خاص بالمقابله الشخصيه لوزارة الخارجيه

[الحالمة 2010]

من جد محد قال لنا ايش صار معاهم اليوم ؟؟؟

الله يوفقك meshososo و يوفقنا جميعا نستنى ردك يوم الثلاثاء ...

بنات بالنسبة للعباية الافضل و لازم انك تفسخيها في اي مكان عند المقابلة الشخصية و تلبسي لبس رسمي

[abeer74]

وين الناس؟؟؟؟

[lafander]

السلام عليكم ورحمة الله ............ كيفكم بنات ان شاء الله تمام

انا اايد كلام الحالمة ... مدام مافي عنصر رجالي ليش العباية !!! بالتوفيق

على طاري المقابلة في احد كانت مقابلته السبت !!!؟؟؟ طيب في احد في الجامعة او من منسوبين الجامعة عنده خبر عن المقابلات ...

[sahar]

السلام عليكم ....
لقيت هذا الرد في موقع ثاني ونقلته لكم :

نمط الاسئلة ليش ما توظفتي وش ابز الاخباار العالميه بعض الاسئلة الشخصيه وتقول بنت اختى لازم تكونين كول مرررره لان اسلوبهم ينرفز ونظراتهم حااده اييييييييييه وش الجريد الانجليزيه اللي تقرين لها وش الكتب المؤلفين اللي تاابعينهم ,, مدة المقابلة 10 دقايق والانتظار كان طويل ,,

لاتنسوني من دعواتكم ... وربي يوفقنا جميعا

[H>>>]

السلام عليكم

يابنات اللي عملوا المقابلات ياليت تفيدونا بطريقة المقابله ...

وهل يكون دخول المرشحات على حسب ترتيب الاسماء الموضح عند نزول الترشيحات؟؟؟..

ولما يكون ترتيب المرشحة 8 او 9 متى تدخل لاجراء المقابله ؟؟؟

اللي عندها معلومة بخصوص هذة التساؤلات تفيدني فيها وجزاها الله الف خير وجعلها في موزاين حسناتها ...

[تشيدام]

انا اختي راحت اليوم والمفروض اسمها حسب ترتيب الاسماء في الاخير بس لانها جات بدري سحبت رقم وكانت ثاني بنت في المقابلة يعني دخول البنات حسب الارقام روحي بدري .. تحياتي

[majdoline]

السلام عليكم
أخت تشيدام لو سمحتي ممكن تعطينا فكرة عن المقابلة الشخصية ؟؟ يعني نوعية الأسئلة ؟؟ الأستاذات ؟؟مدة المقابلة ؟؟
و الله يعطيك العافية

[تشيدام]

مممم طيب اختي راحت بدري يمكن تسعه اوتسعه ونص وسحبت الرقم والمقااابلة بدأت 12 3 دكتورات محترمات وراقيات اتوقع من الوزارة نفسها البنت الي تدخل ما تاخد المقابلة 5 الى 10 دقايق وعلى طول تخرج من البنى يعني ما تتكلم مع البنات الي بالانتظار وتقول الاسئلة وبشكل عام الاسئلة سهلة وكم سؤال يعرفو منها عن ثقافتك والله سهله مش صعبه بس قالو لهم لاتتكلمو وتقولو الاسئلة كل وحدة وتاخد فرصتها بالتوفيق للجمييع ..

[majdoline]

جزاك الله خير .. والله يوفقنا و يوفق الجميع ويسهل لنا أمورنا جميعا

[abeer74]

مرحبا بالجميع
لقيت هذي المشاركة في منتدى البطالة
ان شاء الله تستفيدون منها و بالتوفيق للجميع... ادعو لي انا مقابلتي الاربعاء...تفضلوا وبالتوفيق مرة ثانية(الكلام الي باللون الازرق كله منقول)

السلام عليكم جميعا

انا اليوم كانت مقابلتي والله يوفق الجميع

بسم الله ابدأ

دخلت عليهم وكانوا 5 دكتورات

قالو لي الآتي::

تكلمي عن نفسك

ليش قدمتي ع الوظيفه

وش علاقة الوظيفه بتخصصك

هل تتابعين الأحداث السياسيه؟

طيب وش صار بالعراق ؟

من هو النائب الثاني؟

هل عملت انتخابات في المملكه ؟طبعا مو في الحكم تقصد بميادين ثانيه

كيف لغتك الانجليزيه

هل تشوفين ان اللغه الانجليزيه مهمه وليش؟

لو احد سألك عن المملكه وش راح تنقلين له ؟

الغرب يرون ان الاسلام يهضم حقوق المرأه من خلال زواج الرجل بأربعة نساء؟ بماذا تردين عليهم؟

مجلس الشورى الأعضاء اللي فيه من وضعهم؟

وش آخر أزمه اقتصاديه ؟

طبعا اغلب المقابله ضحك ما فيه رهبه ولا شي الحمدلله كل الدكتورات مبتسمات انتي بس ادخلي ووريهم طقم اسنانك

وتوكلو على الله

قبل لا انسى المقابله بالعربي بس وحده منهم قالتلي راح اسألك سؤال بالانجليزي واشوف وطبعا سألتني قالت هاه فهمتي قلت هاه

ما فهمت الا السعوديه في الموضوع - -خخخخخخخخ طبعا هي ضحكت وترجمت لي السؤال وجاوبتها بالعربي

وسلااامتكم

طبعا الاسئله تختلف لان كل بنت تطلع نسألها تقول اسئله غير راح اذكر اللي قالوها لي واعذروني اذا نسيت بعضها

-تكلمي عن الاسلام في فرنسا

-كم عدد الحروب بين العرب واسرائيل

-ماهي وثيقة الحكم؟

- ماهو الفرق بينالمرسوم الملكي والأمر الملكي ؟

- متى هدد الملك فيصل رحمه الله بقطع النفط؟

-ماهو نظام الحكم في المملكه؟

واشياء ثانيه انتم لا تخافون والله اسئله عاديه

الله يوفق الجميع لما يحبه ويرضاه والله ما دخلت الا عشان افيددكم لاني مريت بها التجربه اني اسأل ومحد راضي يرد او يبلغنا وش صار معه

بالتوفيق مره ثااانيه

لا تبخلون علي بدعوه لي ولزوجي ولامي ولابوي واخواني وخواتي وجماعتنا اذا ما عليكم أمر]