..... ~ | زينَـة آيآمـيٍ . . . شبآبـيّ | ~ .....

[Aowedh Alsolmi]

الشاعر عواض العطشان الشلوي من أشهر شعراء قبيلة الشلاوى
قال هذه القصيدة قبل حوالي سبعين سنة
حينما انتظم في السلك العسكري
وحيث أنه بدوي ليس متعود إن يأمره أحد قرر أن يفصل
وقال هذه القصيدة
التي كثير من الناس مايكررها دون أن يعرفوا من قائلها :
وهذه قصيدته


يالله انـك لاتـعـود العسكـريـة
والزمان اللي على البدلة حدانـي

لبسونـي لبسـة ماهيـب لـيـه
درعونـي باللبـوس المشبهانـي

دربونـي مثـل تدريـب المطيـة
والصعب منـا يعـود مطوعانـي

العريـف المستلـم طبـق عليـه
والخفارة طولـت والنـوم جانـي

يالله انــك لاتحملـنـا رزيــه
حيث حنـا للمعاصـي ماندانـي

يا وجودي وجد حُمُـراً عيدهيـه
ساقطاً منها الحقب ويا البطانـي

فوقهـا قرمـاً بباكـوراً قـويـه
من وراء العارض يبا دار اشهراني

قطّـر القربـه وقـدم قيهمـيـه
مع زوال الظهر يوم الشوف داني

هسها العرقـوب والديـره رديـه
لين دم الجوف بالذرعـان حانـي

او وجوده وجد عَرَباً فـوق طيـه
في لهيب القيض معطيتن ثمانـي

هملـن اعيالهـن بـارضٍ خليـه
واصبحـن اعيالهنـه ذيهبانـي

يوم جـن البيـر ليهـي جاهليـه
ماعليـهـا لا ورود ولامحـانـي

بركن بالشمس تصهرهن شويـه
كل منهن كنه الخـرص العمانـي

لو بغيـت ادلـه الطـاري عليـه
واستحس القلب والهاجوس جاني

يوم اشوف الدين مرتجدن عليـه
والظهر عريان والجوع ايحدانـي

طالباً رزقـاً تحطـه فـي يديـه
ماعلى بابـه شريـف ولاهدانـي






وهذا رد الشاعره الشمريه على قصيدته ويبدو أنها في زمان قريب


وسِّـع الملعـب لـقـاف الشمـريـه
وسّعـه للحـق أنـا بطْلِـق عنانـي

خلنـي لا تْحِـط قيـدك فـي يـديَّـه
ولَّعَـتْ ألفـاظ شعـري و المعـانـي

جمـرةٍ كتمانهـا صـعـبٍ علـيّـه
كـل شاعـر لا كِتـم شعـره يعانـي

يشتِعل مـن شـان يسْتهـدي بضيّـه
كلّ طرقي فـي دروب الليـل عانـي

هزّني شاعـر سمعتَـه فـي عَشيّـه
(عسكـريٍ ) يشتكـي مـرّ الزمانِـي

قـال ( ربـي لا تعـود العسكريـه )
و الزمان اللي على البدلـه حدانـي

قلت أكيـد الرجـل واقـع فـي بِليّـه
أو مصيبـه صكِّتـه بيـن المحانـي

قـال وشـو ( درّبونـي كالمطيّـه )
و اتِضح مقصود شعره لـي وِ بانِـي

طار قلبـي و أثـري الدعـوى كِذَيَّـه
ما أقـول إلا يـا دانـه دانـي دانـي

استلمها جَتْـك نِصـح اخـتٍ لِخيَّـه
ولا أبي مـن وقتـك إلا لـي ثوانـي

قُمْ وِ صلي و اردع النفـس الشِقيّـه
و احمد اللي يرتجيـه إنـسٍ و جـانِ

الله اللـي مـدّ لـك رزق و عطـيّـه
حـرِّك بحمـده يدينـك و اللـسـانِ

كان شغل (العسكري) متعـب شِويَّـه
قبلك اللي من التعـب عـضّ البنـانِ

الرجـال اللـي يخوضـون المنـيّـه
كـلّ صعـبٍ يَحْمِلُـون إلا الـهـوانِ

إسأل الصحراء وِ صمـت المهمهيّـه
عـن فعايلهـم وِخِـذْ منهـا البيـانِ

كيف شقّوا بالصخر مجـرى وِ مَيّـه
كيف عاشـوا مِـعْ ذيابتهـا بأمـانِ

