تجمع طالبات السنة التحضيرية - ادبي خطة (ب) - فرع السلامة

[دانة العودة]

مبروك القبول الله يوفقكم ..
انا درست بالسلامة ما اقول قد ايش جميلة ومريحة
المهم البداية حقول لكم نظامهم , اولا : الزي لازم يكون تنورة طويلة وبلوزة كم طويل .. اللي حتلبس لبس من راسها يرجعوها الامن او يكتبو مخالغة
ممنوع تجيبي اكل من برا لازم تخبيه في شنطة عشان مايشوفوه , الاكل عندهم لاتشيلو هم اما بالنسبة للحمامات الله يكرمكم نظيفة جدا
الكلاسات جدا جميلة ومرتبه وباردة مره .. يعني باختصار الاعمى في السلامة مايتوه حتحبوها ...
نجي للخطط الدراسية خطة أ : رياضيات , حاسب الي , اللغة عربية , ثقافة اسلامية , انجليزي ... ماقول انها صعبه بس يبغى لها شدة حيل خصوصا رياضيات
خطة ب : أحصاء , مهارات اتصال , مهارات تفكير , انجليزي .. لازم تحطي في بالك تجيبي فيها 4 ونص اقل من كذا انسى ..
الانجليزي اربع مستويات اكثر رسوبا في المستوي ثالث بس يبغى لكم تركيز مذاكرة الكلمات والقواعد اهم شي ..
اما بالنسبة للغياب اغلب المواد ماتزيد عن 5
يابنات الله يرضى عليكم لاتتأخروا في كلاسات الانجليزي ترى بيدها بونس لاتزعلوها بذات لو كانت أجنبية لاتتكلمي او تجلسي ع الجوال.
نجي لو كنتي انتظام .. الوقت يكون لك تمام اما بالنسبة للموازي الله يعينهم من 12 لحدة 7 الليل ..
في نهاية أقولكم .. النوم والحفلات وكل شي بتلاقيه ماحيطير بس السنة التحضيرية الاساس حقت السنوات الجاية ركزي عليها وحاولي قدر المستطاع تجيبي 4 ونص ..
الله يوفقكم ويفتح عليكم

[الآنسهة نوال.]

يَ ايتهآ الجميلةة، انزين حتى تنانير ميد ممنوع!!!

[اتمنى والله كريم]

الله يسعدك دنيا واخره ويجزاك الجنة

[دانة العودة]

المشاركة الأصلية كتبت بواسطة الآنسهة نوال. يَ ايتهآ الجميلةة، انزين حتى تنانير ميد ممنوع!!!

والله ياعزيزتي ممنوعة كنا اول مانجي عند الباب ننزلها واذا رحنا للمبنى نرفعها , بس هيا ممنوعه

[Wed_Abdulaziz]

يعطيكي العافية
وهذا الموضوع في معلومات كثيرة عن السنة التحضيرية فرع السلامة
ان شاء الله تستفيدو منو زي ما انا استفدت
http://www.skaau.com/vb/showthread.php?t=772312

وهل احد عندو فكرة عن طريقة اللبس ؟؟

[امور يحي]

انا خايفه من مادة الانقلش صراحه انا اكرهه مره ف ماقدرت اتقبل دراسته
هل راح يكون صعب مره وكيف كانت مذااكرته؟؟
كيف اقوي لغتي فيه

[الآنسهة نوال.]

يَ جميلات ، في أحد ساكن بالجنوب وَ تدرس بالسلاممهة!؟
شايلهه همم التوصيل :(

[امور يحي]

المشاركة الأصلية كتبت بواسطة الآنسهة نوال. يَ جميلات ، في أحد ساكن بالجنوب وَ تدرس بالسلاممهة!؟ شايلهه همم التوصيل :(

انا في الجنوب ولقيت سواق لاكن خايفه اروح لحالي معاه تواصلي معاي خاص اذا حابه

[❀~Shahd]

انا ساكنه ف الجنوب وتعبت صراحه وانا ادور مواصﻻت >_<
فياريت اللي تعرف سواق محترم تفيدني .. معايا كمان اختي ف الفيصليه

[flawless rahaf]

انا كمان في الجنوب واختي بالسلمانيه الله يعين