الدوره التأهيليه لطلاب إداره عامه ( تنظيم وتطوير إداري )

[أبيض قلب]

المشاركة الأصلية كتبت بواسطة أمير القلوب يعطيك العافيه ياقلبي س سؤال أبيض القلب . مباديء القانون ( المدخل إلى دراسة الأنظمة السعودية ) هل يوجد فيها تحديد لأن فيه واحد من الإخوان نزل مقرر ومحذوف ؟ أريد أن أتأكد من صحة الخبر وأنا أخوك ؟ ولكـ مني كل الشكر والتقدير ع البركة التوقيع دمت في حفظ الرحمن ،،،

أخوي أمير القلوب الله يجعلك على القوه دايماً انا مثلك شفت هالكلام في الموضوع اللي نقله لنا اخونا الملتاع والتحديد اللي فيه وانت تعرف الدوره فيها اكثر من دكتور يلقون محاضرات بالنسبه للدكتور اللي عندنا رجعنا للمفردات والملخص اللي اعطانا اياه ونزلته لكم هنا وهذا اللي استطيع اني اكده لكم اما غيره ما اقدر اكده ولا انفيه فياليت أي احد من الاخوان اللي حضروا عند هالدكتور يأكدون لنا هذا التحديد أو ينفونه وبالتوفيق ان شاء الله

[أبيض قلب]

المشاركة الأصلية كتبت بواسطة سعود السعودية أخوي ابيض القلب ولا عليك أمر التسويات في المحاسبة معنا ولالا

أخوي سعود حسب المفردات نعم معنا اما الدكتور لم يتطرق لها في المحاضرات في الدورة التأهيليه مع العلم انها سهله ومن الافضل المرور عليها على الأقل للإطمئنان وبالتوفيق

[أبيض قلب]

المشاركة الأصلية كتبت بواسطة غاب القمر أخوي أبيض القلب أو أي أحد غيره نبغا المحذوف من الإنجليزي 102

أخواني غاب القمر
الوزاب
صعيدي السعوديه
الأفضل انكم تمرون على ملتقى السنه التحضيريه وراح تجدون هناك كل شي عنها بالتفصيل وبالتوفيق

[أبيض قلب]

المشاركة الأصلية كتبت بواسطة مجنون الجامعه مشكورين وماقصرتم بس ابغى إفادتكم عن المواد التاليه : نظرية التنظيم 221 تنمية الموارد البشرية 312 سلوك تنظيمي 321 اساليب وطرق العمل 324 مبادىءالعلوم السياسية 101 وش المحذوف وانطباعكم عنها والله يجزاكم الف خير وتكفوووووون ؟؟؟

أخوي ما أقدر افيدك الا في العلوم السياسيه 101 لم يتم تحديد في الدوره التأهيليه ورجعونا إلى المفردات على موقع الكليه واللي تبين لي انه ما فيه شي محذوف وبصراحه الماده شوي غثيثه يبيلها جهد وقراءه بتركيز وبالتوفيق

[محمد نور]

ابيض قلب بيض الله وجهك
عندي استفسار عاجل جدولي فقط 14 ساعه لماذا وهل اقدر اضيف ماده اذا امكن
واي المواد اضيف
وجزاك الله الف خيرررررررررر

[مجنون الجامعه]

ابيض قلب الله يعطيك العافيه وماقصرت وفيت وكفيت يالغالي

[$$$$]

اخوي الغالي ابيض قلب

الشرايح اللي نزلتها عن القانون

هل نركز عليها او انها تكفي لحالها

لأنني طبعتها في الوورد ومو قليله تقريبا 50 ورقه ؟

وش رايك


الله يوفقك

[أبيض قلب]

المشاركة الأصلية كتبت بواسطة محمد نور ابيض قلب بيض الله وجهك عندي استفسار عاجل جدولي فقط 14 ساعه لماذا وهل اقدر اضيف ماده اذا امكن واي المواد اضيف وجزاك الله الف خيرررررررررر

أخوي محمد عدد الساعات على حسب المعدل وبالنسبه للإضافه نعم تستطيع الإضافه لكن تأكد هل موعد الحذف والإضافه انتهى أم لا وبالتوفيق

[أبيض قلب]

المشاركة الأصلية كتبت بواسطة $$$$ اخوي الغالي ابيض قلب الشرايح اللي نزلتها عن القانون هل نركز عليها او انها تكفي لحالها لأنني طبعتها في الوورد ومو قليله تقريبا 50 ورقه ؟ وش رايك الله يوفقك

أخوي الملتاع الدكتور قال مساعد مع الكتاب لكن الأفضل انك تقرأ الكتاب وتركز على الملخص وأي شي جديد راح اوصله لكم ان شاء الله وبالتوفيق

[المبلع]

اخوي ابيض القلب الملاحظ ان الملخص كله في نظرية القانون اما نظرية الحق فلم تتطرق لها
فهل تتطرق لها الدكتور فالمحاضرات ام لا ؟