قبول الطلاب والطالبات الغير سعوديين

[بحر الحرية]

المشاركة الأصلية كتبت بواسطة مناهل العلم السلام عليكم أخوي بحرالحرية أنا محتاجه مشورتك وأدري إنك ماراح تقصر والله بيعطيك كل اللي في بالك إن شاء الله أناغيرسعودية وحتى ماماتي غيرسعودية حابه أكمل دراستي الجامعية أناسجلت بياناتي في موقع جامعه الملك عبد العزيزبنظام إنتساب لأن النظام الوحيداللي يخليني أقدرأكمل إستمارة التسجيل في الموقع والحمدلله طبعت الأوراق وكل شئ جاهز بس المشكله أهلي مايقدروا على دفع 3000ريال كل ترم وميزانيتها مشنوقه مرررررره والحمدلله ترددت كتيرأرسل أوراقي للدي اتش ال بس أاول ماقريت موضوعك فرحت كتيراللله يجعل كل أيامك فرح وسعاده زي ماأسعدتنا جميعاعلى هالخبرية على فكرة أنانسبتي94.32%ومتخرجه سنه1426ه وعلمي الحمدلله يعني عدت خمس سنين بالتمام 1-هل ممكن يقبلوني إنتظام إذاقدمت على منحه داخلية؟ 2-هل تأيدإني أرسل أوراقي للجامعه وأدرس إنتساب الين مايقبلوني الجامعه بمنحه داخلية؟ 3-وفي تقديم لغيرالسعوديات في جامعه أم القرى بعدالعيد هل تأيد إني أطلب المنحه اللي قدمتها بأنهم يقبلوني أدرس إنتظام في أم القرى في القسم اللي أبغاه؟ ياليت ترد علي أخوي لاني ناويه أقدم على المنحه الأسبوع الجاي بإذن الله وأسفه على كثرة الأسئلة وشكرا مرة تانية

السلام عليكم..
أرسلتلك رسالة أختي على يوزرك، وانشاا الله اكون وضحكتك اللي تحتاجيه، وأي استفسار تاني حطيه هناا، وإنشاا الله كل انسان يقدر يفيدكم ولو بشي بسيط، ما حيقصروا اخوانكم واخواتكم..

بالتوفيق؛؛

[بحر الحرية]

المشاركة الأصلية كتبت بواسطة blsam طيب يا أخ بحر الحرية الوالد راح مرتين للعمادة ومعاه الاوراق وكل شي لكنهم ما اخذوها منه وقالوله لسه ما في تسجيل للاجانب !!!!!!!!!!!!! مو المفروض اخذ رقم للمراجعة؟؟ وبالنسبة لرأيك اني اقوي اللغة الانجليزية .. انا عشان كذا فكرت اني لو دخلت انتساب برسوم ما رح اكون مرتبطة بالجامعة كثيير ورح اقدر ادخل دورات تقوية في الانجليزي يعني استغل السنة هذي في حاجتين الاولى اني ادرس السنة التحضيرية والثانية اني اتعلم الانجليزي .. فأنا اقصد ان جات المنحة السنة اللي بعدها رح اقدر احول انتظام وكل شي وانا اساسا داخة انتساب برسوم بدون يعني منحة من داخلية .. لاني قلتلك لمن الوالد راح العمادة ما قبلوا الاوراق مع العلم انه نسبة الثنوي فوق التسعين والموزونة 84 وجزاك الله خير على تجاوبك معايا .. ما تقصر ..

أهلين أختي..

أنا أحسب أخدوو الأوراق منوو، معنى كداا إنهم لساا ما فتحواا القبول، ودحين قريت ف رد وحدة من الطالبات تقول إنوو التقديم يوم السبت، ع العموم انتي سوي اللي عليكي والتيسير من عند ربنا.

وما أبغى أقلك شي مني متأكد منوو، لكن أقترح عليكي تتصلي ع العمادة وتستفسري من أي شي تبغيه، وإنشاا الله ما يقصروو معاكي..

لكن انا بعرف فيه طلاب، نسبهم تكون ضعيفة ف الثنوي، ويدخلو يدرسو انتساب، ومشاا الله ف الجامعة يجيبو نسبة عالية ف السنة التحضيرية، والجامعة تحولهم انتظام، يعني التحويل ممكن، وأتمنى كمان تتأكدي انتي، لأنووو داا مستقبلك وما أبغى أكون سبب إني أقول كلمة وتكون غلط.

