كل ما تتمناه من أكمال دراسة الماجستير تحت سقف واحد

[الطموحه خوخه]

الى الاخت شواطئ بحر انا طمعانه في كرمك عشان تجاوبي على اسالتي وجزاكي الله خير
دحين انا زي الاخت دارين العنزي متخرجه من احياء من كليه مكه
وابغا اقدم عالماستر في جامعه الملك عبد العزيز ومااختتبرب لا كفايات ولا قدرات
اول سوال ..انتي بتقولي يمكن يكون التقديم للماستر شهر 11 والكفايات شهر 1 والقدرات ماادري متى طيب انا كيف اقدم شهر 11 وانا لسه مااختبرت الكفايات ولا القدرات وهما موعدهم بعد 11
ثاني سؤال ...لما اطلعت على شروط التسجيل في قسمي لقيت من الشروط التوفل او الكفايات لاكن مالقيت من الشروط القدرات وانا سمعت انه مو كل الاقسام تختبر قدرات هل انا منهم ولالا
ترى انا مرره محتاره وحايسه يعني مو عارفه فين اروح ولا فين اجي
اول شي اروح الجامعه ولا اول شي اقدم عاالماستر في النت ولا اسجل اول في القدرات والكفايات
ورابع سوال متى يكون اختبار القسم قبل الحوسه دي كلها ولا بعد؟

[دارين العنزي]

الغاليه شواطئ دخلت عبر الرابط اللي اعطيتيني اياه تبع عمادة الدراسات العليا وضغطت ع خانة الماجستير .. ( كلية العلوم .. علوم أحياء ... ) بس مافيه خانه للتسجيل ظهر لي فقط [ الخطه الدراسيه للبرنامج .. شروط القبول .. المستندات المطلوبه ] .. هل سيفتح خانه للتسجيل بحالة اعلان بدء التقديم بشهر 11 كما ذكرتِ في الأعلى ؟؟

[female]

المشاركة الأصلية كتبت بواسطة شواطئ البحر قسم الاحصاء والرياضيات كل سنة يكون في طالبات مستجدات التحويل ماله علاقة بذلك

بداية التسجيل ما كان فيه ماث بس انا دوبني امس عرفت من المنتدى انه فتح بس بدي أتأكد ؟؟ عشان بدي احول .. .وشكرا ع الرد

[female]

عندي سؤال بخصوص الدخول ع النظام الالكتروني في رقم المستخدم وكلمة السر اعبيها بإيش ؟؟؟ انا عندي الرقم الجامعي بس ما عندي كلمة السر

[شواطئ البحر]

المشاركة الأصلية كتبت بواسطة الطموحه خوخه اول سوال ..انتي بتقولي يمكن يكون التقديم للماستر شهر 11 والكفايات شهر 1 والقدرات ماادري متى طيب انا كيف اقدم شهر 11 وانا لسه مااختبرت الكفايات ولا القدرات وهما موعدهم بعد 11

---

كلية العلوم لا تطبق اختبار القدرات
القرار فقط لكلية الآداب وأدارة وأقتصاد

اختبار الكفايات كان فيه بشهر 4 وشهر 8
في سابق كانو يقبلو الطالبات أللي لسا ما أختبرو كفايات للتقديراتهم عاليه جيدجداً وأعلى
وعلى النظام الجديد يمكن ما يقبلو ألا معاهم النتيجة والله أعلم

المشاركة الأصلية كتبت بواسطة الطموحه خوخه ثاني سؤال ...لما اطلعت على شروط التسجيل في قسمي لقيت من الشروط التوفل او الكفايات لاكن مالقيت من الشروط القدرات وانا سمعت انه مو كل الاقسام تختبر قدرات هل انا منهم ولالا

---

سبق الأجابة
كلية العلوم ليس منهم

المشاركة الأصلية كتبت بواسطة الطموحه خوخه ترى انا مرره محتاره وحايسه يعني مو عارفه فين اروح ولا فين اجي اول شي اروح الجامعه ولا اول شي اقدم عاالماستر في النت ولا اسجل اول في القدرات والكفايات

---

ما في شي بالجامعة كل الشغل ع نت

المشاركة الأصلية كتبت بواسطة الطموحه خوخه ورابع سوال متى يكون اختبار القسم قبل الحوسه دي كلها ولا بعد؟

أختبار القسم بعد التقديم على نت

---

كلها الأمور سهله ما تحتاج تعقيد كلها جلسه على نت وكلو بيتم
مافي لفلف بالجامعة

وحياك الله خوخة

[شواطئ البحر]

المشاركة الأصلية كتبت بواسطة دارين العنزي الغاليه شواطئ دخلت عبر الرابط اللي اعطيتيني اياه تبع عمادة الدراسات العليا وضغطت ع خانة الماجستير .. ( كلية العلوم .. علوم أحياء ... ) بس مافيه خانه للتسجيل ظهر لي فقط [ الخطه الدراسيه للبرنامج .. شروط القبول .. المستندات المطلوبه ]

لا تستعجلي يا عسل
اول ما يبدء التقديم بيضفو خانة التسجيل

[شواطئ البحر]

المشاركة الأصلية كتبت بواسطة female بداية التسجيل ما كان فيه ماث بس انا دوبني امس عرفت من المنتدى انه فتح بس بدي أتأكد ؟؟ عشان بدي احول .. .وشكرا ع الرد

ايوه أول ما فتح التقديم ما كان فيه رياضيات
وبعده بأسبوع فتحو القسم وكثير من أعضاء سجلو في تخصصات مختلفة وبعد ما نزل الرياضيات حولو وبعضهم ما كان عندهم خبر

---

وهذي أسئلة الأختبار حق القسم عشان تتأكدي أكثر
أختبار كان بشهر أربعة

[شواطئ البحر]

المشاركة الأصلية كتبت بواسطة female عندي سؤال بخصوص الدخول ع النظام الالكتروني في رقم المستخدم وكلمة السر اعبيها بإيش ؟؟؟ انا عندي الرقم الجامعي بس ما عندي كلمة السر

رقم المستخدم: الرقم الجامعي
كلمه السر : رقم الهويه مع حذف أول رقم على اليسار

[الطموحه خوخه]

طيب يعني دحين لو قدمت في شهر 11 ماراح يقبلوني لاني ماعندي اختبار كفايات؟؟؟:(

[شواطئ البحر]

أذ طبقو القرار ما يتم قبول
وكل كلية لها شروط في التقديم يمكن كلية العلوم تسمح ويمكن لا