اش شعوركم وانت انقبلتو في كلية الطب << ابغى مشاااااعر

[sooma]

يا سلاااااااام على المشاعر الرائعة

انا جارتكمم من بيت سووما جاية أحكيلكم حكايتي <<<<<<خلتها حكاية الاخت
واشارككم مشاعري ,,,<<<<<<<<أحلى يا مشاعر انت
بصراحة يومتها كنت سهرانة على المنتدى
وبعدين جاني خوف اني ما انقبل صيدلة
لانها كانت حلم حياتي
قمت صرت أصللي وادعي ربنا وتوكلت على الله وقلت اللي ربي كاتبه انا راضية فيه
اي شي حتى اقتصاد منزلي انا راضية فيه <<<<<مررة كانت محطمة
وانا سهرانة على اللاب تعبت مرررة وقلت خلاص حنام وان شاءالله خير
نمت وحلمت حلم غرييييييب قمت على هزة الجوال <<<<<تخيلو هزة الجوال صحتني
وكانت صحبتي تقللي ها بشري انا انقبلت صيدلة خلاص وانتي ايش ؟؟؟
انا قلت هااااا !!!#$%% ووقتها قلبي قام يدق يدق وكنت احاول اخد نفس
رن الجوال ثاني مررة وصحبتي samsoom تقلللي يا بنت طمنيني عليك صيدلة ؟؟؟
انا قلت : هاااا !!!! لا لسه ما فتحت خليني أفتح واشوف ..
وكانت يدي ترجف على اللاب توب ماني قادرة أحط البصمة علشان يفتح
صرت احاول اني أخد نفس
وهذا كللو وانا لسه على السرير
فتحت اللاب وصفحة الاودس كانت تفتح بصعوووبة
حسيت وقتها الثواني صارت ساعات ..وانا صرت أدعي أدعي
واغمص عيني
وكل ما أفتح عيني الاقي لسه الصفحة ما قتحت
وارجع اغمض وافتح ثاني والاقي الصفحة نفس الشي
وبعدين غمضت وصرت أدعي وأدعي وفتحت عين وحدة لقيت مكتوب صيدلة .. ما ألاقي نفسي الا وانا أنقلب على ظهري وصرت أعمل حركات جونباز على السرير ومو مستوعبة وطحت من السرير وجيت أزحف علشان اتأكد
وطلع صح مكتوب صيدلة رحت علطوول كلمت Samsoom وقلتللها ايوا ايوا وصرت اضحك وابكي وكل حاجة
في نفس الوقت سمعت ماما واخواني جايين من المدرسة
اول ما دخلو لقوني في الصالة شعري منكوش وحالتي حالة وعيني يا دوب تنفتح <<<<<كان لسه فيني النوم
وقاعد انط وانط واقول صيدلة واطييييير على امي وانط عليها واقول صيدلة وصوتي يا دوووب يطلع
وبابا كان لسه ما جا
وجو أخواني يسلمو على راسي ويشيلوني بعدين رحت أغسل وجهي واشوف البنات على الماسنجر لقيتهم كللهم يباركو لي وكده ..وقعدت أبشر الناس كللهم
ويومتها عماتي جو عندنا
وكنت مسوية كيكة من قبلها بيوم >>>>>>سوت كيكة لنفسها
قامو أخدوها وحطو عليها الشموع وصارو يباركولي واحتفلنا
وبس كان يوم لا ينسى بصراحة

[د.مشاعل]

ماشاء الله الله يوفقك وتنتجي دوى جديد:)

[A N G E L]

ما شاء الله انا حاس حيسوو فلم عن المشاعر هذه :)
قصص خيالية صراحة
انا بروح انام
ولي عودة..~

[mzat kau]

هههههههههههههههههههههه ياسووومتي احلى مشاعر والله يناااسو

[نيوتن 111]

ماء شاء الله عليكم. مواقف ميثيره جدااااااااا احس اني اتابع افلام.

ان شاء الله نكون زملاء معكم في كليه الطب السنه الجايه

[HaLah]

صراااااحة مواااقف فظييعة

اما انا حكايتي .......

