الأسئلة والاستفسارات عن كلية طب الأسنان ..

[gentle man]

يعطيكي العـافيــة

شكرا :-)

[a7la-banota]

اناا تخصص طب الاسنان داخل مزاجي مرة وماتتخيل كيف انبسط لما ارووح عند دكتور الاسنان <<مجنونة
ولما اشوف صوور عن الاسنان وعن فرش الاسننان برضوو اتهبل خخخخ
الحمدلله اهلي شجعوني عليه الموهم بس لو قبلوني مرررة خايفة من ضغط الدراسة كمواد وعدد السااعات هل حقدر اتحملها ولالا؟؟ وهل حنجح بالعملي يعني كتطبيق وع ناس حققيين بعدين وخايفة من سنة ثالث قصدي مرعووبة
دحين انا حطيت التخصص اول واحد وشويا احطوو تاني واحد وارجع احطو اوول شي هادا كولو من القلق والتوتر مع اني مررة حابة التخصص ددا
مععليش حوولتكم معايا بس بالله بايش تنصحووني

[Dr~NanoOok]

a7la-banota

اهلا بيكِ أختي
ماشالله حبيت حماسك وحبك لطب الأسنان واهتمامك بيه !
وهذه من أهم الأشياء اللي نحتاجها عشان نبدع في أي شي ندخله

الصعوبات والضغوطات ما نقدر نتغلب عليها غير بالحب للتخصص ولأجل حلمنا وهدفنا
ومن غيره محد يقدر يكمل أكيد !

اللي داخل المجال عشان سمعة ولا عشان أهله مدخلينه غصب ولا لأي سبب تاني غير رغبة الشخص نفسه
صدقيني ما حيقدر يكمّل و يعطي زي التاني

وباذن الله تقدري على كل شي.. وهي مسألة وقت وتعوّد
أكيد كل شي بالبداية يكون صعب.. لأننا بنعمله لأول مره
لكن بعدها حيسهل ويصير شي عادي

بسنة أولى كنت استصعب دوامنا الطويل من 8 الى 4 العصر
لكن دحين صار مره عادي أخرج من الجامعة بعد الساعة 5 !

أستثقل الشغل بالمعامل والعيادات أول لما بدأنا فيها
لكن صارت مره عادي.. وعالجت مرضى كثير وساعدتهم
وما حنسى شعور أول مره مسكت مريضة تحت يدي وشعور الارتباك
لكن كان شعور وقتي.. وقدرت اتدارك نفسي وعملت شغل مره حلوو

استخيري ربنا وأقري أكثر وأكثر عن المجال.. وأسألي اللي تعرفيهم عنه
وإن شاء الله ربي يختارلك الخير

أقرأي مواضيع القسم هنا عن التخصص.. وحتفيدك كثير إن شاء الله

وهنا موضوع كاتبة فيه تجاربي مع القسم.. حتفيدك كمان إن شاء الله ^_^

http://www.skaau.com/vb/showthread.php?t=225358

[ommany]

بسم الله الرحمن الرحيم
وصلى اللهم على نبينا محمد وعلى اله وصحبه اجمعين
ام بعد :
انا لن أطيل عليكم يا إخوتي , أنا بإختصار طالب في السنه التحضيرية المستوى الثاني وباقي على تخرجي بس شهر واحد وطبعا يتضمنه الأختبارات النهائيه.
وانا إن شاء الله ناوي ادخل حلمي من صغري طب الأسنان "ولكن" هناك شيء يمنعني من ذلك وهو اني تعبت مررره في اختبارات الفاينل المستوى الأول وباليالله كنت اروح للأمتحانات وطبعا انتهت الأمتحانات وطلعت بمعدل يفشل وهو 2.39 , وبالتأكيد هذا المعدل ما يأهلني بأني انافس مع اخواني طلاب السنه التحضيرية. فالمساعده اللي ابغاها منكم ققط قولو لي وش التخصص اللي تنصحوني فيه ويكون يتضمن بعض مواد طب الأسنان عشان ادخله وبعدين احول لطب الأسنان.
شاكراً جزيل الشكر.