وياريت تقولي السبب اللي ما خلاهم يقبلو الأوراق؟!!
هل لأنوو ما فتح، ولا لأنوو نسبتك الموزونة 89%؟؟

لأني اللي اعرفه انا انوو اهم شي الثانوية تكون 90% فوق، الموزون ما يهتمو فيه الا ف المنافسة ع المقاعد.. والله أعلم

ياريت توضحي أكتر، عشان اخواتك يستفيدو منك..

بالتوفيق للجميع يااارب؛؛

[بحر الحرية]

المشاركة الأصلية كتبت بواسطة ضياع الروح كيف قدمتي التقديم يوم السبت ...؟؟ وبعدين يقولووو طالبين نسبه 90 و فوووق ...!! وابغى اسسأل ضروري نقدم من قسم الاولاد .. ولا نقدر نسجل من قسم النسساء طمنيني خايفه اتأمل ع الفاااضي

اهلين أختي..

مو خسرانة شي، إنشاا الله يوم السبت يتبين معاكي كل شي.. والنسبة انشاا الله بلسم حتأكدلك هياا..

وروحي قسم النساء، إنشاا الله يساعدوكي يااارب، ومنتي خسرانه شي يعني..

إلا اداا كنتي من براا جدة وصعب تجي فاتصلي عليهم بالتلفون..

ع العموم الله يسهل عليكي ويحققلك مرادك ياااارب؛؛

[Dedy~]

مين قال أنو السبت؟؟؟
أنا قدمت !!من بعد ماطلعت نتايج التحصيلي
:(
90% المطلوبه نسبة الثانوي مو الموزونه
هذا المكتوب بالاستماره الخاصه لتسجيل الغير سعوديات

[بحر الحرية]

المشاركة الأصلية كتبت بواسطة dedy~ مين قال أنو السبت؟؟؟ أنا قدمت !!من بعد ماطلعت نتايج التحصيلي :( 90% المطلوبه نسبة الثانوي مو الموزونه هذا المكتوب بالاستماره الخاصه لتسجيل الغير سعوديات

أهلين أختي ديدي..

الله يسعدك ياارب، وإنشاا الله تكوني أفدتيهم، لأني برضوو كنت بقول 90% الثانوية مو الموزونة، بس قلت امكن اتغير النظام..

ع العموم إنشاا الله يستفيدواا منك البقية ياارب، والله يكتبلك القبول وتكوني وحدة من طالبات الجامعة السمستر الجااي يااارب..

موفقة لكل خير؛؛

[هيدرانجيا]

جزاكي الله خير اختي بحر الحريه موفقه بئذن الله ^_^

صورتك الرمزيه خطيره ^_^ <<لازم اعبر ^_^

[Dedy~]

السلآم عليكم...،
بس حابه أتأكد الأدبي بياخدوا للنسبه الموزونه
20% تحصيلي ، و30% قدرات ، و 50% ثانوي
ولا كيف؟؟؟؟

[blsam]

أخويا بحر الحرية الوالد لمن راح ما قبلوا الاوراق ولا اعطوه استمارة وما قالوله سبب الا انه (ما بدأ التسجيل) <<< كيف هذي انا مادري
ولا وضحوله شي غير كذا !!!
مع العلم انه نسبتي فوق التسعين ..
وأختي dedy انتي كيف قبلوا اوراقك ؟؟ وابوكي كلم مين هناك بالضبط واعطاه الاستمارة .. ؟
لاني انا ماني عارفة بالضبط هل الوالد ما عرف مين الشخص المسؤول هناك ولا اش بالضبط ... وخايفة يروح الوقت عليا وانا ما قدمت !!!

[Dedy~]

^
^
^
ممممممم عادي راح الوالد وسألهم عن قبول الغير سعوديات وأعطوه استماره عباها
وقالولوا تعال تاني يوم وأعطوه رقم للمعامله عشان وقت المراجعه
وإن شاء الله أحاول أتأكدلك بالضبط وأردلك لو كان في شي تاني غير اللي ذكرته
لله يوفق الجميع يآرب :)

[بحر الحرية]

المشاركة الأصلية كتبت بواسطة هيدرانجيا جزاكي الله خير اختي بحر الحريه موفقه بئذن الله ^_^ صورتك الرمزيه خطيره ^_^ <<لازم اعبر ^_^

وإيااكي يارب أختي..

بعدين أناا أخوكي موو أختك

ع العموم شكراا لمرورك والله يوفقك ياارب؛؛