بنات اللي حولوا بسرعه ادخلوا

[soso139]

في بنات معدلاتهم أقل من المطلوب و حولوا؟
تكفون أفيدوني
أنا معدلي 3.69 و مارضولي و خلوني بس أكتب إسمي

[Ξxтяα ςάѓαмεζ]

المشاركة الأصلية كتبت بواسطة redcandle اختي اكسترا تقولك البنت روحي غرفه 12 يكتبوا الي اقل ليش تقولي اش معنى

ماكنت ادري ياااعسل


لانو الحرمة ماقالتلي المفروووض تقولي او توجهنييي :(




ان شالله حروح السبت

[Ξxтяα ςάѓαмεζ]

المشاركة الأصلية كتبت بواسطة لمبه الجامعه شكلها هذي على كيف كيفها التحويل انا معدلي 3.99 وقالت لي اكتبي اسمك اش المصخره هذي وغيري معدلاتهم تحت المطلوب ويحولونهم اش الهبل الي هما فيه انا رايحه يوم السبت وبإذن الله راح اسوي مهرجان لهم اذا ما اعطوني اوراق التحويل

من جد يالمبة مرررررررررا لاتستكي على حقك اول قريت وحدا معدلها 3.77 وحولوها انتي اولى منها طبعن مرررررررررررررا لا تستكي وروحي يوم السبت


ونا كمان حروح


انا لولا انو معدلي اقل من المطلوب ولا كان سويتهلم حرييييييييييقه



مني مقهورة الا من اللي في المركز الشامل :@


وجع مافيهم خير لاحد ولا يساعدو احد يعني احنا اش درانا نشم على قفا يدنآ



استغفر الله بس

[النوري]

السلام عليكم ورحمة الله وبركاته
اخواتي الطالبات اعانكم الله في تصريفات الموظفات التي لا تدخل العقل
انا اختي مثلكم كانت تبغا تحول انتظام حيث ان معدلها 3.88 والحمد الله بعد صولات وجولات تم التحويل
سوف اقص عليكم حكايتنا هههههه
[/color] بداية الحكايه يوم الاثنين حيث ذهبت اختي الى مركز الشامل للاستفسار بخصوص التحويل الذي لا حس ولا خبر عنه كانه واحد مات وتم نسيانه , راحت للموظفه مع جمع غفير من الطالبات الغافلات عن حقوقهم حيث منهن من تقوم باجراءات القبول والكثير منهم تصول وتجول في ساحات مركز الشامل بين الموظفات حيث قالت لهم موظفة الشباك التذاكر ههههه انتي اسمك غير موجود في كشف الاسماء ولاكن انتظري واحضرت كشف اخر ووجدت الاسم , بعدها قالت لها خلاص ابشري يا بنت راح ندق عليكي بعد ما اخذت معلومات عنها خلاص تسهلي بيتكم لاعاد نشوفك يا ويلك تجي ههههه بالعربي تصريف عاد هي ماصدقت خبر سوت زيكم ورجعت البيت على امل الاتصال " في المشمش يا اختي " قالت لي انه صار معاها كذا وكذا قلت لها روحي بكره " على يوم الثلاثاء " رحت اختي ثاني يوم مركز تدمير مستقبال البنات الشامل وسئلت في شباك التذاكر عن وضعها فقالت لها الموظفه انه هي قدمت في الفتره المتاخره حيث انه كان هناك تقديم سابق لم تقدم فيه وعلى هذا الاساس استني ندق -----> كلمتني وحكت لي وش صار فاا قلت لها روحي عند مديرة شي بالمركز فذهبت الى مكتب وحده عندها زحمة بنات نفس المشكله معاهم عاد هذي الاخت وش قالت , يا بنات مافي غير موعد تقديم واحد ولا يوجد موعد سابق ولا لاحق يعني هذا انه موظفة الشباك صرفت من كيسها موضوع فترات التقديم السابقه والاحقه ومن ثم قالت لهم هذه الموظفه راعيت المكتب انه انتم استنوا ليوم السبت نشوف وضعكم وانه دحين جالسين نسجل البنات الي في الكشوف الجديده انتم اسمائكم في كشوف قديمه وبكذا خرجوا البنات من عندها "
انا طلبت من اختي ترجع لموظفة الشباك وتقولها انه هو تسجيل واحد مافي اثنين زي ما قلتي قالت شوووو موظفة الشبابيك هذي انه ايش ما اقدر افيدك " نفسي اعرف موظفين اهلك ليش هنا دام ما تعرفي تفيدي بس عشان تصرفي من عندك ولا تكذبي عيني عينك " , , وبهذا خلص يوم الثلاثاء على هذا الكلام الماصصصصخ
انا يوم الثلاثاء دقيت على مكتب موظفه بالجامعه وحكيت لهم وش صار بصراحه موظفه كانت روووعه , قالت لي هاااا هذي لازم تتحول ليش ما حولوها باقي وقالت ارسل بنتك بكره " وقتها انا فطست من الضحك وين بنتي هذي اختي بس يلا عاد مشيت الفلم عشان يكون لي هيبه , ابوها قالت ههه "
ماعلينا عاد يوم الاربعاء راحت لها وحكيت لها قصتها كلها فاتصلت الموظفه عليهم واستوضحت منهم الامر عاد الاخوات الموظفات بمركز الشامل غيروا الموضوع حيث قالو انها ما عندها ورقه تثبت انها قدمت طلب عن طريق النت " هذي جامعه مو بسطة بطاطس يعني في سيستم وارقام جامعيه تخليهم يثبتوا انها قدمت " انا خريج العام الماضي من هذي الجامعه " يعني مريت في كل انواع التصريف مافي امل يا موظفات تمشوها عيلنا بس وش نسوي انتم يا بنااات ماتعرفوا تتكلموا "
المهم مسكت معاهم انه لازم تجيب ورقة حق الطلب عشان هو كان لازم تطبعها وبدونها ما راح نثبت انه هي مقدمه طلب , بصراحه الموظفه ما قصرت الي اتصلت عليها ارسلتها على مركز الشامل على اساس انه يسون لها طلب جديد يدوي وانا اتابعه في عمادة القبول قسم الطلاب قلنا طيب , هناك في المركز وش قالوا هاتي ورقة الطلب ما ينفع نسوي لك طلب يدوي اتضح عندنا انه انتي لك طلب سابق , طيب يا حلوين هذا يثبت انه انا مقدمه خلاص مشوا امري وانتهينا قالوا لا لازم تجيبي ورقة الطلب طيب من فين اجيبها يا موظفه انا قفلت ايقونة طبات التحويل شلون يلا حليها قالت معرف انا ما اقدر اطبعها من عندي ما نقدر ندخل على النظام طيب كيف ما تقدروا وانتم تعرفون الحين انه في طلب سابق وما راح تسوين طلب يدوي ها يلا فكروا معايه يا طالبات والي تحلها راح اجيب لها هديه حلوه " وربي مصخره " ,
خلاص الحين مافي غير انه تجيبي هذي الورقه يا بنت ونحن راح نبداء معاكي في تحويلك انا عن طريقي حاولت في العمادة حق الطلاب بس بصدق اتضح انه النظام متوقف عشان في تسجيل لفرع الجامعه في الحدود الشماليه ومافي غير انه يوم السبت اقدر اطبع الورقه قت خير ان شا ءالله ,
وقتها طلبت من اختي ترجع للاخت الموظفة الكريمه الي دقيت عليها وتابعة الموضوع فرجعت لها حاولت انه تطبع لها الطلب بس انه مو قادره حيث ان لايسمح النظام الحاسب عندها وليس لها خلفيه عنه لكي نبطع الورقه " بالعربي مافي شي توهقت زينا لانه مافي شي اسمه اطبعي " بس ما قصرت سوت الي عليها حيث انه ارسلت مع اختي موظفه الله بيارك فيها عند الموظفه الي تبغا الورقه وبذالك مشيت الامور وتم القيام بالاجراءات لعملية القبول وبكذا اختي حولت بعد صولات جولات لمدة ثلاث ايام وكل ذالك بفضل الموظفات المتفانيات في عملهم الاتي ساعدونا في عملية التحويل بعكس الاتي حاولنا ان يعطلنا ويقومنا بعمليت التدمير الشامل لمستقبل اختي ومن معها من طالبات الاتي حصلنا على المعدل المطلوب ....

