وظائف نسائية في الخطوط السعودية (بكالريوس - ماجستير) جدة

[ديالى وليد]

حبيبتيjana1980 والله حاسه فيك وانقهرت هذي آخرت الغربة بس معليش عندي توضيح يمكن يخفف عليك أنا مرة سمعت عن واحد له خبرة في مجال توظيف إنو الماجستير و الدكتوراة تكون أكثر إعتبار في مجال التوظيف الأكاديمي لأنو بيهتموا بالتحصيل العلمي و إثباته بهذي الشهادات بينما الشركات تنظر غالباً للخبرة العملية و الدورات التدريبية المتخصصه في مجالات عملية وما يحبطك كلام موظف مل من الإتصالات و يبغى يمشي أي كلام إنت إنجرحي لمن يكون الكلام موجه لك من مدير شؤون التوظيف نفسه مو معقولة أحد له سلطة وأمر ونهي يرد على التلفون و أنا أتوقع سبب رفضك هو إنو تخصصك مو مطلوب وبعدين إنت رسالتك في الماجستير في أيه و على أي أساس قدمت على الخطوط؟

[jana1980]

هاي ساره .. اهم شي في قبول الدكتوراه بالنسبه للجامعه البروباسول لازم تلاقي دكتور يشرف عل رسالتك هو ده الاصعب في القبول للدكتوراه.. بس انتي دوري عل الجامعات القويه في ده المجال وادخلي على الاكاديميك ستف اللي عندهم وراسليهم بالايميل بموضوع الرساله اول ما يوافق احد منهم عل رسالتك يطلب منك تقدمي عل الادمشين علشان تاخدي قبول رسمي من الجامعه بس لازم تكتبي اسم الدكتور المشرف في الابليكيشن

في طريقه تانيه انك تقدمي مباشره عل الادميشين بس ياخد القبول وقت اطول

.. بالنسبه للملحقيه المعدل .. لما ترفعي اوراقك لوزاره خلي احد من اهلك يكون متابع معاهم ( ما اقصد واسطه ) اقصد مراجعه لقسم الرجال .. هتتلكع شويه اذا المعدل باس بس هتتقبلي في النهايه

في جامعه كويسه مرره انا قدمت عليها وجاني فيها قبول بس انا فضلت اكمل في الجامعه اللي اخدت منها الماستر ..

جامعه لندن ستي .. الانفورماشن سيستم مررره قوي عندهم .. عل ما اعتقد تابع للكمبيوتر ساينس..

اي شي تحتاجيه راسليني

بالتوفيق

[رشة عطر]

برنامج التوظيف النسائي للخطوط السعودية

نعتذر عن عدم اجتيازك لاختبار اللغة الانجليزية

ويمكنك التسجيل في حال فتح البرنامج مرة اخرى

ونتمنى لك دوام التوفيق وشكرا

مع تحيات ادارة التوجيه الوظيفي y&e





قابلوني لو قدمت مرا ثانيه

[wan555]

برنامج التوظيف النسائي للخطوط السعودية

نعتذر عن عدم اجتيازك لاختبار اللغة الانجليزية

ويمكنك التسجيل في حال فتح البرنامج مرة اخرى

ونتمنى لك دوام التوفيق وشكرا

مع تحيات ادارة التوجيه الوظيفي y&e

[wan555]

كيف ازف الخبر السار لاهل البيت نزلوني جده عشان دا الاختبار ومتحمسيين ... قدر الله وماشاء فعل

[نقطة انتهى]

اول مرة في حياتي مااجتاز اختبار ايش ما كان نوعه ( احساس مو حلووووووووو ابدا )
حمد الله ونقول خيرة ويارب يكتب لنا اللي فيه الخير

[أم محمد حمودي]

انا زيكم جاتني الرساله
بس تصدقوا بنات والله العظيم ابتسم لمن قرأتها ماادري ايش جاني يمكن عشان ربي مو كاتبها لي وانا مستخيره وماخاب من استخار
وشوف زي ماقلت لكم ربي مايضيع احد دوبه جاني اتصال من شركة يبغوني اداوم بكره
وإن شاء الله عقبالكم واللي بتكمل دراسة ربي يوفقها إن شاء الله
واشوفكم على خير إن شاء الله
وسامحوني اذا جاكم مني شي
والسلام

[إحساس أنثى]

الفففففففففف مبرووووووووك مس فلللللله
اللله يوفققققك ياااارب

انا جاتني رسالة التوفل بس مع نفسهم ما ابغاهم خلاااااااص
باكمل ماجستير باذن الله
و الله يعوض الجميع بخير منها

[حروف البسمه]

للأسف ماعندنا اعتزاز بلغتنا العربية

كل شي انقلش انقلش انقلش

إي نعم مهم نتعلمه بس مو لهالدرجة في التعقيد وخاصه إننا نساء ماراح نتهجول خارج المملكة

[wan555]

الله يوفق الي جاتهم الرساله والي لقوا وظيفه
اكييد والله شعور مو حلو لما مااتعدي اختبار اول مرا كدا مااعدي اختبار طيب على الاقل يقولو خلينكم احتياط هههههه اواسي نفسي يانفسي