احصاء شابر 6

[samo123]

المشاركة الأصلية كتبت بواسطة sweetie طيب لما يعطينا مساحة ويطلب z score هادي كيف نطلعها؟

عند اعطاء قيمة المساحة (الإحتمالية) وكان المطلوب هو إيجاد قيمة الـ z (إلي هيا a) فنعمل مايلي:

نقوم بالبحث عن قيمة المساحة داخل الجدول وتحديد القيمة المقابلة لها بالعمود الأول والقيمة المقابلة لها بالصف الأول, ثم نقوم بجمع القيمتين ونحصل على قيمة a .
ملاحظة / إذا كانت قيمة المساحة غير موجودة في الجدول فنبحث عن القيمة الأقل منها مباشرة ونطبق ما سبق.

لكن في مشكلة بسيطة ممكن تواجهنا وإحنا نحل السؤال.
إيش هيا ؟؟؟
المشكة هيا إنو كيف نحدد a سالبة أول موجبة لأنو سواء كانت سالبة أو موجبة رح تكون نفس المسااحة.

رح تعرفي كيف تحدديها بالمثالين التاليين وإن شاءالله تفهمي من كلامي :)




المثال الأول :

حددي قيمة z إذا كانت المساحة (الإحتمالية) كالتالي:

وأعطاكي في السؤال

0.3877= ( P(z>a
ملاحظة قبل ما تبدئي الحل:
سواء كانت اكبر من ولا اكبر من او يسااوي مافيها فرق, علامة المسااواة ماراح تغير في السؤال حاجة عادي حليها كالمعتاد.

الحل:
طبعا لمن تجي تحلي اول حاجة ارسمي المنحى وحاولي تضللي المساحة إلي هوا معطينا هيا.

الـ z اكبر من a

يعني الـ z رح تكون على يمين الـ a

رح نرسم ونضلل ورح تكون الرسمة بالشكل دا :

في المساحة المضللة
area=0.3877


ليش قلت ارسمي قبل ما تبدئي الحل ؟؟؟
عشان ممكن تجي وحده تانية وترسمها بالشكل دا كمان



وتقول انا سويت زي مو معطى في السؤال الـ z اكبر من الـ a
بس دي غلط ليييش؟؟

عشان في السؤال معطيكي المساحة = 0.3877
ولو كانت المساحة اقل من نص معناتو رح تكون المنطة في احد الجهتين وليست داخلة معاها جهة ثانية

لأن المساحة المعطاه في السؤال اقل من نص وإحنا نعرف إنو المنطقة إلي على اليمين مساحتها كاملة نص وإلي على اليسار مساحتها كاملة نص.
فكيف تكون المساحة شاملة لجهة اليمين وجزء من جهة اليسار وهيا اصلاً اقل من النص ؟؟؟؟!!!
مرررره ما ينفع الكلام دا

يعني الفرق بين الرسمة الأولى والثانية إنك لو رسمتيها غلط زي الرسمة الثانية لمن تطلعي قيمة الـ a رح تخليها سالبة لأنها في الجزء اليسار ودا غلط المفروض تكون موجبة عشان كدا قلت لكي ارسمي افضل

شفتي كيف الرسم الخاطئ يخرب عليكي الإشارة ولو الإشارة خاطئة راحت عليكي الدرجة ...


لكن لو كان السؤال بالشكل دا :
0.7681= ( P(z>a
وقتها رح اقوول
ك تقدري ترسميها زي الرسمة الثانية لأن المساحة اكبر من النص
وبالتالي رح تكون قيمة a سالبة


نرجع للحل :
المهم بعد ما ترسمي الرسمة بالشكل الصحيح (زي الرسمة الأولى )
رح تقولي الـ a تقع على اليمين معناتو موجبة
تروحي على الجدول تدوري على قيمة المساحة (لو ما لقيتيها رح تدوري على القيمة الأصغر منها مباشرة) وبعد كدا تشوفي القيمة المقابلة لها في العمود الأول والقيمة المقابلة لها في الصف الأول وبجمع القيمتين نحصل على a
اتمنى وصلت الفكرة.



شوفي مثال ثاني عشان توضح الفكرة :

حدد قيمة z إذا كانت المساحة (الإحتمالية) كالتالي:

وأعطاكي في السؤال

0.2123= ( P(a>z>0

هنا طبعا اول حاجة ترسمي الرسمة



رح تكون الـ a اصغر من z وكل المنطقة تقع في الجزء اليسار<<< ليييييييييش؟؟


لأنو مكتوب في السؤال اصغر من صفر لو كانت اكبر من صفر معناتو على اليمين

بما إنو على اليسار رح تكون قيمة a بالسالب

بنفس الطريقة نحلها

ندور في الجدول على المساحة ونشوف القيمة المقابلة لها في العمود الأول والقيمة المقابلة لها في الصف الأول ونجمع القيمتين.

