][ مستجدي الكيمياء و الفيزياء و الفلك حيـــاكـــم // استفساراتكم هنا ][

[LeLou]

المشاركة الأصلية كتبت بواسطة saud almehmadi الله الرحمن الرحيم السلام عليكم ورحمة الله وبركاته...و بعد انا طالب تم تحويلي من كلية الهندسة موازي إلى كلية العلوم مستجد فرع عسفان ماني داري ليش س1ايش يعني مستجد؟ س2كيف اسوي الجدول ومن هم الدكاترة الكويسين ؟ س2ادا بحول هندسة كيميائية ادخل علوم ايش عشان اقدر احول؟ جزاكم الله خيرا واللي يعرف معلومة لايبخل علي

و عليكم السلام و رحمة الله و بركاته..

أولاً تقدر تروح الجامعة و تراجع عمادة القبول و التسجيل بدا الخصوص،، تسألهم ليش حولوك و تحاول فيهم أنهم يرجعوك قدر الإمكان..

//
ج1: مستجد لأنه لم يتم تخصيصك بعد،، في حال اتخصصت راح تروح الكلمة دي إن شاء الله..

ج2: تسوي الجدول عن طريق الحذف و الإضافة،، لكن لازم في الأول تحدد تخصصك،، إما عن طريق الشؤون الأكاديمية بالكلية أو تنتظر تنفتح أيقونة التخصيص في الآوديس..
هنا طريقة الحذف و الإضافة: خطوات الحذف والإضافة ‏

ج3: الأفضل تدخل كيمياء لأنه يوجد مواد مشتركة بين التخصصين و بتتعادل لك إن شاء الله في حال حولت..
+
شوف خطة قسم الهندسة الكيميائية و شوف مواد العلوم اللي فيه أكثر ما تكون من أي قسم،، كيمياء أو رياضيات و اختار القسم على دا الأساس و خذ المواد المشتركة..

//

بالتوفيق||~

[NoOne Oo Bs]

السلام عليكم
انا ابا اتخصص فيزيا طبية ان شاء الله بس اليوم صحبتي راحت الجامعة وسألت قالولها طالبين معدل 3.80 وانا معدلي 3.49 .. ما حانقبل يعني ولا كيف !!
وقالولها كمان باقي التخصصات زي الكيمياء والاحياء والرياضيات يكون معدل المادة فوق 70٪ كيف يعني دا ما فهمت ؟!!

[Jamool 5]

السلام عليكم ورحمة الله وبركاته *_*

انا انقبلت في كلية العلوم ولله الحمد ولسى استنى التخصصات وان شاء الله بتخصص كيمياء باذن الله , حابه تفيدوني من ناحيه المواد اللي حاخذها باول سنة تخصص عشان انا ابغى ارفع معدلي عن السنة التحضيرية بس متخوفه من ترتيب جدولي لاني لسى ما اعرف المواد السهله من الصعبه وانا كمان ما ابغى دوام طويل مثل السنة التحضيرية قرفت من الدوام واثر عليا بالمذاكرة.. فياليت تفيدوني وجزاكم الله الجنة

[كوبالـت_Co]

المشاركة الأصلية كتبت بواسطة jamool 5 السلام عليكم ورحمة الله وبركاته *_* انا انقبلت في كلية العلوم ولله الحمد ولسى استنى التخصصات وان شاء الله بتخصص كيمياء باذن الله , حابه تفيدوني من ناحيه المواد اللي حاخذها باول سنة تخصص عشان انا ابغى ارفع معدلي عن السنة التحضيرية بس متخوفه من ترتيب جدولي لاني لسى ما اعرف المواد السهله من الصعبه وانا كمان ما ابغى دوام طويل مثل السنة التحضيرية قرفت من الدوام واثر عليا بالمذاكرة.. فياليت تفيدوني وجزاكم الله الجنة

حياك الله في العائلة الكيميائية الموقرة ^_^

بالنسبة اذا ما تبغين عدد ساعات كثير خذي

كيمياء 202 , كيمياء 231 , عربي 1 , كيمياء 281

هاذي 11 ساعة و ركزي على كيمياء 202 و 231

بالتوفيق ::.

[Jamool 5]

المشاركة الأصلية كتبت بواسطة كوبالـت_co حياك الله في العائلة الكيميائية الموقرة ^_^ بالنسبة اذا ما تبغين عدد ساعات كثير خذي كيمياء 202 , كيمياء 231 , عربي 1 , كيمياء 281 هاذي 11 ساعة و ركزي على كيمياء 202 و 231 بالتوفيق ::.

الله يحيككك ويبقيك ان شاء الله اكون كيمياء ويقبولوني بس 4 مواد ياخوي قليل احس وبسال لو ان شاء الله اخذت ذي المواد وكلها مانزلت عن البي ممكن يرتفع معدلي ل 4 ؟؟

[LeLou]

^
^

تقدري تاخذي أمن و سلامة أو ثقافة 1..

+

لحساب المعدل تقدري تستخدمي دي الصفحة..
http://www.yicf.com/gpa.php
دخلي معدل و ساعاتك المكتسبة و اختاري عدد المواد و نوع المعدل 5،،
و حطي درجات افتراضية و شوفي كم يطلع معدلك..

بالتوفيق||~

[LeLou]

اعلان هام للطلابـ/ـات الذين تم تسكينهم بالكليات..

[كوبالـت_Co]

المشاركة الأصلية كتبت بواسطة jamool 5 الله يحيككك ويبقيك ان شاء الله اكون كيمياء ويقبولوني بس 4 مواد ياخوي قليل احس وبسال لو ان شاء الله اخذت ذي المواد وكلها مانزلت عن البي ممكن يرتفع معدلي ل 4 ؟؟

الله يخليك إن شاء الله يقبلونك
رأيي من رأي ليلو ضيفي ثقافة او امن و سلامة

و أفضل ثقافة عشان تفتح لك المستويات الي بعدها

بالتوفيق ::.

[Rody5]

طيب ع كذا لو 5 مواد..
الوقت يكون كل ماده ساعه زي التحضيري.. ولا ع حسب فيه ساعه ونص وكذااا.. ؟؟

[LeLou]

المشاركة الأصلية كتبت بواسطة rody5 طيب ع كذا لو 5 مواد.. الوقت يكون كل ماده ساعه زي التحضيري.. ولا ع حسب فيه ساعه ونص وكذااا.. ؟؟

حبيبتي أفتحي الآوديس و أعملي بحث شعب دراسية و شوفي المواعيد و الأوقات تبع المواد اللي تبغيها..

و على حسب في مواد محاضراتها ساعة و في ساعة و نص،، و المعامل 3 ساعات متواصلة..

موفقة||~