كيمياء 110 الترم الثاني 2012

[Miss-ShoSho]

استاذتي الفاضله جزاكي الله خير
بس ممكن سؤال .. هل السلايدات تغني عن الكتاب ؟؟
صراحه في فرق كبييييييير بين الكتاب اللي يسد النفس و السلايدات المرتبه

هل يكفي اني اذاكر من سلاياتك و اراجع من استاذه نهى و في النهائيه احل التست بانك ؟؟
ولا لازم ادخل الكتاب بالنص معاهم =x

[سحر البيان]

النقطه الثانية هي اختصار الوحدات prefixes

طبعا بعد ما عرفنا الوحدات الاساسية .... بعض الاحيان نقيس كميات كبيره جدا و كميات ثانية مره صغير ...

فمثلا لو كنت في محاضره و أبغى أشرح الفرق بين نصف قطر ذرتين مثل الهيدروجين و النتيروجين و قلت نصف قطر النتيروجين 0.0000000012 متر و الهيدروجين 0.00000000000020 متر صعبه عليا في النطق و صعبه على اللي بيسمعوا مني ما يقدروا يقولوا لي من فيهم أصغر أو أكبر أصلا ما يمديهم يعدوا الاصفار و أنا بأتكلم ....

عشان كذا قالو ليه ما نختصر هذه الوحدات برضوا بنظام دولي متعارف عليه نقدر فيه ننطق هذه القيم و نكتبها بشكل يسهل علينا الفهم ...

انا ممكن اشبه الموضوع .... بالفلوس .... مثلا ممكن واحده يكون معها عشره ريال ورقة واحده و الثانية ورقتين كل ورقة بخمسة ..... 10 أوراق ريالات في النهاية كلها عشرة ريال

كمان لاحظوا ان 10 ريال لما تتحول بعملات صغيره يزيد عددها( ورقة واحده ل10 ورقات )
لكن لما احول العملات الصغيره لعملات اكبر يقل عددها ( لو حولت 10 ريالات الى ورقة واحده بعشره ) .....

هذا الكلام اللي فوق كله شرح للفكره يعني مو حفظ و مطالبين فيه .... بس أنا أحب طالباتي يكونوا فاهمين و مستوعبين كويس ليه هم بيعملوا كده ....

الشيئ الثاني ربط المعلومية بشيئ قريب و مملموس في حياتنا ... يساعدنا على ترسيخ المعلومية و يصير من الصعب نسيانها ...

نرجع لموضوعنا .... عملوا جدول بهذه الاختصارات و فيها يكون اختصار للكميات الاكبر و الاصغر مثل ماهو موضح في الجدول ....

القيم ... ابتدأ بالكيلو و انتهاء التترا هي أكبر من القيم الاساسية
و القيم من ديسي الى البيكو هي قيم أصغر من القيم الاساسية
هنا نحتاج لوقت أكبر عشان نشرح الموضوع ...
و أنا ما أقدر اكمل في الوقت الحالي ...

هذا واحد من الشروحات اللي عجبتني بس صراحه انا ما أشرح بهذه الطريقة




نكمل بكره .... و تصبحوا على خير

[عايش .. زمانه]

استاذه استاذه .. الححين هذي السلاايداات والتريننق .. مدري شسمه .. خاصصه بسس للبناات ؟؟!!

[ghazl]

لو طلع عدد المولات 1.6 كيف حيكون تحويله لـعدد صحيح بـ trail-and error procedure ؟

[Lulush]

وعليكم السلام ورحمة الله وبركاته

دكتورة إذا تسمحيلي هذه طرق أستخدمها في التحويل بين الوحدات ممكن تنفع أحد :)

http://www.skaau.com/vb/showpost.php...60&postcount=8

وجزاك الله خيرًا

[سحر البيان]

المشاركة الأصلية كتبت بواسطة lulush وعليكم السلام ورحمة الله وبركاته دكتورة إذا تسمحيلي هذه طرق أستخدمها في التحويل بين الوحدات ممكن تنفع أحد :) http://www.skaau.com/vb/showpost.php...60&postcount=8 وجزاك الله خيرًا

شكرا ان شاء الله يفيد البنات

[Lulush]

عفوًا :)

بس أحب أنبه انو الطريقة هذه لما تكون الوحدات كلها أصغر من المتر أو كلها أكبر من المتر ..
لكن إذا كانت وحدة أكبر من المتر والثانية أصغر من المتر نجمع الأسس بدال ما نطرحها والباقي بنفس الطريقة

[ميلاد أمة]

سؤال في اول شابتر من التريننق

The density of copper (Cu) is 3.98 g/mL. The expression of it
according to the SI unit is

ممكن طريقة الحل لاني الجواب يطلع لي غير ؟!

[سحر البيان]

المشاركة الأصلية كتبت بواسطة ميلاد أمة سؤال في اول شابتر من التريننق The density of copper (Cu) is 3.98 g/mL. The expression of it according to the SI unit is ممكن طريقة الحل لاني الجواب يطلع لي غير ؟!

حسب si وحدة الكثافة هي .... كجم / متر تكعيب

عشان نحول من جرام الى كجم نقسم على ألف ...

و احنا عارفين أن مل يكافئ سم تكعيب ... و نحوله الى متر تكعيب نقسم على 100 اس 3

طبعا الحجم في المقام و نقسمه 1000000 و مثل ماهو معروف بالرياضيات مقام المقام يصبح بسط ..

و مثل ما قلنا أن نعامل الوحدات معاملة الارقام ...

3.98 * 1000000/1000 = 3980

ان شاء الله تكون الاجابة واضحة ....

تصبحو على خير

[ميلاد أمة]

ايوة فهمت جزاك الله خير دكتورة ^___^