وسلامتكم
ملاحظات :
1-لازم على الاخوات الي معاهم نسخه من طلب التقديم انه ياخذوها معاهم عشان تحطونها في تحورهم .
2- انه تحضرون معاكم اصل الشهادة الثانويه وصورتين طبق الاصل منها .
3- اصل الهويه معاكم كرت عائله/بطاقة احوال , ويفضل صور منها .
4- نسخه لنموذج الكشف الطبي .
والله يوفقكم الى كل خير

[وجل !]

السلام عليكم ،

الله يبارك لكل البنات اللي حولوا والفال للباقين ،

بس بسأل بنات هل يحولون معدل 3.60 ؟!

في وحده حولت او تعرف احد حول بهالمعدل !!

وبالتوفيق للجميع ،

[Ξxтяα ςάѓαмεζ]

النوري امتعتني بحكايت اختك ههههه

اصلن من جد مايبغالهم غير الواحد ينشبلهم في حلقهم


وربي مرررا يقهرووو وهادي حقت الشباك الله ياخدها قااهرتني مرررررررررررررررررررررااااااا


:(



بس احلا شي انك ابوها هههههههه يلا عقبال ماتجيب بنت ان شالله و تتخرج من الجامعه كماااان



ومبرووووووووووووووووووووك على تحويل اختك وعقبالي يارب :(

[Ξxтяα ςάѓαмεζ]

وجل ::

ماعتقد هما دحين جالسين يحولو اللي 4 و اقل بشوية


بس مانزلو عن 3.75

[ساروونهـ]

بنات اذا قدمتو طلب تحويل بالاوديس كيف تعرفي انو انقبل طلبك

[Ξxтяα ςάѓαмεζ]

^^
روحي عند الجدول الدراسي وشوفي فوق مكتوب الحالة : محولة من انتساب مدفوع الى انتظآم



بس لازم تروحي الجامعه طببببببببببببببببببببببببعن

[النوري]

الله يسلمك اكسترا
يلا نسئل الله يوفقك وجميع البنات ويمسكني منصب بالجامعه واسجلكم وربي اسجلكم فيها وانجحكم كمان.... (^_^)
وبخصوص الاخت الي تبغا تعرف ايش صار ع طلب التقديم انا اقولها روحي وانشبي في نحورهم ايش وراكي ناااايمه في البيت مشي حالك بس يومين على قلوبهم فغصي الين ربنا يوفقك وتحولي