صادقوا في مشْيُهـم شمسـه وِ فَيّـه
وِ عْقِدوا مَعْ بـرّده و قيظـه رهـانِ

كلّ من لـه نفـس صبَّـاره و حَيَّـه
بـإذن ربـي يقطـف ورود الأمانـي

لا تِشَكّـى ... أشهـد إن العسكريـه
غِصـن رزقٍ وارفٍ رطْـبٍ وِ دانـي

كَمِّ بيـتٍ مـن وراهـا شـبِّ ضيِّـه
يغْرِفـون اللحـم دايـم بالصـوانـي

و كم راسـب بالفصـول المدرسيّـه
ما لقـى فـي غيرهـا رزق و مكـانِ

( جندي ) و راتِبْه خمسُ وكـم ميّـه
نعمـةٍ مـا يجحـده غيـر الجـبـانِ

اضربوا ( للعسكـري ) أحـلا تحيّـه
لَوْهُ ( جندي) أشهـد إنـه راعِ شـانِ

حَيِّ (عَينه) لا غَفـتْ عيـن البريّـه
أسْهَرَه لجل الوطـن حـبّ و تفانـي

اللي لا صِحْنا رمى ( روحـه ) هديّـه
يوم غيره مـن غـلا روحـه أنانـي

لا تلومـونـي بـحـب العسكـريـه
لو أغنـي دَهْـر حُبـه مـا كِفانـي

خيرهـا طَـوّق بَعَـد ربـي يِـديّـه
رزق (ابوي) وْ شِغل (اخوي) بهالزمانِ

و أنـا بنـتٍ لا جحـود ولا غبـيـه
و احمد اللي بالرضـا دايـم كسانـي

في ردودي دوم لي ب(النصـح) نِيّـه
لا طلب شهره ولا هـو شـي ثانـي

عِنْـد هـذا البيـت وَقَّفـتْ المطيّـه
وِ اكتمل ردي عسى المقصـود بانِـي

[Aowedh Alsolmi]

أبكي زمان قطَّع القلب ذكراه .. وقت الطفولة يا حياتي لو انعاد

[Aowedh Alsolmi]

حيره

اتصالات غريبه , والآن غياب غريب ..

اللهم اني اسآلك خيراً يارب العالمين ..

[Aowedh Alsolmi]

اللهم طمني على آهلـي ..

ياربي ستـرك وعفـوك يارب

[Aowedh Alsolmi]

حالي بعدكم حال من يطرد الثأر
لأخوه واللي ذابح اخوه عمه


أبوه يقول النار ماتطفي النار
وامه تقول اخوك لايضيع دمه

زود على همه من الوضع محتار
يتبع كلام ابوه والا رضى امه

[Aowedh Alsolmi]

فوضى مشاعر وضيق انفاس في صدري ..
وضحكات مدري وش أصدقها من أكذبها
العمر يجــري وانا تــــوي بزهر عمــري ..
واحزاني أنهار صرت أشرب من أعذبها
وهمومي اللي أغطيها بغطى صبـــــــري ..
أغيضهـــــا في ابتســامــــاتي واداعبـها
ياصعب هذي الحيــــــاة ويا صعب أمري ..
اكبــــر وتكبــــر معي اكبــــــــر مطالبها

[Aowedh Alsolmi]

بحثت عن النوم من الساعه 8 ولم احصل الا على ساعة واحدهـ على وجه صلاة العصر ( لعن الله الشيطان ) ..

حالتي انتظار وترقب + قلق وحيرهـ الى الآن ..

[Aowedh Alsolmi]

الساحة العامة وضعها سيء , ماهي بساحتنا الأولى اللي جذبتنا بروعة الطرح والكتاب والأعضاء الخلوقين والنقاش الرائع والأحترام المتبادل ..

والله من الصباح على النت , ماحصلت شيء آقراهـ واستمتع فيه , ماادري ليش تغير الكثير , منتدياتي المفضله بناء الفكر والثقافه وسكاو والحال متشابه هناك وهنا ..

هناك ركود وهنا وجود لكن كعدمـه , صراحه الساحة صارت ممله صارت شخصنه + حقد + ذب + تميلح وسوالف لاتودي ولاتجيب , بعض الأعضاء مايصدق يغيب المشرف من شآن ياخذ راحتـه ...!!
ياخي امزحوا اضحكوا بس بحدود ولاتوصل لحد السذاجـه والملل ..

