وشرح
وفيها اسماء كتب ومؤلفين
واشياء كثيره زي المطلق والمقيد
والعام والخاص
وجمع المصحف
وطبعا حطي فبالك ان الدراسات الاسلاميه تشمل فروع
التفسير وعلوم القران
والحديث وعلوومه
والفقه
والعقيده
يعني تشكيله من الاسئله
حاولي تعرفين وتركزين على اساسيات كل فرع
انا في اختبار الماستر ركزت على كتابين لعلوم القران واحد اسمه مباحث في علوم القران
وفي الحديث كتاب مصطلح الحديث للطحان لان هذه كتب معتمده
لكن هذه الجامعه مادري كيف
ربك يسهل
يارب يقبلوونا كلنا ومانجيب العيد

[ليندااا]

الله يعطيك العافية اختي خلود
و اميين ياااارب و نتشاور لما نقلب على المحاضرات
حلو التفائل

المشاركة الأصلية كتبت بواسطة ~خلود~ انا ان شاء الله معاكم دراسات اسلاميه وهذا اول اختبار ادخله باذن الله لكن اختبرت فجامعه ام القرى وكان للماستر الاسئله متنوعه فيها اختيار من متعدد ومقاليه وشرح وفيها اسماء كتب ومؤلفين واشياء كثيره زي المطلق والمقيد والعام والخاص وجمع المصحف وطبعا حطي فبالك ان الدراسات الاسلاميه تشمل فروع التفسير وعلوم القران والحديث وعلوومه والفقه والعقيده يعني تشكيله من الاسئله حاولي تعرفين وتركزين على اساسيات كل فرع انا في اختبار الماستر ركزت على كتابين لعلوم القران واحد اسمه مباحث في علوم القران وفي الحديث كتاب مصطلح الحديث للطحان لان هذه كتب معتمده لكن هذه الجامعه مادري كيف ربك يسهل يارب يقبلوونا كلنا ومانجيب العيد

حلوة المعلومات اللي ذكرتيها و نبهتيني على حاجات
انا خايفة من الموايث يجيبوا مسائل و نستخلص لاني ما افهم كثير عليه و يعتبر من فرع الفقه
عندك كمان حساب الزكاة دهلا بالنسبة للفقة
الحديث امممم
المصطلح زي ما قلتي و ايش هيا الكتب الصحاح
التجويد ما اعرف يجيبوا و لا لا بس ممكن نقرا الاظهار و الاخفااء الادغام و الرابعة نسيتها ><
التوحيد و العقيدة ما اعرف ايش الاساس غير انواع التوحيد و ايش الفرق و ممكن كمان عن الفرق و الليبرالية و العلمانية
التفسير ........... ممكن مع علوم القران

هذا الاساسيات اللي عندي و اتذكرها
اذا عندك اضافة او اي احد و ايش الكتب اللي ممكن تصلح لمؤلفي الدين بشكل عام
جزاكم الله خيير

[جيجي 099]

بنـــــــــــات مين قدمت معيدة تخصص أحياء وكيف المذاكرة معاكم؟؟

[مس شوشه]

المشاركة الأصلية كتبت بواسطة جيجي 099 بنـــــــــــات مين قدمت معيدة تخصص أحياء وكيف المذاكرة معاكم؟؟

انا برضو احياء ..ربنا يستر انتي كيف بصراحه احس مره كتير الاحياء ماادري كيف حااقدر اجمع ..

الله يوفقنا يارب ..

[Aroma Flowr]

هلا رنا فيين احصصل دي الملززمه بحثت في النت وماحصلتها :( ياليت تنزلي لنا رابط نقرآه قبل ماندخل الاختبار باقي يومين ع الاختبار والله يكتب لنا الخير والتوفيق

الله يوفقك ويفتحلك كل ابواب الخيير يارب ياكريم ويحققلك اللي تتمنيه

آآآآآآمييين

[~خلود~]

كمان للكتب والمؤلفين
انتبهي لكل فرع خذي اهم الكتب الي فيه
والمذاهب الاربعه
شوفي كل كتاب فأي مذهب مؤلف
الحنبلي ايش الكتب المؤلفه فيه والشافعي والمالكي وهكذا
وايش الكتب المؤلفه على المذاهب الاربعه زي المقنع لابن قدامه
والتفسير اول كتاب مؤلف فيه زي البرهان لمين؟
ومتى تم تدوين الحديث
واذا خايفه من المواريث انا ماتوقع
لكن اتوقع يجيبو في اصول الفقه
ربي يسهل للجميع

[بيلف]

بنات اممم كيف مراجع مهارات الأتصال وهل راح يكون في عرض ونشرح ؟؟؟ ...

[ahlam-2012]

مين مقدم مهارات اتصال معانا ؟؟؟