كل ما تتمناه من أكمال دراسة الماجستير تحت سقف واحد

[دارين العنزي]

ربي ينفع بك ياشواطي ويجزاك كل خير .. استفسار آخر أنا خريجه كلية تربيه من سنتين وبتقدير امتياز ( أحياء ) وحابه اكمل ماستر بس لاانا قدمت ع القدرات او التوفل او مايعادله ولا انا عرفت كيف طريقة التقديم ع موقع الجامعه قولي لي _ الله يسعدك بحياتك _ ايش اعمل وايش ابدأ فيه وهل فيه موعد قريب للتقديم ؟؟ ومتى راح اقدم ع التوفل ووين ؟ :( وهل مطلوب بأوراقي الازمه للتقديم مايعرف بـ c.v اممم وهل ممكن يتم قبولي قبل ان أتم اختبار اللغه الانجليزيه ؟ كما فهمته من هنا أنه من الممكن قبول المتقدم لكن يشترط ان يتمها لاحقاً وعلى اي اساس تتم المفاضله لمتقدمي الماستر ؟ ولي back آخر اتحمليني بربك

[شواطئ البحر]

المشاركة الأصلية كتبت بواسطة دارين العنزي أنا خريجه كلية تربيه من سنتين وبتقدير امتياز ( أحياء ) وحابه اكمل ماستر بس لاانا قدمت ع القدرات او التوفل او مايعادله ولا انا عرفت كيف طريقة التقديم ع موقع الجامعه قولي لي _ الله يسعدك بحياتك _ ايش اعمل وايش ابدأ فيه

---

طريقة التقديم ع موقع الدراسات العليا
ع رابط التالي
بوابة القبول

من الأشياء تعمليه قبل التقديم تجهزي التوصيات وتجيبي كشف الدرجات من كليتك

المشاركة الأصلية كتبت بواسطة دارين العنزي وهل فيه موعد قريب للتقديم ؟؟

---

التقديم بيكون في شهر 11 تقريباً خليك متابعة للمنتدى بنحط أعلان
وحنا عارفين أنو التقديم للماجستير بيفتح كل سنة مرتين وموشرط تكون كل التخصصات مفتوحه
قبل بدء التسجيل بأسبوع بيعلنو عن التخصصات المتاحة للتقديم

المشاركة الأصلية كتبت بواسطة دارين العنزي راح اقدم ع التوفل ووين ؟ :(

---

في اختبار اسهل من التوفل المسمى بأختبار الستب (الكفايات) تقريباً في شهر 1 بيكون الأختبار
في موضوع مثبت عن الكفايات طريقة التسجيل........الخ

المشاركة الأصلية كتبت بواسطة دارين العنزي وهل مطلوب بأوراقي الازمه للتقديم مايعرف بـ c.v

---

مو مطلوب

المشاركة الأصلية كتبت بواسطة دارين العنزي وهل ممكن يتم قبولي قبل ان أتم اختبار اللغه الانجليزيه ؟ كما فهمته من هنا أنه من الممكن قبول المتقدم لكن يشترط ان يتمها لاحقاً

---

نعم يتم القبول في سابق

---

ولكن في دراسة حالياً بعدم قبول مما ليس لديهم نتيجة اللغة الأنجليزية واحتمال يطلبو السيرة الذاتية والتقديم القادم بيكون كل شي واضح

المشاركة الأصلية كتبت بواسطة دارين العنزي وعلى اي اساس تتم المفاضله لمتقدمي الماستر ؟

معدل البكالوريوس+ اختبار القسم

المشاركة الأصلية كتبت بواسطة دارين العنزي ولي back آخر اتحمليني بربك

في انتظارك

[الطموحه خوخه]

الى الاخت شواطئ بحر انا طمعانه في كرمك عشان تجاوبي على اسالتي وجزاكي الله خير
دحين انا زي الاخت دارين العنزي متخرجه من احياء من كليه مكه
وابغا اقدم عالماستر في جامعه الملك عبد العزيز ومااختتبرب لا كفايات ولا قدرات
اول سوال ..انتي بتقولي يمكن يكون التقديم للماستر شهر 11 والكفايات شهر 1 والقدرات ماادري متى طيب انا كيف اقدم شهر 11 وانا لسه مااختبرت الكفايات ولا القدرات وهما موعدهم بعد 11
ثاني سؤال ...لما اطلعت على شروط التسجيل في قسمي لقيت من الشروط التوفل او الكفايات لاكن مالقيت من الشروط القدرات وانا سمعت انه مو كل الاقسام تختبر قدرات هل انا منهم ولالا
ترى انا مرره محتاره وحايسه يعني مو عارفه فين اروح ولا فين اجي
اول شي اروح الجامعه ولا اول شي اقدم عاالماستر في النت ولا اسجل اول في القدرات والكفايات
ورابع سوال متى يكون اختبار القسم قبل الحوسه دي كلها ولا بعد؟