برآيي لازم يكون هناك وقفه حازمه من الآدارهـ لرجوع الوجه الحقيقي للساحة العامة , امير ماانت مقصر بارك الله فيك لكن برآيي يكون مع امير شخص ثاني وانا ارشح دارس1431 وان شاءالله الأدارهـ يكون لها كلمه ..

رآيي المتواضع من محب للساحة في سكاو ..

[Aowedh Alsolmi]

بصراحـهـ منخنق للغايه , وفيني ضيقهـ فضيعهـ , رحماك يارب ..

مبارآة المنتخب بعد شوي , ووالله مافينا حيل للهزيمه ابد وماعاد نتقبل اي عذر لا من الأتحاد السعودي ولاالاعبين

الضيقة اللـي دايـمٍ تالـي عصيـر
وش حيلتـي وأردهــا لا تجيـنـي
لا طال ظل العود حزة عشى الطيـر
كنها علـى سجـن الحديـد تحدينـي
يضيق صدري كل ما جـات وأسيـر
ولايخفـف سـوج رجلـي حنيـنـي
لا حولنا مشـراف ولا اقـدر اطيـر
يالله قسـمـة خـيـر لا تبتلـيـنـي
وعقارب الساعة توقف عـن السيـر
ولاكن في الدوحة سواتـي حزينـي
والعبره اللي تاصـل الحلـق وتحيـر
يا قربها لـو قيـل لـي يـا عوينـي
أمل شـوف النـاس ورد ومصاديـر
واللي يقـول اشفيـك كنـه يهجينـي
يعني على ما قيل من بـاب تصويـر
(لاحدٍ أبي قربـه ولا أحـدٍ يبينـي)
أروح أدور خـط مـابـه دواويــر
وأدور الـلـي هـادهـا تهتديـنـي
وآخذ مع الهاجـوس سجـة وتفكيـر
وأراجع اللـي فـات بينـي وبينـي
وأحسـب ذنوبـي وأدور التكفـيـر
عساي مـا قصـرت فـي والدينـي
وعساي ما قارنت مـن ينفـخ الكيـر
واللي يحمل المسـك جعلـه قرينـي
ويطري علي يوم الحشر وأطلب مجير
ما أعطى كتابي فـي شقيقـة يمينـي
ويطري علي صدقان كثـر الدنانيـر
اللـي اتعادينـي إلا كـثـر ديـنـي
وراعي الهروج اللي سوات المناشير
أصـد عنـه وأدري انـه يعنيـنـي
الله حسيبـه يـوم عـرض القواويـر
والله حسبـي مـن صـواب مكينـي
وإلا طرالـي واحـد كانـه اصغيـر
أم أصغـر بيومـيـن ولا سنيـنـي
دريت وش قومـي وعينـت تفسيـر
للضيقـة اللـي مـن زمـن تعتلينـي
حبه بصدري سالفة سـر فـي بيـر
وكـن الفـواد يقـول هـذا زبينـي
أشفق على علمٍ يجي منه مـن غيـر
لا يسمع اللـي سولفـوا بـه ونينـي
يا كثرهم غيرهم ولكـن خبـر خيـر
ما غير شوفه فـي الوجـود يهنينـي
رايـي كـذا يـا عاشقيـن الغناديـر
ماله علـى وجـه البسيطـه وزينـي
العام أجيهم مـن حسـاب المساييـر
واليوم حـال عـداي وينـه ووينـي
خطاي تعليـق الأمـل فـي المدابيـر
اليـن راح وشفـت حقـري بعينـي
صبرٍ جميـل وخابـر إنـه مقاديـر
والله على تخفيـف حزنـي عوينـي
ذي حالتي لين اتغبا الشمس واصيـر
معطى سراحي عقب مانـا سجينـي
واذا امتلى جوف الشجر بالعصافيـر
طلبـت مـن رب العبـاد يهديـنـي
يعتقني المذن عقـب ضيقـة عصيـر
اللي على سجـن الفـراق اتحدينـي

[Aowedh Alsolmi]

آبكاني توقيع احد الآخوات ..

يارب متعنا بصحتنا يارب العالمين , واشف مرضانا ومرضى المسلمين ..

(
)

قال رسول الله صلى الله عليه وسلم:


" نعمتان مغبون فيهما كثير من الناس : الصحة والفراغ "