اشبعوا فضولكم بكل مايجول في خواطركم عن السنة التحضيرية * مُحَدثْ *

[Reema12s]

شكرآً حبيبتي
ربي يوفقگ ويسعدگ ...❤
حمستييني

[ALFN]

المشاركة الأصلية كتبت بواسطة ALFN من الاستعلام حتلقي الدرجات + رمزها + المعدل وحساب المعدل + المكافاه تحت اخر شي يبين لك رصيدك وكل مايخص المكافاه

*تساؤلات عن اوديس بلس *


" تعديل و متابعة "


كيف احسب معدلي ؟

عشان تحسبي معدلك غلطت قبل وقلت ف الاستعلام , ولكن دحين حعدل وحقولكم بالخطوات

1



2



3



^ حتختاري المادة , عدد ساعاتها و تخمني كم الدرجة اللي حتاخذيها

وبعد ماتخلصي وتحطي موافق او تنفيذ

حيطلع لك تحت المعدل اللي ممكن تاخذيه ع حسب درجاتك

__

وانا برضو عندي موقع احيان احسب منو معدلي

هذا هو

هنا

&

يتبع

[ALFN]

المشاركة الأصلية كتبت بواسطة reema12s شكرآً حبيبتي ربي يوفقگ ويسعدگ ...❤ حمستييني

العفو ياعسل

امممين يارب وياك والجميع ..

دوم يارب

[ALFN]

المشاركة الأصلية كتبت بواسطة ALFN * تساؤلات عن أودس بلس * __ ثاني شي : من فين اعرف درجاتي ؟

* متابعة *

تكلمت قبل عن الدرجات ,

لكن عندي مادة كذا ناقزة احيان تكون مكان درجاتها غير عن المواد الثانية

اللي هيا الانجليزي ..

و دي الخطوات





2



3



^ حتكون كدا لحالها
_


او يحطونها في موقع خارج الاودس

اللي هوا

ELI < اضغطوا ع الكلمة حيظهر الموقع



&

يتبع

[ALFN]

المشاركة الأصلية كتبت بواسطة ALFN اللي هيا الانجليزي .. يتبع

*متابعة*

دامنا اتكلمنا عن الانجليزي

حتكلم عن نقطة ثانية ..

حيطلبو منكم في كل ليفل اوراق للملف

هيا عبارة عن انشطة تحلوها في الكلاس ,

وكمان لكل ليفل قصة .. عشان في شي اسمو سيركل ريدنق

بحيث تتقسمو مجموعات وتقروا القصة وكل وحده لها وظيفة

مثلا وحده تجيب سطر من القصة وتعلق عليه , او وحدهه تتكلم عن الشخصيات

ودي الوظايف حتشرحها لكم الاستاذه وحتقسمو بعض بينكم

_

من فين نجيب الانشطة دي ونطبعها ؟

من فين نجيب القصة ونطبعها ؟

+ حتجيبوها وتطبعوها من موقع معهد اللغة الانجليزيه

اللي هوا هنا

كل الاوراق اللي تخص الانجلش حتلقوها ف دا الموقع ,

وطبعا هوا بسيط بس برضو حشرح الخطوات مبسطة

تنزلي اخر شي ع اليسار حتلقي

1


2

اضغطي على




3

حيطلع لك كل الليفلز , اختاري الليفل حقك 1 او 2 او 3 او 4



4

وهنا حتطلع لك الصفحة المطلوبة , ابدي حملي الاشياء اللي طلبتها استاذتك




ان شاء الله تكونو استفدتو

ولا انتو شو رايكن ؟

[nour al3mr]

و عليكم السلام و رحمة الله و بركـآته

تسلم يمنتآك يا مُبدعه على هذه المعلومـآت القيمة و المفيدة
و جعلك الرحمن نبــــرآس من نُـور و ضّـآء لا يخفت ضيـآؤهـ

[ALFN]

المشاركة الأصلية كتبت بواسطة nour al3mr و عليكم السلام و رحمة الله و بركـآته تسلم يمنتآك يا مُبدعه على هذه المعلومـآت القيمة و المفيدة و جعلك الرحمن نبــــرآس من نُـور و ضّـآء لا يخفت ضيـآؤهـ

الله يسلمك ,

آمين يارب وياك "$

نورتي حبيبتي

[ALFN]

بسم الله الرحمن الرحيم ,

نبدأ نتكلم عن المواد مادة مادة ؟

اوك نبدا

انا حابه اتكلم عن الاحصاء اول شي

لأنو مادة نتيجتها فرحتني جدا , بعد خوف وتوتر وتعب

دا الكتاب

هنا

* الصورة من تصويري موجودة ف الانستقرام *

بدآية حتسمعوا كلام كثير انو المادة صعبة , زي الرياضيات , كلها قوانين , صح يجيبو ورقة القوانين بس والله تلخبطي في الاختبار

