هنا حملة وثيقه بدون انتساب ...

[Ash0o0sh]

ليش كده يعني احنى بندفع كل ترم لا والاختبارات من 100 ومافي حتى علامه وحده يحسبوها ع حضور يعني هادى اقل شي وفي الاخر يكتبوا كمان انتساب واللهي حاله

انا كمان اكيد بضم صوتي لكم يمكن احد يحس فينا وبحالنا

[اسرار روحي]

سووبر انت ليش تبغى تبكـي الحيــن

يااخي اشوفك متابع الموضوع اكثرر مننا كانه يهمـك الحين ؟

يعني مقهوور عشان يبي يشيلوا كلمة انتساب مننا

تفكر الحين بناخذ الوضايف علييك خخخخخخ

يكفينا احنا اننا ندرس وفي ناس زيك حاسدتنا ع النعمه

وهذي اكبر معاناه لطلاب الانتساب ههه ،،

[اسرار روحي]

اضـم صوتي لكم ،،

ياجماعه احنا نتعب اكثر ادا جات ع التعـــب ،،

دورات تأهيلليه وشحططه في جده ودق وورق

ولافي احـد يسمعـــــــــــــك

والاختبارات من 100 يعني اللي مايتووفق ماله اللا يلحس كوعه

والانتظام صح انه يداوم بس كل شي يعرفه والدكتور معاه 24 ساعه يساعده

ومكافأت ودلللع ايش في احلى ويكفي انه العمرسبقنا شوي ولازال فينا طموح ،،

[كياد]

وانا الضم صوتي لكم والله حرام ندفع فلوس وجهد وسفر واخرتها يكتب في الوثيقه انتساب
انا ماقبلوني الخدمه وانا انتظام الحين يجي انتساب والله سالفه
ارجو من المسئولين يلتفتوا لنقطه هذي
والله يوفق الجميع

[الطير حوران]

وأن أضم صوتي لكم

[فهد العنزان]

المشاركة الأصلية كتبت بواسطة عبدالرحمن الحويمضي أخي الكريم : أنا عندما تكلمت وسطرت تلك السطور.. التي علقت عليها .... لم أكتبها من فراغ ولكن .... بعدما رأيت الوضع المزري بأم عيني ...... اثنين من اقربائي أحداهما خريج جامعة القصيم لغه عربية ومعدله أقل من 3 والاخر خريج جامعة الملك عبدالعزيز لغة عربية انتساب.. معدله 3.89 يعني تقديره جيد جدا ... تقدموا على وظيفة مصحح لغوي بمدينة المك عبدالعزيز للعلوم والتقنية ... فأخذوا ملف خريج جامعة القصيم رغم معدله و وظفوه .... أما خريج جامعة الملك عبدالعزيز قالوا لا حاجة لنا بك...... وكذالك حصلت مع خريجين عندما تقدموا لجريدة الرياض ... وانا اخي أعلم ان الرزق بيد الله ولكن بذل اااالأسباب مطلووووب ... تحياتي لك ..

اسمح لي أخي مدينة الملك عبدالعزيز للعلوم والتقنية

التوظيف (بالواسطة) وليس لشهادة دخل ؟؟؟

وخريجي جامعة الملك عبدالعزيز من برنامج الأنتساب

في جميع التخصصات يتم تعينهم في المدينة

الا إذا كان الخريج اي قريبك

عندما تقدم للتوظيف في المعهد/ البرنامج/

في المدينة فـ نظرة المشرف واختيارة لخريج الانتظام

هذا شأنه ورغبتة بذلك والكثير من الزملاء تم تعينهم

في المدينة من جميع التخصصات (بالواسطة)

موفق

[رياحين الجنة]

انا اضم صوتي لصوتكم...
ليش يكتبون انتساب جايين من كوكب ثاني ولا ايش..
لاتقولون في فرق بينا وبين الانتظام هما عندهم ... وعندهم... وعندهم... من الكلام اللي مالوا داعي..
ليش الاجرام فينا وترى احنا كمان بنتعب زيهم مابنلعب..

[طارق511]

السلام عليكم ورحمة الله وبركاته
كل سنه والجميع بالف خير
بصراحه يا اخواني انا اشوف ان هالكلمه تعقد الموضوع ولابد من زيارة الاخوان المتواجدين في جده للعماده واذا مو قادرين لازم نكون اوقات الاختبارات والجميع متواجدين نزور العماده في وقت واحد ونتناقش مع المسؤلين وناخذ الرد الوافي منهم لأننا بصراحه ماراح ندفع كل ترم 3000 ريال غير مصاريف المدرسين الخصوصيين وتكاليف السفر الغربه من اهلينا وفي الاخير نطلع بدون وظيفه لا وننطرد برى المكان اللي نبي نقدم عليه.
وبعدين ابي افهم وش الفرق بين المنتسب والمنتظم .اذا كان النتظم حاضر الدراسه في الجامعه طول الترم وياخذ مكافأت فالمنتسب يدفع مبالغ وياخذ المدرسين الخصوصين علشان هالشهاده اللي شكلها ماراح تنفعنا في النهايه.
شباب لابد من اننا نشوف حل مو من ادارة الجامعه وبس الا من وزارة الخدمه المدنيه بعد لأن كلنا بعد الجامعه راح نزور الخدمه المدنيه ولازم انها تقارن شهادة المنتظم بامنتسب لأنهم الجمع تعب وسهر الليل على هالشهاده
سامحوني طولت عليكم بس انقهرت من التفرقه هذي اللي وصلت للشهاده.
تقبلو مروري

[دمعة غلا]

اضم صوتي لصوتكم

[لا املك قلب]

يعني اذا كانت كذا ايش الفايدة من الدراسة والتعب والانتضار والسهر .

انا بصراحة مالي غير الجامعه والله حرام اذا مامنها فايدة .

انا اطالب من عمادة القبول والتسجيل يلغونها حتى نضمن مستقبل امن لنا ولا اهلنا .

بصراحة انا مالي غير الجامعة وبالقوة جبت الفلوس عشان ادفعها يعني حرام يصير كذا .

شكرا لك اخي واتمناء من عمادة القبول والتسجيل يدرسون الموضوع حاليا قبل البدء

شكرا لكي جامعتي لانك امنتي لي مستقبلي ..!!