ولا تنسي تخليها بالسااالب لأنو a تقع على اليسار

لو شفتي الجدول رح تلاقي إنو الرقم 0.2123 (إلي هيا المساحة المعطاه) يقابلو في الصف الأول العدد 0.06 وفي العمود الأول العدد 0.5 بجمع العددين 0.5 + 0.06
يطلع الناتج 0.56

بس إحنا نضيف السالب لأنو a تقع على اليسار

الناتج النهائي يكون : a= -0.56


اتمنى اكون قدرت اوصل لكي الفكرة بشكل كامل

ولا تنسي تدعييلي لو فهمتي شيء هع هع هع

[samo123]

السلام عليكم ورحمة الله وبركاته

إلي كانو يقرو شرحي وفهموووه وحفظوووه اتمنى يعدلو في معلوومتين انا اخطيت فيها
وانا جدااا متأسف على هذا الغلط بس مافي احد معصوووم :S

الخطأ الأول لمن قلت الملاحظة :
ملاحظة / إذا كانت قيمة المساحة غير موجودة في الجدول فنبحث عن القيمة الأقل منها مباشرة ونطبق ما سبق.
دا كان غلط لكن الصح إنك تبحثي عن القيمة الأقرب لها مبااشرة (يعني ممكن تكون اكبر منها وممكن تكون اصغر منها)

اما لو كان الفرق بين القيمة الأكبر وبين المساحة (إلي هيا المساحة إلي ندور عليها بس مو موجودة في الجدول)
هو نفسو الفرق بين القيمة الأصغر وبين المساحة
في هذا الوقت ناخذ الأصغر

مثال صغير/
لو اعطاااكي في السؤال المساحة المحصوورة بين صفر و a تسااوي 0.1754
السؤال بشكل آخر : 0.1754=(P(0<z<a

وطلب منك إيجاد قيمة a


المهم لمن تجي تحليها وتبغي تدوري في الجدول على قيمة المساحة المعطاة (0.1754) ماراح تلااقيها
رح تلاقي قيمتين قريبه منها وحده قبلها والثانية بعدها
والقيمتين هما : 0.1772 و 0.1736 تجي تشوفي الفرق بينهم (تطرحي المساحة إلي في السؤال من كل وحده وتشووفي ايت اقل فرق وتاخذيها)لكن هنا كلها متسااويه في الفرق (لا تهتمي بإشارة ناتج الطرح)

إذا في هذا الوقت تاخدي القيمة الأصغر وهي 0.1736

وسوري على اللخبطة لو ما فهمتييها :(



الخطأ الثاني إني لمن حسبت قيمة الـ z للمثال الأول انا حسبتها للمساحة المعطااه في السؤال وهذا خطأ

حطي القاعدة دي في بالك
إذا اعطانا في السؤال مساحة معينة لاااااااااااااااااازم تكون المساحة دي محصوورة بين الصفر و الـ a وبعد كدا اوجدي قيمة الـ a من الجدول


طيب لو اعطاني مساحة بس مو محصوورة بين الصفر والـ a زي المثال الأول إيش اسوي؟؟
وقتها رح توجدي المساحة المحصوورة بين الصفر والـ a بإنك تقولي نص ناقص المساحة المعطاه في السؤال


شوفي التعديل ورح تفهمي اكثر:
المسااحة المعطااااه في السؤال هيا المسااحة الواقعة على يمين a



بالتالي السؤال بشكل غير مباشر(يعني معطيني مساحة بس مو محصورة بين الصفر والـ a)
طيب كيف اخليييه مباشر؟؟

بكل سهوووله توجد المساحة المحصوورة بين صفر و a
كيف نوجدها ؟؟

نقووول 0.5 ـــ المساحة ا لمعطاه في السؤال (التي تقع على يمين a)

بالتالي 0.5 ـــ 0.3877 = 0.2123

الناتج إلي طلعناااه هو المساحة بين الصفر و الـ a
دحين صار السؤال بشكل مبااشر

يعني نروح للجدول ندور على قيمة 0.2123 (الناتج إلي اوجدناه)