واحنا اش اتفقنا من اول ؟ نقفل اذانينا عن الكلام السلبي

اللي عليكي انك تسويه عشان تاخذي A+ او A او جيد جدا

* حاولي تحضري المحاضرات حتى لو الاستاذه ماتحضر وتسجل الاسماء وكذا

* استعدي للمحاضرة اكبر استعداد وركزي فيها وفتحي عقلك

* اي شي ماتفهمينة اسألي مو عيب ! العيب انك تسكتي وتمشي على هوا نفسك الين تجيبي درجة مو كويسة ووقتها حتندمي

* أسألي الاستاذه عن ساعاتها المكتبية وغرفتها و ف اي مبنى ؟

الساعات المكتبية : هيا السااعات اللي تكون فيها الاستاذه موجوده ف مكتبها , وماعندها محاضرات وفاضية لأي استفسارات

* استحيتي قدام البنات ؟ ماقدرتي تسألي ؟ اي شي ماتفهمينو وقت المحاضرة روحي لمكتبها < وراها وراها والزمن طويل

* أسألو عن وقت الاختبارات , عشان لو عرفتيها تقدري تجهزي قبلها ودا مو بس للأحصاء ,, لكل المواد

_

انا عني كنت اروح لأستاذتي قبل الاختبار ب 3 ايام او 4 ايام عشان تشرح لي اللي مو فاهمتو

بس قبلها اذاكر المادة واخلص الجزئية واي شي مافهمتو وانا اذاكر اكتب السؤال ورقم الصفحة واجهز الاسئلة

ولما اخلص اروح للأستاذه تشرح لي واكتب معاها

مشيت ع دي الطريقة ف كل اختبارات الاحصاء

ولله الحممممممدد جبت نتيجة سجدت لربي ابكي لأني ماتوقعتها

_

الاستاذه :

انا كنت عند استاذه الله يسامحها جدا شرحها سيئ

وماستنيت وسكت على نفسي , لما شفتها من اول يومين ماعجبتني

وسمعت عنها كلآم سيئ وصراحة شفت نفس الاشياء اللي قالوها الناس عنها بعيني

على طول رحت حاولت احول بإي طريقة ,

ورحت لأستاذه شفياء بمبنى 7 وحاولت منيه مناك وحولتني لأستاذه جمممممميلة جدا

استاذة * هالة فوزي * مصرية حبوبة وشرحها مرا كويس وتفهم

وماقصرت معايا ف ساعاتها المكتبية

__

المادة :

الاحصاء ببساطة مادة سهله ممتنعة مع المحاولة تصير مويهه تشربيهها

ولما يجي النهائي تحسي انك فاهمه كل شي وجالسة تراجعي لأنك تعبتي على نفسك طول السنة

والاسئلة جدا سهله ,

ولا تهملوا بداية السنة الين يضيع الوقت وتجوا اخر السنة تحاولو تفهمو واذا مافهمتو قلتو صعب

ابدي من البداية مع نفسك واهم شي يكون عندك * ارادة وصبر *

_

*مساعدات *
1- هذا واحد ف اليوتيوب جزاه الله خير شرح كل جزئيات منهج الاحصاء تبع التحضيري

اطلعو عليه , وحتلآقو جميع الاجزاء



2- وكمان كتاب التمارين اللي ف الصورة فوق

اشتريتو من مكتبة خوارزم ف الجامعة

__

اي سؤال تفضلوا

وان شاء الله تكونو استفدتوو

[Sara AlGhanmy]

تسلميلنا يارب منجد انتي مبدعه ماشاء الله الله يوفقك يارب

أتمنى كل البنات الادبي يكونوا متفاعلين كده عشان نتقدم ونكون افضل

يعطيكي العافيه ولا يحرمنا منك ولا يحرمك منا

[ALFN]

المشاركة الأصلية كتبت بواسطة sara alghanmy تسلميلنا يارب منجد انتي مبدعه ماشاء الله الله يوفقك يارب أتمنى كل البنات الادبي يكونوا متفاعلين كده عشان نتقدم ونكون افضل يعطيكي العافيه ولا يحرمنا منك ولا يحرمك منا

حبيبتي خددت حموري كذا "$ * حمرت خدودي *

الله يسعدك يارب ولو هذا واجبي لكم يااحلى عسولات

ولاآ منك ومن مرورك يارب