انا من كم يوم قبلها كنت باقراء في المنتدى انو الربوع حتنزل التخصصات الطبية
والربوع انا اصلا كنت مسافرة
بس صراحة انا ماكنت متخيلة اني ممكن انقبل
وكنت طالعة المطار الساعة 10 الصباح
قمت اخدت اللاب توب معايا على الحمام !!!! وجالسة البس ومررة ما كان فية افتح واتنكد لاني كنت مسافرة لوحدي لو ما انقبلت وكدة
طبعا فتحت الاودس ولقيت مكتوب كلية الطب حطيت يدي على فمي وصرت انط !! ما كنت قادرة حتى اصرخ
وطلعت لماما في الغرفة وانط انط تقوليي اشبك ؟صار شي؟ تعورتي ؟؟
وانا اأشرلها ادخلي الحمام شوفي!! طبعا مو فاهمة تحسب صار لي شي (( هادا كلو وانا ماااصرخت ولا صرخة !!!))
شلت اللاب توب واشرتلها شوفي شوفي
انقبلت انقبلت تقولي فين ؟؟
طبعا ماكان فيا لتناحة ماما رحت دخلت على بابا الغرفة كان نايم مسكين صحيتة اقولو بابا قوم انا انقبلت
يقوللي هاة ؟؟ قلت انقبلت طب قوم
طبعا قام وهوة متنح وكدة
طبعا ما قدرت اجلس معاهم طلعت المطار على طول بس كااانت لحظة لاتنسى من حياتي طبعا !!
في الحمام !!!!

[mzat kau]

هههههههههههههههههه اهاااااا والله اني مخ انا افكرك زينا تحضيري


والله خف بكتير دحينا
وعموما انبسط ياباش مهندس
وادا ع الموزون ايش تبغا فيه انتا خلي يشقلب ههههههه

[soma al7elwa]

هههههههههههههه

أما يا صلاح عليك بروووود

منجد الأولاد تحسهم زي الفريزا يا موجي

صح؟

بعدين على قولة مزتنا مالك ومال الموزون

خلصنا اتقبلت وحتتخرج ان شا الله وخلاص

"^^

عيش حياتك يا سيدي ^^

< انبرش غلط فـ منتدآكم بس ايش اسوي موضوعــكم فله ..!

عادي عادي

البيت بيتك

عندنا ناس عندهم نفس الحالة هنا p=

[mzat kau]

هههههههههههههههه عادي عادي هوا مرة برود ومافي مشاعر بس تبقى برضو فرحه !!

[مجتهدة ومستنية النتيجة]

طييييييييييييييييييب..حبدأ أحكي حدوتي
أنا بإختصار كنت (((فاقدة الأمل )))),,وكئيبة يعني تقدري تقولي إني كنت أزهق.. وماكان يطيقني إلا ماما..

ــــــإلـــــــــــــــين جاء اليوم الموعود ..
بصراحة ماكنت أعرف إنوا هوا يوم النتيجة>>طبعا مو الأخت ماهي فاضية جالسة تبك بك جوا غرفتها من يوم ما أجزت
المهم ##صحبتي أرسلت لي رسالة تقولي فيها(( بـشــررري؟؟))
أنا من يوم ماقريتها طرت عالجهاز من دون ما أكلم ولا أحد ..ولاكأني هديك الإنسانة البائسة..سرت وحدة ثاااانية التفاؤل يشع من عيوني..
فتحت الأوديوس>>ومن دون ولا أي تأخير فتحت الصفحة..طب وجراحة في هديك اللحظة وقفت,,وراح الكرسي هناك,, وصرخت صرخة وحدة بس.. وبعدها فقدت القدرة على التعبير كل اللي سويته إني سرت أكرر اللي مكتوب قدامي في الشاشة طب وجراحة .طب وجراحة,وأجري في البيت زي المجنونة..
..وبابا وماما من يوم ما سمعوني راحوا يجروا على الكمبيوتر>>وبعديييين دوروا عليا عشان يباركولي..أما أنا ساعتها كنت طاااااااااااااايرة من الفرحة مافي غير أبكي وأسجد لله شكر..والله يمكن جلست أبكي ربع ساعة وطبعت الورقة عشان أملي نظري منها..والله يدوم الفرحة علينا ياارب