ونطبق نفس الكلام... نشوف الرقم في العموم والرقم في الصف وبجمعهم نحصل على قيمة a

ويكون الناتج a= 0.56



الإقتباس دا محلوووول بعد التعدييل عشان تتاااابعي طريقة الحل الصحييحة

المشاركة الأصلية كتبت بواسطة samo123 المثال الأول : حددي قيمة z إذا كانت المساحة (الإحتمالية) كالتالي: وأعطاكي في السؤال 0.3877= ( P(z>a الحل: طبعا لمن تجي تحلي اول حاجة ارسمي المنحى وحاولي تضللي المساحة إلي هوا معطينا هيا. الـ z اكبر من a يعني الـ z رح تكون على يمين الـ a رح نرسم ونضلل ورح تكون الرسمة بالشكل دا : في المساحة المضللة area=0.3877 ليش قلت ارسمي قبل ما تبدئي الحل ؟؟؟ عشان ممكن تجي وحده تانية وترسمها بالشكل دا كمان وتقول انا سويت زي مو معطى في السؤال الـ z اكبر من الـ a بس دي غلط ليييش؟؟ عشان في السؤال معطيكي المساحة = 0.3877 ولو كانت المساحة اقل من نص معناتو رح تكون المنطة في احد الجهتين وليست داخلة معاها جهة ثانية لأن المساحة المعطاه في السؤال اقل من نص وإحنا نعرف إنو المنطقة إلي على اليمين مساحتها كاملة نص وإلي على اليسار مساحتها كاملة نص. فكيف تكون المساحة شاملة لجهة اليمين وجزء من جهة اليسار وهيا اصلاً اقل من النص ؟؟؟؟!!! مرررره ما ينفع الكلام دا يعني الفرق بين الرسمة الأولى والثانية إنك لو رسمتيها غلط زي الرسمة الثانية لمن تطلعي قيمة الـ a رح تخليها سالبة لأنها في الجزء اليسار ودا غلط المفروض تكون موجبة عشان كدا قلت لكي ارسمي افضل شفتي كيف الرسم الخاطئ يخرب عليكي الإشارة ولو الإشارة خاطئة راحت عليكي الدرجة ... لكن لو كان السؤال بالشكل دا : 0.7681= ( P(z>a وقتها رح اقوول ك تقدري ترسميها زي الرسمة الثانية لأن المساحة اكبر من النص وبالتالي رح تكون قيمة a سالبة نرجع للحل : المهم بعد ما ترسمي الرسمة بالشكل الصحيح (زي الرسمة الأولى ) رح تقولي الـ a تقع على اليمين معناتو موجبة بعد كدا تقولي نص ناقص المساحة المعطااه في السؤال (الخطوه دي مو فكل الأسئلة نسويها) لأنو لمن نبغى نحسب قيمة a لازم ندور في الجدول على المساحة صح ؟؟ بس بشرط المساحة دي تكون محصوورة بين الصفر و الـ a وانا قلت نص ناقص المساحة المعطاه عشان اوجد المساحة بين صفر و a لمن تحسبيها رح تتطلع لكي المساحة بالتالي تروحي على الجدول تدوري على قيمة المساحة (إلي اوجدناها إلي هيا بين الصفر و a ) وبعد كدا تشوفي القيمة المقابلة لها في العمود الأول والقيمة المقابلة لها في الصف الأول وبجمع القيمتين نحصل على a ورح تطلع لكي القيمة الصحيحة خلاص موجودة القيمة فوق مافيا اكتبها تاني خخخخخ اتمنى وصلت الفكرة.

[samo123]

جاري تحضير الجواب مع الشرح بالصور ...

[برونزية]

و الله مررررررررررررررررره يسلموووووووووووو

يعطيك العافيه و الله مره استفدت منشرحك و من شرح قبلو في الكيميا

يحققلك ربي كل امانيك و اولها الطب ....

[shoqy]

ماشاء الله ياساموو شرحكـ مرررره قووووود
الله يوفقك وييسرلك اموركـ

[sweetie]

في الانتظار للشرح

[كوثر123]

يااريت تقولي على الفكرة الاساسية لسيكشن 6-2

و مرررره شكراً و دعواتنا ليك في عصر الجمعه

[samo123]

المشاركة الأصلية كتبت بواسطة كوثر123 يااريت تقولي على الفكرة الاساسية لسيكشن 6-2 و مرررره شكراً و دعواتنا ليك في عصر الجمعه

انا ماني عارف إنتي إيش تقصدي بالزبط لأنو انا ما أذاكر من الكتاب انا اذاكر من ملخصات د.سعيد الغامدي

ولو كان كلامك عن الوسط الحسابي والقوانين إلي في نهاية شبتر 6 ترى يوم السبت رح اخذها واغلق مع الدكتور


ممم يعني ياريت تعطيني السؤال وانا احاول افهمك لو كنت اعرف


سوري لو ما قدرت اساعدك :(

[sweetie]

وصلت مرة شكرن بس سوال دحين انتا طلعت
٠.٥٦-=٠.٢١٢٣بس انا عندي في الجدول ٠.٢٨٧٧

[samo123]

المشاركة الأصلية كتبت بواسطة sweetie وصلت مرة شكرن بس سوال دحين انتا طلعت ٠.٥٦-=٠.٢١٢٣بس انا عندي في الجدول ٠.٢٨٧٧

مرره عفوا


بس انا ماني فاهم قصدك ؟؟

يعني إنتي حسبتي قيمة الـ a للمساحة 0.2123 وما طلعت -0.56

شوفي الجدول كيف يوضح الصورة وتأكدي بنفسك :


لو انا فاهم سؤالك غلط اتمنى توضحيلي اكثر