[a7la-banota]

تسلميلي ياادكتوورة الله يسعدك ياارب ويوفقك ع الكلام ددا اللي يرفع المعنوياات
ريحتيني الله يريحك دوونيا واخرة يااارب ويحقق امانيكي
مرررة شوكراا =)

[Dr~NanoOok]

خيره باذن الله لك وربي يعوضك خير

من وجهة نظري اشوفك انك تعيد السنة التحضيرية وتشد حيلك فيها
وباذن الله تجيب المعدل اللي يدخلك الكلية
وكثير هنا بالمنتدى عملوا كده.. ودخلوا الكليات الطبية اللي يبغوها

كده اسهل من مسألة التحويل.. لان التحويل للكليات الطبية معروف انه صعب
واخاف معدلك الحالي ما حيأهلك لدخول كلية علمية عالية تقدر تحول منها للطب

ففي التحويل هناك افضلية للكليات الاخرى في للتحويل
اعلاها اعتقد كلية العلوم وهكذا


استخير الله واستشير قد ماتقدر
وربي يوفقك ويسهلك امرك

[إحساس ناجح]

مافي دكتور أسنان كلهم طلاب الكلية سنة الإمتياز لكنهم ممتازين

[روح لا يمسها عابر]

السلام عليكم ورحمة الله وبركاته
صباح/مسا الخير على الجميع
اعرفكم على نفسي انا طالبة سنه تحضيري في جامعة تبوك
حبيت اكتب موضوع في قسم كلية طب الاسنان بسبب اني اريد الالتحاق بكلية طب الاسنان
في جامعتكم الموقرة ان شا الله بعد ماانتهي من السنه التحضيري
وحبيت استفسر عن كم شغله اذا ماعليكم امر تجاوبوني عليها
انا معدلي الفصل الاول خمسه ودرست الخطه a اللي هيه(كيميا واحيا وانجليزي 1 ورياضيات 1 ومهارات التعلم والتفكير)
اتمنى احد يفيدني اش الشروط المطلوبه في التحويل من جامعة تبوك الى جامعة الملك عبد العزيز ومتى فترة التحويل تبدا وكيف نظام الدراسة في كلية طب الاسنان لان احنا عندنا كلية طب عام (بشري) ونظام الدراسة اتوقع modules انا كنت بسجل في الطب العام بس بعض المواد الموجودة في هذا القسم مااميل لها وطب الاسنان انا احبه من زمان وبس
اتمنى انكم تجاوبوني على اسئلتي مع اعتذاري على الاطالة واذا في كلفه عليكم لاتهتمون بالموضوع
مع خالص تحياتي ودعواتي اني اكون ضمن هذا الصرح التعليمي المتطور

[Beeshoob]

اممممممممم

<< الملقوفه جات

بس قلت بما اني هنا استنى احد يرد على موضوعي في القسم اللي جنبكم

برد عليكي ياضيفتنا ^^

ياعزيزتي

الشي الوحيد اللي لازم يصير عشان تحولي من جامعتكم لعزوز انو لازم تدرسي التحضيري عندنا وللاسف انو ما بيعادلو المواد حتى لو كنتي دارسه تحضيري في اي جامعه تانيه

ودا رابط عشان تعرفي اكتر عن الموضوع

http://prod.kau.edu.sa/admission/MAI...erv_2_1_0.aspx

اتمنى اكون افدتك

[Glamor Mada]

اهلين اخويا .. الله يسهلك ويحققلك حلمك
امممم لو تقدر تعيد السنة التحضيرية بيكون احسنلك واريحلك .. لانك هتكون عارفها قبل وهتكون سهله عليك
او انك تحول من كلية طبية للأسنان .. ولو اخترت دا الشي فا احسن شي يكون عن طريق كلية العلوم الطبية .. لأنه احنا هالسنه تقريبا 10 او 11 طالب انضمو لنا من العلوم الطبية ..يعني جابو معدل عالي وحولو عندنا
واصلا ما جانا طلاب محولين من غير العلوم الطبية
الله يوفقك :)