قبول الطلاب والطالبات الغير سعوديين

[شوشونا9]

حياة :/ انا بدي انتظام نسبتي الموزونة ٨٥ ي رب ممكن يقبلوا ولا كيف ولا اسوي تقديم طلب بس ؟!

[شوشونا9]

يتمسخروا فينا :( والا ايه
صحباتي غير سعوديات زيي جاهم عدم قبول كيييف؟!
وبعضهم جاهم قبول كيف ماتم الفرررز مو راضية افهم دي

[مـ جدة ـلاك]

مستحيل يجي الفرز او يقبلو اي وحده مو سعوديه دحين

لأنو اصلا حكايتنا تاخذ وقت مو زي السعوديين

اللي ينقبلو ممكن من اولاد الدكاتره او شي زي كذا

والله لو نسبتها 99 الموزونه ما يطالعو فيها دحين

[nad-oosh]

وربي نفسيتي تعبببببببببببت طيب اللي كلمت المشاط تدينا رقمه
لالالالا مو قادرة اتطمن ابا اكلمة مافي نوووووووووووووووم

[القلب النابض]

بناااات فهموووني اللي مكتوب احس وربي مخيي قففففففففففففل

كتبت للمشااط كذا :

بس الحين يادكتور
وصلت رسالة من سعادتك لأحد المرشحين باحتمال الفرز في رمضان << لغير السعوديين
والانتسااب حيقفل نهاية شعبان
طيب اذا ماانقبلت انتظام حيروح علي كمان الانتساب ؟؟


رد علي :
يمكن التقديم من الان على الانتساب و هو لا يتعارض مع التقديم للانتظام و طباعة المستندات و تجهيز الملف
،و لا ترسلي الاوراق بالبريد الا اذا تم تأكيد عدم قبولك بالجامعة

و بالتوفيق

[شوشونا9]

جاني غير مرررشحة :(

كيف :( ؟!

[nad-oosh]

قولولي كيف تتواصلو معاااه
طيب الانتساب منجد مضمون احول انتظام ولا كذا بس لعل وعسى

[heba.]

طيب دحين ايش رايكم كل وحدة تقول نسبتها المركبة واللي تحس في احراج تكتبها بالابيض
انا89%
والبنات اللي جايبين فوق 90% يحطو نسبهم

انا حاسة انو النسبة حتزيد يعني العام وقفو عند 88%
والسنة دي اتوقع حتكون اعلى
لانو في اجانب كتير سجلو السنة دي مو زي العام لانو التسجيل من النت فاي واحدة ان شالله ساكنة بالرياض او الدمام او اي منطقة تلاقوها سجلت يعني حيكون اعدادهم كبيرة مو زي العام كان مافي احد يدري بالتسجيل غير اهل جدة او مكة
والتسجيل كان لازم تروحي للجامعة
خايفة والله استنى لرمضان وفي النهاية ما أنقبل وتضيع على سنة

[مـ جدة ـلاك]

القلب النابض


يعني زي ماقلتلك اول

تقدمي طلب ويكون عندك ملف

وتستني لين مايجيكي خبر انو ماراح تنقبلي انتظام << طبعا الله لايقولها

ترسلي اوراقك انتساب

فهمتي ياعسل :$

[حيــــــاة]

المشاركة الأصلية كتبت بواسطة القلب النابض بناااات فهموووني اللي مكتوب احس وربي مخيي قففففففففففففل كتبت للمشااط كذا : بس الحين يادكتور وصلت رسالة من سعادتك لأحد المرشحين باحتمال الفرز في رمضان << لغير السعوديين والانتسااب حيقفل نهاية شعبان طيب اذا ماانقبلت انتظام حيروح علي كمان الانتساب ؟؟ رد علي : يمكن التقديم من الان على الانتساب و هو لا يتعارض مع التقديم للانتظام و طباعة المستندات و تجهيز الملف ،و لا ترسلي الاوراق بالبريد الا اذا تم تأكيد عدم قبولك بالجامعة و بالتوفيق

شكل الي يقصده زي ماقالت ملوكة