[شواطئ البحر]

المشاركة الأصلية كتبت بواسطة الطموحه خوخه اول سوال ..انتي بتقولي يمكن يكون التقديم للماستر شهر 11 والكفايات شهر 1 والقدرات ماادري متى طيب انا كيف اقدم شهر 11 وانا لسه مااختبرت الكفايات ولا القدرات وهما موعدهم بعد 11

---

كلية العلوم لا تطبق اختبار القدرات
القرار فقط لكلية الآداب وأدارة وأقتصاد

اختبار الكفايات كان فيه بشهر 4 وشهر 8
في سابق كانو يقبلو الطالبات أللي لسا ما أختبرو كفايات للتقديراتهم عاليه جيدجداً وأعلى
وعلى النظام الجديد يمكن ما يقبلو ألا معاهم النتيجة والله أعلم

المشاركة الأصلية كتبت بواسطة الطموحه خوخه ثاني سؤال ...لما اطلعت على شروط التسجيل في قسمي لقيت من الشروط التوفل او الكفايات لاكن مالقيت من الشروط القدرات وانا سمعت انه مو كل الاقسام تختبر قدرات هل انا منهم ولالا

---

سبق الأجابة
كلية العلوم ليس منهم

المشاركة الأصلية كتبت بواسطة الطموحه خوخه ترى انا مرره محتاره وحايسه يعني مو عارفه فين اروح ولا فين اجي اول شي اروح الجامعه ولا اول شي اقدم عاالماستر في النت ولا اسجل اول في القدرات والكفايات

---

ما في شي بالجامعة كل الشغل ع نت

المشاركة الأصلية كتبت بواسطة الطموحه خوخه ورابع سوال متى يكون اختبار القسم قبل الحوسه دي كلها ولا بعد؟

أختبار القسم بعد التقديم على نت

---

كلها الأمور سهله ما تحتاج تعقيد كلها جلسه على نت وكلو بيتم
مافي لفلف بالجامعة

وحياك الله خوخة

[دارين العنزي]

الغاليه شواطئ دخلت عبر الرابط اللي اعطيتيني اياه تبع عمادة الدراسات العليا وضغطت ع خانة الماجستير .. ( كلية العلوم .. علوم أحياء ... ) بس مافيه خانه للتسجيل ظهر لي فقط [ الخطه الدراسيه للبرنامج .. شروط القبول .. المستندات المطلوبه ] .. هل سيفتح خانه للتسجيل بحالة اعلان بدء التقديم بشهر 11 كما ذكرتِ في الأعلى ؟؟

[شواطئ البحر]

المشاركة الأصلية كتبت بواسطة دارين العنزي الغاليه شواطئ دخلت عبر الرابط اللي اعطيتيني اياه تبع عمادة الدراسات العليا وضغطت ع خانة الماجستير .. ( كلية العلوم .. علوم أحياء ... ) بس مافيه خانه للتسجيل ظهر لي فقط [ الخطه الدراسيه للبرنامج .. شروط القبول .. المستندات المطلوبه ]

لا تستعجلي يا عسل
اول ما يبدء التقديم بيضفو خانة التسجيل

[female]

عندي سؤال بخصوص الدخول ع النظام الالكتروني في رقم المستخدم وكلمة السر اعبيها بإيش ؟؟؟ انا عندي الرقم الجامعي بس ما عندي كلمة السر

[شواطئ البحر]

المشاركة الأصلية كتبت بواسطة female عندي سؤال بخصوص الدخول ع النظام الالكتروني في رقم المستخدم وكلمة السر اعبيها بإيش ؟؟؟ انا عندي الرقم الجامعي بس ما عندي كلمة السر

رقم المستخدم: الرقم الجامعي
كلمه السر : رقم الهويه مع حذف أول رقم على اليسار

[الطموحه خوخه]

طيب يعني دحين لو قدمت في شهر 11 ماراح يقبلوني لاني ماعندي اختبار كفايات؟؟؟:(

[شواطئ البحر]

أذ طبقو القرار ما يتم قبول
وكل كلية لها شروط في التقديم يمكن كلية العلوم تسمح ويمكن لا