وظائف نسائية في الخطوط السعودية (بكالريوس - ماجستير) جدة

[انتظار الوظيفة]

حبيت اضيف انو الشركة جدا مراعيه في شروط الوظيفيه وكمان اذا انتو من البنات جايبين شهادتكم من بري علي طول يوظفوا بنات نصيحه لا تضيعو وقت لانو نازله وظيفتين في جده والتقديم عليها الي ١٠ اكتوبر

[أم محمد حمودي]

مشكوررررررره اخت انتظار وظيفه بس ممكن تشرحيلنا اكثر عن الوظيفه
دوامهم وراتبهم وموقعهم

[انتظار الوظيفة]

في وظيفتين ٢ الي نازله بجده هي مشرف خدمة عملاء و خدمة عملاء
اذا دخلتي علي موقع شارحين لكي الرول حق الوظيفه
اما عن الراتب فما اقدر احدده بصراحه بس الراتب عندهم من ٦٠٠٠ للبكالوريوس فوق غير بدل السكن والتأمين
هذي الشركة تاسست عام ٢٠٠٢ وهي شركة مدعومه من الحكومه وفرعها الرئيسي في الرياض
وجالس تتوسع حاليا في كل مناطق المملكه

[انتظار الوظيفة]

في وظيفتين 2 الي نازله بجده هي مشرف خدمة عملاء و خدمة عملاء
اذا دخلتي علي موقع شارحين لكي الرول حق الوظيفه
اما عن الراتب فما اقدر احدده بصراحه بس الراتب عندهم من 6000 للبكالوريوس فوق غير بدل السكن والتأمين
هذي الشركة تاسست عام 2002 وهي شركة مدعومه من الحكومه وفرعها الرئيسي في الرياض
وجالس تتوسع حاليا في كل مناطق المملكه
اتمني اكون افدتك واي سؤال انا حاضره
والله يرزقنا واياكن خير الوظائف
حبيت اضيف انو الدوام بالعاده يكون ٨ ساعات في اليوم
والدوام الاغلب انو في المكاتب المجمعات ومفصول تمام عن الرجال

[ساره من جده]

انا عن نفسي بدأت اقدم على جامعات برايطانيه والله يوفقني قيدني صليت الاستخاره لدرجه اني قبل مااروح اختبر اخر شي سويتو استخرت لانو عندب احساس وقالولي من قبل الخطوط لعب بزران

[ساره من جده]

اختي jana1980
عندي استفسار بخصوص الدراسه في بريطانيا هل سهل الالتحاق بالبعثه هناك ام لا
انا عندي رغبه اكمل دكتوراه في الانفورميشن سيستم وحابه التحق بالبعثه هناك هل نظام الدكتوراه هناك يحسب التقدير لكل ترم او باس فقط ؟؟ لانو تعرفي من شروط الالتحاق بالبعثه للدراسات العليا اجيب معدل 3.3
وسالت عن الدكتوراه قالولي تجيبي باس بس ابغا اتاكد منك كيف حيكون التحاقي بعد مااخلص اول ترم

[عـــهـــود]

وانا للحين م جاني ولا مسج

ي رب عوضني بخير منها و لا تزعلو ي بنات الحمدلله محنا واقفين عليهم ان شاء الله القادم اجمل ~

[ديالى وليد]

حبيبتيjana1980 والله حاسه فيك وانقهرت هذي آخرت الغربة بس معليش عندي توضيح يمكن يخفف عليك أنا مرة سمعت عن واحد له خبرة في مجال توظيف إنو الماجستير و الدكتوراة تكون أكثر إعتبار في مجال التوظيف الأكاديمي لأنو بيهتموا بالتحصيل العلمي و إثباته بهذي الشهادات بينما الشركات تنظر غالباً للخبرة العملية و الدورات التدريبية المتخصصه في مجالات عملية وما يحبطك كلام موظف مل من الإتصالات و يبغى يمشي أي كلام إنت إنجرحي لمن يكون الكلام موجه لك من مدير شؤون التوظيف نفسه مو معقولة أحد له سلطة وأمر ونهي يرد على التلفون و أنا أتوقع سبب رفضك هو إنو تخصصك مو مطلوب وبعدين إنت رسالتك في الماجستير في أيه و على أي أساس قدمت على الخطوط؟

[jana1980]

هاي ساره .. اهم شي في قبول الدكتوراه بالنسبه للجامعه البروباسول لازم تلاقي دكتور يشرف عل رسالتك هو ده الاصعب في القبول للدكتوراه.. بس انتي دوري عل الجامعات القويه في ده المجال وادخلي على الاكاديميك ستف اللي عندهم وراسليهم بالايميل بموضوع الرساله اول ما يوافق احد منهم عل رسالتك يطلب منك تقدمي عل الادمشين علشان تاخدي قبول رسمي من الجامعه بس لازم تكتبي اسم الدكتور المشرف في الابليكيشن

في طريقه تانيه انك تقدمي مباشره عل الادميشين بس ياخد القبول وقت اطول

.. بالنسبه للملحقيه المعدل .. لما ترفعي اوراقك لوزاره خلي احد من اهلك يكون متابع معاهم ( ما اقصد واسطه ) اقصد مراجعه لقسم الرجال .. هتتلكع شويه اذا المعدل باس بس هتتقبلي في النهايه

في جامعه كويسه مرره انا قدمت عليها وجاني فيها قبول بس انا فضلت اكمل في الجامعه اللي اخدت منها الماستر ..

جامعه لندن ستي .. الانفورماشن سيستم مررره قوي عندهم .. عل ما اعتقد تابع للكمبيوتر ساينس..

اي شي تحتاجيه راسليني

بالتوفيق

[رشة عطر]

برنامج التوظيف النسائي للخطوط السعودية

نعتذر عن عدم اجتيازك لاختبار اللغة الانجليزية

ويمكنك التسجيل في حال فتح البرنامج مرة اخرى

ونتمنى لك دوام التوفيق وشكرا

مع تحيات ادارة التوجيه الوظيفي y&e





قابلوني لو قدمت مرا ثانيه